اختلاف الرأي يفسد للود قضية !

غالبا يوم تتناقش نقاش حاد مع من تعزه وتختلفون بالرأي مع من توده آخر شي نقول
" اختلاف الرأي لا يفسد للود قضية " لكن اللي ألاحظه عكس مانسمع من الجملة المشهورة ..
فكثير ماتحدث نقاشات عن مختلف المواضيع مع الأصدقاء .. اللي كان من بينا حدود واحترام ..
ولكن لأنه من سنين مع بعض يمكن الصوت بدأ يعلى .. هل لحكم السنين والأمر عادي أو إنه
بيصير الأمر اختلاف الرأي يفسد للود قضية بسبب تصريحات نارية !!

خلنا نقرب شويه ونقول " استوب .. خل الاحترام موجود " واختلاف الرأي لا يفسد للود قضية
فهل صادفكم موقف .. خل الطرف الثاني ياخذ موقف منك أو انته تاخذ موقف من الطرف الثاني
بسبب اختلااف الرأي ؟؟

فما حدث بالأمس .. تكلمنا عن موضوع " مـا " وكنا ما أحلانا .. شويه والأصوات بدت تعلى وكأنه
في حرب ... شفت نفسي مش أنا وشفت ربعي مش هم .. فهل هذا أمر طبيعي .. كل واحد له وجهة نظر
وأعرف إنه كل واحد له وجهة نظر تختلف .. حتى لو أنا على سبيل المثال وجهة نظري مثل وجهة نظر فلان ولكن الثالث يختلف والعكس ..

أتمنى محد ينفر مني .. بسبب ذلك ..

السلام عليكم

اختلاف الرأي المفروض انه لا يفسد للود قضية
بس صدق نفس ما قلت احيانا تعلى الاصوات وتاخذ النقاشات مجرى ثاني
المفروض انه يكون في اسلوب للحوار و احترام للرأي الاخر ,,, بس منو اللي يطبق هالشي :no0:
.
مرت علي مواقف شرات هاي ,, وتتحول احيانا لحرب :narr: لول ,, خصوصا يوم يكون فيه مشجعين :harhar1:
بس مب انها توصل اني اخذ موقف من هالشخص
لانه مجرد اختلاف في الراي و ها شي طبيعي :yes:

شكرا لج الاخت عفاريتووو .. وأحيانا المشجعين مايشجعون .. يعني بس يتطالعون الطرفين ..

اختلاف الرأي لا يفسد للود قضيه ..... همممممم هو مثل حلو والمفروض يتطبق بس صعب احيانا

أنا عن نفسي ما أخذ موقف من غيري بعد نقاش حاد سواء علت الأصوات او الآراء .. بس في وحده ماخذه مني موقف من سنتين ولليوم ما غفرت لي الي صار ... كنا بين مجموعه كبيره من البنات في عزيمه عشا وهاي الله يسلمكم ماشاء الله عليها عنيده ومن النوع الي ما يغير رايه لو الي أنقوله صح والي اتقوله غلط ..

تناقشنا في واحد من الموضوعات وهي اصرت عرايها وانا احاول اقنع فيها اكثر من ساعه ما اتطيع اخرتها عصبت عليها ورفعت صوتي لانها صدق اتنرفز وتمو كل الموجودين يتطالعونا ... قفطت واعتذرت منها نفس الوقت جدام الكل بس بعدها شاله عليه ...

هني اقول اختلاف الرأي يفسد للود قضيه لأنه أحيانا العصبيه الزايده اتزيد الطينه بله ....



المزوحي .... عادي خلك كوول وتعود ع هالشي

وحطينا الملح على الجرح اختلفت مع خويتي عسب حفلة التخرج:smartass:

المشكله السالفه ماتسوى يعني قاعده افكر ليييييييييييش حنا كذى على الدقه نستحمق وناخذ الموضوع بحساسيه ونبيع السنين الماضيه على شي مايرزى
والنهاية :bye2: ربيه يعينا على دواااام السبت

اظني المشكله مكموونه في نفووسنا يعني نتوقع دوووووووم إلي نعزه ونغليه شراات راينا أو على هوااانا ويوم نلقااه يخالف الراي قامت الدنيا باستحمااق وسكووت فضيع:sadwalk: يسوود قبل قعدت الدنيا وبالنهايه كل وااحد بالطريق والمصبيه إن إلي يدخل عسب يهدي الوضع:sad4: يقوم ويولعه:narr: ربي يهدي الجميع

الله يعين الله يعين
والدنيا ماتسوى ... في ثواني الود يضيع

هزايم شكرا على الإضافة .. وفعلا .. أحيانا النقاش يوم يكون مع شخص توده غييير .. تحس كأنه
شي كبير .. يعني غير عن الأخ .. غير عن فلان .. وتحس إنك ممكن تفور أسرع مع إنه ممكن من البادية تكون هااادي وتتكلم رسمي ..