عيال برج الحمل

ملاحظه صغيرونه
انا هنا لا ازعم انه كل ما اذكره بكل برج ينطبق 100% علي الشخصيه لانه رب العالمين خلق كل انسان متفرد بذاته وشخصيته
, قد ينطبق كلامي علي الشخصية بنسبة 2% فقط والله اعلم

مساكم الله بالخير والسرور
اليوم بنتكلم عن برج الحمل
بالبداية من من اعضاء منتدنا من برج الحمل؟
الي عرفته لحد الحين : ديج الفريج
وبنشوف من من الاعضاء من برج الحمل من خلال الردرود

طيب عيال برج الحمل هم الناس المولدين بين 21 مارس الين 20 ابريل
الكوكب الي يتحكم فيهم هو كوكب المريخ مما يعطيهم صفة المثالية والعصيه

تعالو نحلل شخصيات عيال هالبرج
عيال برج الحمل وايد وايد طيبين وقلبهم ابيض ولو غلطو عليك ما عندهم اي صعوبه بانهم يعتذرون ويتاسفون,وانا عن نفسي احب هالشئ فيهم وايد:fa35:
بس مشكلتهم العصبيه والصراخ ,يمكن لانه ما عندهم الدبوماسيه بس نفس الوقت يقدرون
يفرضون رايهم علي الجدامهم بكل سهولة حتي انه الشخص الي جدامهم ما يحس بهالشئ

عيال برج الحمل شجعان ويقفون في ويه الناس كلها عشان خاطر انسان او موقف هم مقتنعين فيه
يعني مثلا ممكن نشوف بنت تنطق من اخوانها طق لانه وقفت بويهم عشان ما يطقون اختها او اخوها الصغير
هههههههههههههه خط دفاع الله يهديهم:kcl:

عندهم مثالية زايده وايمان بالمبادئ والقيم بس
فيهم غيره؟؟؟ ,نعم نعم فيهم غيره وزايده حبه عن باقي الابراج
غيرتهم زايده علي الناس الي يحبونهم ويمكن عيبهم انهم يبونهم لهم هم فقط:cop:

فيهم انانيه؟؟ اممممممممم هههههه
يس فيهم انانيه ومحورهم ذاتهم لكن فيهم شئ غريب مع انهم يهتمون بروحهم وايد
الا انهم ما يردون حد يطلبهم بشئ سواء كان المساعده ماديه او معنويه او عاطفيه
حبهم صادق للاخرين وفي نفس الوقت صريحين وايد وممكن صراحتهم تجرح
بس هم مو هدفهم انهم يجرحون الشخص بقد ما هم يبونه يصيرللافضل,,,بس يا برج الحمل انتبه
ساعات هالصراحه ممكن الشخص الي جدامك يحسها تجريح ويبتدئ يبتعد عنك:cop:

عيال برج الحمل كريمين جدا جداوالي بيدهم مو لهم :ice:
مشكلتهم الكبيره الجو,,,,,لا تستغربون الاحوال الجويه وايد تاثر فيهم وتغير مزاجهم بشكل فظيع
ونشوفهم مثلا بالبيت يدورون المكان الي فيه براد ما يستحملون الحر وايد هههه

عيال هالبرج فضيحه ,,يعني الي داخلهم يطلع علي ويهم ما يقدرون يخبون شئ
يطلع علي تصرفاتهم وانفعالاتهم:shock:
صمتهم طويل لكن اذا انفجروا يا ويل الشخص الي جدامهم راحو يعطونه كلام قوي:narr:
لكن ما وصلوا الي هالمرحله الا بعد فتره طويله من التفكير واعطاء فرص
واحيانا ما ينفجرون ينسحبون بهدوء بس انسحابهم لا رجعه فيه:bye2:

تعبت وانا اكتب:fa39:

