مــليت من نفسي !

حالة ملل تصيب الشخص من أي شي من أي فرد .. ولكن مشكلة يوم تمل من نفسك ..
هل هذا يعني إنك مش راضي عنها ؟؟؟
وإلا يوم تختلي بنفسك وتفكر عدل وتكون في وعيك .. تعرف إنك فعلا التصرف اللي تسويه واللي ينتقدونه أكثر الناس اللي يحتكون بك بشكل يومي ... إنه كلامهم واضح وصحيح ..

تدرون إني أنا ... أصبح الصبح .. الحمدلله بخير ونعمة .. لكن النرفزة هااااي أبغي أودرها ...
أتماسك في مواقف صعبة ... وأدرب نفسي لكن سرعان ما أرد على الحركات الغير لايقة بشخصي ..
ومكاني في العمل ...

أسلم على هذا وهذاك .. وآخذ الشغل اللي عندي .. دقايق وأبدأ في نقاش حاد مع فلان وعلان ...
بعض من ربعي يتجنبوني ... وأنا ما أحب حد ينفر مني .. لكن هااي طبيعتي اللي مليت منها ....
" لكن مابغي أكون بو طبيع ما إييوز عن طبعه " يا الله ...

من أيام كنا نتكلم .. قال ربيعي .. الصراحة انته توترنا يوم تعصب ... ليش جيه ؟؟؟
ماعرفت أرد عليه غير بإبتسامه .. وفكرت فعلا ليش جيه أنا ....

كيف أكون نصي أنا ونصي مب أنا ..

المزوحي ..
موضوعك او مشكلتك انا اعاااني منها

بس انا مشكلتي .. شوي غير !!
انا دوووم اخذ الاشياء بحساسيه .. ودمعتي من اتفه الاسبااب تنزل ..
معظم ربيعاتي يسموني الصياحه .. وانا ماانكر هالشي ..
دموعي الشي الوحيد الي يواسيني فهالدنيا :(
دايم اتحمل الظلم .. واسكت .. وماافكر حتى اخذ حقي ..
اسوي اشياء تضايجني موووووت .. بس عشان عيوون الغالين ..
اكون مضطره اني اسويه ..
تعبت بحياتي .. والله تعبت !!
وكل ماافمر اني اتغير .. ويكون عندي الاستعداد !!
للاسف بعد اقل من ساعات معدوده ارجع نفس ماكنت ..
مرات حتى مااكون قد كلمتي .. والسبه مثل مايقولوون طيبتي ..
مرات ... حتى اطلع جدام ربيعاتي بصوره ضعيفه !!

مااعرف شو اسوي..
كيف اتغير ..

مرات اتمنى ان يكون فيني ولو شويه من الانانيه ..
عشات افكر بعمري .. وانسى الي حولي ..


انا يهالرد مااحاول ابين اني انا طيبه .. وزينه ..

بالعكس .. الي يزيد عن حده ينجلب ضده ...
وانا هالشي صاير ضدي ..
ومااحس اني مره استفدت من طيبتي ..
الا المصايب كلها اتيني من طيبتي ...

الله كريم ,,,

بس لو حصلت طريقه .. وقدرت اتغير من نفسك ..
لا تنسى وخيتك

ماننساج وإن شاء الله الربع في الواحات يفيدونا ... لكن لاتخلين هالشي يسيطر عليج ولا حتى هم يعاملونج بهالصورة ... تكون عندج إرادة وتعودين نفسج إنه الأمر التافه يكون تافه وماتفكرين به عسب ماتنزل دمعتج على أي شي ...
الواحد يكون طيب بس مب بزيادة عسب مايكون ساذج ويضحكون عليه الناس ...
وممكن تسوين أشياء لنفسج ومب شرط تكون انانية ولكن عشان ماتظلمين نفسج فمن حقج تسعدين عمرج ...

مب قصدي شي no offence
بس انت وااااااااايد تفكر لدرجه تخليه يأثر فنفسك:s
اذا اتم جي بتكون متضايج 24\7 >_<
لاتعور راسك الحياه حلوه *مع انه فيها وايد اشيا بايخه بس في الاخير الحياه حلوه*

السلام عليكم و رحمة الله و بركاته

المزوحي

بالنسبه لمشكلتك
كنت قاريه قصه ما أذكر تفاصيلها بالضبط
بس الى أحيده أنه واحد من الى كانوا عايشين أظني فبداية العصور الاسلاميه
كان يبى ايغير شي من أطباعه
فعشان جيه حط حصاه افثمه فتم كلما يرمس
و ايحس بها يتذكر هالطبع و أنه المفروض ما ايسويه

المهم أنا الى أبغي أقوله
أنه دامنك ناوي اتغير هالطبع بتقدر اتغيره
حاول أنك اتسوي لعمرك شي ايذكرك بالى نويت عليه
ما أقولك اتسوي شرات هالريال
بس انته حدد الى تقدر اتسويه يعني مثلا قول لأقرب ربعك
و الى ايكون وياك دوم اينبهك إذا حرجت
ولا حاول أنك تتعود على أنك تستغفر إذا توترت

..

و السموحه
:)

المزوحي .. حبيت مشكلتك لانها موجوده في كل شخص بس بطرق متفاوته ... يعني انته عصبي وغيرك حساس وووووو وكلنا محتاجين للتغيير ...

شورايك في الاستشارات النفسيه ؟؟؟؟

اذا حصلت خبرني ..

السلام عليكم اولا
المزوحي اولا مشكلتك سهله دامك عرفت اساسها
النرفزه اللي انت فيها يمكن وراها عوامل نفسيه وايد
عانيت من المشكله هاي وايد بس لقيت الحل سهل
وقت ما احس اني عصبت او الموضوع طلعني عن
عقلي اتعوذ من ابليس اذكر الله في قلبي وابتسم
الكل يعرف انه بخاطري بلاوي اقولها بس اسكت
اتعوذ واهدا
جرب الطريقه هاي حاول تذكر الله وقت انت معصب
وصل عالنبي كثر ما تقدر وابتعد عن المكان لين تهدا

واسمحلي عالراي البسيط

تحياتي

سيدة الحب

لمـ حب ـحة

الطيبه عيب هالزمن ونصيحة اخت عانت من الطيبه وعاشت ترضي الناس

وتنسا انها عايشة ولها مشاعر

يعتمد شعورج عالمكان اللي انتي فيه وعمرج،انا يمكن الغربه قستني واااااايد

بس للحين الطيبه لها اثر غبي بحياتي

اهم شي ابدي بنفسج شوفي شو يزعلج وابعدي عنه

حاولي لا تظلمين نفسج عشان غيرج والله اصعب ظلم هو ظلم النفس

اللي ما تقدرين عليه قولي ما اقدر واجهي الناس وواجهي نفسج اهم شي

واجهي ضعفج وقولي ما اقدر تدرين شو الضعف؟؟؟؟

انج ما تقولين لا

even though to ur self,be strong start changing ur life

go and face every one even if u love them and if they love u

they will consider u and they will respect u

go ahead and start with ur self

put a plan think about all the details what is right and what is wrong

and if u will do this will u be happy with ur self or not

the most important thing is u,keep one word in ur mind

I AM THE ONE WHO I SHOULD CARE ABOUT FIRST

cuz u cant give any one any thing if u dont have it

keep going and trust ur self
and u will be fine

am sorry to write in english i get used to it and its very difficult

for me to write with out arabic board just remembering where are

the letters

sorry again

with love

سيدة الحب

تبي نصيحتي؟؟؟؟؟؟؟؟؟؟

زور المقبره اخوي المزوحي
واجلس هناك شوي ماراح تسمع غير الصمت, شوف القبور المتناثره
فكر كم واحد منهم عصب علي امور ما تسوي كم واحد منهم اتنرفز علي شئ ما يسوي

وفي النهاية ما خذو معاهم شئ غير عملهم وتركوا بينا سيرتهم

فكر ايش تبي تترك وراك يوم ترحل عن هالدنيا لانه بيجئ يوم ترحل عنها لانه الموت حق
تبي زميلك يذكر يوم تناشبت معاه علي شئ ما يساوي

صدقيني عزيزي يوم تشوف المقبره راح تعرف انه الدنيا ما تسوي تعب روحك عليها

مرحبااا المزوحي \\ ما ادري \\ بس انا مااشوفك عصبي بالعكس احسك واايد مرن \\ و عندك نفس طويل للاخذ و الرد و تقبل الاخرين \\ بس يمكن لانك اتفكر وااايد في فتره معينه فتكون سريع الانفعال (( او في اشياء - مخاوف خفيه - تضغط عليك - المخاوف الخفيه مثل السيارة تبغي تصليح و انت ماعندك خرده - مثل الشعور بان الالتزامات كثيره - وشوف انت شو عنده )) لان هالامور فالغالب انت ما تتكلم عنها جدام كل من هب ودب بس هي الي تشغل جزء من ذهنك في اوقات ذروته يعني يوم يكون ذهنك صافي (( اول الصبح \\ بعد المغرب \\ قبل النوم او عند النوم )) و حالة الشعور بالملل هو الملل من وضع انت فيه (( غالبنا يمر بهالحالة - بس يمكن البعض ما اتطول عنده و البعض تاخذ سنين و ما يغير وضعه - شوف تأفف طلاب الجامعه قبل فترة الامتحانات و الضيج او الملل الي يحسون و يمرون فيه )) المهم انك من اتحس بالملل دور عن الوضع الي سبب هالشي و غيره او عدل فيه بتحس ان الملل راح و اعصابك هدت و السموحه حبوبي جااان خربطت عليك

السلام عليكم والرحمه

اشحالك اليوم اخويه ..؟
عساك مب منرفز <--- عن تيي الحينه وتنرفز علينا :kkk:
ان شا الله تكون بـ صحه وعافيه .. & ريلاكس

اممممم ... ما ادري
لو يصير .. بـ اقول انا من النوع اللي ينرفز
واكون صريحه وياك اكثر ... انرفز لـ أتفه الاسباب
لو مع اهلي وربيعاتي .. او حتى مع نفسي
والاكثر اني انرفز يوم اكون بـ روحي
ما احس على عمري الا وبديت اتافف .. من كل شي حولي

يعني مثلاً ..
لو ييت ابى ادور على قلم حطيته بين كتبي
وكنت مستعيله وابى الحق عـ الجامعه
وما لقيته .. انرفز بـ شكل مب طبيعي
شفت كيف ؟! منو احسن انا والا انت؟
أكيد انت .. والحمد الله:yes:

طبعا ما حد سلم مني .. لا انا .. ولا اهلي
يمكن ربيعاتي شويه وما لاحظوا فيني هـ الشي لاني ما احتك بهم وايد :yes:

لكن هـ العاده لين الحين من يوم انا صغيره وهي وياي
لكن من فتره .. اقل عن شهر
التقيت فـ مؤتمر بـ دبي .. بـ معالجه نفسيه
تمينا نسولف وياها ..
وقلت لها اني وايد عصبيه وانرفز بـ سرعه
قالت لي اهم شي .. نقوله حق مراجعينا
انهم يوم يحسون انه الحاله النفسيه بدت على مشارف النرفزه
ياخذون نفس عميق ... كثر ما يقدرون يتمالكون نفسهم
ويعدون من 1-10 ... وهـ الوقت بتهدى اعصابهم شويه لو حتى 10%
وهـ الشي يساعد انه يعطيهم عده اختيارات لـ رده الفعل غير النرفزه والتعصيب

ما بقص عليك ..
واقول اني جربتها ونفعت معايه دوم
لا .. لانه احيانا .. اقصد في الاغلب :doh:
تكون نرفزتي اسرع من تفكيري من اني آخذ نفس او حتى اني اعد من 1-10
لكن في كم من موقف مر علي من فتره تذكرت اللي قالته لي
وسويته .. واخذت موقف حلو او اقدر اقول عنه انه معقول :yes:

فـ هـ الحاله اللي انت ذكرتها
احس انك ... اسهل عني وما تنرفز كثر نرفزتي
تقدر انك تفكر بـ الرمسه اللي قالتها لي الاخت
وتحاول قد ما تقدر انك تحطها فـ بالك
وان شا الله تتحسن الاحوال ..
وتيوز عن نرفزتك اللي ما لها داعي <--- سمعوا منو ترمس brgll:
الله يوفقك اخويه .. وعساها تتسهل امورك
والسموحه لو طولناها وهي قصيره :fa36:

اختك
عـذ الـروح بـة

وعد من يومين استوى خلاف بيني وبين زميل عمل .. وقلت له اسمح لي على اللي صار ..
لأنه هو مب فاهم قصدي .. لكن الحلو اللي فيه إنه رد عاادي مثل أول ..... اعنبوا الجدور في المطبخ تتضارب ..

لا خنفروش أبدا ماخربطت وتسلم على النصيحة ...

تسلمين لكن انا قالوا لي عد من 10-1 افضل عسب اتم تفكر شو عقب 10