_-_الين متى_-_

السلام عليكم ورحمه الله وبركاته

كثرت التلاعب بالبيزات هالايام والناس مب عارفه شو تسوبها
وكلها تروح بطريق الغلط والامارات معروفه بخيرها وكرمها
وجودها وعمرها ما قصرت ويا بلد من البلاد الا بلادها
ناس اطيح بيوتهم فوق راسهم وناس ما عدهم بيوت وناس تموت والسبه
هالشوارع الي فراس الخيمه محد يروم يمشي عليها وناس مب محصله شغل
والسبه هالعماله الوافده الي تارسه البلاد كل ما تمشي مكان تحصل هندي
حتى صارو شيوخ فبلادنا دشو البلاد بطراد وصارو شيوخ علينا ظهرولهم
جوازات وعطوهم اعلى المناصب فالدوله ونادر ما تحصل مواطن متهنى فبلاده
الوافدين عايشين بعز فبلادنا ونحن عايشين بذل وكل ما ييت تشكي الحال
قالولك احمد ربك عالخير الي انته فيه غيرك ما عدهم شى ناس عدها شهادات
جامعيه ويشتغلون فمصانع برواتب 2000 درهم ومصري عنده شهاده جامعه
ماسك مدير مكتب الوزير والعيشه غلت البترول بروحه يكلفك 1000درهم
شهريا والي عنده بيت وحرمه و 5 عيال كيف يعيشهم صرنا مطنزه بحلوج
السعوديين والكويتيين يظهرو الناس من بيوتهم سبت صيانه وعقبها يا خذون بيوتهم
وبنتم جيه الين ما نموت قهر واذا متنا قهر عيالنا بيموتون من اليوع
انته عايش بنعمه ويارك الله يعينه
والانسان اذا يبى يعيش بنعمه لازم يفضح عمره بالجرايد وهذا اذا حد عطاه ويه

واذا بغيت تشتكي اشتكي لربك ربك فوق ربك ما ينسى حد

الين متى بيظلو الناس ع هالحال؟؟

" ريم العيـــن "

وعليـــكم الســلام والرحمـــه ،،

موضــوعج مهم وايــــد ،

هــذا كله بسبة العولمه اللي مسوينها دخلوا الأجانب بلادها ، وهاهم ماخذين حقوقنا كلها

من فتره في خاطري شي أقوله زين يوم كتبتي هالموضوع عسب اكتبـــه

بدل ما يصرفون هالملايين والمليارات من الدراهم على المرافق السياحيه وتطوير المطارات والحدائق
وغيرها ، ليش ما يصرفونها او يعطونها لسكان المناطق النائيه اللي من زمان بيوتهم طايحه ويتريون حد يعدلها لهم ، لانه هم أحوج الناس لهالملايين اللي تنصرف على ولا شي

شو نبغي بهالمرافق السياحيه دام غيرها واهل بلادنا بأمس الحاجه لمن يمد يد العون لهم

شو بنقول دام الأجانب صاروا هم اللي يقررون والحكومات تنفذ...

قهـــر!!

أختي تفكيرج وايد مأساوي صح كل هذي الأشياء تصير لكن هذا مب معناته أن كل الناس يعانون أو يتعذبون صح في مشاكل في كل مكان و الحين عادي نشوف هندي و معاه قصر على البحر و سيارة لامبورغيني و مواطن يفر نفسه من فوق الطابق الثاني في عمارة لأنه ماعنده فلوس حتى يصرف على أولاده و هذي على فكرة صارت قبل كم سنة هالأيام كل شي ممكن لكن الواحد لازم يعرف كيف يدبر نفسه و يحصل له مكان في هذي الحياة و كثرة الشكوى مثل ما يقولون في ما تييب نتيجة :)

السلام عليكم

::

معاناه يوميه يعيشها ابناء شعب الإمارات،، وبالأخص أهالي الإمارات الشماليه

شو السبب؟؟ هل حكوماتهم ما تعطي؟؟ ولا ما عندها؟؟

حتى لو ما عندها،، فالدولة ما تقصر من ناحية المساعدات،، لكن مع ذلك ما نشوف اي تطور

بيوت شعبية تنبنا،، منو يحصلها؟؟ ( فلان الفلاني وعياله ) اما الفقير ياكلون حقه !

اهالي المناطق النائية،، يومياً نشوف معاناتهم فالجرايد،، ما تنحل الا بعد ما تنتشر صورهم فالجرايد،، وهذا اذا انحلت!

::

هذا تقصير من الجهات المسؤوله،، أحياناً الحكومة تعطي،، لكن اللي تحت الحكومة يسرقون

المشكلة ما عندنا محاربة فساد،، مسؤول يسرق يسكتون عنه،، واذا فكروا يشلونه،، ينشل بدون أي معاقبه،، واللي سرقه حلال عليه!

::

الوظايف تحتاج لواسطة،، بس الحمد لله بدت هالظاهره تخف،، خصوصاً يوم قاموا يشلون اللي ما يدخلون الا اهاليهم،، بدينا نتطور ونشوف الشهادات بغض النظر عن الإسم

لكن مع ذلك فيه واسطه،، وهالآفه استحاله تختفي،، لكن فيه امل انها تتقلص!