عندهم ثقه بالنفس وحتي لو دخلو بموضوع وفشلوا ثقتهم ما تتغير بنفسهم لانهم بينهم وبين نفسهم
يقولون علي الاقل حاولنا لكن ما صار:nono:

هالبرج عنده التفاؤل زايد شوي عن الطبيعي ويا ريت يوم يفشلون يقل التفاؤل:fa35:
بالعكس تشوفهم بالبدايه شوي يتضايقون بس بعدين عادي ويقولون خير يا طير هههههههههه

هم اذكياء وفيهم فطانه بس ما عندهم خبث ابداا ولا مكر:no0:
مع انهم يفهمون الكلام الي من تحت الي تحت :yes:
عشان جيه هم ما ينفع لهم ناس عندهم خبث لانهم ماراح يعرفون يتصرفون وياهم:no0:
معهم عيش بامان لانه ما عندهم اسلوب الخبث اوانهم يشتغلون بالي يضرك من ور ظهرك
مو محتاجين هالشئ اذا عندهم شئ عليك لا تخاف بيجون لعندك وبعطونك بويهك مو من ور ظهرك:yes:
اعضاء هالبرج يصلحون يكونون قاده وحياتهم تصير نكد وضيج اذا صار احد قائد عليهم يعني صارو تابعين لاحد وايد يتكدرون

مشكلتهم العصبيه لازم يتعلمون كيف يتحكمون باعصابهم:narr:
ومو كل شئ تفكرون فيه تقولونه يا عيال برج الحمل :nono: خلوه بداخلكم احيانا افضل جيه :yes: لانه مو كل ناس برئين مثلكم
والمشكله الثانيه قلة صبرهم وانهم يتمللون بسرعه وما عندهم القدره علي الالتزام بالخطط
طويلة الامد مثل برج الجدي

بالنهاية برج الحمل حبوبين وخلوقين تقدر تكسبهم بصفك بكل سهولة اذا اشتغلت علي وتر العاطفه عندهم

انا من برج الحمل... قريت نص الموضوع و 80 % صفات تشابهني!! بس بكمل النص الثاني بعد مارد برع ...

دمتوا

احم احم انا من عيال برج الحمل :kcl:
وتنطبق علي الصفات اكثرها وخاصة سالفة انه الجو يعفس المزاج :waa:
بس انا مو انانية الصراحه :no0:

شكرا لروحي ههههههه

اقتباس:

---

المشاركة الأصلية كتبت بواسطة الحساس

انا من برج الحمل... قريت نص الموضوع و 80 % صفات تشابهني!! بس بكمل النص الثاني بعد مارد برع ...

دمتوا

---

هلا مستر حساس
طلعت برج الحمل
انا بانتظار تعقيبك بعد ما تخلص الموضوع:yes:

مرحبـــا بج أختـي وعـد, ومشكـورة على الموضوع الحلـو..

اقتباس:

---

مساكم الله بالخير والسرور
اليوم بنتكلم عن برج الحمل
بالبداية من من اعضاء منتدنا من برج الحمل؟
الي عرفته لحد الحين : ديج الفريج
وبنشوف من من الاعضاء من برج الحمل من خلال الردرود

---

مسـاج الله بالخيـر أختــي,
احـم احـــم حضـرتـي من بـرج الحمــل :kcl:

اقتباس:

---

عيال برج الحمل وايد وايد طيبين وقلبهم ابيض ولو غلطو عليك ما عندهم اي صعوبه بانهم يعتذرون ويتاسفون,وانا عن نفسي احب هالشئ فيهم وايد:fa35:

---

هيـه صحيـح فيّ طيبـــة زايـــــــــــــدة عن اللـزوم, وما أشـل بخاطري على حـد أبـدا ومهمـا سـوا,
وحتـى إذا استـوا سـوء تفاهم وأنا مو غلطـانة, أسيـر اعتـذر على الغلطـة اللي استـوت..

اقتباس:

---

بس مشكلتهم العصبيه والصراخ ,يمكن لانه ما عندهم الدبوماسيه بس نفس الوقت يقدرون
يفرضون رايهم علي الجدامهم بكل سهولة حتي انه الشخص الي جدامهم ما يحس بهالشئ
عيال برج الحمل شجعان ويقفون في ويه الناس كلها عشان خاطر انسان او موقف هم مقتنعين فيه
يعني مثلا ممكن نشوف بنت تنطق من اخوانها طق لانه وقفت بويهم عشان ما يطقون اختها او اخوها الصغير هههههههههههههه خط دفاع الله يهديهم:kcl:

---

صحيـح.. وهـذه الصفـة اللـي ماحبهـا فيني وأحـاول أغيـرهـا.. العصبيــة, وكـل ما أعصـب أخـوي يقـولي اتـدربي على كتـم الغيـض,
وطبعـي إنـي أعصـب بسـرعة, وفـي نفـس الوقت أرضـى بسـرعة.. ولكـن سبحـان الله يوم أكـون في المـدرسة ولا عنـد نـاس
مـاعرفهم عـدل, ما أعصـب, حتـى رباعتـي يقـولون إنـي وايـد وااايـــد بـاردة.. !!

اقتباس:

---

عندهم مثالية زايده وايمان بالمبادئ والقيم بس

---

امممم مـا فهمـت عـدل.. !!

اقتباس:

---

فيهم غيره؟؟؟ ,نعم نعم فيهم غيره وزايده حبه عن باقي الابراج
غيرتهم زايده علي الناس الي يحبونهم ويمكن عيبهم انهم يبونهم لهم هم فقط:cop:

---

اممممم هيـه حسيـت إنـي غيـورة.. لكـن أشــوف زيـادة الغيـرة مو زيـن على المستقبــل :kcl:

اقتباس:

---

في هم انانيه؟؟ اممممممممم هههههه يس فيهم انانيه ومحورهم ذاتهم لكن فيهم شئ غريب مع انهم يهتمون بروحهم وايد

---

اممممم مـاظن.. :fa46:

اقتباس:

---

الا انهم ما يردون حد يطلبهم بشئ سواء كان المساعده ماديه او معنويه او عاطفيه
حبهم صادق للاخرين وفي نفس الوقت صريحين وايد وممكن صراحتهم تجرح
بس هم مو هدفهم انهم يجرحون الشخص بقد ما هم يبونه يصيرللافضل,,,بس يا برج الحمل انتبه
ساعات هالصراحه ممكن الشخص الي جدامك يحسها تجريح ويبتدئ يبتعد عنك:cop:

---

هيـه نعـم.. يوم أحـب شخــص أحبــه بـصدق وأحبـه أكثـر من كـل شيء, أبيـع سعـادتـي لأجـل راحتـهم,
وصحيـح إنـي صريحـة, وصريحـة زيـادة عن اللـزوم.. واتـذكـر هـاك اليـوم لما قـالي أخـوي.. لاتكـونيـن
صريحـة زيـادة عن اللـزوم لأنهـا أحيـانا تجـرح الطـرف الثـاني.. ربـي يعيننــي !!

اقتباس:

---

عيال برج الحمل كريمين جدا جداوالي بيدهم مو لهم :ice:
مشكلتهم الكبيره الجو,,,,,لا تستغربون الاحوال الجويه وايد تاثر فيهم وتغير مزاجهم بشكل فظيع
ونشوفهم مثلا بالبيت يدورون المكان الي فيه براد ما يستحملون الحر وايد هههه

---

امممممم.. الكـرم.. يمكـن, وبخصـوص الجـو, البرد أحلى من الحـر..

اقتباس:

---

عيال هالبرج فضيحه ,,يعني الي داخلهم يطلع علي ويهم ما يقدرون يخبون شئ
يطلع علي تصرفاتهم وانفعالاتهم:shock:
صمتهم طويل لكن اذا انفجروا يا ويل الشخص الي جدامهم راحو يعطونه كلام قوي:narr:
لكن ما وصلوا الي هالمرحله الا بعد فتره طويله من التفكير واعطاء فرص
واحيانا ما ينفجرون ينسحبون بهدوء بس انسحابهم لا رجعه فيه:bye2:

---

امممممم مـاعرف كيـف بالضبـط, ولكـن بـالرغم من عصبيتـي وصراحتـي الزايـدة, إلا إنـي أجـــامل كثيـر,
وااايــــد أجـامل, يعنـي مثـلا لو قـالولي تعبتــي.. أقول لا لا عادي ولو ريــولي بتتكـسر, أو أي شي من هالقبيـل,
لكـني أجــامل وايد وااايــد..

اقتباس:

---

عندهم ثقه بالنفس وحتي لو دخلو بموضوع وفشلوا ثقتهم ما تتغير بنفسهم لانهم بينهم وبين نفسهم
يقولون علي الاقل حاولنا لكن ما صار:nono:

---

الصـراحة.. بالعكـس أبـدا ما عنـدي ثقـة بالنفس, وهالصفـة بعـد أبا أغيـرها.. صحيـح إنـي أطمـح وأحلـم وأتمنـى,
لكـن دايمـا أقـول ماظن بقـدر, وأحـس إنـي مو قـد هالأمــر, وماعندي ثقـة بنفسـي.. !!

اقتباس:

---

هالبرج عنده التفاؤل زايد شوي عن الطبيعي ويا ريت يوم يفشلون يقل التفاؤل:fa35:
بالعكس تشوفهم بالبدايه شوي يتضايقون بس بعدين عادي ويقولون خير يا طير هههههههههه

---

مو وايـد متفـاءلـة, بـس لأن الرسول صلـى الله عليـه وسلـم يقـول: تفـاءلـوا بالخيـر تجـدوه, ولكـن دايمـا
أفكـر في المشكلـة وكيف أحلهـا وشو أسوي, بـدون ما أصبـر ليـن ايي الوقت المناسب لحل المشكلة.. !!

اقتباس:

---

هم اذكياء وفيهم فطانه بس ما عندهم خبث ابداا ولا مكر:no0:
مع انهم يفهمون الكلام الي من تحت الي تحت :yes:
عشان جيه هم ما ينفع لهم ناس عندهم خبث لانهم ماراح يعرفون يتصرفون وياهم:no0:
معهم عيش بامان لانه ما عندهم اسلوب الخبث اوانهم يشتغلون بالي يضرك من ور ظهرك
مو محتاجين هالشئ اذا عندهم شئ عليك لا تخاف بيجون لعندك وبعطونك بويهك مو من ور ظهرك:yes:

---

الـذكــاء.. امممم يعنـي ( أونـي متـواضعـة brgll: )..
وحليلنـا طيبيـن ما نعرف الخبـث ولا المكــر.. !!

اقتباس:

---

اعضاء هالبرج يصلحون يكونون قاده وحياتهم تصير نكد وضيج اذا صار احد قائد عليهم يعني صارو تابعين لاحد وايد يتكدرون

---

اممممم.. مافهمـت هالنقطـة.. ؟!!

اقتباس:

---

مشكلتهم العصبيه لازم يتعلمون كيف يتحكمون باعصابهم:narr:
ومو كل شئ تفكرون فيه تقولونه يا عيال برج الحمل :nono: خلوه بداخلكم احيانا افضل جيه :yes: لانه مو كل ناس برئين مثلكم
والمشكله الثانيه قلة صبرهم وانهم يتمللون بسرعه وما عندهم القدره علي الالتزام بالخطط
طويلة الامد مثل برج الجدي

---

إن شـاء الله بنكتـم غيضنـا ونتحـكم بأعصابنـا.. وعن الصبـر.. يمـكن.. !!

اقتباس:

---

بالنهاية برج الحمل حبوبين وخلوقين تقدر تكسبهم بصفك بكل سهولة اذا اشتغلت علي وتر العاطفه عندهم

---

تسلميـن أختـي وعـد على المشـاركـة الحلـوة, واسمحيلـي على المداخلـة الطـويلـة العريضـــة,
وهـذه أول مشـاركـة استخـدم فيهـا طريقة الاقتبـاس :laugh: ..

هلا والله دموع القلم

هلا بربعي برج الحمل :fa35:

طيب اول شئ خبرني انتي باي يوم واي شهر

اوكيه بحاول اشرح الاشياء الي ما فهمتيها :fa35:

بالنسبه برج الحمل يحب القياده يعني ما ينحب انه ينقاد لانه طبعه فيه ميزات القيادة ولو انه من اكبر عيوبه عدم التزمه بالخطط الطويلة الامد وانه يتملل بسرعه ويكره الورتين وهالصفات ما تصلح تكون بالقائد

الشئ الثاني المثالية الزايده,,ايه يعني هالبرج متعلق بالمثاليات بالحياه ,مو عشان الناس عشان هو مقتنع بهالاشياء داخله قناعه تامه

دمتي بخير عزيزتي وسعدت بوجودج بالموضوع :fa34:

مـرحبـا بج أختـي وعـــد..

يـوم ميـلادي 14 / 4
نفـس الأخ الفـارس 2000 بالضبـط, بـس السنـة مختـلفة.. !!


بخصـوص الـروتـين.. صحيـح أحـب التجـديـد وايـد عشـان مـا أمل, مثـلا في البيـت أحـب اقتـراح على خـوانـي
أشيـاء يـديدة عشـان مانمـل وكـل واحد في حـاله, مثلا أسـويلهم كيكـة ونيلـس ويـا بعـض نطالع أفـلام, نسـولف,
نلعـب لعبـة>> لعبـة مال الكبــار مو اليهّـال.. وجيــه يعنـي عشـان نيلـس ويـا بعـض ونتيمـع.. !!


مشكـورة الغاليـة, بـس بـسألج متـى موعـد بـرج الثـور.. :laugh: ؟؟!

اقتباس:

---

المشاركة الأصلية كتبت بواسطة دموع قلم

مـرحبـا بج أختـي وعـــد..

يـوم ميـلادي 14 / 4
نفـس الأخ الفـارس 2000 بالضبـط, بـس السنـة مختـلفة.. !!


بخصـوص الـروتـين.. صحيـح أحـب التجـديـد وايـد عشـان مـا أمل, مثـلا في البيـت أحـب اقتـراح على خـوانـي
أشيـاء يـديدة عشـان مانمـل وكـل واحد في حـاله, مثلا أسـويلهم كيكـة ونيلـس ويـا بعـض نطالع أفـلام, نسـولف,
نلعـب لعبـة>> لعبـة مال الكبــار مو اليهّـال.. وجيــه يعنـي عشـان نيلـس ويـا بعـض ونتيمـع.. !!


مشكـورة الغاليـة, بـس بـسألج متـى موعـد بـرج الثـور.. :laugh: ؟؟!

---

الثور البرج الجاي :fa34:

مرحبا:fa35:

خلاص ما في حملان بعد بواحات بن دبي :kkk: ؟؟؟؟؟؟؟؟؟؟؟؟

شي غريييييييب

مع اني من برج الحوت .. بس الى وصفتيه هني يشبهني اكثر بوايد من الى وصفتيه في برج الحوت =s

