أبا أفضفض للبحر...بعتبركم انتوا البحر

السلا م عليكم يااعزائي (البحر) :kkk:

اكيد مستغربين من كلامي ..

الصراحة كنت متعودة كل اربعا اسير بحر الممزر واجابل البحر واستمتع بالرياضه على الشاطئ..

لكنهم والله يسامحهم ويسامح الي كان السبب ،، كنسلوا يوم الحريم ...

ليش؟؟ :cop:

السبب يعود لفئة البنات المنحرفات الي كانوا اشبه بالشباب في تصرفاتهن وحركاتهن الفوضويه،، عشان شوية حركات وتصرفات غير لائقة منهن ،، قامت الادارة ولغت هاليوم .. لانهم ماقدروا يسيطرون عالوضوع .............. :nono:

وانحرمنا نحن والعوايل والاطفال من متعة البحر وهاليوم الي كنا نترياه بفارغ الصبر .... :bye2:

يعني الحين الوحدة وين ممكن اتسير واتفضفض حق البحر بكامل حريتها ومن دون قيود ؟؟؟؟

يالله خبروني تراكم انتوا البحر بالنسبة لي الحين؟؟؟؟؟؟؟؟؟؟؟؟؟؟

وعليكم السلام ..

انا مرة رحت الى بحر الممزر يوم الاربعاء ..
ولكني وجدت الاغلب عوائل وليس شباب قلة من هم شباب ..
ففي هذا اليوم تستطيعين ان تجدي قليلا من الراحة اكثر من اي يوم اخر ..

وايضا في ابوظبي .. هناك شاطئ السيدات ..
وهناك ايضا نوادي خاصة للفتيات تستطيعين ان تفعلي ما يحلو لكِ ..

وفقكِ الله .. ونحن لن تقصر معكِ ^__^

الله يعينج ياللبن ... انتوا البنات مساكين ... ماعندكم مكان حق المشي والرياضة الا النوادي ... اما البحر فخلوه حق الشباب ...

الفروض الادارة اتعيد النظر في الموضوع لان الصيف ياي والعوايل يدورون مكان حق عيالهم .. واحيد الاهل كل اربعا في الممزر ...

انزين فضفضي حق اي بحر ثاني غير الممزر ... ترا البحر يحتويج ويحتوي الكل ... صدره واسع ومايمل

عليكم السلام ورحمه الله

من بين تلك الامواج تأتي موجه حامله اسم مــأ لترى الفضفضه ..
لترى و تساند ، لتقف و تستمع تلك الحروف الداخليه لذاك اللبن
الذي يكاد أن يذوب من ضيق المكان ..
المنحرفات و هذه الطائفه ليست الا طائفه قليله من طوائف
كثيره تعيش في مجتمعنا ، سببت ولا تزال تسبب العوائق في
مختلف الاماكن و المرافق العامه ، يأتون و يعيقون راحتنا
و حرياتنا ..
في الاسبوع اللي طاف قلنا بنسير نلعب بالاسكوترات .. :kkk:
تمنيا انفكر وين بناخذ راحتنا مع عرفنا وين انروح قلنا الممزر
قالوا زحمه و عالم و مب بنرتاح و خاصه بنيلس نلعب و نسحب
التيوب العود و الموز, و بحر جميرا ممنوعين من اللعبه عليه تدورن
الطوائف تسبب قوانين الحرمان على حدود الامان ، فهم من يلقون
العتب علينا في بلاد نحن اساسها غرباء عليها ،،
وصلنا الين غنتوت و عندنا عزبه عالبحر سرنا و لعبنا اهناك ..

عزيزتي لبن مثلج قد تقيد الحريات و قد تلاحقنا المطبات
ولكن حاولي انج اتابعين حديقه شاطئ جميرا على ما اعتقد
انها ما زال هناك يوم للنساء و اذا ما شيء ، تقدرين اتروحين
وتسجلين في نادي دبي للسيدات في جميرا و عالبحر ..

قلوب دبي

الملهم:: ميزة حديقة الممزر انها عوده والشواطي فيها متعددة ..

كشرة:: شكرا

قلوب دبي:: احلى مافيك .. هدوء اعصابك (ماشاءالله عليك) ... يعني اذا كان البحر قريب البيت ومكانه هادي ،، صعب على اروح جميرا (واااااااااايد زحمة) ووايد اجانب واعوذبالله منهم ...

يوم اقولكم انتوا احلى بحر ممكن الواحد يلجا له :kcl:

مشكورين

^
بالعكس نادي جميرا للنساء كله عرب نادرا تحصلين اجانب.. والمكان هادي وترومين تاخذين راحتج ^_^

لبن مثلج .. كيف نخبرج .. ترانا نحن البحر وانت تقولين للبحر ...

بس فعلا أنا سمعت نفس الكلام اللي تقولينه ... بس سيري يوم العائلات ...

أحسن ما تتمللين ..