::

بس في نفس الوقت،، اذا المواطن ردوه في مكان وما شغلوه،، يقدر يقدم في مكان ثاني،، مستحيل ما يلاقي شغل،، لكن بيلاقيه براتب أقل وفي قطاع خاص

انزين،، ليش ما ندخل قطاع خاص؟؟،، نقول رواتب ضعيفه وعندنا عيل،، انزين ليش ما ندرس وانيب اعلى الشهايد؟؟،، واذا بدا راتبنا بشوية فلوس،، فاعتقد نقدر نرفع قيمة هالراتب من خلال اثبات انفسنا فأماكن العمل،، اما اداوم يوم واغيب 10،، او اداوم وما اشتغل عدل،، ومع ذلك اطالب بزيادة الراتب؟؟،، فا هالشي مستحيل

::

تنمية بدت تدرب المواطنين اللي يتقدمون لوظايف،، عالأقل يدخلون دورات تدريبية ويحصلون خبرة لين ما يحصلون شغل،، بس شو المشكلة؟؟؟

المشكلة انه فيه ناس يتصلون فيهم،، فلان عندك دورة فالمكان الفلاني،، يقول اوكي وما يروح!!،، ليش نسوي جيه؟؟،، وكل ما يتصلون فينا قالوا فيه شغل،، نقول لا هالمكان ما نحبه !!،، عطوا المجال لغيركم،، فيه وايدين يرضون حتى لو 2000 درهم !

فيه ناس يقولون هاي حريه شخصيه والواحد يداوم وين يرتاح،، انا معاكم فهالشي،، واذا انتوا تبون ترتاحون لا تقولون ماشي وظايف،، الوظايف موجوده لكن انتوا ما تبونها

::

أخالفج الراي يوم تقولين "دشو البلاد بطراد وصارو شيوخ علينا ظهرولهم
جوازات وعطوهم اعلى المناصب فالدوله"

ماشفت حد من اللي تطرينهم صار شيخ علينا،، بالعكس!،، اشتغلوا وكدوا و سوو شي للبلاد،، حتى قاموا يشلون بعض من اهالي البلاد واللي هم قوم فلان وفلان،، بس لأنهم ما يشتغلون عدل وما سووا شي

مب لازم نشوف للرجل من ناحية أصله،، أهم شي يكون شغول ويشتغل بضمير،، والدليل تشكيل الحكومة اليديد

اذا احنا ما بنعطي مناصب الا لربعنا وجماعتنا ما بنتطور،، لازم نعطيه للي هوه قد هالمنصب

::

وما اعتقد فيه حد يقدر يتطنز علينا،، احنا احسن دولة خليجية ويمكن عربية،، المواطنين في بلادنا عايشين عيشه يتمنونها غيرهم،، قوليلي منو يحصل فلوس عشان يتزوج؟؟ منو يحصل قروض او منح سكنية غيرنا؟؟،، الحمد لله على هالنعمة واللي يتطنز تراه يغار

::

آسف طولت وايد،، اللي ذكرتيه صحيح وحاصل،، وبنقول الحمد لله،، لأنه حتى لو ما عندنا شي،، واجب علينا الحمد،، والله يعين ويصبر كل اللي يعاني من مواطنينا،، وان شالله الله يفرجها عليهم

// الله يحفظكم

ماقلتوه جميل وكلام حلو بس البشاره أن شاالله حكومتنا الرشيده ماقصرت قبل والحين ماتقصر أكثر وأكثر وتفائلو ترى الخير ياينكم واحد واحد ووحده وحده وأخيرا الوزارة الاتحاديه الجديده بمباركة ريئس الدوله حفظه الله الشيخ خليفه وبقيادة رئيس الوزارة والشباب الي معاهم أن شاْالله بتشوفون الخير الكبير والكثير وماعليكم الا الصبر شوي وشوفوا وكله بتوفيق من رب العالمين أمين وتسلمون عكلامكم الحلو .

http://www.mohammedstar.com/up/uploads/93a6a97ee6.gif

لا تعلـــيق ..
أكتفي بقــراءة ردود الأعضـــاء..
http://www.mohammedstar.com/up/uploads/93a6a97ee6.gif

ريم العين لا أدري ماذا أقول ولكن ازعجتني تلك العبارة التي قلتيها........

صرنا مطنزه بحلوج السعوديين والكويتيين@@@@@@

من ينسى مواقف اهل الامارات اثناء الغزو العراقي فهو صعلوك ومن يتطنز على اهل الامارات فهو وقح.......

ايتها الغالية نحن اسرة واحدة نحن ابناء خليج واحد والتقصير ليس في دولة واحدة بل في مجاميع الدول وما على الانسان غلا الصبر والرضى والتسليم......

ايتها الغالية موضوع جيد وكلام سليم ونعم هناك بطالة ونعم هناك تقصير واتفق معكِ في كل ما قلتي ولكن تأكدي ان الشعب الكويتي لن ولم ولما وحتى وبعد وكل أدوات الجزم تؤكد اننا لا نرضى بأن يتجرأ احد ويتطنز على أهل الامارات اهل الوفاء اهل الكرم والسخاء ..........

وكذلك الشعب السعودي ذلك الشعب الأصيل .........

أخيرًا

الله يعين الحال من بعضوا

الريم العين انتي ماخذه الموضوع بشكل خاص جدا جدا

اللي يبغي يستوي غني وياخذ منصب مكتب الوزير لازم يتعب ويكد ولاتتحرين نفسج بتيلسين في البيت وبيعطونج فلوس واكل وسياره .

لو سرتي اوروبا بتشوفين شوارعهم من "انترلوك" وبدون اناره اما في راس الخيمه في اناره وشوارعهم من الاسفلت بعد بس المشكله في المستهترين من الشباب


ناصر الخالدي

90% من الوزراء الحاليين درسوا بمكرمه من حكومة الكويت وبالاخص من الشيخ عبدالله السالم وماننسى المستشفيات الكويتيه اللي انبنت في الامارات والمساعدات الاجتماعيه اللي كانت توصل