جــديدي .. Summer 2oo6 Furniture ..

الـــسلام عـــلــيكم . .

التصــوير الإعلاني، فن و هواية و إبداع و تميّز .. :fa35:

وبما ان هالاشيا كلها تكمن في التصـوير الإعلاني، فحبيت اني اتمكن من هذا النوع من التصوير لأنه يدمج بين الإبداع في التصوير و القدرة على إيصال الفكرة للمشاهد و إقناعه بشراء البضاعة بدون حتى مانكتبله رمسه :boxed:

شرح لفكرة الصـورة: الفكرة الي حاب اوصلها للمتلقي (أو مشاهد الصورة) هي اننا في الصيف، و أشعة الشمس مثل ماتشوفون صاطعه .. و انا في ستايلي ما احب اني اخلي المتلقي يستلم الصورة 100%، احب اني اخليه يفكر و يتخيل بعض الاشيا و يحلل يوم يشوف الصورة و احاول قدر المستطاع اني اطلع برع المألوف عشان ألفت النظر :puppyeyes: و استخدمت في هالحركة الكرة الي اتشوفونها، حجمها كبير و تلفت احسبها .. :boxed:
الطاولة مثل ماتشوفون ماطلعتها بالكامل، لأني اذا شليتها من الصورة بنحس انها صورة عادية لأي قنفة و كأنها معروضه للإعلان لكن اذا خليتها طبيعية و جزء منها طالع و الكرة موجوده فكأنها ماخوذه من بيت صدقي (( يعني في حد يستعملها )) ..
بصراحه ماعرف اشرح عدل، لكن اتمنى اني قدرت اوصل الفكرة .. :ice:

رايكم و انتقاداتكم ..

http://upload.bindubai.com/download/lammaa7/Ikea2.jpg

و هالصورة بدون فريم .. حق الي يحب يجرب التصميم الاعلاني عليها :)

http://upload.bindubai.com/download/lammaa7/Ikea1.jpg


السموحه منكم :kcl:

http://upload.bindubai.com/download/...alam-oasis.gif

فن حلوو ماشاءالله
فكرته في مضمونه

وشرى ما قلت تصوير إعلاني
وينفع حق التصميم الإعلاني

من بعد إذنك أبا أجرب أسوي تصميم في هالمجال بإستخدام هالصوره ^_^

http://upload.bindubai.com/download/...line-oasis.gif

حلــو والله ، الفكـرة والتصـويـر أبدعـت فيهم والله ..

وقمــت تبيـع أثـاث ما شاء الله ..

سلمــت يمينــك ع الشغـل العـجيـب .. الله يوفقك دايما

حلوه الصوره ..

وفكرتك واضحه اخوي وفهمتها شخصيا

تسلم عالابداع اللي اتحفتنا فيه ..
:bow:

اقتباس:

---

بصراحه ماعرف اشرح عدل، لكن اتمنى اني قدرت اوصل الفكرة ..

---

مــنو منو ما يعرف يشرح عـدل :nono: ,, الـصراحه مـا كنت أعرف شو سالفة التصوير الأعلاني ولا شياته بس من شـرحك عرفت باك جراوند يعني عـنه :ice: ,,

الــصوره الصـراحه وايد حلووه والزاويه أللي خذت من هالصوره وايد مناسبه والألوان حلووه بتفلسف يعني لوول دوم أقرى هالرد في مواضيع التصويـر :tounge: ,,

الكووره واايد عيبتني :fa46: ,, يعني متى بتوصل لي :harhar1:


وو السموحه :fa35:

حلوووه الصـــور
والفكـــره احلى
تسلم يدك اخويه ع الابداع
:)

اممممم .. مــا أعــرف لهــا الســوالف انــا .. بس عــيبتــنــي الصــورة .. :fa35:
وتنــفع للمــجــال الاعلانــي .. عــيبتــني الاضــاءة :kcl:

نــايس لمــاح .. وبالتوفيج في هــذا المجــال .. يؤيؤيؤ:ice:

حلــوه الصـــوره

عيبــتني الفكــره ،،

:fa35:

أبدعـت فيهــااا ،،

تنــفع تــراك حــق التصـوير الاعلانـــي :yes:

نتــرقب اليديــد مـن صــوبك دووم ،،

والسمــوحه

يا بو الاعلانات انته

هيهيهي

يبالك اتسوي اعلان لشركه دواجن الخليج,,

بنحط "بيض" و بنصوره

طـــير الـغرام ..

