المستقبل

المستقبل الغد كبف بيكون خاصه لاجيالنا المولوده الان وبعد خمس سنوات لابعده ياهل يوم 15 سنه
ياترى بيعرف شوه رطب وشوه خبز رقاق وخبز خمير ولقيمات وهريس هل فتياتنا بيعرفن يطبخن أكلاتنا
البثيث والثريد والقرص ولا خلاص بيكون من الموروث الشعبي وبنسير ناكل الوجبات السريعه وبنكون
نتغدى بالسنترات والمطاعم ويوم بيينا ضيف نتوقع أكرامه أسئله كثيره أتمنى تشاركوني في تصور المستقبل وأكلاتنا وموروثنا الشعبي من عادات وتقاليد ياترى ياترى كيف بتكون وكيف بنكون وكيف أجيالنا بيكونون أتمنى من خيالكم يرح ويمرح تكتبون التصور كيف العيشه باجر :kcl:

بسم الله الرحمن الرحيم ..

سبب ردي هو انك يوعيتني والله ! ..

ما افيدك والأخوه بأذن الله بيفيدونك ..

اعذرني ع المداخله التي لا تسمن ولا تغني من جوع ! ..

بحفظ الله ..

فعلا هذا هو واقعنا اللي احنا عايشين فيه وبدؤا اولادنا في الانجراف الى مثل هذهـ الاعمال
التي كستها غطوة الغرب الفاسدهـ ونحن كالبلهان لا نستطيع ان نمسك انفسنا ولا نستطيع ان نعلم اولادنا مايجب ان يكون .. ومن ناحية الاكل فأعتقد يجب تعليم اولادنا ان الاكل في البيت له فوائد كثيرهـ وان الاكل خارجه يدعو للشك والخطر ومن هنا سيتعلمون كيف يحبوا الاكل المحلي والابتعاد الكلي عن
الوجبات السريعه .. فبهذا نحافظ على اولادنا على عدم الانجراف الى مثل هذهـ الاعمال ..

اختكم السحابه البيضاء

اقتباس:

---

المشاركة الأصلية كتبت بواسطة سمو الامير

المستقبل الغد كبف بيكون خاصه لاجيالنا المولوده الان وبعد خمس سنوات لابعده ياهل يوم 15 سنه
ياترى بيعرف شوه رطب وشوه خبز رقاق وخبز خمير ولقيمات وهريس هل فتياتنا بيعرفن يطبخن أكلاتنا
البثيث والثريد والقرص ولا خلاص بيكون من الموروث الشعبي وبنسير ناكل الوجبات السريعه وبنكون
نتغدى بالسنترات والمطاعم ويوم بيينا ضيف نتوقع أكرامه أسئله كثيره أتمنى تشاركوني في تصور المستقبل وأكلاتنا وموروثنا الشعبي من عادات وتقاليد ياترى ياترى كيف بتكون وكيف بنكون وكيف أجيالنا بيكونون أتمنى من خيالكم يرح ويمرح تكتبون التصور كيف العيشه باجر :kcl:

---

وعليكم السلام ورحمة الله وبركاااته
شيخي مب مسئلة انهم ما بيعرفون الرطب وانواعه أوالاكلاات الشعبية بانواعها أو عادتنا وتقاليدنا الموروثة ، طال عمرك هذا بيكووون على عاتق الاسرة اذا الاب والام بيحافظون على ابناءههم ترى بيعرفون كل شيء واذا اهملوهم ترى بيضيعووون :fa36: بس زمنا هذا زمن الوجبات السريعه ، محد قام ياكل اكل البيت ... إلي ماله ماضي ماله حاضر ومستقبل ..
.
.
الله يكووون في العون ... والله يهدي جيلنا الحالي.

والسمووحه

المستقبل ..

باجر ..

15 سنه ..

جيل يديد ..

حياه يديده ..

افكار مختلفه ..

بيئه متغيره ..


بيلقون عيالنا نفس اللي حصلناه ..؟؟
والا بيتمون في وادي وصراع التطور ..؟؟
بدل لا احط تعقيبي قمت اطرح للاعضاء اسئله ..



على الرغم من انه اللي لقيناه نحن يعتبر طشاشات بسيطه
والجيل اللي قبلنا حظي بنصيب الاسد بالاستفاده من الموروث التراثي ..

في يومنا هذا بتلقى فئه من البنات يعرفن يسون هالشغلات كلها
و في طائفه ثانيه اللهم رحمتك .. ( الطباخ او البشكاره ما عليهم زود ):no0:

ياليت بناتنا يتعلمن من امهاتهن واربيعاتهن
امور ما ايعرفونها ..
وترى السؤال هب عيب ..

كل الود عزيزي ..

السلام عليكم والرحمه

بـ اختصار
ليش نحط نظرنا .. ونوجه لـ بعد 15 سنه
ليش ما نطالع الوقت الحالي ؟!:kkk:

واعتقد .. كل شي واضح
ماله داعي .. نسرح ونمرح بـ فكرنا

ودام موضوعك عن الاكلات ... :fa37:
عن نفسي .. مب كل الاكلات الشعبيه احبها

وبـ صراحه .. ما اعرف اطبخ اي شي :no0:
يمكن اللي اعرفه بس عيش ابيض وقبل لاسويه اسال الوالده
لاني ما احب الطباخ .. واحب الحلويات اكثر واعرف لها:yes:

ومع اني آكل الاكل الشعبي .. لكن
أحب آكل الاكل الايطالي اكثر والهندي والمصري والشامي :yes:
وبسسسسس
والسموحه عـ المداخله
ومشكور عـ الموضوع
ويسلمووونيشن اميرنا

اختك
عـذ الـروح بـة

في كتب عن الطبخ

وايد روعه وفيها طبخ مال اول يعني عيش وخبيص و...............الخ

يعني الوحده يوم تبا تعرس تقول انا بطبخ لريلي وتشتري كتب حلويات ولا طبخ شعبي

هي صح
كتاب التربية الاسرية مال المدرسه

فيه عن الطبخ بلاليط خبيص وغيرة بس احين ماشي يدرسونا مادري ليش

^^^________^^^

إلي اشووفه يعتمد على العايله والإسره إلي رااح يطلع منها الأجيال اليايه...بس صدق شي يخوف لو لاحد اهتم بالعادات والتقاليد والمؤكولات

السلام عليكم

أشوف أنــه من أحد أسباب توارث الموروث الشعبي ’’الأسرة الممتدة‘‘.. تقارب العلاقات بين الأحفاد والأهل الكبار- الجد والجدة ،، العمام والخوال بالاضافة للأم والأبو - يزرع بهم العادات والتقــاليد .. ويكــون عندهم درايــة بسوالف الأوليين من مختلف النواحي .. المفردات الشعبيــة ...الخ