.. :: بصراحه انتــه ما تستحـــي ؟؟ :: ..

.. الســــلام عليكــــم ورحمـــة اللــــه وبركــاته ..

يحكــى أن قصة واقعيــة حصلت في إمــارة من إمــارات الدولـة ، شـــاب لعــوب يوقف كل يوم أمـام مدارس الفتيــات ، ومطوّل على صوت المسجــل .. ويالله بدا خبال الريّــال والحق البنات .. إلا إنه كان يلحق بنيّــه كانت كلّـه اتطنشــه .. وكله يطرشلها رقمـه وغيره من اسلحتـه إلا إنهــا بائت بالفشل إلا إن يوم من الأيّــام اصر الولد إلا تعطيه ويه وتاخـذ رقمــه .. ووقت شافت إنه ما استحى ومصمم إلا تاخذ رقمه .. هدّت عليه هـــد :d014: وفشلتــه جدام كل البنــات .. ( وصار ويهه هالكبر :k_shock_1: ) .. ودارت الأيّــام ونفســه الولد رد مره ثانيـه سار واتقدّم للبنت والبنت ما رضت إلا أنه أصر وحاول معاها إلا ان رضت وملج عليهــا .. بعد الملجــه اتصل فيهــا وقالها : ( أنا ملجت عليج عسب أغصص عليج وأطلقــج ) وطلقهـا .. والله يعين البنت ساعتها .. وإلي صار إن الأخو ضرب الولد ضرب .. إلى آخره .

قصـه .. بسيطــه .. بالمختصر المفيـــد .. من الواقع .. وإلي يالس يحصل من بيــن المجتمع .. الزبده أو القصد من هذا الموضوع .. إن شو يستفيــد الشـــاب من إنـه يلحـق البنــت و يحط من قدره كرجـل.. ويصبح بطّالي الناس اتشوفه وتستنكر فعلته .. ويهين نفسه عشان خاطر رقم ولا عشان إن البنت بس تعطيه ويه .. ؟؟

عجيــب .. إن كثرت سوالف لملاحق .. والأعجب إنكـ تسمع والله فلانه كان يلحقهــا واحد من الشغل إلى بيتها وهوه لازال يطرشلها مسج وهيه اتسويله رجيكس .. عجبا ما يستحي على ويهه ؟؟

يا اخي الشاب .. أفهم الكلام .. وعيش بين المجتمع وكون إنســان متحضر .. حافظ على مكانتك كرجـل .. و كون مثال قدوة لباجي الشباب بأنهم يحتذون حذوك .. ولا تهين نفسك .. عشان رقم .. ترا هالعاده شينه .. والله حللكـ الزواج ياخي .. عرّس وخذلك بنت الناس .. اتصل فيها قد ما تبا .. حلال عليكـ .. ريّال والكل يحترمك .. على سنة الله ورسوله ، أما أنكـ ترمس بنت الناس من ورا اهلها .. وبالدس و اسبب لنفسكـ المشاكل .. ( ليش كل هذا ؟؟ ) عيب يا خوي عيب عليكـ .

أستفسار لأعضاء :-

- شو رسالتكم لهذا الشاب ( إلي يلحق البنات ) .. ؟؟

- شو الغلط بأنه يلحق بنات الناس ؟؟

- شو الخطأ إذا رقّـم بنت كانت تتحرش فيه وتبا رقمه ؟؟

- ما هو المبدأ إلي تخطّـاه هذا الشاب .. أو .. شو الأخلاقيات إلي نساها هذا الشاب ؟؟

أتمنى أستفساراتي أتكون واضحـــه ولا تحرموني من تواجدكم الطيّب بارك الله فيكـــــم .


:: .. المقاتل .. ::

السلاااااام علييييييييييكممم

- شو رسالتكم لهذا الشاب ( إلي يلحق البنات ) .. ؟؟
كبّر عقلك و get a life

- شو الغلط بأنه يلحق بنات الناس ؟؟

طبعا غلط .. تشويه منظر + إزعاج وعدم راحه + خساره وقت

- شو الخطأ إذا رقّـم بنت كانت تتحرش فيه وتبا رقمه ؟؟

شوه؟ ما احس اني فهمت السؤال عدل :Oo:

- ما هو المبدأ إلي تخطّـاه هذا الشاب .. أو .. شو الأخلاقيات إلي نساها هذا الشاب ؟؟

في نوعين من البشر ..

