هلا اختي بسمة الروح ..
حياج الرحمن بالأسرة اللي توني منضمة لها ^_^ ..
يعني معاج عالخط ..
.
.
.
وآسفة إذا دخلت قبل بدون تعقيب .. لكن لأني انشغلت بشوية امور ..
ولأن موضوع مثل اللي طرحتيه اختي مانقدر نعقب عليه بدقيقتين ونمشي ..
.
.
احسنتي اختي باختيارج لموضوع حساس .. أسمع أنواع من شكاوي غريبة بهذا الخصوص .. !!
وأمور ومشاكل ما تنعد بسبة هالموضوع ..
فما اختلفنا في إن كلنا نحتاج إلى هذا الاحساس الطيب .. والذي يسمى بالحب ..
ولكن في هدف نيله .. يغفل عنا إن الناس أجناس .. وأفكار مختلفة ..
فمثل ما إن نبي الأطراف المحيطة ابنا تمنحنا هذا الحس الطيب .. لازم بالمقابل نحاول نفهم الأساس
اللي يتعامل عليه "س" من الناس معانا ..
ومثل ماقالت اختي الجنية .. لكل منا اسلوبه الخاص في الكشف والتعبيرعما بداخله من أمور ..
ولازم نراعي هذي الشغله ..
اختي ..
فلكل فعل سبب .. ولكل سبب دافع .. وبالمثال اللي طرحتيه .. اللي يضم موضوع الأبهات
الله يحفظهم ويغفر لهم بدنياهم لآخرتهم ..
أهمه ما بدر منهم هذا الفعل .. إلا لسبب حبهم لنا .. دافعهم بالأول والأخير .. راحتنا ..
وتوفير كل خير بمقدورهم لنا .. وإن كان لهذا الأمر تقصير بنواحي معينه .. لكن هدفهم ونيتهم
صافية .. واهم ما بيتعمدون اظهار أي تقصير .. بالعكس .. أهمه نصب عينهم راحتنا ..
وهذا بحد ذاته أكبر أنواع الحب الصادق ..
لكن يبالنا نفهم .. نحسن الظن .. نبادر .. ونحب ..
...
وترى الدنيا أخذ وعطا .. واللذة مابتي إلا لما بننحرم بالبداية ..
وإذا لقينا الحياة كلها مسرات .. لأصبح مصطلح المسرة مبتذل ..
ولكانت المسرة وقتها .. وبحد ذاتها .. مشكلة ..
.
.
ودايما وابدا .. (( إن مع العسر يسرا )) ...
.
.
اممم ..
وكالعادة ..
اعذروني عالاطالة .. :)
.
مشكورة اختي بسمة عالطرح الطيب .. والهادف ..
" واختي الجنية .. وأخوي سفير الخيال .. استفدت من ردودكم الطيبة ^_^ "
وتقبلوا مني كل ود .. وتقدير ..
اختكم أنامل قلب ..
.
.
.
