عرض للطباعة
السلام عليكم ورحمة الله وبركاته
الله يخليكم ساعدوني ......... لاعت جبدي من هالفيروس اللي فالكمبيوتر .؟ الظاهر انه مب واحد وايد فيروسات ...
فيه فايروس إسمه تراجون Trojan ووايدين غيره .
شو أسوي ؟؟
أنا أبا أسوي فورمات للكمبيوتر ؟ ممكن تقولولي كيف الطريقه .... أبا أمسح الفيروس طفرني . حتى النت مستوي بطئ
ممكن المساعده
أتريا ردودكم على أحر من الجمر
إختكم
السلام عليكم
شو برنامج الحمايه الي عندج؟
مرحبا اخويه
برنامج الحمايه اللي عندي ( أنتي فايروس )
بس تراني مب عارفه كيف امسحه ..... يوم اسوي Scan يظهرلي انه الفيروس موجود . بس ما يقدر يسويله مسح .
عشان جيه قلت لازم استشيرالخبراء .....
تسلم اخويه عالإهتمام
ليش مب قادر يمسحه؟؟
الانتي فايروس الي احيده انه لو حصل فايروس يحطه عندج في اللسته
ادخلي ع reports
واضغطي ع اول كلمه بتحصلين الفايروس هناك وامسحيه
سوي update لبرنامج الحمايه .. بشكل اسبوعــي.. لو ماكنتي حاطتنه اوتوماتيك
وخبريني شو بيصير وياج
لو ما نفع
عليج بالفورمات يمدحونه
بسم الله الرحمن الرحيم
البنوتة :
Trojan هذا نوع من أنواع الهاكرز ، والأنتي فايروس ما يقدر يمسكه ، لأن طريقة عمل البرنامج هذا هو دخوله من الأبواب الخلفية لجهازك .
حذفه معقد اشوي ، وما أظن بتقدرين له .
فأفضل شي بالنسبة لك تسوين فورمات للكمبيوتر ، خاصة إن جهازك يحتوي على فايروسات كثيرة .
وحبيت أعرف شو نوع الأنتي فايروس اللي عندك .
على العموم ، إذا كنتي من هواة الdownload ، فالأنتي فايروس ما يكفي ... لازم تنزلين برامج حماية ثانية على جهازك .
فإنتي محتاجة مثلا للFirewall ، و Antispyware
مري السوق وسئليهم عن : Macafee Internet Security Suite 2006 وهناك ال2007
أما ال2006 فتم تجربته عن طريق الخبراء ... ويحتل المرتبة الثانية عالميا ، أما ال2007 فهو تحت التجربة لكني أتوقعه يكون أفضل من ال2006 .
ونصيحة مني ، الRAM اللي في جهازك أفضل شي ما يقل عن 512 ، لأن البرنامج ثقيل ، أما إذا كان الرام عندك 256 أو أقل فجربي البرنامج التالي :
Panda Platinum Internet Security 2006
والبرنامح هذا يحتل المرتبة الثالثة عالميا ، وهو نوعا ما أخف من الأول .
وتقدرين تدخلين المواقع التالية وشوفي البرامج بنفسك :
http://us.mcafee.com/
http://www.pandasoftware.com/
مرحبا
( ابن الخطاب + خيال الحب )
مب طايع ينمسح:hysterical: والله بنتحر
أنا سويت تحديت للــ أنتي فايروس . بعد مااااشئ فايده ..
انا اشوف احسن طريقه اسوي فورمات . بس مافيه اسير محل الكمبيوترات . ماعندي وقت . الدوام ماخذ كل وقتي وما افضى الا بالليل .....
كيف اسوي فورمات ؟ شئ سي دي للفورمات ؟ موقع ؟ أي شئ .؟
هالفايروس رفعلي الضغط والله
اتريا ردودكم أعزائي
عطيني فرصه بحاول انزل لج شرح بالتفصيل كيفية الفورمات
وسهل ما يباله شي :)
بسم الله الرحمن الرحيم
أختي قلت لك من قبل الTrogan ما ينمسح بالطريقة العادية ، وبالنسبة لك الفورمات أفضل شي .
ولا تنسين بعد الفورمات البرامج اللي ذكرتها لك ، لازم تحطينها .
نزلي برنامج اسمه :
spyware doctor
:)