هل التدخين له علاقة بالخيانة ؟

لاحظت في الآونه الأخيرة كثرة عدد المدخنين من الرجال والنساء .. :kkk:

طيب ... هل التدخين له علاقة بالخيانة الزوجية ؟؟؟ :special2: سؤال غريب صح ؟؟
طيب واللي مب متزوج كيف بيخون ؟؟؟
يعني سؤال غبي ؟؟؟
لا ..

ممكن تكون له علاقات نسائية ؟؟؟؟ طيب كيف هالسؤال ... وممكن الحريم يدخنن
هل لهن علاقات يعني ؟؟؟

سبب التدخين على كلام اغلب المدخنين ... نوسع الصدر .. عسب الهموم والضيج والتفكير والخرابيط ..
وإذا صمت بتحس عمرك متنرفز لين عااد ما يأذن المغرب يااادوب تفطر صلب جيقارة ...

خذت نظرة سريعة .. ولا حظت إنه وايدين من اللي يدخنون إن كان متزوج ... له علاقة ..
وإن كان عزوبي كذلك له علاقة .. فهل التدخين مرتبط بهالعلاقات ؟؟؟
يمكن صدفة !!

طيب شو بالنسبة للحرمة .. اعرف وحده تدخن .. مواطنة ... يعني مواطنة ... عادي شو يعني
شو فيها من الغرابة ... يمكن لها حرية الكلام مع فلان وعلان .. يعني مب علاقة غير شريفة
ولكن اسولبها رجالي شويه ..

اما الغير مواطنات ... عادي منتشر هالشي .. اصد يمين قابضة صلب واصد يسار قابضة صلب ..
وهاذيل لهم مطلق الحرية في السيرة والردة والتدخين ...

مسا الخير *_*

المزوحي .. مم خليتني اشك بكل مدخن أعرفه " أقصد من هلي "
عشان جذي أكره المدخنين وما اتمنى آخذ واحد مدخن لانه جبدي بتلوع منه أربع وعشرين ساعه ...

ما أعتقد التدخين له علاقه بالخيانه الزوجيه مثل ما قلت يعني الي يدخن يبدا بالتدخين في سن صغيره يعني ايام المراهقه وهذا طبعا حال الغالبيه العظمى فـ ما أعتقد أنه هذا يعني أنه صاحب علاقات نسائيه .. ممم بس أنت شاب وأكيد مختلط بالشباب أكثر ويمكن تقدر اتأكد العلاقه بين التدخين والخيانه ...


شكلك تبي تبدا معايه الخيانه لا يا حبيبي هونك اشوي هونك انا الي بنهي اليوم قصة هوانا وانا الي ببدا بالخيانه واخونك ... " اهداء لكل مدخن خاين "


ع فكره عنوان موضوعك جذااااااااااااااااااااااا ااب " يعني كذاااااااااااااااااااااب " كيفي

بسم الله الرحمن الرحيم ..

جدآ غريب هالسؤال ! ..

لكن اللي اعرف بأن التدخين ( ملعون ) ! ..

فكيف انسان يغتصب نفسه ؟ ..

لي عوده إن شاء الله ..

:woot:

مـا عـندي أي تعليق ع الموضوع :wacko: ,, مـا أدري ليش أفكـاري مـب راضيه تترتـب ولا كلماتي تنكتـب أهـنه :tounge: ,, يـمكن لأنـها مب مستوعـبه انزين شو الـسالفه :sleepy: ,,

مشكور أخـويه المزوحـي ع الطرح :fa35: وان شـاء الله الأعـضاء بيفيدونـك أكـثر وبتحصل عـندهم الإجـابه عـلى أسئلتك :woot:


ووالسموحه :kcl:

معظم الناس " ضعاف الشخصيات والايمان " .. يلجؤون للتدخين في حالة مرورهم بموقف صعب ،، مثل علاقة وانهاها ،، الزواج ومشاكله ،، العمل والضغوط ،، الدراسه والامتحانات ،، .. الخ
و مب شرط يكون الشخص خاين والا مر بتجربة خيانه ،،
يمكن شخصيته ناقصه ،، ويبا يغطي النقص بالتدخين ،،
السؤال غريب ،، لكن التدخين له علاقة بالخيانه .. لكن من بعيد :)

تعتبر خيانه من الولد اذا كان يحب يعني حبيبته ما تباه يدوخ ليش يدوخ

والحرمه نفس الشي ريلها يخونها يوم يدوخ وليش يدوخ

والبنت تخون حبيبها ليش تدوخ

والحرمه تخون ريلها ليش تدوخ

............

