هالة من الجمال...................

صراحه واحة الفضفضه من احب الواحات الي قلبي
لانه من خلالها اتعرف علي الاعضاء كبشر واعيش معاهم مشاعرهم
مشاعر الخوف والحزن والسعادة
يعني اختبر كل انواع المشاعر الانسانيه
وهالشئ يسعدني جدا جدا
قبل فتره كانت بنت اختي عندنا بالبيت وعمرها ما يتجاوز ال 15 سنه
المهم دخلت غرفتي
الا تسالني
بنت اختي: خالتي اشلونج؟
قلت لها: ربي يسلمج غناتي انتي شخبارج
ردت علي :ابي اصير حلوة شسوي؟؟؟
انا الصراحه استغربت ما توقعت هالجملة الي قالتها هههههههه
الصراحه هي بنت اموره وحلوه
سالتها:انت حلوة حبيبتي بس ليش تبيني اتصيرين احلي؟
بنت اختي: عشان الناس تحبني
الصراحه رجعت فيني الذكريات يووم كنت بسنها
اذكر كان عندنا درس للغة العربيه وكان الشاعر يالس يمدح بجمال حبيبته ويتفنن بوصفها وجيه
الصراحه كان ودي اسال الابله ليش؟ ليش لازم يعني تكون الحبيبة حلوة؟
بس خفت من الابله لانها ما كنت جميلة وخفت تفهمني اني اقصد اني احرجها وجذي
بس كان ودي اسال عشان جيه رفعت يدي وسالتها: ابله ليش لازم تكون بطلة القصايد حلوة؟
وانا خايفه انها تحرجني وجيه
لكن نظرت لي مبتسمه
قالت لي اشكرج علي سوالج الحلو
شوفي يا وعد
وراحت ورسمت علي السبوره نقطه
وحولين النقطه دائره
قالت لي شوفي
النقطه هي الانسان الي نحبه
والدائره هي مشاعرنا
الانسان الي نحبه قد يكون انسان عادي
بل بعض الاحيان دون العادي
لكن شفتي هالدائره الي تحيط النقطه
هذي مشاعرنا تجاه
هذي الي تخلينا نشوفه من خلال قلبه
قلبه الي حنا نحبه
عشان جذي احنا نشوفه احلي البشر
عشان جذي الشاعر يوم يتكلم عن حبيبته يشوفها من خلال هالدائره او هالة مشاعره الي تحيط بها من كل صوب
ومن يومها تمت كلمات ابلتي العزيزه بذاكرتي
وهذي انا الحين اعيد نفس الدرس علي بنت اختي
تحية لج يا ابلتي العزيزه

صحيح ما قلتيه ..

الانسان عندما يرى محبوبته .. يراها اجمل البشر ..
افضل المخلوقات .. حتى وان اتيتيه بمكلة الجمال يراها قبيحة ويرى محبوبته جميلة ..
الحب يعمى البصر .. واحيانا يبعد المحبوب من الواقع ويعيشه باحلام وردية مع محبوبته ..

فالجمال ليس المهم للانسان الذي يحب ..
مادام قد حب فليس هناك ما يمنعه ..

أشكركِ اختي على الفضفضة ..
واشكر ابلتكِ على الدرس الجميل ^__^

انا بدوري اشكرك عزيزي الملهم علي طلتك الي نورت الفضفضة:fa42:

اتمني بنت اختي تعلمت درس
انه الجمال شئ حلو
بس الناس اذا بيحبونها عشان شكلها مو قلبها وشخصيتها واخلاقها
فهذا الحب لا تعتمد عليه وايد لانه حب مو حقيقي

وايد حلوه هالدائره الي تحيط بالنقطه

جني انا النقطه :fa46:

اقتباس:

---

المشاركة الأصلية كتبت بواسطة عيون الوله

وايد حلوه هالدائره الي تحيط بالنقطه

جني انا النقطه :fa46:

---

هلا فيك خيو دنيا الوله:fa34:
بالنسبه انك انت نقطه ما اعرف شو اقول غير الله يعطيك وتصير نقطه وحولها دائرة:fa46: