تــجــاربــكم وطـبــخـاتـكـم

**** الــــســــلام عـــليــكم ورحــمــة الله وبــركــاته ****


بــــمــا أنــه نـــحن ضـــمــن مفاجآت المأكولات العـالمـيه:6a: ,, فــ تميت أفـكر في مـوضوع أحــطه في هالواحـه:kkk: وأتـكون مـن ضـمن المفاجآه يــعني ما يستوي نطـلع من مــفــاجآت المأكولات العـالميه بـدون أي موضوع :3: ,,

http://planets.uaeplanet.net/upload/1151049451.gif


يــــاااا:mar7aba: بــكل من حــدر المـوضوع ,, ســواء من الشباب:m7tar: ولا الصبايا:ttmasha: ,,

حــــريـــم زمــان قبــل وبــنـات زمــان قبــل وقبل وقبل دوووم الأمــهــات يقولون لــنا أن البــنات قبل على سنــكم كــانوا شــاطرات في الطباخه وكـل شي :daleel: ,, والــبنت قــبل كانت تتطبخ وأتــسـاعد أمــها في الطباخ ,, كــانت أتسو المجبوس والبرياني والهريس وكــل هالأكلات أللي نحن ألــحين بس ناكلها وأنجوف أنــها صعبه لو نطبخــها :wacko: ,,

فــي زماننا ألحــين البنت لــهتـها مشااغل الدنيا والدراسه << عـذر يعنيbrgll: ,, فـكـثير من البنات أتكاسلـوا أنهم يسيرون المـطبخ ويطبخون ,, الله يخلي الخـدم:surrender: ,, أو حــتى يتعلمون الطــباخ ,, فـــأصـبحت خبراتـهم فـي مجال الطـباخ شـبه معدوومه عـند البــعض ,, وعقـب يوم أتـعرس البنت ريلها يطلب مــنها تطبخ شي ما أتعرف أتـسو شي أو أنـها اتعرف أتــسو بـس الخفايف وهالسوالف ,, وشبابنا نــحن الله يخليهم حـياتهم المجابيس وهالأكلات الثجيله:harhar1: ,, فــ يقولها ريـلها ليش ما أتعرفين الطبااخ وأمــج ما علـمتج :Oo: عــاد أنا هالسالفه دووم أسمــعها من أمي لوول ,, أن البــنت لاازم تتـعلم الطـباخ عــسب تطبـخ لريلها عـقب حلااته الأكل يوم الحـرمه طابختنه هب الشغاله :fa55:

حــتى ســمعنا مـثل في الفتره الأخيره >> أســهل طـريقه للوصول لقلب الرجـل بــطنه :9afgah: ,,

فــ يا بنيات حــبيت أعــرف شـــو مــن الأكلات أللي أتــعرفون تطبخونها وأتســونها ,, وحــبيت أعــرف أول تجربه لـكم مع الطباخ مـتى كـانت ونجحت ولا لاا :fa37: ,,

ووويـا شبابنا اذا عــندكم أي تــجربه مع الطـباخ خبرونا يمكن نستفيد منكم بــعد :4: ,, أحــيد مـره ولد خالتي سألني تنينه أتعرفين اتسوين صالونه قلت لاا :fa36: قــالي أنــا ولد وأعرف أســو قلت كييف اتعلمت قال من طلعات البــر :fa56: ,,

أنــا عـن تجربتي مـع أول طـبخه سويتها ,, أنــا وربيعتي طبــخناها مــع بــعض كـنت صـف أول أعدادي ,, كــنا أنـموووت في شي أسمــه ورق عـنب :kcl: ,, فــ قررنا في يوم من الأيــام أنه أنســو هالأكله اللزييزه :fa37: ,, رحــنا المـطبخ وجــهزنا كـل المقادير وورق الــعنب ,, أول البادي يــلسنا أنـسو الحـشوه وتمينا نخلط المـقادير ,, جــان أقول حـق ربيعتي خـلنا أنحــط الخيااار بــعد في الحـشو قالت لي لاا ما يحـطوون خـيار وأنا اقولها أمبلي دووم يـحطون ,, عـاد أنا أمووت في الخـيار عـسب جي أترااولي أنهم يحطون في الحـشو خـيار >> الأخت تتحرى تبوله :4: ,,

وقــصينا الخــيار وحـطينا في الحـشوه ولفينا الورق عـنب ,, الله واللف نـص الورق أول ما حطيناه في اليدر أتبطل :hist: ,, بــعد ما خـلصنا الورق عـنب وزعنا الورق عــنب ع الكـل في البيت ,, والحمد الله عـيبهم :fa34: مـع أنه نصه كان مفتوح :fa46: ,, وهـم حـسووا عـاد أنــه في طـعم غرييب أللي هـو الخيار لووول ,, وعقب خبرونا أن الخيار ما يحطونه في الورق عنب :fa51: ,, المــهم تجربه حلووه كـانت :vampire: ,,


ووالسمووحه :kcl: ,,


لا تــحرمونا من ردودكم وتجاربكم :smartass:

هههههه

اونه خيار لووول
عاد انا الورق عنب كل ما اسويه لازم يتبطل :no0:

عاااد انا ما كنت اداني المطبخ خير شر .. ويوم ادش المطبخ اسوي كيك يابس هههه وبعد احط عليه
كريما وفراولة هههه اوني عاد .. وأذكر اني كنت احط حق ابويه خــاصة واخليه ياكل وابويه يتعذر ان ما ياكل سويت ههههه .. والله أيـــام :ice:
والله هذا الوقت كنت اتحرا عمري شـــــي يوم اسوي هاذيج الكيكه لووول

بــس الانقلاب الكبيـر اللي حصل ان بشكارتنا سافرت .. والوالدة محد يعني منو بيطبخ .. أكــيد اوتار D:
وبعدين بدأ مشـواري في تعلم الطبخ :fa37: و الحين اعرف أطبخ الاكـلات اللي أحبهم :smartass:

وهـــاي تجربتي ويا المطبخ :yes:

مشكوورة تنينه عالموضوع *المجكنم* brgll:
ولــي عودة ان شاء الله اذا تذكرت شي يديد :)

السلام علــيكم..

موضوعج حلووو يا تنينه... خاصه انه الحين وقت غدى :fa37:

..

الطبخ له ويانا صولات و جولات.. و عشره عمر طــويله :ice:

بديناها على ايام الاعدادي.. كنا انا و بنت خالتي نسهر الليل و نقضيه في المطبخ و بداياتها كانت مع البتي فور و الكيـــك.. كنا انخبص و يطلع غالبا حلو و انخلص عليه.. و مرات يدخلو الصبح المطبخ يلاقونه معفوووووووووس من الخاطر.. يدورون الاكله ما يحصلونها..:boxed: اتاري الزباله ما كلتنها brgll:

..

وبما انا كنا نسهر الليل... فطبعا ايينا الصبح و احنا يواعه.. فكنا انسويلنا ريوق.. بيض و من هالسوالف...

ومن بعدها جربت المجبوس.. و العيش الابيض.. و لين ما استوينا خبره :smartass:

طبعا السويتات صار شي جدا سهل.. و الموالح عندي يباله مزاج.. و طبعا ما ادخل المطبخ الا في حالات الطوارئ القصوى.. ترا و الله ماشي احلى من انه الواحد ييلس ع طاوله الاكل و يكتشف شو الغدى اليـــوم :harhar1:

..

عليكم السلام

ههههههه تجربتكم عجييبة :hist:

وانا مب احسن عنكم :harhar1: لوول فضيحة اقوولكم تجاربي :doh:

بدايتي كانت ويا الكيك
المفروض يعني اسهل شي يكون يوم يجهزون المقادير
بس عندي العكس المشكلة ماعرف الاشياء :doh:
و البشكارة عاد شكلها من زمااان من ضحكت
اقولها وين الطحين ,, تقولي في الثلاجة ,, و تجوفني ادور في الثلاجة تيلس تضحك :no0:
مستانسة تقص علي :narr:

لول المهم سوينا الكيك .. و طلع حلوو :fa37:
عاد انا ما صدقت :fa34: قمت دووم اسوي بس نفس الكيك طبعا :harhar1:

و شوي شوي جربت كيكات ثانية
عادي نفشل مرة و ننجح مرة :harhar1:

و بس ما تجرأت اجرب شي ثاني لين هــ السالفة

اخوي الصغير حركااات ,, يا مرة الصبح يقولي اسويله بيض
و انا اقنع فيه لا ماعرف ما بيطلع حلو و مادري شو
بس هوو مصر الا تسوينلي بيض
انزين بسويلك خبز جبن ,, الا يبا بيض ,, عناد :fa36:

الحين الفضيحة الكبرى عاد انا ماعرف اكسر بيض :harhar1:
حاولت حاولت ما يتكسر ,, مب ما يتكسر انا خايفة اكسر :harhar1:
بس الحين عادي لول تعلمت

و من السفر تعلمت اسوي شوربة ,,واييد علي :harhar1:

بس شي ثاني ما جربت

..

تنينة موضوعج حلوو و اسلوبج ماشالله في الكتابة عيبني :yes:

أوتــــار القــلــب :fa35:

ذكـرتيني بـ باباتي دووم يــوم أســو بسبوسه ولا كــيك مـا يـاكل أونه ما أكل سوييت :nono: عــذر هــذا كـله زايـغ من طـباخي لووول ,, أحـــيــد مــره بــشكارتنا كــانت مســافره بــعد ,, جــان أتقولي أمـي تنينه سـوي جاهي ,, قـلت أوكي ,, رحــت المطبخ ما أعرف شسو وكيف أبدأ :doh: تميت أفكر كيف أسو اوييه شسوي :fa36: جــان أرد لأمي قـلت لها أمي مـا عرفت كيف يسوون الجاي كيف يعني يسوونه brgll: ,, قالت لي ما أتعرفين أتسوين جااي :shock: قلت مـا أعرف :fa39: >> أســميها فضايح وسواد ويـه لوول brgll: ,,

عزيزتي ,, يسلموو ع التواجــد :kcl: ,, نتريا عــودتج :yes:

شـــوق القــلوب :fa35:

ردج الأحــلى غــناتيه ,, ذكــرتيني بــسهراتنا يومياً أنا وأخواني الين الفير :ttmasha: ,, عــاد دومنا أنسير المطبخ فليل وأنتم نـاكل وأنسو بيض وحـاله ,, شــو ما نعفس المــطبخ brgll: ,, الصــبح يوم أتنش البشكاره تتخبل شووو هازاااااا أونه لووول :doh: ,,

زيــن بــعد كل الدمار اللي سويتي في المطبخ والأكل المختفي brgll: أستويتي خبيره في المجبوس والعيش الأبيض :yes: ,, عقبالنا :harhar1: ,,

لا هـنتي الغاليه ع الرد والتواجد :kcl:

يا هلا واهلين ..

انا مادخل هالواحه الا يوم اكون يوعانه .. الحين الساعه عشر وبعدني مش متعشيه .. في بيتنا عنا قانون اذا ما تغدينا ولا تعشينا في الوقت المحدد يعني اندبر عمرنا رواحنا ..

من خلال تجربتي المعيشيه طوال سنوات عمري الـ 19
توصلت مؤخرا لتجربه جميله .. من فتره كانو مسوين مجبوس دياي والاكله الثانيه عيش ابيض وصالونة سمج .. وبما اني اكره السمج وماشفت خيار ثاني غير المجبوس (لاني ماخب اكل المجبوس الا وي روب ) وخلصوه هاذاكي اليوم اليهال .. خذت لبن "أكتيفيا" وخبصته وي المجبوس .. وطلع لذيذ وايد .. احلى من ما احطه وي الروب


وبس

عـــفــاريــتوو:fa35:

أسمــيني ضــحــكت على مغامراتج في المطبخ :harhar1: ,, أحــيد أنا بداياتي مـع البيض جـي بعد كـنت أخاف أكـسره brgll: بــس ما جت يـى على بالي أن الطحين يحطونه في الثلاجه brgll: ,,

تسلمين غاالــيتي ع التواجد الحــلوو:kcl:


بــوظــبي :fa35:

الصـراحه تجربت لبن أكتيفيا والمجبووس:puppyeyes: أنــا بالنسبه لـي بعتبرها مـغامره خـطيره ومجازفه بــعد :fa39: ,, بس يمكن في يوم من الأيام أنجربها :fa38: ,,

يسلموو ع التواجد :kcl:

السلاااام عليييكم :ice:


ههه طلعـت غيـر عن الناس أنا ، بدايتي أبـدا ما كانت ويا الكيك والحلويات ..

أول مرة طبخت كنت في ثالث اعـدادي ، توو الناس أدري :ice:

في ذاك اليوم كان الباص شارد عنـي ، وبعدنا ما كنا متطورين لا دريول ولا بشكـارة ..
ومن محاسن الصدف طلع أخوي مترخص بعــد .. جان اتييـه هفّـه الساعة 12.00
ياني يقولي شو رايـج نتغــدى من البيـت اليوم :smartass:
استــانسســت ع الفكـرة وايـد لانه صارلنـا فترة مب بسييطة ونحـن ناكـل أكل مطاعـم :fa36:
سـرنا المطبـخ اللي كان شبـه مهجــور وتميينـا ننبش فيه ..
قررنــا نسـوي ديـاي مقلـي وعيش أبيـض > واييـد علينا :ice:
وهـاي أول أكله سـويتها في حيــاااتـي :harhar1:

بس اسميينـي لعوزتهـا ذيـج الديـاية .. :ice:
أول شي يوم بغيت أذوب الثلج .. ما حطيت ماي ساخن ولا مكروييف الا دخلتها فيهم ..
وعقـب يوم قطعتهــا ، جنهـا سارقــة حلالي :boxed:
ويوم ييـت بحط البهـارات عليهـا .. خبصــت من كل شي موجود هنـاك
ويوم ييــت بقليهــا عذبتهـا في الزيييت لين ما استـوت مقرمشــة ولونها أسود ..:negab:

الزبــدة انه المطبخ استــوى صالة عرس جمااعــي :harhar1:

بس آخــر شي كـانت ناجحــة ، أصلا ما صـدقوا ان شي أكل من البييــت الا هجووم عليه :fa37:

وبس عقـب ما فكـرت أطبخ الا كم مــرة ، وكل مرة كنــت أسوي أكله غييـر
وأحلى شـي سويته > البـلاليييــط < :fa35:


الصراحة وجود البشكـارة في البيت أو في المطبخ بالتحـدييد شي يرفع الضغـط وما يخلي الواحد ياخذ
راحته ، لأنها بتكون هي اللي مرتبة الأغراض وبتم فوق راس الواحد اطالع شو يسوي ..
وحتى مرات تطلب هاتي أنا أسوي عنـج !!:boxed: عيل لو اباج تسويلي كنت بدش المطبخ !! :kkk:



وبــس .. مشكـــورة تنيــنه عالموضــوع الجمييـل :fa35:

احب اطبخ:fa35: دوم اطبخ ... دايما يوم امل اطبخ بس جي بعدين ايلس اطرش الاكل الى طبخته لأي حد:harhar1:

انا خبرية في الكيكات والسندويجات والكوكيز والأكل الايطالي والأكل المكسيكي والسلطات فقــــــــط

تعودت اسوي كيكات من كان عمري همممممم يمكن 12 سنه والى شجعني كل سنه بيت يدوه لانه يسون معرض خيري وانا اسوي كيكات ويبيعونه لي:yes: من قبل كنت بس اسوي كيكات مال قم قوطي *يوم كنت صغيره* الى بس لازم تضيفين بيض وماي ودهن وتخلطينه وتحطينه في الفرن .. بس الحينه اطورنا وقمنا نسوي كيكات محترمه نفس كيك يزر ولا ليمون ولا ناريل ولا جوكلت

وطبعا الكوكيز .. وايد احب اسويهم لانه احب اكلهم خخخخخخخbrgll: للعلم انه الأكل الوحيد الى دوم اكل منه لو اطبخه هو الكوكيييز .. دوم اخلي حد ثاني ياكل اكلي:harhar1: *عبط ادري*