اولا الجيقاره هل هي حرام ولا حلاال ولا مكروهه

اكيد حرام لانه شي مضر بالصحه فليش يستخدمونها

ليش الشخص يدوخ اذا كان يقدر يفرغ همومه لشخص واذا ما يقدر بس يقدر يقرا قران ويرتاح فليش يدووخ؟؟

ما شفت وحده مواطنه تدوخ حتى احين واذا شفت اتوقع اني بسالها ليش تدوخ ^_^

في ناس يدوخون من ورا اهلهم روح الحمامات مال الاولاد فالمدارس
بتشوف وايدين هذا شي اكيد وانا سامعه عنهم

ما اتخيل اني بعرس واحد يدوخ لانه لو يدوخ انا بمنعه من هالشي لاني اتمنى له الخير وماباه يموت من هالسم
بس بعد لو كان يدوخ ما بعتبرها خيانه بس بيكون هالشي ممنوع عند ريلي انه يدوخ

احس انه ردي متخربط ما دري ليش

تسلم يالمزوحي عالموضوع الحلو

الجنية ولو العنوان جذاب .. لكن .. تردتت في طرحه عسب ما ألاقي هجوم عليّه ..
يمكن البعض مايفهمني .. ويقول أبويه يدخن يعني أبويه أكيد يخون امايه ..
او فلانه تقول أخويه يدخن بتضارب وياه اليوم وبقوله هااا اتحمل ..

محب الشيخين مرحبا بك بأي وقت ..

تنينه .. المهم زدتي عدد اللي شافوا الموضوع ... ههههه
على العموم مشكورة على المرور

عاشق القلم
له خيانه مع النفس !!
يغطي سوالفه بالتدخين .. الهروب ...

ريم ريم .. شكلج بتمنعينه ريلج لو عرفتي إنه يدخن .. بس لأنه موضوعي أثر عليج ..
ههههه
حياة موفقة

هيه بالضبط ،،
التدخين خيانه للنفس ،،

ريم ريم ..

أنا بعد مثلج كنت اقول ما في مواطنه اتدخن بس بعد ما شفت صدقت ..
ويوم سألت كان الجواب عادي حبيت اجرب وعيبتني السالفه وادمنت ...


المزوحي : اتصدق اني تميت افكر هل ريل أختي المدخن يخونها ؟؟ بس بعدين قلت أعوذ بالله من الشيطان وموضوع المزوحي يسوي مشاكل ..
ع فكره العنوان ملفت ويجبرك ع الدخول للموضوع ,, والحين بعد التوضيح بأنه خيانه للنفس أزحت غمامة الغموض عنه ....

أنا أعتقد أنه الي يدخن يدخن تهربا وهروبا من سؤليات ومشاكل تعتبر عاديه جداً لكن في كل الحالات فهو عذر أقبح من ذنب

لكل ظروفه اللي خلته يدخن والكثير منهم الفضول او ربع السوء ...؟!؟
اما عن الخيانة فما لي علم ...

لا لا لا لا .. لا تربطون الحابل بالنابل .. تراكم خربطتو تفكيري

التدخين عمره ما كان سبب للخيانه ..

بس الشي الي يرتبط بينهم همّا العوامل المشتركه الي ادت الي الاثنين ..

معظم الناس الي يخونون او يدخنون او whatever تكون حياتهم فاضيه من اي قيمه او معنى .. ويبدون في هذا المشوار من خلال نقطه ظعف ويقولون " مره وحده ما بتاثر "

واذا الواحد تم فاضي ويعبه الشي هذا .. بيتحول لـ إدمان أو إرتباط أو تعود ..

للاسف ممكن هذا الشي يسرقهم من حيات الي يحبونهم .. يدي توفى من الجقاير - الله يرحمه ان شاء الله

وبصراحه انا اكره الجقاير وايد .. ما استحمل منظرها