شـــورايكــم... نشتريــها ؟؟

الســـلام عليـــكم...

ودي أشـــاوركم بهالسيـــاره..

http://www.toyotauae.com/arabic/imag...ours/white.jpg


Prado
. . .

حد ينصـــح بها..؟؟

وشو عيوبها و ميــزاتها..؟؟

. . .


وفي حد يقترح علي سياره فورويل.. يعني ما اتزيد جيمتها عن 130 ألف درهم بس تنفع للخطوط و للعوايل..؟؟

.
.

صح.. شو رايكم بالانفنيتي فورويل.. ( ما أعرف اساميهم .. ماعندي خبره في هالسوالف )
والـX5

وهالانواع من السيايير..

.
.

الانفنتي مب مريحه ف يلستها ... البرادو احسن بواااايد و كفايه انها تويوتا .. و عندكم هوندا mrv ... احلى و اقوى من البرادو و سعرها معقول .. 100 الف او اقل مب اكثر

و الفورويلات الالمانيه ما تنفع للخطوط .. مثل الكايين و الاكس فايف و المرسدس ام ال

البرادو ما عليها كلام،، سيارة غاوية ومريحه وما فيها مشاكل واشوفها حق عايله من 6 او 7 اشخاص بالكثير،، لأنها مب وسيعة شرات النيسان أو الكروزر

تقدرون تزيدون عالـ 130 الف شويه،، وتاخذون الأرمادا،، كبيرة وفخمة وقوية و وسيعه واايد،، وفي نفس الوقت ارخص من اللي في فئتها،، لأنها امريكيه ويابانية في نفس الوقت

http://auto.consumerguide.com/images...9141990006.JPG

::
::

واذا عادي تاخذون سيارة امريكية،، اتريوا الجمس والشفر،، بينزلون قريب ان شالله

http://www.gminsidenews.com/naias/GM...ukon/yukd6.jpg

http://www.gazeta.ru/files/408190/cheva1.jpg

::
::

ان شالله اكون فدتج

اخوي اسهر معي ليله ... في شي عن الارمادا يمكن ما تعرفه .. 90 % قطع الغيار مب متوافره فالامارات ... اذا الموتر اخترب بيقولون لهم اتريوا شهر لين ما انييبلكم السامان .. و سيارات نيسان معروفه ب أعطالها المتكرره

شرجـــاوي

هـــوندا..! ممم.. ما ادري احس انه التيوتا بتكون احسن من الهوندا..!!
بس بشوف هاللي تقصدها..

.
.

EML

الله يسلمك.. احنا صح عايله بس ما نتعدى 3 أشخاص ، كنت اقصد العايله انه الدريول يسوقها مب نحن..
والبرادو.. النسيب عنده وحده.. بس عوده علينا..هاي تنفع للي عنده صغاريه ..

احنا كنا ناوين ع اللاند كروزر.. بس خساره نشتري وحده يديده الحين و عقب سنه ما ادري سنتين بيتغير شكلها نهائياً.. فقلنا ناخذ شي حلو ومريح لين ما انشوف الكروزر كيف بتكون..

صح.. الشيفر و الجيمس.. كم بتكون اسعارهم تقريباً؟؟
.
.

شرجاوي

صدق..!! مشكله عيل.. اصحابها بيتعطلون وايد اذا جي حالها..!!

يعني الهوندا احسن عن المورانو؟؟؟

لاني ناويه اخذ مورانو..!!

سوري طرحت استفســــار في موضوعج شوق القلوب..
بس حبيت استفيد..

البارادو احسن عن كل اللي ذكر
هوندا قطع غيارها نار
انفنتي والا X5 سعرهم غالي وعموما ما ينفعون للخطوط ..

شمه

المورانو افضل

مورانو لاباااس فيها شمه .. اما بالنسبة لسيارة فورييل أختي شوق القلوب وسيارة بهالقيمة فتويوتا برادو الأفضل ولو إنه شكليا وايدين مب داخله مزاجهم .. لكن سيارة عملية .. تكد وجيمتها فيها ..

:: شرجاوي ::

بالنسبة لقطع الغيار فـ مادري الصراحه،، بس يمكن هالشي كان اول ما نزلت السيارة،، لأنه اي سيارة اول ما تنزل فالسوق توصل قطع الغيار عقب بـ شهرين او ثلاث ،، اما انه على طول فـ مستحيل هالشي،،

:: شوق القلوب::

الشفر والجمس حالياً اسعارهم تبدا من 115 تقريباً،، بس الأشكال اليديده اذا نزلت يمكن تكون اغلى،، اعتقد تقدرين تتصلين الوكالة وتستفسرين لأنها قريب بتنزل واكيد فيه ناس بدوا يحجزون


:: شمه ::

المورانو اكيد احسن واصغر،، لأن الهوندا اللي يطرونها ما يخصها في المورانو،، عائلية وايد،، هاي صورة

http://automobiles.honda.com/images/...ery/large3.jpg

شمــه

خذي راحتج عزيزتي.. كلنا هنيه بنا نستفيد :bow:
.
.

عاشق قلم

الحين.. يعني المورانو أحسن من البرادو..؟؟
وشو سعر المورانو و البرادو.. و شو الفرق بينهم في المميزات..؟

.
.

المزوحي

والله احنا وايد مدحولنا البارادو.. انها زينه و ماتصرف بترول..!

.
.

EML

هممم...

يبالنا نتصل و نسأل.. و انسوي جوله ع الـوكالات..!

.
.

اسعار قطع غيارالبرادو نار ... ضمان الهوندا احسن من التويوتا .. 3 سنوات بدون تحديد الكيلو ... و عن الارمادا واحد من ربعنا عنده انفنتي q56 و دقت مكينته ( نفس مكينة الارمادا ) .. يوم ودى الموتر قالوله ما عندنا بساتن هنه لازم تتريا لين ما انييبهن لك ,,, موتره لين الحين واقف من اسبوعين و السبب ان الوكاله ما تروم تدفع جيمة الشحن بالطياره و عدم توافر قطع الغيار

شرجـــاوي

انت امجرب الهوندا كـ سواقه ؟

وشو بعد فيها زين غير سالفه قطع الغيار الارخص ؟؟

شوق القلوب .،.،

شو رايج بالمورانو ؟ البرادو ممكن يتغير شكلها بعد فتره لكن المورانو توها نازله ومناسبه لكم إذا كانت عايلتكم صغيره وبنظري أفخم .،.،

ماشي أحسن من انج اتسيرين الوكالات واتشوفين بعينج .،.،.،
هذا كـان رايي .،.،.،
والسموحـــه عزيزتي

هيه جربتها .. صرفية البترول وايد اوكي .. السيتات ناعمه و مريحه و ماتعور الظهر عكس المورانو ... و سعرها وااااايد حلو بالنسبه للبرادو و المورانو ... انصحج بها

عاد عن السيتات ما ادري .،.،
أحسن شي تسألين شخص عنده مورانو ويستخدمها بإستمرار .،.،
والهوندا الي طراها شرجاوي حلوه تراها

مثل ما قلت لج مالج الا اتسوين جوله ف الوكالات مثل ما سويت أنا ^_^