ناس تحكم تصرفاتها عقول .. وناس تحكم تصرفاتها شهوات

يوم واحد ما يفكر بمخه ويركض ورا ملذاته .. يكون حيوان بشكل انسان
ويوم واحد مخمخ وحكّم عقله في تصرفاته وابتعد عن هالخربطان .. يصير انسان


والسمحولي على الاختصار الصريح :vampire:

في ظاهرة فالموضوع محد رمس عنها الزواج والطلاق صاروا لعبة عندنا جوفوا إحصائيات الطلاق في الامارات ..؟؟!!؟؟

السلام عليكم


اخويه المقاتل ...ما شاء الله شاد حليك بمواضيعك المميزه ... :fa47: كل التوفيق إن شاء الله



بالنسبه للقصه اللي عرضتها واقعيه 100%وأنا أعرف مديرة إدارة تقدم لها أحد موظفيها ... وطبعاً أول ما وفقت عليه قدم استقالته من جهة عمله عسب ما يستوي يشتغلون في نفس المكان ونفس الإدارة ...المهم .... هيه كانت شخصيتها قويه ومن النوع الشديد...بعد العرس وشهر العسل..أول ما ردت البلاد وسارت تسلم على اهلها وقالت بتم عندهم يومين ....وخلال هاليومين وصلتها ورقة طلاقها..!!! واكتشفت انها حامل :3: وكان زواجه منها مجرد إنتقام ...:alien: نذاله ما لها حد ..


وبصراحه أي ريال يفكر هالتفكير ...بيكون عاله على الرياييل ..لأنه ما يعتبر منهم ..:m_bye: والدنيا بترد عليه أكيد في يوم من الأيام ...


قلة الوازع الديني والبيئة تأثر في شخصية الإنسان ..وممكن تخليه يبتعد عن الفطره اللي انوجدت فينا كبشر... الله يعين..




السموحه

:Oo: قهر
قسم باالله لو طااح بيدي ماااراح يسلم
بنااات النااس لعبه
ولا يعني بكذى انتقموووا
يعني إلي طريته ممكن نقول عنه طاايش يااهل بعده يلعب
لكن إلي ذكرتها سبيجه يعني نااس ماتعقل ماتكبر
على الدنياا السلام
لأدقدق ابهم:3: عصبت تراني

وي نسيت اسلم
السلام عليكم ورحمة الله وبركاته
تسلم شيخي عالموضوع إلي على مااظن صاار حياة فئه بالمجتمع ضحيه من ضحايااا اللعب والطييش

- شو رسالتكم لهذا الشاب ( إلي يلحق البنات ) .. ؟؟

خااف ربك واعمل لدنيااك لتنجو بآخرتك
وكما تدين تداان
واكببببببببببر واعقل ترى يمدحوونها العقل والرزاانه
واترك الحركاات البطاليه

- شو الغلط بأنه يلحق بنات الناس ؟؟

الغلط بإنه بكذى يرخص بحاله و بنفسه والكل يشمئز وينفر منه
وفكر فيها يا اليهاال الدوور لازم يطيح عليك

- شو الخطأ إذا رقّـم بنت كانت تتحرش فيه وتبا رقمه ؟؟

الخطأ إنه يشجعها على الغلط
ياخي إنصحها نصيحه حلوه وخاصة البنت ترتعب واتووب وتتقفط "مااظني:m_afaker: "

- ما هو المبدأ إلي تخطّـاه هذا الشاب .. أو .. شو الأخلاقيات إلي نساها هذا الشاب ؟؟

نسى إن فوقه من اقوى منه وهو مش ظاالم لعبيده والظالم مايدووم
وتعدى حدود المسلم واخلاقياااته و تجااوز خطوط العيب و الخوف من رب العالمين ومن رمسة الناس


بالله نستعين

إذا أول يلحقها مثل ماقلت .. فالحين فالطرق اتعددت لكن في النهاية النتيجة وحدة ..
شو يعني يفتح البلوتوث ويحط رقم موبايله ...
أوكي حد نك نيم عسب ربعك يطرشون لك شي معين مب رقمك عسب بنت 14 سنة
تاخذ رقمك وتتصل بك !