على حسب علمي ~ ان الابراج حرام !
.
.
فالقارئ لهذه الأبراج كالمستمع للكاهن فجزاؤه أنه لا تقبل له صلاة أربعين يوماً والدليل (( من أتى عرافا فسأله عن شيء ، لم يقبل له صلاة أربعين ليلة )) صحيح [الألباني – شرح الطحاوية ]
.
.
قال أهل العلم لا تقبل له صلاة أربعين يوماً أي لا ترفع مع كونها واجبة ولا تسقط عنه . والمصدق لما جاء في هذه الأبراج كمن صدق كاهناً أو ساحراً فهذا جزاؤه أنه كفر بما أنزل على محمد صلى الله عليه وسلم والدليل ((من أتى عرافا أو كاهنا ، فصدقه بما يقول ، فقد كفر بما أنزل على محمد )) صحيح [الألباني – شرح الطحاوية ]

ومحد يقول والله انا اقرا الابراج بس ما اصدقها فعادي ماشي اثم علي , لان اللي يقراها مثل اللي يذهب للكاهن ويسمع شو يقول فهذا الشخق ما تنقبل صلاته اربعين يوم هذا اذا كان مكذباً اما اذا كان مصدقاً فـ بـ هـ الحاله يكون قد كفر بما أنزل على محمد صلى الله عليه وسلم وهذا كلام وتقرير من أهل العلم

حبيت انبهكم لـ هـ الشي فقط , واذا محتاجين ادله اكثر انا مستعده اطرحها لكم هنا ,

.
.

اقتباس:

---

المشاركة الأصلية كتبت بواسطة فراشة ودّ

على حسب علمي ~ ان الابراج حرام !
.
.
فالقارئ لهذه الأبراج كالمستمع للكاهن فجزاؤه أنه لا تقبل له صلاة أربعين يوماً والدليل (( من أتى عرافا فسأله عن شيء ، لم يقبل له صلاة أربعين ليلة )) صحيح [الألباني – شرح الطحاوية ]
.
.
قال أهل العلم لا تقبل له صلاة أربعين يوماً أي لا ترفع مع كونها واجبة ولا تسقط عنه . والمصدق لما جاء في هذه الأبراج كمن صدق كاهناً أو ساحراً فهذا جزاؤه أنه كفر بما أنزل على محمد صلى الله عليه وسلم والدليل ((من أتى عرافا أو كاهنا ، فصدقه بما يقول ، فقد كفر بما أنزل على محمد )) صحيح [الألباني – شرح الطحاوية ]

ومحد يقول والله انا اقرا الابراج بس ما اصدقها فعادي ماشي اثم علي , لان اللي يقراها مثل اللي يذهب للكاهن ويسمع شو يقول فهذا الشخق ما تنقبل صلاته اربعين يوم هذا اذا كان مكذباً اما اذا كان مصدقاً فـ بـ هـ الحاله يكون قد كفر بما أنزل على محمد صلى الله عليه وسلم وهذا كلام وتقرير من أهل العلم

حبيت انبهكم لـ هـ الشي فقط , واذا محتاجين ادله اكثر انا مستعده اطرحها لكم هنا ,

.
.

---

هلا ختي فراشة الود انا معاج بالي قلتيه
بس هنيه احنا نتكلم عن تحليل الشخصيات من تاريخ الميلاد لا اكثر ولا اقل
انا ما دخلت بعلم الغيب

اقتباس:

---

المشاركة الأصلية كتبت بواسطة شمعة أمل

شي غريييييييب

مع اني من برج الحوت .. بس الى وصفتيه هني يشبهني اكثر بوايد من الى وصفتيه في برج الحوت =s

---

هلا شمعة امل

اي شهر انتي واليوم؟

مرحبااااااا


مشكووووره ختيه على الموضوووع الحلو شراتج
وانا لحظت ان نص الصفات تنطبق عليه وفديتني
وتسلمين

اقتباس:

---

المشاركة الأصلية كتبت بواسطة مجرد أحساس

مرحبااااااا


مشكووووره ختيه على الموضوووع الحلو شراتج
وانا لحظت ان نص الصفات تنطبق عليه وفديتني
وتسلمين

---

الله يسلمج حبيبتي انتي الحلوة