بيـــض + بيـــض !

السلام عليكم والرحمه
.
.
ابي كل واحد فيكم يدخل الموضوع يعطينا الطريقه
او بالأحرى الخلطه الي يسويها مع البيض !
:smartass:
بيض عيون
سمن عربي ونكسر البيض
وطبعآ من القشر لـ التاوه وبدون ما يصيره شيء
لجل تكون العين صاحيه شرات راعيها
brgll:
بيض وجبن
بعد ما نحطي البيض ع التاوه فبيستوي صح !
اول ما نقلب البيضه نحطي عليها جبن مال البتزا او العادي المربعات بو اكياس
فصدق اللي ما جرب هلأكله طافه نص عمره
:ice:
بيض وجبن ونقانق
جدر صغير مع زيت بسيط
نقطع النقانق ع طريقه دائريه
بعد مايحمر النقانق نحطي معجون طماط
بعدها نحطي البيض وانتم نخلطه لجل نقطع البيض صغار صغار
جربوها لئنها بالفعل خباااااال
:yes:
.
.
يلا كل واحد يشارك بالطريقه اللي يسويها

وعليكم السلام ..

محب الشيخين شو ياينك هاليوميــن على الأكـل أشوفك صاير صدق
شيف وكيف يوم طالع بأكله وعقبال الخلطات السريه
انزين بخصوص النوع الاول بيض
عيون تراني
خبير في الموضوع هذا بس قطعت فترة طويلــة نسبيا والحيــن يوم
رديت أحس ماقدر اخلي العيون على قيد الحياة يعني
فهمتها وعن الطريقة الثانية ماعرف وين
ماكلنها بس من الوصفه
تبين انها عجيبه وعن الطريقة الثالثة يمكن تكون حلوه بس عن نفسي
فحياتي ماأكلت نقانق ولا ناوي آكل طول عمري ماعرف
شو السبب بس خلاص يعني شي
مايدخل الخاطر أبدا
:no0:

في أنواع ثانيه ومنها بيض وشكر أكله جديمه بالنسبه لي ذوقها مره
بتاكلها كل مره بس ماعرف بالضبط كيف يسوونها ولا
كنت بشارك فيها فبكتفي بمتابعتي
لك وللأعضاء هني
وشكرا

الاســـطـــوري
أخوكم

:mar7aba:
.
.
يالله يا شيف محب الشيخين لو تنــزل كـتاب طبخ حق رمــضان بتسوي خير فالبنــات وأولهم انا
brgll: .. brgll:
بصــراحه طريقــتك الثانيــه وايد عيبتني أحس الطعــم بيطـلع يمي يمي :kcl:
،
بصــراحه الطريــقه اللي نحن نســويها هي نقطع طمــاط ونحطه عالمسخن لين ينضى
وبعدين نحط البهارات ملح وفلفل اسود و بزار ( لوول ) و بعدين نظيــف البيض ويوم يستوي البيض
نهدق البيض ويا الطمااط وجيــه
وفي بعد حد يضيــف زيتون على الخلطــه
وجيـــه
.
.
:bye2:

و عليكم السلام و الرحمه
مرحبا بالاخ محب الشيخين

الوصفات السابقة أعرفها و دايم اسويها

لكن عندي طريقة ثانية للبيض المقلي
لاني كثير اسويها لأخواني

تفرم بصل مع بقدونس أو كزبرة و طماطم و إذا تحب الفلفل الأخضر الحار
ضعه مع الباقي و ضع المكونات في وعاء و ضيف عليهم البيض و الملح و الفلفل
و اخلطهم زين.
سخن المقلاة و ضع عليها شويه زيت؟
و اعمل لك قرص بيض بالخضروات

ان شاء الله تعجبك الطريقة

ولكم مني امقادير ثانيه مع البيض

( بيض -الاومليت )
بيض
بصل
فلفل اخضر
طماطم
اتقصقصونهم كلهم مع بعض
وتخلطونه البيض عدل عدل
وتخلطون المقادير كلها ويا البيض
واتحطونه في التاوه ...
اتحطون القليل من صلصة الطماطم
لا تنسون اترشون عليه الملح + الفلفل الاسود
.
.
.
بيض بالفطر
اتيبون الفــــطر اتقصونه صغار صغار.
اتقصون الطماط صغار صغار
اتقصون البصل صغار صغار
اتحطونه في التاوه اترشون عليه الملح والفلفل
واخر شي اتيبون البيضه .. وتخلطونه ويا خلطة الفطر ... brgll:
.
.
.
ويمي يمي يمي .. حلاتها
اقولك محب الشيخين جربهم .. ترى الخلطه لذيذه وعجيبه :6a: :6a: .

الاسطوري .. بيض السكر مع خبز السليس ..
الله يسلمك هاي الخلطه انا بعطيك طريقتها

ييب ( خبز سليس ) هالمربعات
وقص الاطراف منهم
اخلط البيضه في مله اخلطها عدل ورش عليها ( اشوية شكر )
حط خبز السليس في البيضه .. من وراء وجدام
واخر شي حطها في التاوه واقلبها ..
وطلعها ... ويمي يمي (( كلها ..وهني وعافيه عليك ))
.
.
.
الموضوع حلو وعيبني :ttmasha: عاد ما فيا استغل كل انواع البيض
ابي اعطي فرصه حق غيري خخخخخ وسلامتكم
خويتكم/ الشوق
:fa35: :fa35:

اهلا

وجبةِ المفضله بيض:fa37:
بس صارت من الممنوعات الحين

خلطة وحده ما عندي غيرها :fa38:
وهي بيض عيون مع الطماط

أول شي نجيب فلفل حار نقطعه صغار صغار
تليها تقطيع الطماطم إلى شرائح
ونحط بالمقلى زيت نسبة متوسطه منه
وعلى جنب من المقلى نحط الطماط
والجنب الثاني نكسر عليه البيض مع الحفاظ
على شكل العين ونرد نحط الفلفل الحار فوق البيض
ورشة ملح

وصحتين وهنا
برد احط طرق الوالده في عمل البيض

خلطتك الثانيه يا محب احس بها لذيذه

انا اسوي بيض بجبن الـ شيدار في ليالي اليوع القاسية

استخدم جبن كرافت بو قوطي ازرق, ابشره و اخلطه ويا البيض

و اسوي بيض بالمشروم و النقانق

و مرة جربت اسوي بيض و جبن مالح "فيتا" و طلع عجيييييييب

:fa35: يعيبني البيض:fa35:

بس أندم عقب ما آكله لووووووول لأني أتم أتحجّج ولازم آخذ دوا الحساسيه (طبعا الدوا يرقّد)
يعني معاناه عقب ما آكل البيض :hist: ...

إذا انا فكرت أسوي بيض عـــيون فبدل ما أخليه العيون تنجد بسرعة .. أخلي المحة تكون ناضية

يعني يوم أكسر البيض وأعقه في التاوه .. أييب غطاة جدر وأسكر التاوة عسب يستوي البيض ..

اما الأومليت ممكن يكون بدون شي وأحيانا .. أحط فيه بصل خضر ( عيدان ) يتقطع صغار

وتضربه مع البيض طبعا أكيد ملح وفلفل ... وبس:fa56: