الدرس الثاني في التصوير الضوئي (المقارنة)

السلام عليكم ...

بعد ما ذكرنا انواع الكاميرات في الدرس الأول ... راح نتطرق اليوم ان شاء الله الى ذكر ايجابيات وسلبيات كل كاميرا ...

الكاميرات المدمجة Compact Cameras
http://upload.bindubai.com/download/shr7/s-lexio70.jpg

طبعا مثل ما شايفين في الصورة ... صغر حجم الكاميرا ووجود الفلاش فيها ... الكاميرات اليديده شرات هالنوع فيها خصائص زياده مثل نظام التعريض الضوئي والتحكم بالفلاش

ايجابياتها

- صغر الحجم
- سهولة الإستخدام
- خفة الوزن
- رخص الثمن

سلبياتها

- تتحكم بالمصور بشكل تام
- إمكانية الإبداع محدودة
- غير قابلة للتطوير

الكاميرات المدمجة بنظام التصوير المطور Advanced Photo System Compacts
http://upload.bindubai.com/download/shr7/TIMWGA087.jpg


ذكرنا في الدرس الأول شو ميزة هالنوع وقلنا بأنه فيه خصائص اكثر من الكاميرات المدمجة
ما ابغي اعور راسكم بالخصائص ... نتكلم عن ايجابياتها وسلبياتها احسن ...

الإيجابيات

- تركيب الفيلم سهل للغاية
- الإختيار ما بين ثلاث أشكال
- سهولة عمل نسخ إضافية من الصور
- كاميرات مدمجة للغاية

السلبيات

- تحكم كامل بالتعريض الضوئي ( وراح نتكلم عن التعريض الضوئي بالتفصيل في الدروس اليايه ان شاء الله ما عليكم اذا ما فهمتوا )

كاميرات العدسة العاكسة الأحادية SLR Cameras

http://upload.bindubai.com/download/shr7/B00.jpg

ذكرناها في الدرس الأول وقلنا اننا نقدر نغير العدسه فيها

الايجابيات

- متعددة الإستخدام
- جودة عالية
- نظام تعريض دقيق
- صور عالية الوضوح وحدة البروز
- قابلة للتطوير والإضافات
- محدد نظر دقيق

السلبيات

- تتطلب من المصور مهارات أعلى
- ضخمة, وأكثر وزنا"

طيب بعد هذا العرض اللي يخربط الواحد ...

انا بقسم لكم الكاميرات بطريقة ابسط ...

الكاميرات العادية ( هذه شرات كاميرات السوني الـ cybershot اسمها اظني )
الكاميرات الـ شبه بروفيشنال ( هذه يسمونها simi professional احسن من الالعادية وفيها ميزات اكثر وتقدر تتحكم بها اكثر بس يعيبها انها بطيئة شوي )
الكاميرات الـ بروفيشنال (هذه عاد اللي نحن راح نكمل دروسنا عليها ... وهي كاميرات الـ SLR واللي نقدر نغير العدسات فيها ... لانها فيها ميزات وايد وتقدر تتحكم بالكاميرا )

اتمنى انه الدرس الثاني كان بسيط ... وان شاء الله راح نبدأ في أساسيات التصوير بعد في الدرس الياي

والسموحه ...

الســـلام عليكم..

ماشاء الله .. دروس متعوب عليــها..!

اتعلمنا والله شي مفيـــد.. :fa51:

يسلمووووو.. :fa35:

امممم شـي حــلو

شـكرا ً

ونـرقـب الدرس اليـاي
:)

جزاك الله خير يا بوشهاب

و نحن في انتظار الدرس الثالث

تحياتي لك

حلـو .. إنـزين خبـرنـا عن نـوع نقـدر نشتريه ونحن مبتدئيين !

ويزاك الله خييـر ..

تسلم أخووويه ,,
ونتريا الدرس الثاااالث ,,

وهيه صح ,, نحن المبتدئين شو ينفع لناااا ؟؟

يــزاك الله خيـــر ياخــويه

نتــرقب الدرس الثـالث بفـارغ الصبــر :fa51:

والسمــوحه

:inlove:

:)

تسلم عزيزي عالدرس الغاوي
بانتظار الدرس الثالث ^_^
بالتوفيق

قلوب دبي

العفو ...

وشكرا على الردود والتعقيبات ... وهذا اقل من الواجب

بخصوص رد الاخت العجيبة والاخت بيور

الله يسلمكم تراني حطيت المقارنه هذه عسب تعرفون شو تختارون ...

يعني اذا تبين تبدعين في مجال التصوير اكثر واكثر تاخذين كاميرات SLR وهي اللي راح نكمل شرحنا عليها ...

يمكن قصدج على النوع ... اللي اعرفه انه الـ Canon والـ Nikon في الكاميرات الـ SLR ما عليهم كلام

واذا تبين تصوير عادي وما تعورين راسج بالتصوير ... ترا الكاميرات المدمجه تفيد ...

والسموحه ...

الدرس الياي على نهاية الاسبوع الياي بإذن الله

السلام عليكم ..

درس مفيد ويستاهل التثبيت عشان الأعضاء يشوفونه
ويستفيدون منه وننتظر أساسيات
التصوير في أقرب
فرصة
:fa51:

الاســـطـــوري
أخوكم

استمتعـــت بهالدرس . . .
نتريا الدرووس اليايه . . .
:blush: :blush:

شرح بسيط و ممتع

:)

الله يعطيك الف عافيه يا اخوي

و في انتظار بقية الدروس ..

مشكور .. ولا اتطول .. ابي اعرف ثالث درس عن شو بيكووووووووووون؟

السلام عليكم

تسلم اخوي عــ الدرس المفيد ,, نتريا الدرس الثالث :fa51: