خـــارج النـــص مـــع طيـــر الحـــب

بسم الله الرحمن الرحيم

http://upload.bindubai.com/download/...ej-elna9-1.gif

بالبداية نرحب فيك ف برنامج خارج النص
:10:

ممكن ندخل ف الأسئله الشخصية وبالأحرى الخاصه وبعدين ف شوؤن الواحات
طاااف !

الأسئله الخاصة :ــ

الاسم ؟
أم عبدالله

العمر ؟
26

مكان السكن ؟
حاليا بوظبي

طالب او موظف ؟
ربة بيت ومستمتعه بهالدور للحين

متزوج او عزوبي ؟
متزوجه

هوايتك ؟
وااايد
السباحه..القراءة...ركوب الدراجات على انواعها..السفر...الكتابة...التصوير
العب سوبرماريو في البلاي ستيشن ...واحب الالعاب الي بالموبايل...طبعا ريلي تعقد من هالسالفه ...بعالم ثاني وانا العب ...أحب المغامرة وايد
هذا الي أذكره

ممكن جدول اعمالك اليومي او بالأحرى سيرتك ويياتك اليومية ؟
ماشيء أرقد لين الظهر أقوم اسوي شيء للغدا ..اغسل ...اكوي ..العب مع عبود..اقرأ وايد احب اقرأ ...ايلس على النت...وفي الويك اند طبعا هياته

ممكن تذكر لنا المواقف المحرجة اللي مرت عليك ؟
موقف محرج ما اتذكر يمكن لأني ما احب أنحط في موقف محرج...واحاسب من هالشيء

ممكن تذكر لنا مواقف اثرت عليك ؟
وفاة يدتي الله يرحمها احس اني اتوله عليها رغم مرور 8 سنوات
والحادث الي صار لي من اربع سنوات احس اني اخاف أسرع

شو امنياتك ف الحياة ؟
حسن الخاتمه والله يحفظ لي ولدي وزوجي ويرزقني بنت

الأسئله الواحاتية :ــ

شو تعنيلك الواحات بشكل عام ؟
بيتي الثاني وفيها ناس وايد اعزهم

شو اهتماماتك الخاصة فـ الواحات ؟
أحب الخواطر ولو اني ابتعدت عنها واحب المواضيع الي تخص المجتمع

من اصدقائك المقربين لك فـ الواحات ؟
صديق كلمة كبيرة الانسان الي ممكن أبوح له واعطيه ثقتي
سفير الخيال..الشوق..طفله...عايش وهم
وحاليا أحب أضيف حلم الطفوله وبوعبدالرحمن

من العضو المبدع فـ رأيك فـ الواحات ؟
الي يجبرنا على الوقوف بذهول امام مشاركته

من المراقب المبدع فـ رأيك فـ الواحات ؟
من يملك القدرة على التجديد

افضل ثلاث مواضيع كتبتها ؟
مواضيع لم اكتبها بعد

افضل ثلاث مواضيع قرأتها ؟
بظلم اكثر المواضيع الراقية بالواحه القيمة لو اخترت

هل تريد بأن تقدم شكر او عتب لـ عضو او مشرف ؟
خنفروش
لأنه دائم الغياب
واذا حضر لفترة بسيطة

اعضاء دايم يكونون ع بالك ولو خارج الواحات فمن هم ياترى ؟
الصراحه اكثركم

اشياء ندمت عليها ف الواحات ؟
طيبتي التي وصلت لحد السذاجة في أعوام سابقة

شو الأفكار اللي عندك وتحب تضيفها لـ واحة الاصدقاء كونك ضيفها لهذا البرنامج ؟
أنت أبو الأفكار يا اخوي

كلمة تقدمها لـ البرنامج واعضاء واحات بن دبي من دون استثناء
أحبكم في الله
:smile:

3 ــ 11 ــ 2006
9:08 م

الله يوفقج بحياتج يا رب

السـلام عليكم ,,

تـسلم اخويه الم ترى على النـص الجميل مـع عضوتنا الحبووبـه والمتميزه طـير الـحب:a050:


ربي يحفظج يالغلا ويخليي لج عبد الله وأبو عبدالله ,,

موفجه دووم :h_qor9anah:

طير الحب.. احس اني اعزها وااايد .. واحس انه شخصيتها تشابه شخصية الشووق.... ودووم اتاابع ردودها.. احسها انساانه وااعيه بكل شي..

ربي يحفظج اختي طير الحب..

خارج النص مع أم عبادي ..
امتعتنا اخويه محب الشيخين (( ما تخلينا نتعود على اسم واحد.. كل ما نتعود على اسم .. غيرته ))
والله يوفق ام عبدالله ..

شهوودة انا بعد احس ان في اشياء متشابهه بينها وبين الشوق .. الله يخليهم لنا ..

الله يحفظ ام عبدالله وعبدالله وبوعبدالله ..

