عساكم طيبين .. مرتاحين ... :thumbup1:
هممم كيف ابتدي الموضوع ... :look:
فكرت بإني أغير تفكيري .. من أي ناحية !!
من ناحية إنه نخفف الانتقاد على فلان وفلان .. ممكن في انتقاد بنّاء
لكن شو المقصود من كلامي
على سبيل المثال .. عندك صديق يحب طلعات البر او البحر بشكل عام يحب الرحلااات
يقولك والله يافلان طوف بنسير المكان الفلاني .. رديت عليه أنا ماحب اسير ...
شو يسيرك ... وطبعا ماتتجاوب لرغبته .. كونك تحب ظهرات المراكز والسينما .. الخ
هو يعرف غيرك يعني صداقاته واسعة ... اختار حد من ربعه وظهر ويااه .. اتصلت به وعرفت إنه ظاهر لرحلة ... وتميت تقول له انا ماحب أسير
خلاص انته رفضت تسير وياه .. ليش يوم ظهر مع غيرك تقوله له رايك .. رايك مب ضروري
دامك مالبيت رغبته ...
بس بما إنك تحب تسير المراكز .. تصر على ييته وياك ويرافقك في حضور فيلم أو على عشاء في مطعم
شكل انته ماتحب يمكن هو كذلك مايحب .. والسالفة مش سالفة عناد .. ممكن بعد هو يجاملك ويسير مرات وياك ... كونكم اصدقاء ...
زين تتخيل عمرك تعطي الرقم السري لبطاقة البنك لربيعك ؟؟؟
ممكن يكون ردك .. طبعا مب اي حد .. بس اللي اثق به ..
والخيانة من منو تصدر غير من اللي وثقت به ( طبعا مب كلهم ) ولكن توجد حالات
كيف بيكون تعاملك مع هالشخص اللي امنت عليه وخدعك
أو امنت عليه على معاملة يخلصها لك وخذلك ..
هل بتاخذ موقف منه وإلا من كل الناس .. هل صار لك موقف مشابه له .. هل عطيت الطرف الآخر فرصة وفعلا حسيت بتغير يوم عطيته فرصة .. وإلا غنك من موقف تركته .. هل عرفت ااسبب اللي خلاه يصدر منه هالتصرف ؟؟!! ليش نحكم بسرعة .. ليش ماتدرس الموضوع ..
صح يقولك " الباب اللي إيي منه الريح .. سده واستريح .. "
