سوالفنا...و...طلباتكم

السلام عليكم ورحمة الله وبركاته...

اشحالكم بناتنا رواد واحة المرأة والمجتمع حبيت من خلال هالموضوع أطرح فكرة جديدة ان لقيت النجاح بنستمر عليها إن شاء الله ..

الفكرة أستوحيتها من شيئين بالدرجة الأولى كثرة المواضيع الاستفسارية في هذه الواحة وثانيا دردشة الأصدقاء...من خلال هالموضوع بنسولف عن اهتماماتنا وبنستفسر عن شغلات في الموضة والديكور والصحة...يعني سوالف بنات وشو نحب وشو استايلنا في اللبس...

طبعا أباكم تمرون على الموضوع كل يوم عشان تشوفون استفسارات خواتكم وتساعدونهن اذا عندكم الحل...وطبعا اذا اخوانا الشباب حبوا يشاركونا في النقاش على الرحبة والسعة والأهم احترامنا لبعضنا وانه الدردشة ما تخرج عن حدود الإحترام...

طيب بطرح موضوع شو استايل كل وحدة في اللبس انا من جهتي احب البساطة ولبس الأجانب ومعظم لبسي على الاستايل الاوربي هذا طبعا في محيط المحارم واحب البساطة في المكياج أحب اكون على طبيعتي بدون مكياج في الرحلات وفي الحياة عموما الا في المناسبات وزيارة لصديقات احب اكون مميزة ....يالله قولولي شو عندكم...؟؟؟


على فكرة خاطري في حزام ذهبي مات وناعم يعني حلقاته صغيره وين ممكن القاه في كليرز مثلا وما ابا شيء غالي...اباه ناعم وطويل .

همممم حزااااام ماعرف الصراحه ماداني الأحزمه وايد =s


ستايلي انا .. صعبه هههه
من ناحية الميك أب .. قولي من صفر .. ل أكثر شي احطه جحال وقلوس وساعات فاونديشن.. مستحيل تجوفيني باكثر عن هذا.. حتى لو في الأعراس .. أبويه اخس شي عنده البنت الى تحط ميك أب.. ف عشان جي
يعني ترومين تقولين ناترل .. الا يوم احط جحال ملون:biggrin:

في الثياب
ساعات استوي عيوز .. وماحب ألبس غير الجلابيات
بس يوميا في الجامعه
قولي جيينز وقميص وجوتي بالارينا ولا زنوبه وعباه وسكارف


اوه صح
أبا أقول شي
سواء للبنات ولا الشباب
لاتلبسون لبس مطرطرررر .. اخس شي عندي يوم حد يلبس جينز ولا قميص مطرطرر .. جنه جلب ماكلنه ولا شارينه من زباله >_<

مساء الورد ,,

الموضوع فكرته حلوه واحس انه بيخدم الواحه بشكل كبير *_*

وناسه يكون لنا موضوع انسولف فيه بكل الي نبيه ع راحتنا ,,,
أنا عن نفسي تقدرين اتقولين عندي استايلين مختلفين تماما ,, يعني للشغل والأماكن العامه ما احط ميك اب ولا ذره ومن حيث العباه واللبس احبه يكون شي بسيط ورسمي يعني بعيد عن الحشره والبهرجه ,,
الاستايل الثاني عكس الاولي تماما يعني بين ربيعاتي وفي المناسبات احب اكشخ ع الآخر ودايما احب اتفرد بلبسي يعني امكس بين الألوان والالبسه بس النتيجه تكون حلوه ,,,


مول الامارات عندهم محل فيه اكسسوارات ومن ضمنها الاحزمه شكلها حلو ومميز واسعاره معقوله بس لا تسأليني عن اسم المحل او مكانه الصراحه ما احفظ

شمعه ذكرتيني بنفسي ذوقي صعب بمعنى اني ما اقتنع الا بشيء في بالي واحب يكون شيء من تصميمي او اذا جاهز احب اركب ما اشتري بدلة جاهزة يعني شيء خاص فيني ...بس احلى شيء يحبه ريلي سريعه في الشوبينج اعرف شو ابا يوم اسير المول تصدقين اني اسرع منه في اختيار ملابسي وهو يوم نشتري لبس للسفر وايد يحتار قلت له طلعت اخبل عني في الملابس ..

