هو و هي......................................

fuهي: تعرف حبيبي في اغنية كل ما اسمعها اذكرك
هو:ايش هي الاغنية فديتج
هي :اغنية ذكري "علمني الحب" .......يالسه تغني الاغنية
هو : حلوه الاغنية بس اخاف منها
هي : ليش ليش؟
هو : اخترتي اغنية لمغنية ماتت واخاف حبنا بيوم يموت وتنسيني
هي:انسي روحي ولا انساك ,اهم شئ خلك واثق من نفسك يوم تقابل ابوي باجر
هو: ان شاء الله
هي:حبيبي لازم امشي الحين
هو:لحظه........ وين تو الناس
هي: وانا بعد والله ما شبعت منك بس لازم استذن الحين ,حبيبي امانه خلك واثق من نفسك من باجر ولا تهتم انا قلبي وعقلي معاك
هو: و لا يهمج ان شاء الله
وحضر باجر وحضر "هو" علي الموعد السعه 6 بعد صلاة المغرب
وهي تشوفه من الدريشه وتبتسم وهو يطالعها ويبتسم ويطرش لها مسج" احبج" وهي تحس الدنيا ترقص جدامها بس خايفه , ما تدري ليش قلبها مقبوض
نظر الاب ل "هو" نظره متفحصه
الاب: مرحبا فيك يا ولدي اشكرك انك نفذت طلبي وحضرت بروحك من غير ابوك واخوانك
هو: هلا فيك عمي انا احترمت رغبتك وانا شاري بنتك
ينظر الاب مره ثانيه ل "هو" بنظره خالية من اي مشاعر
الاب: تعرف انا ربيت بنتي بمستوي الاميرات عمرها ما تمنيت شئ الا وحصلته
تظن انك قادر تعيشها بنفس المستوي؟؟؟؟؟؟
هو: انا يا عمي ما ارح اقصر عليها بشئ وراح اعطيها عيوني
الاب: كم راتبك؟؟
هو: -----
ابتسم الاب:هذا مصروف بنتي بيومين
تغيرت نظره الاب الي نظره قاسيه نظره من خلي قلبه من الرحمه
الاب: طلبك مو عندنا دور لك علي وحده من مستواك
صمت "هو" تمني الارض تنشق وتبلعه
وهي كانت عند الباب تسمع كانت تصيح بصمت كنت تحس فيه من غير ما يتكلم
كانت تعرف كيف انه كرامته وعزته فوق كل شئ وهذا الي دايما كان يخليها تتعلق فيه وتحبه اكثر
كان ودها تدخل الميلس كان ودها تصرخ احبه يا يبه وما اقدر اعيش بدونه
هو الي اختاره قلبي وعقلي هو الي لو يوم مر من غير ما اسمعه يقول حبيبتي اموت
لكنها وقفت بمكانها تجمدت بمكانها وحسيت الدم وقف بعروقها
يوم سمعته يتكلم
والعبرة تخنقه : الله يوفقها بالي يكون من مستوها
ومرت الايام والشهور
مرت عليها ليال ما كنت تدري هي وينها فيه كانت مثل المغشي عليه
كانت تدور عليه من بين الوجوه كانت تبي تسمع صوته
وهو حاله حال كان يشوف فيها الحلم الجميل كان يحسها تؤم روحه
حاولت معه امه بشتي الطرق انه يتزوج
لكن هيهات عقله وقلبه مو ملكه
كان عارف انه راح يظلم اي انسانه معه لانه ما راح يقدر ينسها
.................
ومرت سنه
......................
هي : هاتي لي الجريده ابي اقرها
الشغاله: ان شاء الله
وهي تتصفح الجريد وقفت عينها علي الخبر
"انتقل الي رحمة الله فلان الفلاني تقبل التعازي بمنزل والده الكائن بالمنطقه الفلانيه
هو نعم هو
ما حسيت بنفسها الا تلبس العبايه وتروح بيته
دخلت البيت والوجوه تسال عنها
من هذي الغريبه
انا مو غريبه انا اقرب الناس له لو تدرون
ما كنت تصيح كانت مثل من ضيع دربه
شافتها اخته صندق اسراره وعارفه بقصتهم من البداية
اخته: تعالي
هي: وينه ابي اشوفه
الاخت والدموع تغطي ويها: احوي مات
هي: انتي جذابه ما يصير يموت
واغمي عليها
................
ماتت هي مرتين مره يوم انحرمت منه وهو حي ومره يوم سرقه الموت منها
انتهت علاقتها بمن حولها والعالم
صارت مثل الشبح
حاول ابوها بشتي الطرق استرجاع بنته
لكن لا حياة لمن تنادي كانت ميتة الروح بجسد حي
كانت تصلي لكي يجمعها رب العالمين به بجنة الخلد
كانت تتمني تندفن بجنبه
......................
وبعد وفاته بثلاثة اشهر توفت هي .وتلفونها بيدها كانت يالسه تشوف المسج "احبج"


شرايكم؟؟؟؟؟؟؟؟؟؟

حرااااااااااااااام ..
تعور القلب والله ,, دااايما كل همهم البيزااااات .. :fa36:


تسلم يمنااااج ,,

حراااااااااااام (.:* *:.) .. الدمعه مرسومه .. :bye2:

اقتباس:

---

المشاركة الأصلية كتبت بواسطة قرموشة

حرااااااااااااااام ..
تعور القلب والله ,, دااايما كل همهم البيزااااات .. :fa36:


تسلم يمنااااج ,,

حراااااااااااام (.:* *:.) .. الدمعه مرسومه .. :bye2:

---

هلا قرموشه
تصدقين كنت يالسه اكتبها واصيح حسيت نفسي مكان بطلة القصه
تاثرج خلاني احس انه القصه مع انها حزينه لكنها عجبتج
مشكوره يا قلبي:fa35:

اقتباس:

---

المشاركة الأصلية كتبت بواسطة بوزايد

القصه تعور القلب بس حلوه تدل ع الحب الطاهر
تسلمين

---

الله يسلمك اخوي بوزايد سعيده انها عجبتك
بس صج انا الحين يوم قريتها عورت قلبي

جدا مؤثرة...وقادرة على انتزاع الدمع منا...بالتوفيق عزيزتي.

يـ ويلي،، هذا هوه الحب :fa35:

// تسلم ايدج عالقصه الحلوه :8:

طير الحب : وجودج يشرفني :fa34:
اسهر معي ليله: تسلم علي مرورك اخوي :doh:

وايد حلوووه واتعور القلب ..
و موجوده في الواقع و استوت لوحده اعرفها بس ما ماتت ولا هو مات الحمدلله ..
الله يطول باعمارهم..

تسلمين ع القصه

القصه واااااااايد حلوه و مؤثره

مشكوره ع القصه

حرااااااااااااااااااااااا ااااااااااااااااااااااااا اااام :no0: ليش جي هذا ظلم ...

وعد ... زين جي خليتيني أبجي نصايف الليل ؟؟؟!!!

تسلمين حبوبه ..وصدق عورتي لي قلبي

تسلمين على القصه

بس مب لازم الواحد جيه يتأثر الحياه لازم تستمر

شوي وبدمع والله القصه خلتني اتذكر وايد اشياء

وصدق اثرت فيني

مشكوره حبوبه ونتريا منج اليديد

الى الامام دائما