بصريــــح العبارة .. " 2 "

عرض للطباعة

13-09-03 ||, 10:52 PM
لمّــاح


بصريــح العبارة .. موضوع نناقش من خلاله بعض القضايا الاجتماعيه .. و التي نعاني نحن منها .. و نجد لها حلولا .. و اجوبه لبعض الاسئلة التي نتهرب جميعا من طرحها على انفسنا .. و من خلال هذا الموضوع .. نلتقي نحن " اعضاء واحات بن دبي " جميعا و بدون استنثناء .. كبارا كنا ام صغار .. ذكورا ام إناثا .. لنناقش مع بعض .. بعض القضايا .. و ستتغير الفكرة المحوريه للموضوع بعدما يأخذ هذا الموضوع حقه في الردود .. و سنوافيكم بصريح العباره " 3 " بعد هذا الموضوع ..

سنتكلم بكل صراحه .. بصدق .. بأمانه .. و بواقعية ..
 
<A target=_blank href="http://oasis.bindubai.com/cgi-bin/oasis.pl?act=st;f=1;t=27961" target=_blank>بصريح العبارة 1</A>


===
ابطال القصه :

حلمي .. مدير المدرسه .. مصري الجنسيه .. عنده واسطه في الوزارة ..
حسنين .. نائب المدير .. و متوضف بالواسطه .. الاخ الاصغر للمدير ..
رأفت .. مدرس و ممثل المدير .. ولد عم المدير ..

جاجا .. بنغالي الجنسية .. دريول الباص ..
راجو .. ناطور المدرسه .. هندي ..
كرشنا .. الهندي الي يبيع في المقصف ..

==

اليوم الاول في المدرسه .. جاجا يسوق الباص و يمر على الطلاب .. اول بيت كان بيت سلوم بوب .. مر عليه .. سلوم بوب زعيم المدرسه .. و هاي السنه القبل الاخيره .. يعني ثاني ثانوي .. وعايد السنه 4 مرات .. و اكبر واحد في المدرسه .. عشان جيه الزعيم .. و الكل يخاف منه .. جاجا يسوق .. و مر على كل الطلاب .. و هم في الدرب .. وداهم مطعم هندي عسب يتريقون .. و طبعا لا تنسون راعي المطعم الهندي يقرب حق جاجا من بعيد ..
سلوم بوب نزل و يابله براتا فيه جبن و بيض اومليت .. ويا جاي حليب ( هورلك ) .. و حط ايده في مخباه و ضهر الشريط عسب يحمس الشباب حق اول يوم دراسي .. <IMG src="http://oasis.bindubai.com/emoticons/oo.gif" border=0>

<CENTER>
<OBJECT id=RAOC height=55 width=180 classid=clsid:CFCDAA03-8BE4-11cf-B84B-0020AFBBCCFA><PARAM NAME="_ExtentX" VALUE="4763"><PARAM NAME="_ExtentY" VALUE="1455"><PARAM NAME="AUTOSTART" VALUE="-1"><PARAM NAME="SHUFFLE" VALUE="0"><PARAM NAME="PREFETCH" VALUE="0"><PARAM NAME="NOLABELS" VALUE="-1"><PARAM NAME="SRC" VALUE="http://www.mixmusics.com/mu3alaya/bishkar_ume_bangale.ram"><PARAM NAME="CONTROLS" VALUE="ALL"><PARAM NAME="LOOP" VALUE="0"><PARAM NAME="NUMLOOP" VALUE="0"><PARAM NAME="CENTER" VALUE="0"><PARAM NAME="MAINTAINASPECT" VALUE="0"><PARAM NAME="BACKGROUNDCOLOR" VALUE="#000000">
<embed src=http://www.mixmusics.com/mu3alaya/bishkar_ume_bangale.ram height=55 width=180 controls=Default autostart=true console=Clip1></OBJECT></CENTER>
وصلو المدرسه .. و كلهم متحمسين و مرتبشين .. و الحينه يبدا اول يوم دراسي .. حلمي يمشي بين طوابير الطلاب .. و يعيد المحاظره نفسها الي يكررها كل يوم من حوالي 24 سنه .. نفس الكلام .. نفس الرمسه .. تنعاد بشكل يومي ..
بدت اول حصه .. الاستاذ ماله بارض يشرح .. توه راد من الاجازه مب متفيج حق شي .. الطلاب سوالف في الصف .. 

الحينه وقت الفسحه .. هيه ما خبريتكم عن المقصف .. حسنين مشترك ويا كرشنا في المقصف .. آخر اليوم ياخذون نص الارباح .. و يرفعون فيي الاسعار و يبيعون كل شي بضعف السعر ..
و طبعا رأفت بعد مشترك .. بس حسنين و المدير ما يدرون .. و اييب سندويجات فول و فلافل و يبيعهم .. و ياخذ النص بالنص ويا كرشنا .. و آخر الدوام كرشنا يطلع مريش .. في جيبه 100 ربيه ..
و طبعا ما ننسا .. الكنديشنات خربانه .. و ثلاجات الماي مختربه .. و الماي الي في المدرسه حار .. و محد نشاد ..
و يردون الطلاب للبيت .. و هاي بتكون اول نضره لهم عن المدرسه .. يعني الله يعينهم دام انه اول يوم جيه ..

==
هاي بعض الامثله للمدارس في الدوله .. انا ما اقول كل المدارسه .. لكن بعضها .. و اخص بالذكر بعض المدارس الحكوميه الي يبتدون الطلاب فيها بالدراسه و المبنى بعده ما زهب ..
و الكل يشتكي .. لكن محد يسمعهم ..

و الكل يقول .. بأنه طلاب الحكوميه .. السموحه على الكلمه .. مب ويوه دراسه ..

اكيد الدراسه بتكون صعبه في هالاجواء الدراسيه ..  و النصب و الاحتيال من المدرسين .. بس ابغي اعرف وين الرقابه .. و دام انه المدير الي عليه انه يحافظ على المدرسه و يحميها من السرقه .. هو اول واحد يسرق و يمد ايده للحرام ..

و الكثير من الطلاب ..عادي اتحصلونهم راسبين في الصف اكثر من 5 سنين او 4 سنين .. ليش ما يكون هناك قانون لهلناس .. يعني مثلا يحولونهم مسائي .. و من عقب المسائي منازل ..

و كيف تبغون الطلاب يفلحون .. بوجود مثل الطالب سلوم بوب ..

اعزائي انا ما اخص بالذكر بعض المدارس .. او المدارس الحكوميه .. لكن اعطيكم مثال موجود في كل مكان .. <IMG src="http://oasis.bindubai.com/emoticons/glare.gif" border=0>

و انتشار بعض الاشيا المب زينه ( جنسيه اقصد ) .. ها كله من الطلاب الكبار .. الي يحاولون يستغلون الطلاب الصغار ..

اتريا تعليقكم .. و رايكم .. <IMG src="http://oasis.bindubai.com/emoticons/smile.gif" border=0>
13-09-03 ||, 11:23 PM
بن دبي

صدقك والله أخوي المنحوس ....
هذا حال أغلب مدارسنا ..ولله الحمد ..<img src="http://oasis.bindubai.com/emoticons/sad.gif" border=0>
هناك الكثير من الأمور المتعلقة ببعضها والتي تصعب تطوير عملية التدريس ....
ومنها المباني ....
 تخيل أني أداوم في مدرسة مبنايه من 27 سنه ..والله لا يراويك ... ( لوعة جبد )
الغرفة عندنا فيها مطبخ صغير أول السنة الماي متوفر والحمد لله ...بس أول اسبوعين ..وبعدين روح اشحتلك كم قطرة ماي ... <img src="http://oasis.bindubai.com/emoticons/glare.gif" border=0>

هذا غير حال المكيفات سواء في الفصول أو الغرف ....ويوم يي راعي الصيانه ..غسل الغطاء الخارجي وقال : كلش تمام الحين ... وذلف ....

وغيره وايد ..... الله يعينا بس ....
بصراحه لا احنا لنا نفس للشغل ولا الطلاب لهم نفس للدراسه .... (( ويسألون ليش طلابنا مش فالحين !!! )
13-09-03 ||, 11:43 PM
مانجو

ههههههههههههههههه ه مافهمت شي <img src="http://oasis.bindubai.com/emoticons/tounge.gif" border=0>
السموحه
14-09-03 ||, 04:27 AM
شموخ



السلام عليكم ورحمة الله وبركاته
معاك حق اخوي النحوس في كل كلمه قلتها
للاسف الواسطه في دولنا العربيه تلعب دور كبير للاسف
وياخذ المراكز ناس مايستحقون ولا قد تحمل هاي المسؤوليه
انا باعتقادي ومن وجهة نظري لو ان كل شي يمشي بالعدل ماكان صار
الي قاعد يصير الحين في مدارسنا
للاسف الحاله والوضع الي نعيشه في المدرسه مايساعد لا نفسيا ولا عقليا الطالب
انه يتحمل الدراسه
وجوب وجود الرقابه مثل ماقلت اخوي النحوس ضروريه في المدارس
لان في طلاب لا وبعد ادرارين في المدرسه يستغلون مناصبهم
والله يعينا ويعين امة الاسلام

والسموحه على الاطاله
أختـــــــــــــك
وفيـــــــــــــت<img src="http://oasis.bindubai.com/emoticons/inlove.gif" border=0>
14-09-03 ||, 11:56 AM
لمّــاح

السلام عليكم ..

مانجو .. اقري مره ثانيه ..

عاشقة آل البيت .. تسلمين على مرورج اختيه .. و صح كلامج ..

وفيت خلي ما وفا .. تسلمين على مرورج اختيه ..
14-09-03 ||, 10:07 PM
بهجة الروح

المنحـــوس:
تسلم عالمــوضــوع المهم الصــراحه....
ويـــزاك الله خيــــر على طــرح هالمــوضــوع....

والسبب الأســــاسي الي أدى لمثـــل هالأشيـــاء فالمــدرسه مثل وجــود الزعيم..و وجــود الواسطــه...السبب الأساسي من الوزاره إنها ما حطت الشخص المناسب فالمكــان المناسب....

هـــــذا رايي والسمــووحه
14-09-03 ||, 10:53 PM
لمّــاح

السلام عليكم ..

تسلمين اختيه على مرورج .. و صح كلامج .. <img src="http://oasis.bindubai.com/emoticons/smile.gif" border=0>
15-09-03 ||, 12:00 AM
أوراق الورد



السلام عليكم ورحمه الله وبركاتــــــــــه..
<img src="http://oasis.bindubai.com/emoticons/mad.gif" border=0> كيف تباني اكتب واعبر وانا اسمع هالاغنيه... ( الله يعين ع التنقيعات )..

صدقت يـــاخـــوي بالمثال اللي عطيتنا اياه...
خاصــه مدارس الأولاد .. فوضا من الدرجه الأولـــى.. ونظرتي لمدارس الأولاد مستحيل تتغيـــر.. وافــضل دايما المدارس الخاصــه حق الأولاد ..
وهاي حال مدارســنا الحين في خلال هالسنتين نسمع ان الســـوالف قامت اتزيـــــــد..
أخـــويه يروح المدرسه ويشــــل وياه غرشه كبيره ماي مسافي  ويوم أعلق عليه يقول لي تعالي شوفي المــدرسه كيف وشوفي ثلاجــات الماي ... وحتى كوب الماي يبيعونهم بربيــه.. ( حرام عليكم والله الكرتون فيه 36 كوب بـ 7 دراهم ) ظلـــم وسرقه بالقــو..
أحــــيد يوم كنت في المدرسه الكوبين كانوا يبيعونه بدرهم .. لكن بعد كم يوم اشوف الكوب يبيعونه بدرهم .. ويوم سألنا مالت المقصف قالت لنا ان البنات يفرون الكوب الثاني.. وماطاعت تعطي اللي تبا كوبين ,.,كوبين .. تبا تعطيها كوب واحد بس.. لكن هناك يبون يبيعون الكوب بدرهم ..
ومن ناحــيه الأشيــاء الثانيه.. ( والعياذ بالله )..
قمت اسمع سوالف اكــثر هالسنتين .. (الحمدلله يوم كنت في المدرسه ماكانت هالسوالف في مدرستنا ) لكن <img src="http://oasis.bindubai.com/emoticons/down.gif" border=0> الحال انجلب في كل مـــكان..
وين الاداره ووين الوزارة.. ؟؟؟
الرقابه والتفتيش وينه..
بس قاموا يفتشون على الأظافر .. والجوتي لو كان (كعب ) لكن ما يشوفون البنات ليش يايــين المدرســـة.. مب الكل طبعـــا ..
بعض المدرسات جزاهم الله خير يحاولون يسوون اي شي عسب يقللون من هالظاهره لكن اشوفها قامت تزيـــــــد... (الله يعيننا بعد سنتين. )
وعن مدارس الأولاد ..
التدخين منتشر
الشرده من الكلاسات
ومن المدرسه بكبرها
الضرابة.. وعلى اخر ايام المدرســـة نسمع ان فلان توفى <img src="http://oasis.bindubai.com/emoticons/down.gif" border=0> لانه مضارب ويا شباب أكبــر منه..

تسلم ياخــوي على هالموضوع اللي نحاول من خلاله نحل مشكله كبيره .. وبعد سنتين الله يعلم شو بيصير في مدارســنا..
لكن وين اللي يسمع ويطبق ... ووين اللي ايوز عن سوالفه وحركاته...

أخــــتكم.
أوراق الورد...
15-09-03 ||, 12:12 PM
لمّــاح

السلام عليكم ..

اوراق الورد .. تسلمين عزيزتي على مرورج ..

اولا : مدارس الشباب .. في دمرت .. و ما اضني شي امل انها ترجع .. لأنه اساس الطلاب الي انبنو عليه اساس مب قوي .. و في الوقت الحالي الاساس هذا انهدم .. ف انشوف هالاشكال ..
 
انا ما اقول كل الطلاب .. لكن البعض منهم ..

الي ينبغي انهم يسوونه هو انهم يربون الجيل اليديد .. عسب يكونون واعين لكل الي حواليهم ..

==

و عن مدارس الشباب .. وايد قصص نسمع .. و المدارس دمرت .. و الحينه بدت مدارس البنات بالدمار ..

الله يعين بناتنا و شبابنا .. <img src="http://oasis.bindubai.com/emoticons/down.gif" border=0>