انا بس يقولج من فترة حبيت شغله وهو اكسسوار اكثر من انه حزام ما اعرف كيف اشرح التنورة بي هي بيج مات وخليت الخياط يخيط الاطراف بالذهبي يعني وايد ناعمة فحبيت يون الاكسسوار عباره عن سلسلة رفيعه وناعمه..

شمعه انا ما احب التقليد الاعمى للغرب...ولي عودة عبود يبا ينام

سلاام

وايد حلوه فكرة الموضوع , مشكوره :blush: ..
بدال ما كل واحد يحط موضوع يسألعن شي معين في سطرين
يقدر يستفسر هني !! بحيث أن يكون الموضوع شامل لكل شي يخص الموضه وجي ..


هممم :k_icon9:
كيف ستايلي أنا ؟

جوفي أنا مول ما ألتزم بالموضه
أقصد اوكي بلبس شي ع الموضه بشرط أنه يناسبني لكن مب أن هاللبس ع الموضه لكن مب حلو عليه

واصلن أحلى شي أن الواحد ينفرد بستايل خاص فيه
وأنا وايد أحب الأشياء الـ Funkyah :inlove:
أي شي غريب أحبه .. و بنوتي على ستايل .. وأحب أركب أشيا على اللبس بطريقه حلوه ..

وسبحان الله الحين اللي يعرفوني قامو يعرفون ( كيف الياه ) يعني إذا جافو شي في محل ستايلي أنا
سيده يقولون ايييه هاذا وايد الياااااه لووول

.
.
.

طير
انا سريعه في الشوبينغ بعد:biggrin: أكرهه الشوبينغ الماصخ الى يوم ياخذون سنه ويدشون مليون محل ومايطلعون الا بكيسه وحده:3:
انقهر
عشان جي ماحب اتشرا ويا خواتي .. لازم بروحييي .. احب الشوبينغ بس مب الماصخ الى ياخذ مليون سنه لين ماخلص:fa46:


انا عندي نفس حركه اسويها خخخخخخخ
ادش المحل وأوقف في نصه
بعدين اخذ لفه بعيوني واجوف شو عندهم .. وبعدني واقفه في مكاني
اذا شي في داخلي يقولي *هيه في شي لج هني* اتم واتحرك واجوف شو عندهم
اذا شي في داخلي يقولي لا مافي شي أطلع من المحل:biggrin:
وكل الى يشتغلون في المحل جي يجوفوني >>> O_o

حلو الموضوع وحلوه فكرته

انا من النوع اللي مايعيبني اي شي بس شو المشكله انا من النوع اللي يوم اتيني وحده من هيل اللي يبيعن فالمحل ويلسن يحشرنج على شي
طبعا تعرفون اني استحي اقولهم لا ماباه وجي فشتريه مرات ايبولي شي صدق صدق انا مايعيني ها الشي فقولهم لا مابا ها بس اخر شي اطر اخذ منهن من كثر مايحشرني ^_^ ومن بعدها ماحب ارد ادخل المحل مره ثانيه لني استحي اقولها انتي سيري وانا بشتري بروحي ^_^ وطبعا ها الطبع هب حلو ابد بس انا اكثر شي احبه التنانير والكنادير

وطبعا انا فالجامعة ماحب اكشخ وجي لنه اصلا ريايل يدرسونا فأكون اغلب الاوقات بعباه مسكره ولا احط شي فويهي واربيعاتي دوم يقولن نبا نشوفج بجحال عالاقل لاكن انا ماحب ها اول شي وثاني شي اخوانيه مايرضون

بس برع الجامعة يعني يوم بسير عند حد وجي لا طبعا لازم اكشخ وطبعا ماحب احط فول ميكم يالله جحال وكلوس وشوري بلشر بعد هب دوم ^_^ ترا البساطة يمدحونها ^_^

والله عن سالفت الحزم وجي تعرفين اني مرات اشتري ويا البدله حزم لاكن ما البسهم ^_^
بس دوري فمحل من محلات بوظبي مول يمكن تحصلين فدانكي اتوقع ولا انتوتا

هلا انا وايد احب هالمواضيع :biggrin: . .