والسمووحة

طيـــــــــــر .. ليكون انا وانتي كوبي بيست
.
.
.
شو رايج ... انتي مثلي .. والا انا مثلج .. هيههيههي
(( ام عبادي .. حبيبتي ومن المقربات جدا للقلب ))
احبها واحترمها واعزها و.. كل ما اقول طيروه متى بشوووفج .. اتقول جريب ..
وتنشغل ,,,
وعلى المسنجر .. كله مشغوووله في الطبيخ والكواي والتنظيف واتلاعب عبود ..
بس هي والطيبه .......... والمرح ماشاء الله دوووم فيها
الله يهينها ويحفظها ياااااااااااارب من كل شر
والسموحه جني طولت
.

ياسلام عليج يام عبادي =)

والله يهنيج بحياتج ان شاء الله

السلام عليكم...

اتمنى انك تعذرون عدم تواجدي في الفترة الحالية وان شاء الله برد على الجميع على بداية الاسبوع الياي...اسمحوا لي على الغياب ...عدنا اجازة أسبوع :)

الشوق...انتي الي مثلي لأني اكبر منج بشهرين بالضبط... :) كنت بتصل فيج اذا عندج اجازة يوم اباج توديني مكان في دبي تيلفوني مغلق اليوم لانه مودتنه يصلحونه طرشيلي مسج اذا عندج اجازة... :)

لي عودة

الســــلام عليــــكم...

طيــــــر الحــــب.. أم عبادي

احس انها انســـانه طيــــــــبه لابعد الحدود و هالشي اللي امخلنها جداً حريصه في تعاملها في الواحات..

صريحه و اللي في قلبها على السانها..و ما اتحب المجاملات..

وووو..

عندها ولد كيوووووووت .. اسمه عبادي.. ^_^

..

ربي يحفظهم جميع ان شاء الله ..

تم ارسال نسخه لـ موضوع ذكريات الأصدقاء

ام عبدالله :smile:

غـــاليه عليـــنا هذي الإنســـانه جــــدا لأنهـــا وبكل صراحه
بسيطه وعفوية في التعبير والكلام
محتــرمه لأبعـــد الحدود
وطيبـــه وحنونه إلى حد الامومه

وإذا سفير حب يدعي لها يقــــول:
الله يعطيها العافيــه ويرزقها حسن الخـــاتمه
آميـــن يارب

ومثل ما إنتي بسيطه يا طير, سفير يقول لج ببساطه
شكرا من الروح

أم عبادي
ما شاء الله عليها مبدعة وطيبة وقلبها كبير
الله يحفضها لزوجها وولدها ويحفضهم لها
..

بسم الله الرحمن الرحيم ..

اشكر كل من شارك وزار هالطرح المتواضع بضيفنا الغالي ام عبادي :fa35: ..

ينزل من التثبيت ..

دمتم بحفظ الله :12: ..

السلام عليكم ورحمه الله وبركاته...

أشكر اخوي بوعبدالرحمن على الاستضافة واسمح لي ما شفت السؤالين بالبادية او ما فهمت اني لازم اجاوب عليهم


بوزايد...الله يوفق الجميع شكرا على الحضور.


تنينة...شكرا على الدعوة الحلوة...ربي يحفظج لأهلج وتفرحينهم إن شاء الله .


شهودة الأمورة...تسلمين عزيزتي...ربي يحفظج...شو رأيج تغيرين الجملة الي بتوقيعج.


عنود الريف...وربي يخليج لأهلج ويوفقج في حياتج.


الشوق...والله مب بيدي تعرفين لازم الشارجه والخور كل اسبوع واذا لقيت وقت فاضي خواتي يشغلونه سيري معانا...تعرفين كم عندي أكثر من 5 طلبات ربيعاتي يبوني ازورهم وكله مأجل لين شهر واحد ان شاء الله....تعالي يوم بيبرد الجور بنروح مكان بخبرج عنه انا وخواتي وربعنا...تعالي اختي دوم تذكرج يوم التقينا في الخور وتقول هاي فنانه شرات خبالنا...بنتفق بس من تردين من الدوام ماشيء رقاد...ربي يحفظ صداقتنا.


خيال...الله يحفظك لأهلك ويفرحهم بتخرجك.


شوق...أحرجتيني قد البحر...الله يحفظ يـــــــــــــا رب أخت وعزيزة

بوحميد...من الخاطر ...وايد الي قلته...بحتفظ فيه ...شكرا يا أخــــــــــــوي....الله يفرحنا فيك


هواجيس مشتاق...والله يحفظك لأهلك ويحفظ لك كل غالي.


ألم ترى... شكرا من القلب....واسمحولنا لو ثجلنا عليكم....بإنتظار الضيف القادم:a033:



لكل من كانوا هنا سواء بالرد او القراءة:a070: