-
نيسمو تطلق وحشها
-
رد: نيسمو تطلق وحشها
أكييييد وحش،، ومكينته روعه
تسلم ايدك عالصور
-
رد: نيسمو تطلق وحشها
الصراحة تعبتني
مشكور الغالي على هاي الصور والمعلومات الجميلة
-
رد: نيسمو تطلق وحشها
عطوني واااااااااااااااحد ...... روعة هالأسطورة
-
رد: نيسمو تطلق وحشها
العفو أخواني بقى شي واحد نسيت أكتبه في الموضوع أعلاه و أعتبره خطأ كبير و هو إسم السيارة SKYLINE GT-R R34 Z-TUNE و طبعا هذا يمكن يكون آخر أقوى تعديل لهذي السيارة و هو الوداع الحقيقي R34.
أعتقد إن التعديل الثاني من حيث القوة للسكايلاين جي تي آر هو من شركة MINES اليابانية و هو سيارة أسطورية بحد ذاتها و قدراتها جبارة على مختلف الحلبات و على الرغم من قوتها الرهيبة إلا إن من سياسات الشركة إنها تترك مجال للتعديل و الإضافات للسائقين المحترفين و المتطلبين على حد السواء.
MINE'S GT-R N1 V Spec R34
http://www14.plala.or.jp/reinik-z/ra...mine's.jpg
http://www.3000gt.ch/Forza/Pics/R34GT-R_Mines1.jpg
http://www.3000gt.ch/Forza/Pics/R34GT-R_Mines2.jpg
http://img22.photobucket.com/albums/...es_Skyline.jpg
-
رد: نيسمو تطلق وحشها
تسلم ايدك على الموضوع الرائع لهذه السيارة الاسطورية
في انتظار الجيل القادم من سكاي لاين و ان شاء الله يكون قابل للتعديل بشكل جيد..
-
رد: نيسمو تطلق وحشها
سعر النيسمو 270 الف دولار .... هل تستاهل السالفه انك تعق 270 الف دولار على جيتي ؟؟؟
مشكوووور أخوي و السموووحه على المداخله
-
رد: نيسمو تطلق وحشها
270 الف دولار !!!
ما أعتقد إن هذا هو السعر الحقيقي أعتقد السعر الحقيقي هو 170 ألف دولار و يمكن يكون أكثر شوي خاصة إذا كانت عند الزبون طلبات إضافية.
يمكن شرجاوي إنته تتساءل و تقول ليش السعر مرتفع لهذي الدرجة و يمكن لأي واحد بمثل هذا المبلغ إنه يشتري سيارة فيراري أو لامبورغيني ... لكن الحقيقة إن المقارنة منعدمة بين هذي السيارة أو أي سيارة ثانية سواء كانت لامبورغيني أو فيراري و السبب إن الجيتي تم تعديلها و إختبارها على واحدة من أصعب الحلبات و أخطرها على مستوى العالم و هي حلبة نوربورغرينغ الألمانية و قدرت تحقق أسرع زمن لفة و تفوقت على عدد كبير من السيارات ... للي يحبون الجيتي و للمتسابقين الحقيقيين اللي يعرفون أهمية أسرع زمن لفة لأنه يدلل على قدرات السيارة على كافة الحلبات و إنها تقدر توقف أمام أي سيارة ثانية فمهما كان المبلغ فتبقى مثل هذي السيارة تحفة فنية على كافة الصعد لا تقدر بثمن.
-
رد: نيسمو تطلق وحشها
انا قريت ف منتدى اجنبي ان سعره 270 الف دولار ... ولو سعره 170 الف دولار ... الحين جيتي موديل 2002 و مستعمل تدفع عليه ما يقارب نصف مليون درهم مب حرام ؟؟؟ .. آخذ استون مارتن و لا كورفيت زد او 6 ( سعره 290 الف درهم ) و موديل 2006 ابرك عن هالجيتي .... على العموم الناس اذواق و تشكر حبوب على الموضوع
-
رد: نيسمو تطلق وحشها
يـــــاحب الشباب لهالمواتـــــــــــــــــ ر..
-
رد: نيسمو تطلق وحشها
أخوي شرجاوي أنا معاك في إن التكلفة مرتفعة لكن مثل هذي السيارة مصممة للسائقين المحترفين و اللي بيستخدمون السيارة لغرض واحد بس و هو حلبة السباق و لتحقيق زمن لفة سريع جدير بالاحترام و أنا شفت برنامج Best motoring الياباني و فيه أفضل السائقين المحترفين في بطولات الجيتي اليابانية و فيها بالمناسبة أسرع سيارات الجيتي على مستوى العالم و محركاتها قوية و أسرع من بطولة الجيتي الأوروبية و في البرنامج كان أفضل سائق محترف و اسمه كايشي تسوشييا و كان يجرب سيارة الجيتي تعديل شركة MINES اليابانية و بعد ما أنتهى من تجربتها و أخذها لأقصى قدراتها في النهاية وصفها بكلمة وحدة قيادتها مرعبة يعني مثل هذي السيارة حتى للمحترفين هي تجربة كبيرة.
و بالمثل تعديل شركة نيسمو للجيتي و هو التعديل الأقوى من تعديل شركة MINES فلك أن تتخيل قوة هذي السيارة.
الناس العاديين يشوفون السيارات الرياضية اليابانية بنظرة دونية و دايما يقارنونها بالأمريكية و الأوروبية لكن الحقيقة إن السيارات اليابانية معدة و مجهزة لتحقيق أفضل أداء على الحلبات و أغلبها تقدر و بكل سهولة إنها تتجاوز أي سيارة أمريكية أو حتى أوروبية ( بشرط إن اللي يسوقها واحد محترف) ... غير هذا سعرها مناسب و في متناول الجميع و حتى المعدلة منها :)
رحيل ...
واحة المرأة و المجتمع هناك مب هنيه :)
-
رد: نيسمو تطلق وحشها
الحين 170 الف دولار في متناول الجميع ؟؟؟
السيارات الامريكيه و الاوروبيه احسن من اليابانيه .... و الدليل سباق لومان 24 ساعه ... اي موتر ياباني يستحمل ضغاط 24 ساعه ؟؟؟ اصلا عمري ما شفت موتر ياباني فهالسباق غير موترين .. nissan gt390 و تويوتا جيتي وان و ما فلحوا .... ياخوي السيارات اليابانيه مافيها امان بالمره و اعتقد انك تعرف هالشي ... و الاختلاف فالرأي لا يفسد للود قضيه
-
رد: نيسمو تطلق وحشها