يقولم الشاب أنا مصرح لي اسوي جيه لين ما اتزوج .. تراني بعدني اعزوبي ويوم
يتعود على هالعادة الشينة تلقاه عقب العرس يبحث عن اليديد ويستمر ( الاغلبية منهم )

إذا في يوم شفت العكس .. إنه البنت هي اللي بدت .. يقدر يتجاهلها ... ويجسها ..

تسلم اخويه عالموضوع

والله انا دوم يخطر هالسؤال فبالي شو يستفاد الولد يوم يرمس البنت غير الخساير والبنت شو تستفاد من انها ترمس شباب غير رمست الناس عنها ؟؟


- شو رسالتكم لهذا الشاب ( إلي يلحق البنات ) .. ؟؟

اقوله شرات ماتسوي فبنات الناس ترا بي يوم بيستوي في خواتك ها الشي او حد من هلك
وخلك ريال وهد هاي السوالف البطاله اللي مامنها فايده

- شو الغلط بأنه يلحق بنات الناس ؟؟

لا ابد ماشي غلط بس
يهين عمره وكرامته على شي مايرزه

- شو الخطأ إذا رقّـم بنت كانت تتحرش فيه وتبا رقمه ؟؟

الغلط انه هو ليش يعبرها ترا شرات هاي الاشكال محد يعطيها ويه لنها ماتستحي عويها وقوات عين فيها بها الشي اللي تسويه ( وانا لو منه بقولها ان لم تستحي فصنع ماشئت وبمشي عنها ^_^)

- ما هو المبدأ إلي تخطّـاه هذا الشاب .. أو .. شو الأخلاقيات إلي نساها هذا الشاب ؟؟

نسى ربه ونسى انه عنده خوات وانه هان عمره وققله وازعة الديني

والسموحة منك اخويه

شو رسالتكم لهذا الشاب ( إلي يلحق البنات ) .. ؟؟

.... FF0000- شو الغلط بأنه يلحق بنات الناس ؟؟

الغلط انه يقلل من مســتواه ، ويصير شــاب ماله قيمه لا عند هله ولا الناس ولا المجتمع
يصير انســان مريض متخلف ،

- شو الخطأ إذا رقّـم بنت كانت تتحرش فيه وتبا رقمه ؟؟

الخطأ انه يعالج الغلط بالغلط ، لو هي ماتستحي ع ويهــا ، خل عندك احترام والبسها وسو لها طاف
عسب تعرف انكـ احسن واعلى عنها وارقى من مسـتواها وعسب تستحي ع ويهـا وماتكررهاـ
وانت جيه بتكون رزيـــن

- ما هو المبدأ إلي تخطّـاه هذا الشاب .. أو .. شو الأخلاقيات إلي نساها هذا الشاب ؟؟
نسى بان الدنيـا داوره
نسـى بانه هنـاكـ رب يمهل مايهمــل..
نسـى انه له قلبـ ، ونزع معـنى الانسـانيه من قلبه وصـار وحش بشري

انا براي بكل بساطه انه نسا انه اللي هو يسويه في بنات الناس

بيسوونه الشباب في خواته ..تراه كما تدين تدان
واللي ما ترضاه على نفسك لا ترضاه ع الناس

ووو اذا بنت ما تستحي اتحرشت فيه يرقمها تراها هي جنت ع نفسها
بس لا ينسا انه مثل ما رقمته رقمت غيره يعني ما تصلح لا كحب ولا كزوجه

والواحد يفكر بعقل قد ما يقدر

والله يهديهم جميع ان شاء الله