هل القائمين علي برامج اذاعة امارات اف ام مسلمين؟؟؟

السلام عليكم ورحمة الله وبركاته
حقيقة احب اسمع اذاعة امارات اف ام لانه بها برامج حلوه ومفيده
وما انكر الاغاني ايضا جميله وجديده
ولكن لفت انتباهي شئ جدا مهم
هذه الاذاعه لا تحمل بين طيات اوقاتها وقت لبث الاذان فيه!!!!!!!!!!
لا والامر من ذلك عند وقت اذن المغرب تبث هذه الاذاعه برامج ما يطلبه المستمعون واهداءات واشياء من هذا القبيل
يعني تخيلوا معي وقت الاذن وهذه القناه تصدح بالموسيقي
طبعا ممكن شخص راح يقول لي طفئ القناة وهذا الكلام صحيح
ولكن هل ستخرب الدنيا اذا بثت هذه القناة اذن المغرب او العصر؟؟؟
هل سيؤثر ذلك علي محبة الجمهور لها؟؟؟؟؟؟
لقد سمعت احد المتصلين علي الاذاعة يشتكي من هذا الموضوع قائلا: الناس يالسين يبون يرحون المسيد وهنيه طق وموسيقي
وبالاخير اليست هذه القناة عربيه ببلد اسلامي
يحترم فيه الاذان
نعم هناك اذاعات اخري غنائيه من مثا صوت الخليج القطريه وبحرين اف ام
ولكن وقت الاذن تتوقف هذه القنوات عن بث الاغاني وتبث الاذان
" يا غريب كن اديب"
نعم ولكن من راي منكم منكر فليغيره بيده فان لم يستطيع بلسانه وان لم يستطيع قبله وهو اضعف الايمان

تحياتي للجميع

مشكووره على هذا الموضوع ...
بس بغيت أقول اني انا ارسلت 4 رسايل لهم بخصوص هذا الموضوع بس محد رد ومحد قرأ الرسايل ..
(تذن من طين وأذن من عجين )

ليش بس الاذاعـــة ،،

حتى قنــــــــاة أبوظبي ما تبث أذان ؟؟

صح المفروووض يكون فيه فتره معينه للأذان في الاذاعه ..
وخاااصه انها تصدر من بلد عربي ومسلم ..

الحمدالله يعني كلكم ملاحظين هالشئ
طيب ايش رايكم نسوي عريضه فيها اكبر عدد من التواقيع ونطرشها فاكس لاستديو1
البرنامج المميز بهالقناه
موافقين؟؟؟؟؟

بسم الله الرحمن الرحيم
اتمنى بأن نتكاتف بهذا الموضوع ونرسل مايمكن ارساله من ملاحضات واقتراحات للأذاعه صاحبها
واتمنى ايضآ لو احد منكم يضع لنا موقعهم الرسمي لكي نصل إليهم واذا لم يستجاب لنا فهناك اذاعات سنشتكي عليهم
والله ولي التوفيق
:fa38:
وعد
بورك فيك وجزيت كل خير ع هذه الغيره الطيبة
كل اود

وعليــــكم الســلام والرحمــه . . .
أعتقد إذاعـــه إمارات إف إم الوحيــده اللي ماتبث الاذان . .
ماعرف شو السبـب ؟! يمكــن عيزانيــن يحطــون الاذان . . بس فالحــين يكثرون من الاغــاني . .
انا ما أنكــر إنه اذاعه امارات إف إم وحده من أفضــل الاذاعات . . بس خربـوا على عمرهم بهالســالفه . . .
اذا حد عنــده ويـب سايت لهالاذاعــه يعطيــنا إيــاه . .

عليكم السلام ورحمة الله

اسمحلوي بـ مداخلتي
بما اني من متابعي هـ الاذاعه .. فـ اكثر عن مره
سمعت ناس تتصل عليهم وعـ الهوا يذكرون لهم هـ الموضوع
وكل مره كنت اسمع رد غير مقنع ..
وفي مره من المرات واحد اتصل عليهم بـ وقت صلاة العشا
وذكر لهم الموضوع المطروح أعلاه

وردت عليه المذيعه:
بـ انه في الاذاعه برامج .. باوقات معينه
وبنفس الوقت يكون في إعاده لها في وقت ثاني
فـ اتخيل لو انه كان في برنامج .. وقلنا انه في فاصل لـ رفع الآذان
يوم ينعاد مره ثانيه .. بـ يطلع انه في آذان هـ الوقت
والمونتاج والبرمجه .. صعبه وايد وتاخذ وقت طويل
لو بغينا نشيل الكلام عن الآذان في الإعاده

ردي عليها ...
ما في داعي يوم يكون في آذان
يتم ذكر بانه البرنامج بيتوقف عسب انه في آذان
ممكن يقولون انه بنتوقف لـ فاصل .. وبنرد لكم
وبجي .. ما بيكون في خلل في البرنامج
مثل مات يسوون القنوات الفضائيه .. مثل سما دبي
ولو قدرتوا توصولون الراي .. لكم كل الشكر

والسموحه عـ الإطاله
ومشكوره غناتي لـ طرحج هـ الموضوع
ويسلمووونيشن وعدنا

اختج
عـذ الـروح بـة

قرأت الموضوع في الصباح فذهبت للنوم فحلمت إني استمع لهذه الإذاعة كما هي حالها تبث الاغاني فجأة تنقطع الأغاني وإذا بي اسمع الأذان ......

احببت ان اطلعكم على حلمي

وجزيتم خيرا

بسم الله الرحمن الرحيم
إن شاء الله حلمك يكون خير علينا وعلى الأذاعه
:sleepy:
كل الود

اقتباس:

---

المشاركة الأصلية كتبت بواسطة محب الشيخين

بسم الله الرحمن الرحيم
اتمنى بأن نتكاتف بهذا الموضوع ونرسل مايمكن ارساله من ملاحضات واقتراحات للأذاعه صاحبها
واتمنى ايضآ لو احد منكم يضع لنا موقعهم الرسمي لكي نصل إليهم واذا لم يستجاب لنا فهناك اذاعات سنشتكي عليهم
والله ولي التوفيق
:fa38:
وعد
بورك فيك وجزيت كل خير ع هذه الغيره الطيبة
كل اود

---

هلا اخوي محب الشيخين
دورت النت عن موقعهم عشان احطه بالموضوع عشان نقدر نوصل لهم راينا بس ما حصلته
اتمني احد من الاخوان او الخوات الي عنده موقع امارات اف ام علي النت يخبرنا عشان نطرش اعتراضنا علي هذا الموضوع
وان شاء الله يوم يشفون العدد كبير راح يسحتون من نفسهم

اقتباس:

---

المشاركة الأصلية كتبت بواسطة المتفيزره عالعرقووب

وعليــــكم الســلام والرحمــه . . .
أعتقد إذاعـــه إمارات إف إم الوحيــده اللي ماتبث الاذان . .
ماعرف شو السبـب ؟! يمكــن عيزانيــن يحطــون الاذان . . بس فالحــين يكثرون من الاغــاني . .
انا ما أنكــر إنه اذاعه امارات إف إم وحده من أفضــل الاذاعات . . بس خربـوا على عمرهم بهالســالفه . . .
اذا حد عنــده ويـب سايت لهالاذاعــه يعطيــنا إيــاه . .

---

والله يا اختي
حتي يوم الجمعه كل الاذاعات تحط خطبة الجمعه الا هم
يعني هي اذاعه حلوة ومميزه بس ليش يسون اشياء مستهتره مثل هذي
الله يهديهم وان شاء حد منهم يدخل المنتدي ويشوف الاراء

اقتباس:

---

المشاركة الأصلية كتبت بواسطة عذبة الروح

عليكم السلام ورحمة الله

اسمحلوي بـ مداخلتي
بما اني من متابعي هـ الاذاعه .. فـ اكثر عن مره
سمعت ناس تتصل عليهم وعـ الهوا يذكرون لهم هـ الموضوع
وكل مره كنت اسمع رد غير مقنع ..
وفي مره من المرات واحد اتصل عليهم بـ وقت صلاة العشا
وذكر لهم الموضوع المطروح أعلاه

وردت عليه المذيعه:
بـ انه في الاذاعه برامج .. باوقات معينه
وبنفس الوقت يكون في إعاده لها في وقت ثاني
فـ اتخيل لو انه كان في برنامج .. وقلنا انه في فاصل لـ رفع الآذان
يوم ينعاد مره ثانيه .. بـ يطلع انه في آذان هـ الوقت
والمونتاج والبرمجه .. صعبه وايد وتاخذ وقت طويل
لو بغينا نشيل الكلام عن الآذان في الإعاده

ردي عليها ...
ما في داعي يوم يكون في آذان
يتم ذكر بانه البرنامج بيتوقف عسب انه في آذان
ممكن يقولون انه بنتوقف لـ فاصل .. وبنرد لكم
وبجي .. ما بيكون في خلل في البرنامج
مثل مات يسوون القنوات الفضائيه .. مثل سما دبي
ولو قدرتوا توصولون الراي .. لكم كل الشكر

والسموحه عـ الإطاله
ومشكوره غناتي لـ طرحج هـ الموضوع
ويسلمووونيشن وعدنا

اختج
عـذ الـروح بـة

---

هلا اختي عذبة الروح
الصراحه كفيتي و وفيتي
وحتي البرامج المسجله مثل ما قلتي يخلون فيها فاصل حزت الاذن
بيني وبينج كلام المذيعه مو عذر ولا في تبرير لعدم بث الاذن
ان شاء بندور علي موقعهم عشان نوصل لهم صوتنا

اقتباس:

---

المشاركة الأصلية كتبت بواسطة البـــاز

قرأت الموضوع في الصباح فذهبت للنوم فحلمت إني استمع لهذه الإذاعة كما هي حالها تبث الاغاني فجأة تنقطع الأغاني وإذا بي اسمع الأذان ......

احببت ان اطلعكم على حلمي

وجزيتم خيرا

---

موضوعي صار مادة حلم:blush:
ان شاء الله نشوف الحلم حقيقة:tounge:

امــس و انا راد من الكليــه. . حوالــي الســاعه 1 ونص تقريــبا ..
مــا ادري اذا حــد سمــع الفقره و لا لأ ..

المــهم ..

بصــوت عــالي و بصــدى فــظيع ... يخلي اللــي ما ينــتـبه ينــتــبه ..

> خليــــــــــج ع المـــــــــــوضـــــــــ ـــه <

تقــززت لمــا سمــعت الفــقره ..
كونــي ويه الموضــه و البــسي اللبــس الفــلاني و اللون الفــلاني .. و حــطي الشــي الفــلاني و حــطي الشــي الــفــلاني ..
و اذا مــا سويــتي جــي .,. اعــرفي انــج مب ع الموضــه :shocked: > قصدهم يقولون يعني انتي متخلفه !

و يا ريت الاشيا اللي قالوها فيها شويــة حشــمه ..

الاذاعات كل ما لهــا و تـزيد ســلبياتها .. بــدتها قــناة ابوظبي الفضائيه بعــدم عرض الاذان .. و الحيــن تتبعها اذاعات الــ FM

ربي يكون فـ العون .. !

ســلام
كـلـكـلـووش