كوميديا .. طرب فاشن

بطولة: حسن البلام / عبد الناصر درويش / منى شداد/
أحمد الجسمي / ميساء المغربي/ مطرب سوبر ستار " سعود بو سلطان" .
نوع الفلم: خليجي كوميدي ساخر .

http://web2.maktoob.com/MandMs/photo...rab_Poster.JPG

يتناول الفلم قصة : ساره ( ميساء مغربي ) فتاة غنية .. ذات ثراء فاحش تفعل المستحيل من أجل ان تظهر للرجل انها مساوية له في الحقوق وفي الواجبات .. وان لا يردعها اي رادع من اجل اثبات وجودها وكيانها في هالمجتمع الخليجي .
وتدخل احداث القصه عندما نجد ان زوجها ( سيف) المطرب المشهور .. يرتقي شهرته الفنيه ، وتثير الغيره في نفس زوجته ( ساره ) فتحاول بشتى الطرق ان تأخذ نصيبها من الشهره ..
وذلك بان يكون لها جمهورها الخاص .. وشهره واسعه عن طريق دخولها الى عالم الطرب والشهره وذلك باستغلال ثراءها في ذلك ؟
والفلم يناقش قضية علاقة الرجل بالمرأة في المجتمع الخليجي وكذلك ظاهرة الطرب وكيفية ظهور النجوم الخليجيين على الساحه الفنيه؟
.
.
وطبعا الفلم لا يخلو من الكوميديا ما دامت الشخصيات الكوميديه ( حسن البلام / عبد الناصر درويش / منى شداد ) موجودين فيه .. اذا لا بد ان ياخذ نصيب كبير في الكوميديا والسخريه والضحك ..
واعتقد ان هذا هو السر في تجمع الجمهور الاماراتي والخليجي لمشاهدة هذا الفلم في السينما .
.
.
في النهايه ... والا تدرون ما بخرب عليكم ..
فكل اللي ما شاف الفلم يشووفه لانه حقا يستحق المشاهده (( فاللي حاب يضحك ع المواقف الكوميديه اوصيه بمشاهدة هالفلم ))
.
http://www.al-majalla.com/SiteImages/NewsMain/294.jpg

شكله واااااااااايد حلوو.. يبالنا والله انشوفه..


تسلمين الغلا..

مشكووره يالشوق عالدعايا ^_^


بعدني ما شفته

للأسف ان محد متشجع يشوفه !


بس دام انج مدحتيه أكيد الفلم بيكون حلو ^_*

السلام عليكم ..

الفلم حلو من ناحية إنه كوميدي وفيه مواقف تضحك وخاصة من عبـد
الناصر درويش والبلام بس القصه أحسها مب وايد حلوه والشي
اللي ماعيبني إن المطرب نافخ عمره وأونه
المعجبين والمعجبات وراه
24 ساعه
أظن حتى راشد الماجد ماوصـــل للمرحله هاي إن البنات يركضون وراه
في الشوارع وأذكر مره يابوه فريجن السيتي كانوا مسوين
له تكريم من غرفة التجارة ومحد سار له
هناك حتى إنحرجوا وياه
المنطمين
فالحين يبى يسوي لعمره دعاية من هالفلم وفي أشياء مب مقنعه يوم
تزعل ويردون من شهر العسل وعقب ترضى بكلمتين والعرس
في البداية يعني كوميدي بالغصب بس كبداية
لفلم خليجي مقبوله مع إحترامي
لكبــار الممثليــن
:sad4:

شوفوه مره عن
خاطركم
:ice:

الاســـطـــوري
أخوكم

هيه قالولي عنه انه حليو :ice: .. ؟ يعني صدق حليو والا < حق اللي جافوه

بس تدرون !
انا اكره هالممثله اللي وياهم المغربيه .. ماعرف شسمها :kkk: .. المهم بطلة الفلم




.

الصراحه الفلم حلوو وكشخه ويضحك


والي ضحكني اكثر اني داخلنه في سينما جراند.. اول ما بدى الفلم .. انطفت الكهرباا لووول

وعقب تم شوي جي وانطفت مره ثانيه..

استغربت من هالشي


الياهووووووووو انصحج تدخلينه حلووو

أحلى شي صافي و وافي يوم يهزوون كخخخخخ
.
.
حلو الفلم بس قصته غبيه شوي ههه

هيي هالفيــــــــــلم .. أنا ما شفته بس ناويـــة أشوفه ..
واحد من أهلي يمثل فيــــه بس دوره مب رئيسي .. >> ما بقولـــــكم خخخ ..

ع العموم المهموم والزعلان حاب يبضحك يدش الفلم
لانه يفطس من الضحك ..
.
.
.
بالنسبه للقصه .. فهم حابين يبينون كيف بعض المطربين يستغلون الفلوس علشان يدخلون اصواتهم ويكونون مطربين في الساحه الفنيه - وثاني شي عندج قضيه المساواه بين المرأه والرجل .
يعني فيه هدف للقصه حتى لو كان ساخر هم حبوا يوصلونه بطريقتهم الخاصه ..

ميساء مغربي

كنت ابا اشوفه اول ما نزل بس نفس الشي ويايه محد تشجع . .

ما اعرف اذا لين الحينه يعرضونه ولا لا :sadwalk:

بسم الله الرحمن الرحيم ..

الفلم يضحك واحسه بدون البلام وولد درويش جان ما نجح ! ..

واللي ما عيبني فيه بأن السعودية ف الدور الكويتة منى شداد بخصوص النقاب وكيف تتخلى عنه بطرقه ساخره جدآ ..

شكرآ وعذرآ ع التأخير ..

يالله ها الفلم اخوانيه سارو شافوه بس انا واختيه مامشفناه
وكل يوم اخويه يقول بيبلكم اياه ولين اليوم مايابه
بس من اللقطات اللي شفتها شكله وااااااااااايد حلو
اليوم قال بيبه وان ششاءالله يبه صدق اليوم