لبن + جاي= كوكتيل

السلام عليكم..

اشحالكم..

من زمان ما حطيت موضوع.. اكيد اشتقتوا لمواضيعي..

حخش بالموضوع على طول + عرض..= المساحه

اللمهم..

اليوم عندي كمن نوع آدمي..

النوع الاول..

شو رايك لما وااحد او وحده من جداامك احسن ما يكون ويحبك ويبا مصحلتك..

ومن وراك يكرهك ويغار منك..ويستانس لما يشوفك زعلان..

الله يهديه..

النوع الثاني..

شو رايك بالشخص اللي يبين للناس انه قدوه لا يحتذى بها .. ولا يعلى عليه (الله عال ولا يعلى عليه).. وعاقل ويفهم الحياه.. ويعرف اشقايل يتعامل ويا الناس.. ومن منه بطييييييييخه.. ما يفهم شي انسان ما عنده اسلوب فالرمسه ويقعد يعق رمسه على خلق الله.. وسب على ضرابه ..الخ

يافلان كف اذاك عنا..

النوع الثالث..

انسان على قولته ما عنده غير الحمدلله ولا اله الا الله والله اكبر.. واخرشي يطلع.. حاجه تانيه خالص..
يعني مايعرف درب للهدايه.. سبحانك ربي من جدام الناس اشهد ان لا اله الا الله.. ومن ورااهم ماشي سلام حتى..

النوع الرابع..

اربيعك بس بو فيسين قاعد وياك واترمسه ويرمسك.. ولما اكتشفت انه بو ويهين ماحبيت انك تجرحه.. ولما حبيت اتقوله يا فلان ليش اترد على هالريال بهالرد.. اوووف ليش اتقول لي جي.. جام وعق رمسته ونرفزك ولما رديت عليه وعطيته فالصميم قال يلعن بو الصداقه اللي جمعت بينا .. ثرك كنت اتجاملني.. ونعم الصداقه..

يا فلان ترا كلن يرا الناس بعين طبعه..


وانتو اذا عندكم حليب + بيبسي.. لا تبخلون علينا..

© الوصفات محفوظه لـ فركوشه 2006..

:ice:

وعليكم السلام

هيه كنا نتريا مواضيعج ^_^

عن الفئات التي ذكرتيهم جميعهم لا يصلحون لبناء مجتمع صالح بناء ..
هؤلاء الهدامون .. ليس لديهم معنى الصداقة .. لا يعرفون الحياة على اصولها ..
لواءهم النذالة .. الكراهية .. البغض .. الحقد ..

هداهم الله وامنا منهم ..

اشكركِ اختي على الطرح الجميل ..
وفقكِ الله للخير ^__^

كل الأنواع اللي ذكرتيهم يسمونهم "منافقين" وهـ الفئة
تعتبر آفة في كل المجتمعات.. و سبحان الله ما يدشـــون
القلب :narr:

الله يبعدنا عن شر هـ الفئة،، مشكورة عالوصفات الحلوه

الله يحفظج :fa35:

فئات موجوده عزيزتي بكل المجتمعات:fa36:
ولازم بتمر علينا هالنوعية من البشر :fa38: فلازم نتعامل معاهم بالطريقه المناسبه

تسلمين علي الموضوع:fa35:

وعليـكم السـلام ورحمة الله وبركـاته

كمـا قـال عنـهم الأخ اسهـر معـي ليلـة بأنـهم منافقـين..
والشخص الذي يتصـف بإحـدى هذه الصفـات لن يـرتـاح
بـاله ولا ضميـره فـي أي أمر يواجهـــه, لأن قلبـه مــلأه
الحقـد والبغضاء, وشاغل بـالـه في سوء ظن الآخـرين..


أشكـركِ أختي فركـوشة على الكـوكتيـل
وننتـظـر المـزيـد من مشـاركـات قلمــك

:)

وعليكم السلام والرحمه

اممممم
عن نفسي انا عاشرت الفئه الاولى
ومب مره ومرتين .. لا واااايد :fa39:
لكن ما اقول غير الله يحمينا منهم
ويبعدنا عنهم وعن معرفتهم

مشكوره حبوبه
وربي يعطيج العافيه
يسلمووونيشن فركوشتنا

اختج
عـذ الـروح بـة

حشى :fa37: انا اقوووول لبن + جاي = مستشفى :hist: ؟؟؟؟ والله يعيين البطن.

والله موضوعج يجنن وبيطر العقــــل !!!

انا اقووول تقريبا كلهم مشابهيين ومافي وجه مقارنه !!! بالعربي كلهم منافقوووووووووون


أشكـرج أختي فركـوووووووشة عالموضوووووووووع

وانا شو فيني على الحرف (و) ؟؟؟ :boxed:

السلام عليكم

بعد إذن صاحبة الموضوع
ينقل لواحة الأصدقاء و التعارف

امممم .. النوع الاول .. واايد شي منهــم ..
يبينون لك انهــم أعــز وأقرب النــاس لك .. ولكـــن مــن وراكـ للأسف ..

النوع الثــاني ..
بعـــد منهم واااااااايــد .. القول عــكــس الفــعل .. ومــثل ما قالوا " منافقيــن " ..
وتسلمــين عـ الطرح ..
:)

فركوشه:: وانا ادورج في الواحات واقول وينها مختفية :kkk: ،،، ويوم دشيت موضوعج ماشفت الاراسج ،، وين الباقي (سويتي رجيم) :hist: (صورتج)

الصراحة لمحت اسمي قلت هااااااااا :puppyeyes: خير ان شاء الله

الفئات الي ذكرتيهم موجودين في كل مكان وفي كل زمان ،،، وانتي عليج بالاختيار الصحيح .. يعني اذا شفتي هالفئات ومارتحتي وياهم ابتعدي على طوووووووووووووول ولا تعورين راسج وياهم :yes:

هاي المعادلة يسمونها ....... كاتشاب + لبن = :bye2:

السلام عليكم


من فترة جريبة تعرضت لموقف .. من إنسانه كانت وايد جريبه مني .. وكانت قمة في الطيبة والأخلاق (ويمكن أكون أنا قمة في السذاجه:boxed: )

لدرجة أني وايد اسير بيتهم ...واعرف اهلها وخواتها ... وربعها مال الفريج ..يعني حسيت اني محظوظة بتواجدي بينهم ..وخصوصاً صدف إني شفتها في السفر ..وكنت نعم الأخت دائماً لها...:yes:

فجأه....سمعت كلام من وحده وايد صدمني..!!..كل أسراري ...كلامي...مواقف صارت لي..كلها..مع بعض البهارات...والزيادات... منتقله عن طريق من كانت صديقتي..!!


طبعاً أنا ما ألومها كثر ما ألوم نفسي..:fa39: بس جد في ناس ما تتوقع إنه درجة النفاق فيهم ممكن توصل لهالمستوى..!!


الحمدلله إنه الإنسان يمر في هالمواقف اللي تعلمه يكون أحسن وأكثر حذر في المسقبل....



احس الموضوع ما يخصه في واحة الأصدقاء...المفتوحه أنسب:narr: بس عاد يوم الكبار يرمسون ..الصغار...:mar7aba:



السموحه

طبعا مثل ما قلتوا هالفئه تعتبر منافقه..واكبر من منافقه..

وتسلموو عالمرور وردودكم الطيبه..


بس سوعال .. انتو فاشلين فالرياضيات..؟؟

من متى الطول+ العرض = المساحه..

احيد الطول + العرض= المحيط.. والطول x العرض= المساحه..

ليش ما نبهتوني..( انا اصلا حطيت هالقاعده عشان اختبر ذكائكم..اوني عااد)

وتسلمون مره ثانيه عالرد..