شوفي .. انا عندي اربع لوكّات

1- الجامعه يوم ما اتفيج صدق اكون مب متفيجه.. البس اي شي وعباه واطلع
2- الجامعه يوم اتفيج .. صدق اتفيج يكون كل شي على ذوقي وطبعا ما اكون over!!

--

الطلعه 1 : يوم اطلع طلعات سريعه ( يعني من دون تخطيط مسبق ) البس كاجول على سبورتي :icon_rr:
الطلعه 2 : يوم اطلع طلعات وكون مزهبه عمري .. اكون صدق صدق كاشخه بحدود الذوق طبعا :redface:

--

أكره سوالف كشخه البنات اونه يوم بيلبسون من ماركه ..بيكون من فوقهم لين تحتهم بس هالماركه
أكره سوالف الـ Bling Bling وااااااااااايد .. يا ربي صرت اعتبر البنت الي تبلبق بنت ماعندها ذوق و cheap wayed cheap
اذا بحط ميك اب .. احطه خفيييييفف .. وحتا ربعي يقولون لي يعني انتي حاطه شي اصلا مافي شي ينبان
معني من هاذاكي الصوب حاطه كل شي .. حمدلله ميك ابي بروفشنال مب نفس الميك اب العربي
انا من النوع الي يخلط في لبسه بين الماركات وبين العادي ( ما عدا قوم مانغو وزارا و برومود = ما افكر ادخلهم ولا اشتري منهم ( its like you buy from them somethin w e6qmon wya kell elbnat ) Opsss.. la esm7olle i hate this
عبّيي وشيلي معظمها ساده .. احس الساده ارقى و عملي اكثر
حمدلله يوم البس شي .. يستوي موضه :police:
العام سويت عباه ذهبيه عليها خطوط ع الجوانب والحين تقريبا كل مسوي هالعباه
وهالسنه سويت عباه فيها تطريز مغربي وكلحد قام يسوي تطريز مغربي
وقبله سويت عباه ساده صوب اليد شويه واسع ( خمس ونص انجات ) وصارت احينه موضه
وهي صح .. صرت اكرررررره اكرررررررره العبي الضيجه .. كل عبيي واسعه احسها القنت اكثر و صدق عباه .. مب ما ادري شوه !
امممممم . .شو بعد؟ .. هي صح ما أحب الشعر المصبوغ .. احب الالوان الطبيعيه وايد ..
ولأني اكره المجوهرات والاكسسوارات .. وايد اهتم في سوعي ( وايد احب السوووووووع )
شنط إيدي ثلاث إستايلات
1- حق الظهر جيه
http://img.timeinc.net/instyle/image...0606_phi_b.jpg
2- وعلى هالدزاين إذا ظاهره المسى ( حق عشى / سنما ..
http://img.timeinc.net/instyle/image...felixrey_b.jpg

3- وأعتمدها كبيره اذا كنت طالعه من الصبح ( اصلا معظم الاحيان كبيره لأنه تشل كل اغراضي )
من هالاشكال او
http://img.timeinc.net/instyle/image...6_chanel_c.jpg

الإسباي اليديده :heart:

والنعول .. نادرا ما البس كعب .. ثلاثترباع نعولي و جواتيه فلاتس وبسسس

الجنيه...تعرفين احس معظمنا لنا اكثر من استايل... انتي شراتي اشتري من المحلات وما اعرف اساميها...تعرفون ساعات اكون لابسه شيء ماركة وما ادري مجرد انه عجبني هالشيء..ما اركض وراء الماركات...وأحس اني اشبه ستايل بوظبي بشكل كبير

صدقج الياه...بيرحون اعصابي اذا بيطرحون اكثر استفساراتهم في هالموضوع احسن...أقول شو تقصدون بـ Funkyah

