اف .. شو هاييلا الكليات ؟؟

السلام عليكم ورحمة الله وبركاته

الصراحة ما اعرف وين اكتب ها الموضوع ..
قلت انا ابا افضفض وبحط في هاي الواحة ..

الحين الواحد مل من الكليات اللي في الدولة .. يعني خليتوا الدراسة مجانية اتذلونا .. الحين واحد من الاهل يبا يكمل دبلوم عالي ذلوه .. قدم في ابوظبي ذلوه .. وفي دبي بعد ذلوه .. وجوابهم المعروف : " ماشي ميزانيه !!!!! "

كيف يعني ماشي ميزانيه .. الصرفيات على الكافتيريا .. الرحلات والسفريات .. النشاطات .. بدل ما يسوون ها الاشياء يسوون غرف دراسية .. ييبون مدرسين .. يدخلون اكبر عدد من الطلاب .. لان هذيلا اولا واخرا عيال دولتنا .. واللي بيتخرجون هم اللي بيخدمون الدولة .. يعني باختصار الدولة مش خسرانة شيء .. بالعكس الفلوس اتيي واتروح .. بس الشاب المواطن المتعلم هو اللي يبقى وينمى ..

في خاطري وايد كلام .. بس اخاف اتقولون لي جاوزت حدودك .. لان صدق ها اللي من اهلي راح للي فوق واشتكى .. والجواب : ما عندنا شيء انسويلك !!!!!
لان صدق في اشياء اتنرفز .. اتخيلوا الامارات من الدول المتطوره ومن الدول المتقدمة .. فيها الامكانات والسياحة وما ادري شو .. بس يوم اتروحون للتعليم بتحصلون ولاشيء مقارنة بالدول الثانيه !!!

سوري واسمحولي على الاطالة ..
واشكركم على تحملي ^___^ ..

والله ياخويه
شو بيدنا نسوي انا بعد في وحده اعرفها
تبا تكمل دبلوم عالي كانت فالعين والحينه تبا تكمله فبوظبي
بس قالولها انه ماشي مكان

وانت ها اللي من هلك قالوله ماشي ميزانيه

بس ماباليد حيله

تصدق اول مره اسمع جيه

كل شي جايز


الله يستر من الياي


تسلم ع الطرح

تسلمون على الردود ..

ولكن اريد نقاش وحل ...

اسهل شي .. تحولون جامعه خاصه وبتفتكون من عوار الراس ^_^

مادري ليش احس إنك تتكلم عن كلية التقنية لانه أنا سوا بي جيه ... انا ماخلوني ادرس مب اكمل اونه ماشي كرسي ...

يبيعــون كرااسي في الجمعيــة .. لووول

شمعة امل ..

انا مخطط ادرس في جامعه خاصة ^__^ ..

المزوحي ..
ترا مثل ما قتلك يذلونك على كل شيء ..
جنه نحنا يايين نتشحت عندهم .. لو يبون بيزات بنعطيهم احسن من المذلة ..

أحسن لك . . بتفتك والله .. مول مايذلون الشخص في الخاصه الحمدالله .. بس الشغل وايد .. مب مال اي كلام