+. الغروب 2 .+

الســلام عليــكم

http://planets.uaeplanet.net/upload/1151044824.jpg



http://planets.uaeplanet.net/upload/1151044858.jpg


بانتظار رايــكم

:

السلام عليــكم ..

مــاشاء الله .. الصــوره الثــانــيه عيبتنـــي واااااااايـــد ..
بس الاولــــى بعــد حــلواااه .. :kcl:

عيبنــي تدرج الالووان في الصــورتييين ..

خــيال الررروح .. تسلم يمنــاج .. :)
ونتـــريا ابداعــاتج اليايه ..

:bye2:

تسلم يمناااج اختي خيال الرووح ..
الصوره الاولى احلى وننتظر يديدج

قـرمـوشـه

تسلمين على الرد عزيزتي
وهـذا من ذوقـــــــــج

:

الســلام عليكم ..

تطور ملحوظ !!

الصـورة الاولى .. بصراحه انبهرت اول ماشفتها !! :puppyeyes:

وايد وايد وايد عيبتني .. أحسنتي اختيار نوع الشيره، هالشيره عاطيه نكهة خاصة مادري كيف لكن وايد حلوه !! :kcl:

الوقت الي خذتي فيه الصورة، وقت المغرب، عاطي لمسة فنية جدا حلوه للصورة !!

على ما اعتقد استخدمتي فلتر في الصورة عشان تبين انها جديمه شويه، بعد حلو ..

الصورة ثانية جيده بعد بس الي صدق عيبتني الصورة الاولى ..

اتمنالج التوفيق اختيه و لاتحرمينا من يديدج :fa35:

.
حلوة الصور اختي خيال الروح
عيبتني الصراحه
الأولى احلى من الثانية والثانية أحلى من الاولى
تسلمين اختي
بانتظار جديد الابداع
:bow:
.
.

هواجيس مشتاق

الله يسلم غاليـك أخوي
وتسلم على الرد

:

لمّــاح

وعليـكم السـلام

تسلم أخوي على ردك الى اسعدني
استخدمته على الصور فلتر
وtexture الى استخدمته هو الى عاطي الصور الشكل الجـديم

:fa35:

:

اختيه خيال الروح ..

بصراحة الملاحظة الوحيدة الي عندي هي بخصوص الاسم، يعني لو كان في الزاوية اخير من انج اتحطينه في النص لأنه يشتت النضر خصوصا و ان الصورة وايد حلوه و حرام شي يخربها ..

و شخصياًَ لو كنت مكانج .. كنت بنسخ الصورة على سيدي و بسير محل من محلات طبع الصور ( مب استوديو عادي، شي محلات متخصصه في طباعة هالنوع من الصور ) و بخليه يطبعلي اياها على حجم A3 او اكبر و ببروزها في مكان عندي ..

و على فكرة بعد .. طريقتج في قص الصورة و الفريم الابيض و الزوايا المقوسة وايد راكبة .. انا احب هالنوع من الفريمات مب مثل ما انا اسوي .. فريم عادي و الصورة عاديه ..

خلي استايل الفريم هو استايلج الي دايما تستخدمينه، و بخصوص اسمج و جملة حفظ الحقوق تقدرين اخلينها في النص لكن بشرط اتكون الجملة شبه شفافه .. احس احلى و اهدى ..

طبقت الملاحظه الى قلتها ,,
فعلا حسيت بتغيير في الصـوره ,, واستايل الكتابه طلع أحلى من القبلي

اقتباس:

---

و شخصياًَ لو كنت مكانج .. كنت بنسخ الصورة على سيدي و بسير محل من محلات طبع الصور ( مب استوديو عادي، شي محلات متخصصه في طباعة هالنوع من الصور ) و بخليه يطبعلي اياها على حجم A3 او اكبر و ببروزها في مكان عندي ..

---

انزين ما قلتي وين المـكان ,, يـمكن اسير :fa35:

اقتباس:

---

خلي استايل الفريم هو استايلج الي دايما تستخدمينه، و بخصوص اسمج و جملة حفظ الحقوق تقدرين اخلينها في النص لكن بشرط اتكون الجملة شبه شفافه .. احس احلى و اهدى ..

---

اول مره استخدم استايل الفريم ,, بس عجبني ,,
وان شاء الله بيكون استايلي :fa35:

وتسلم أخوي مره ثــانيه ,,
ولاتنسى تشوف الصور بعــد التعديـل

(=

:

عـاشق القـلم

الحمدلله انه الصورتين نالو على اعجـابك
وتسلم على الرد

:fa35:

:

هــــــيييييييييه .. ألحــيييييييينه الصــووور صدق احــلى عــن قبــل ..
صدق حـــلوواااه .. :)

.
.
ما شاء الله واااااايـــــد حلوه الصـــور
وعيبتنــي الصوره الثانيه وايـــد
تسلميــن اختي عالصور الغاويـــه
ولا تحرمينا يديدج
.
.
:)

قرمـوشـه

انتى الاحــلى
:fa35:

:

خيال الروح ..

هيه الحين الصورة احلى :fa42:

شكراً لأنج تقبلتي نصايحي :kcl:

اقتباس:

---

انزين ما قلتي وين المـكان ,, يـمكن اسير

---

اووه وايد اماكن ..

انا ماعرف انتي من وين لكن نفترض انج من دبي على كيفي هو :harhar1:


شارع الشيخ زايد بالقرب من اكسيوم او سيليكوم، المحل اسمه HP و اسعاره جداً ارخيصه ..

فوتو ماجيك بكل فروعه ..

مركز جميرا، استوديو الاميره ..

راس الخيمه .. استوديو شيخه :puppyeyes:


مب شرط اتسيرين عند هالمحلات، شي وايد غيرهم لكن سيري عند الي عنده خبره ..
أبسط مثال عشان تتأكدين اذا هالآدمي يعرف يطبع الصور أو لأ .. اول ماتعطينه السي دي و يفتح الصورة عالكمبيوتر عنده بيسألج اذا الصورة جاهزة أو لأ .. شو المقصود من هالسؤال ؟؟
أي صورة قبل ماتنطبع لازم يفتحونها شويه لأنها يوم تنطبع تكون أغمج عن الأصليه الي تطلع في الشاشه .. ف راعي الاستوديو قبل مايطبعها لازم يفتح الصورة ( يعني يزيد ال Brightness شويه قبل مايطبعها ) ..