شمعه...انا بعد الوحيده بين خواتي السريعه في الشوبينج تعرفين اعصب اذا اطلع اشتري معاهم وايد يحتارون وعقب ما يشترون شيء هالعمرة سويت بهم شيء عجيب رحت معاهم الاسبوع الي طاف واخترت لهم وقلت جربوا اقتنعتوا يلا خذوا يلا نروح ماتوا من الضحك على اسلوبي وايد ضحكنا في هالطلعه...في حركة ما احبها في المحلات وخصوصا اذا تلحقج الحرمه وين ما تروحين عشان تحببج في السلعه تخيلي انا وريلي نمشي وهي ورانا...سيده اقول نطلع من المحل هالسوالف ما احبها ما يخلوني ادور شو ابا تيلس تعرض شو في المحل وتعور رأسي...


الدلوعه....شوفي شو كتبت فوق انا استحي اقولها في ويهها روحي فاطلع واقول شكرا...انا ريلي ما يحب الغلوس...يحسه ملفت ...يحب الالوان المات الهادية وهذا يناسب شخصيتي وايد.


بوظبي تشبهيني في الاستايل بس في هوس السوع لالا...وما احب المجوهرات وايد حتى يوم عرست شريت شغلات ناعمه على استايلي مع احب الدفاشه اهم شيء ما اعرف اطلع بدونه دبلتي احسني مضيعه شيء اذا ما لبستها...

تعرفون شو اكثر شيء مستحيل استغني عنه...جينزاتي...عندي جينزات من اكثر من سبع سنوات وفي بنات خاطرهم في الاستايل يوم اقولها هذا عندي اياه من سنين ينصدمون ...

تعالوا منو الي يحب يشتري من باريس غاليري عطور....بخبركم شيء عن العطور عقب...حد شم عطر مارفلست...


منو منكم تدوام على عمل حمام زيت لشعرها..؟

انا ما أسوي حمام زيت إلا مره كل شهرين ( يوم اقص اطراف شعري ) لأن دكتوري قالي ان حمام الزيت مضر .. لانه يعتمد على البخار علشان يفتح مسامات الشعر والراس .. فبعد ما نسوي حمام زيت يقولون لج منابت الشعر اتم مفتوحه !! فيا يتساقط او تدخل الدهون الي الشعر يكونها داخل الشعر فتستوي إلتهابات تعفس الشعر ..

عن نفسي احط دهن هملايا وايد زين مافيه ريحه ومش sticky و صدق بتحسون انه يسوي تغير ع الشعر

وعن الشامبوهات استخدم هالشامبو وي الماسك و الرش بعد السباحه

أستخدم هذا في الصيف

http://www.hairstyling.co.uk/acatalog/sebonew.jpg

وهالنوع في الشتا

http://www.hairstyling.co.uk/acatalog/newvolumesham.jpg

كنت قبل استخدم

Kerastase Bain Vital Haute Tolerance بس احينه out of stock
اللي هو هذا

http://abrianivelroa.net/temporarysi...L-SHAMPOO2.jpg


هذا بالنسبه للشعر :14:

السلام عليكم..

بوظبي..

من وين تاخذين هالشامبو ؟

من صالون الرياييل الي مجابل كارفور في امرتس مول ههههههههه

انا كل اسبوعين اسوي لاني احب المساج الي يسونه لفروة الراس وشعري قام يطيح من الحمل والرضاعه فقالوا لي حمام الزيت يغلظ الشعر...تقصدين هالماركة الي تنباع في الجمعياتhttp://img132.imageshack.us/img132/5590/dsc00026gs9.jpg

ههههههه... ماعليه.. رياييل ولا غيره.. المهم انه زين :14:

لانه شعري ما يستحمل اي شامبو.. وايد اتلعوز

..

و زيت الهمالايا يبالي اجربه.. لانه مااا اداني الزيوت من ريحتهم.. :fa55:

لأنه دايما مخلص من صوالين الحريم ..

أكيه كيسته .. واكتشفت ان له فرع في الستي حق بنات ديره

هذا مال الصيف خذته قبل لا يحلو الجو .. الحين خذو الثاني

http://oasis.bindubai.com/bin/attach...1&d=1166278183