والأكل المكسيكي نفس التاكو وهالسوالف بديت من كنت 13 .. ماعرف شو قصته بالضبط وكيف يا عبالي اسوي هالنوعيه من الأكل .. بس اسوي:harhar1:

الأكل الايطالي .. الأكل الى اسويه يوم اكون ملانه وابدا ايوع .. ولا لو مب عايبني اكل البيت وماعرف كيف اشرحهلهم شو يطبخولي:fa39: .. اسوي الباستا بكل انواعه الا السيفود .. البيتزا:kcl: .. ودياي < شي خلطه اسويها ويا الدياي مخترعتنها على كيف كيفي مب من كتاب ولا شي خخخخخ بس طعمه اوكي:hist: *محد تسمم والله:harhar1: *

والسندويجات < بعد اخترعهم من راسي ولا ساعات اييب صلصات للسندويج من النت < طبعا هالاكل اسويه يوم ملانه ولا سهرانه وكلحد راقد

والسلطات < اجوف سلطات في المطاعم تعيبني واخترع مثلها في البيت:fa37: *للعلم انه محد في البيت ياكل السلطات الى انا اكلها وانا مادق السلطات الى يسونها في البيت لاني ماحب الطماط *مع اني اكل كشب وشوربه طماط لكن طماط بروحه جي يقصونه في السلطه مايعيبني وماطيع اكل الأكل الى يدقه حتى:kkk: :no0: * شي غريب*


وبس هاي قصتي ويا الطبخ



وهيييييييييه


ماااااااااااااااااااااااا احب حد يساعدني يوم اطبخ .. مادري ليش بس انقهرررررررررر:narr: ... لكن ماحب انظف المطبخ والصحون وكل الوصخ يوم اخلص .. عاد هالشي لازم البشكاره تسويه:harhar1:

العــجيبه ::

تــجربـتج عـجيبه شراتج :kcl: ,, أحــيد أنــا جـربت أطبـخ مـع أخوي الـصغير جـمن مـره :fa37: ,, عـاد هـو يـحب الأكل دبbrgll: ,, ودوم يـوم يـكون يوعاان ولا شياته يسـير المـطبخ ويألف ع كـيفه :bow: ,,

تسلمين الغاليه ع المرور الحــلو :fa35:


شــمعــة أمــل ::

مــا شــاء الله عليج أتــعرفين أتسووين أشيا حلوواه:fa37: ,, أنــا دووم يـوم أطبـخ مستحيل أطرشه لـحد brgll: مووول مـب واثقه من طباخي لوول ,, بنت خالتيه شـراتج دووم يوم تطبخ تيلس أطـرش عـاد بس دووم أكلاتـها حلوه:fa37: ,,
عــاد الـمظلوم من كـل هالتجارب المطبخ brgll: ,, حــتـى أنـا ما أداني أنظفه ولا أرتب شـي بعد ما أخلص :fa39: ,,

يسلموو ع التواجد أختي:fa35:

الشي الي صدق ابدع فيه هو خلطات المشاوي >> سوالف الرحلات

احيد من زمان كانوا ربعي دووووووووم ياخذون دياي و لحم من الجمعية
بس الحين قاموا اييبونه لي البيت و انا ازهبه بروحي, بدون تدخل البشكارة لول

و اخويه نصحني افتح مطعم مشاوي >> كان يتكلم جد, لكني انا مب فايج اعابل البزنس لول

اعرف واحد من الربع ما يسير الرحلات ويانا الا اذا انا موجود
لأنه ما يحب ياكل الا من خلطتي السحرية ,, >> يمكن اعلمكم اياها :harhar1:

ذنــيــني ::

حــتـى أنا أنصـحك تـفتح مـطعم مـشاوي :fa34: اذا أنـت صـاحب خـبره وجي وأتـحب البزنس أتـوكل على الله وأفـتح المطعم ونـحن طبعاً أول المعازيم وببلاش أكيد :harhar1: ,,

فــي انتظـار أتعلمنا خـلطتك السـريه :fa37: ,,


تســلم ع الرد ,, وجــود أضـاف نـكهه خـاصه للـموضوع :fa35: ,, لا عدمناك ياخوي:smartass: