منو منكم جرب الـ MAC

السلام عليكم

بغيت اعرف,
حد منكم يستخدم الماكنتوش,, و اذا حد منكم جربه ممكن تقولون لي شو الفرق بينه و بين الـ PC العادي

شو ايجابياته و شو سلبياته مقارنة بالكمبيوترات العاديه العامله بنظام الويندوز


في انتظاركم اخواني و خواتي :a050:

السلام عليكم..


والله ماعندي خلفيه تفيدك ..

ان شاء الله الاخوان يساعدونك

ولو تبيني اسال .. حاضرين بسالك

بسم الله الرحمن الرحيم

تفضل ها الموقع بالعربي واتمنى أنه يفيدك ، وأنا طبعا أكثر اللي أقرأه بالإنجليزي فإذا كنت من هواة القراءة بالإنجليزي خبرني بعطيك وصلات بتستفيد منهن أكثر ، لأني صراحة ما أعترف بالمعلومات العربية ...

http://www.mothhel.net/vb/archive/index.php/t-6593.html

على فكرة ، أنا ناوي آخذ الماكينتوش ، لأنه فعلا يستحق المبلغ اللي بيندفع عليه .

الســـلام عليــــــــــكم..

المـــــــاك في مميــزات جداً حلوه .. مثلاً :

- لا يعلى عليه استخدامه للالعاب و هالسوالف ، لانه قوي للانيميشن و الافلام.

- غالبيه الفايروسات اتكون مصصمه للوندوز فقليل ما تتأثر بهالمشاكل

- اغلب الناس برع يستخدمونه عكسنا و هذا دلاله استخدامه الحلو.

مره كنت يالسين انشوفه .. الـ PC العادي عباره عن شاشه و كيبورد و ماوس.. فقط لا غير.. كل سوالف الـهارد ديسك حاطينها ويا الشاشه.. يعني كمبيوتر نظيف مب مبثل اللي عدنا شابك مليون واير..!

والماك وايد بروفيشنال .. و ان شاء الله اختي ناويه تشتريه قريب.. و اذا اتعودت عليه ان شاء الله بخذ وراها :)

ع بالي الكوزمتكس ..لوول !!

الماكنتوش .. رااائع،، مع اني ما جربته بس ناوية اشتريه قريب . . .
وبإذن الله برجع وبخبرك أكثر عنه بعد ما اجربه ..

تسلمون على مشاركاتكم و تفاعلكم

ابن الخطاب,, تسلم الغالي على اللينك

بصراحه تشجعت عليه اكثر و اكثر من خلال الكلام الموجود في اللينك
:k_smartass:

==========
اليوم سرت اشوف لابتوبات الماك,, بصراحه اسعارها جدا معقوله بالنسبة للمميزات الي بحصلها

الموديلات العاديه اسعارها في حدود 6000 درهم

و الـ Mac Book Pro بين 10-12 الف
أضغط هنا

بو 17 انش سعره بالضبط 12500 درهم

و كل لابتوبات الماك حاليا ممكن نركب عليها ويندوز كـ نظام ثاني :thumbup1:

بصراحه انبهرت فيه

و

I think that I'm in LOVE :love:

بسم الله الرحمن الرحيم

ذنيني ...

توكل على الله وخذه ... وأنا راح آخذه إن شاء الله على السنة الجديدة لأنه راح يكون معالج ال Intel مطور أكثر وسرعته أكبر .

كل التوفيق ... ونحن في الخدمة .

هممممممممممممم

أنا متلعوزة ويا الDell مالي ،،

شجعتوني بصراحة

ومن وصفكم أحسه فنان ،، وسعره جدا معقول ،،

ذنيني ،، عقب ما تاخذه قولنا رايك ،، يمكن نلحقك وناخذ نحن بعد :)

نظام التشغيل ماكنتوش هو نظام سريع و عملي و دقيق و ابسط من الوندوز طبعا للي متعود على الوندوز بيحسه جديد عليه لكن بعد فترة بيتعود مشكلة الماكنتوش الوحيد ان ما عليه برامج اعمال مثل المايكروسوفت اوفيس و تكون مقلدة و توفر على الواحد فلوس مثل الوندوز تقدر تحصل الاوفيس في اي مكان لكن اوفيس لماكنتوش فلازم تشتري الاصلي و قيمته حدود 750 او 1200 درهم بصراحة ماعندي اي فكرة و شي ثاني ماشي العاب لى الماكنتوش تستحق الذكر لكن افضل برامج التصميم و الاخراج السينمائي متوفرة للماكنتوش طبعا نسخ اصلية ما شي مقلد و ما انصحك تشتري اي ماكنتوش في الوقت الحالي لان عقب كم شهر بينزل نظام التشغيل اليديد من ابل Mac Os X Leopard و فيه مميزات اضافية اما عن نظام التشغيل الي استخدمه فهو Mac Os X Tiger و بالتوفيق.

و كل لابتوبات الماك حاليا ممكن نركب عليها ويندوز كـ نظام ثاني

العملية مب سهلة مثل ما تتصور اول شي لازم يكون عندك وندوز اكس بي الاصدارة الاخيرةو تكون اصلية و تكون عندك الة طابعة حتى تطبع الارشادات و لازم تسوي Backup للملفات في النظام و يكون نظام تشغيلك الماك update و شي ثالث حتى لو كانت الديوال بوت من ابل تدعم النظامين مب معناته ان الكمبيوتر في احسن حال فالواحد لازم يكون منتبه

انا استخدم المكنتوش
المكنتوش للدزينير زين
بس الناس الي ما يدرسون دزين او ما يشتغلون في الدزاين
احسلهم اذا يبون كمبيوتر دزاينر ياخذون من الpc العادي الي يكون فيه شاشة دزاينر
طبعا بخصوص البرامج الوندوا يختلف اشوي

و عن الكيبورد في صعوبه للي متعود على الكيبورد العادي لان في الماك الفصوص شوي غير
ما في الاختصارات مثل الاختصارات الي في pc
و الماوس بعد غير لان الماك بس فص موس واحد مافي ايمن و ايسر

و برامج الدزاين استخدامها احلا على الماك

و ما اعرف اشرح وايد

مع تحياتي

صح مب بسهوله تحصل برامج الماك
يعني اذا ماكنت في جامعه او شركه لازم تشتري كل برنامج بروحك و كل برنامج يكلف 5000 و اكثر
و مافي تكنشن وايد يعرفون للماك

فنجان قهوة الماك نظام تشغيل مثل الوندوز لكنه اسهل بمراحل من الوندوز و اكثر اناقة و ثبات من الوندوز و حاليا يصنف كاقوى نظام تشغيل في العالم ... اكيد التصميم هو احد المجالات الرئيسية لاجهزة الماكنتوش لكنها بعد تقدر و بكفاءة انها تكون اجهزة حاسوب شخصية تتجاوز اجهزة البي سي بمراحل ... المشكلة الوحيدة هي مشكلة البرامج ... صح ان الماس ضغطة وحدة فتقدر لكن تقدر تحصل الضغطة الثانية اذا ضغطت control و بعدين كليك ... الماكنتوش في حلول لكل المشاكل ....

وايد أوكيـــه =)

^
بالزبط