][شي فخاطريه وظهرته][

بسم الله الرحمن الرحيم


ليش دوم انا اللي ابدأ ليش هب انتو

يعني كل شي انا انا انا شو هاي الحاله

قلتو مشغولين قلنا اوكي عدهم عذر لاكن نحن بعد مشغولين

يعني لهدرجة الشغل يفركم عن ربعكم ويخليكم تتذكرون نصهم وتنسون نصهم اي شغل ها :Oo:

وبعدين ايون ويقولون انتي ابدئي وياهم لا والله اذا قبل كنت طيبه وياهم واسمع رمستهم
لاكن الانسان لازم يتغير ومايتم على حاله صح بتم طيبه لاكن ماببدأ انا

وشرات ماهم تغيرو انا بعد تغيرت وبيقولون الجامعة غيرتج بقولهم لا وانتو الصادقين
الجامعة وعتني من اللي انا كنت فيه

بس نصيحة اقولكم اياها لاتعتذرون بالدراسة والمشاغل ترا نحن إلا اول سنه جامعة وماحيدكم ستويتو بنات تخصص والشغل لين راسكم ترا كلنا بنات جامعة واول سنه بس مانتعذر بالدراسة :k_no:

وصدقو اللي قالو يوم بتسيرون الجامعة بتعرفون امنو صدق اربيعتكم وامنو هب اربيعتكم

بس بعد لني انا طيبه وماحب اخلي اللوم على غيري

بعذركم وبقول انتو مشغولين وان شااءالله يوم تفظون تتذكرونه متى مادري بس في يوم من الايام


واخر شي ربي يوفقكم مهما يستوي بتمون اربيعاتي اللي عشت وياهم عمر ومستحيل انساكم اذا انتو نسيتو اربيعتكم انا ماروم انساكم


ادري تقولون شو يابها هني ^_^ وشو يالسة تخربط


بس قلت لازم اظهر اللي فخاطري ادري كلام مخربط بس ستحملويني ماحصلت غير ها المكان :a033:


السموحة منكم

خويتكم

الدلووووعة:12:

انا في البدايه تحريت تقصدينا >_<

هيه صدقج
جلبتي المواجع

الحمدالله ربيعاتي كلهم اوكي ولين الحين يسئلون
بس وحده خونت فينا
وملجت ونحن اخر من يدري
كااانت صدمه الصراحه
ومووول ما توقعنا منها

حبيبتي الدلوووعه في هذي الدنيا بتلقين الزين وبتلقين الشين
والصديق الوفي هو الي بيتم وياج على طول وبيساندج

حبوبه الجامعه ما اتغير مثل ما قلتي لا بالعكس تصقل شخصيتج واتعلمج الي ما كنتي اتعرفينه

والناس اجناس وايدين أمثال الي تطرينهم منتشرين بكثره وعذرهم ما يقنع ياهل ,, انتي عليج انج اتعاملينهم بالمثل

الله يعينج

بس زين الواحد يظهر الي فيخاطره

تحياتي
:14:

هدي أعصابج أختي الدلووووعة وانشالله ربيعاتج قروا الرساله ...
بس لاتقولين ليش انا دوم اللي ابدا يمكن ربيعاتج يعرفون ان احسن المواضيع تي منج فهم ينتظرونج انتي لين تبدين ..................
والسموحه...

تسلمون والله

وبرد عليكم شخص شخص ان شاءالله

بـدايــة الطـريـق.