الاحتفال بأعياد الغير.. شو رايكم..؟ new year قرب..

السلام عليكم ورحمة الله وبركاته،

أنا عندي سؤالين..

السؤال الأول:
شو أهدي اختي وريلها في رأس السنة؟؟

السؤال الثاني:
الإحتفال ب new year.. شو رايكم فيه؟؟


بس بغيت أخبركم عن رايي شوي..
أنا برايي، ما عندي مشكلة إذا ما أعتبره شيء ديني.. لأن أنا أفكر فيه كترفيه ووناسة ونشر السعادة بين الناس.. وليش ما نشارك غيرنا أفراحهم وأعيادهم.. نضحك معاهم ونغني.. هدفنا: نشر المحبة والسعادة بين الناس.. :a074:

واتريا ردودكم.. :2:

بالنسبه لي هاي الاحتفالات عاديه لكن ما تستهويني الشي الوحيد الي ممكن اسويه بمثل هاي المناسبه اني اتمنى سنه سعيده للكل وادعي انها تكون احسن من الي قبلها *_*

انا ما أأيد ولا ضد يعني محايده

هوّ مش احتفال بكثر ما هو تهنئه .. و أشوف هالشي عادي!!

مشكورة اختي الجنيه عالمرور..
رايج يهمنا.. بس نسيتي اتجاوبين عالسؤال الأول...

مشكورة اختي بوظبي عالمرور..

ردوا عالسؤال الأول لو سمحتوا :d014:

اوبس سوري يدوه عن تصرطينا *_*


مممم برأيي تاخذين لهم طقم عطور او ساعات حلو

اما اذا صدق تبين شي مميز وحلو وفريد احم احجزي لهم في واحد من المطاعم الراقيه والرومنسيه وادفعي الفاتوه مسبقا + خليهم يزينون المكان بطريقه حلوه ويستمتعون بعشاهم

انا الصراحه عن نفسي ما اهتم بهذا الشيء لآنه بالاساس حراااام !!!

شرات اجنا ما نحتفل بعيد الفطر وعيد الاضحى ... هم عندهم عيد واحد ( الكريسيمس ) يحتفلون فيه ، واحنا المسلمين ما لنا دعوه فيهم.

قال تعالى : (( ومن يبتغ غير الإسلام ديناً فلن يقبل منه وهو في الآخرة من الخاسرين ))
سورة ( آل عمران : 85 ) .

لا يجوز مشاركة الكفار في أعيادهم للأمور التالية :
أولاً : لأنه من التشبه و " من تشبه بقوم فهو منهم . " رواه أبو داود وقال
عنه الألباني رحمه الله : حسن صحيح ( صحيح أبي داود 2/761)

قال عبد الله بن عمرو بن العاص من بنى بأرض المشركين وصنع نيروزهم
ومهرجاناتهم وتشبه بهم حتى يموت خسر في يوم القيامة .

نيوو ييرز اييف

همممم

مايعنيلي شي غير شلق برج العرب وريسوولووشنس.. يعني احط لنفسي أهداف أحققها خلال هالسنه.. بس مب انه اتخبل نفس الناس واسوي حفله وهالخرابيط لول

أجوفه شي عادي


هو مب عيد .. مجرد يوم .. ف أحس عادي يعنيي ..

السلام عليكم..

الموضوع بالنسبالنا لا يتعدى كونه نقطه انطلاقه لحلقه يديده من الحيــاه.. و كأنك تبدا صفحه يديده من حيــاتك..

ومن هالمنطلق نبدا بتبادل التهاني بسنه يديده و حياه سعيده..

و احنا اتعودنا على التقويم الميلادي كونه هو السايد عدنا .. بس مثلا في السعوديه اهتمامهم بالسنه الهجره اكثر لدرجه اذا قلتيلهم شهر 2.. ع طول ايي عبالهم شهر صفر و احنا ايي عبالنا فبراير ..

..

بس الموضوع ما يوصل انا نحتفل بالكرسمس.. وبابا نويل..

.
.

ممم انا بعد النيوو يير ما يعنيلي اي شي .. :) .. الا انهم يعطونا اجازه فيها p=

عن سؤالج الاول .. احس لو تأجلين الهديه وتعطينها حق اختج وريلها فعيد الأضحى أحسن .. من انج تعطينهم فرأس السنه .. وشو تعطينهم عاااد مممم .. على حسب عمرهم .. بس احس عطوور حلوو ..

ولا جان تبين شي خطييييير .. في محل فسيتي دبي واااااااااااايد يعيبني .. اسمه على ما اظن wizz مجابل فيرجن .. يبيع اشيااء عجيبه ... يعني اييد مقطوعه وتمشي .. اشياء جه .. "just as a joke u know" هههههه احسه ونااسه ..

احم وان شاء الله اكون فدتج فشي اختي .. :)