شكرا اختيه على المرور الكريم و مشكورة ايضا على استخدام صورتي في التصميم ..
دمتي بود :)

العــجيبه ..

شكرا شكرا .. و هيه قمنا انبيع اثاث شو انسوي :boxed:

يالله شكرا عالمرور ..

عاشق القلم ..

الله يسلمك ياخويه و شكرا :)

تــنينه ..

ماشاءالله عليج:harhar1: متحمسه الاخت
و الكره واصله من صوبج ختيه ... بس شو بتعطيني بدالها ؟؟ :harhar1:

منــاوي ..

الله يسلمج ياختيه و شكرا عالمرور ^_^

http://upload.bindubai.com/download/...rhf_hearts.gif


لماااحكوو

كم نسبتك من مبيعات ايكيا اعترف :harhar1: ؟ .. ههههه

يطولي بعمرك الصـوره مضبوطه من كل النواهي ( الزاويه و الاضاءه و الفكره و المضمون )
الا في شي واحد مثل ما قلت لك قبل ..
انه لو كانت الصوره بدون الكره احس انها بكون اكثر احترافيه


و عقبــال ما تسوي دعاية لـ كفتيريا شيخه و المصباح الاخضر:ice: ... لول

و في انتظــار يديدك دوم
:yes:


http://upload.bindubai.com/download/...rhf_hearts.gif

اقتباس:

---

تــنينه ..

ماشاءالله عليج متحمسه الاخت
و الكره واصله من صوبج ختيه ... بس شو بتعطيني بدالها ؟؟

---

بـــسو دعـايه للمصور الأماراتي الموهوب لــمّـاح :harhar1: ,, ولا شو رايك :kkk:

السلام عليكم ...

الزاوية حلوة ... بس في مشكلة في الاضاءة ...

الاختلاف من لون الى لون بدرجة كبيرة يخرب على الصورة وايد ...

يعني شوف السطوع من الدريشه كبير جدا لدرجة انك ما تشوف الخضرة اللي برع ...

وشوف العتمة في الداخل مخلية المكان كله مظلم لدرجة انك ما تقدر تتمعن في الأثاث (( اذا كان دعاية ...))...؟؟

ما ادري ... يمكن مكان الشمس كان غير مناسب للتصوير في هذه اللحظة ...

والسموحه ... :)

السلام عليكم..

صح كلام الحاضر.. انا حسيت انه فيه مشكله في الاضاءه.. وهي اللي امخربه الصوره..

اللي املاحظتنه على التصوير الاعلاني انه الاضاءه اتكون معتدله ( ما اعرف شو مفهومها عندكم ).. يعني كل الامور الثانويه اتكون طبيعيه او ستاندر.. بس الماده اللي تستخدمها هي الشي الوحيد اللي اتشدك اول ما اتشوف الصوره... يعني ما اتكون امشتت بكذا شي...

ومثل ما اتفضلت وشرحت.. انه الماده الاساسيه عندك الكره = الصيف ، الغنفه و الطاوله = انه حد لاعب فيها... فمن جيه التركيز لازم يكون عليهم..

تبا رايي.. بصراحه..

الصوره اشوفها عاديه.. كأنه عيبتك جو هالغرفه و حبيت تاخذ صوره.. و جود الكره كان مصادفه ..!!

أعذرني ع كلامي.. بس انه تدري اني اوجهك.. وما اعيبك .. :)

السلام عليــــكم..

ماشاء الله عليـــك بن عمـــي.. تصويرك فنــتكه الصراحه..


ومعلومه حلوه ويديده منــك استفدنــاها