قــوم بـــــو ويـــهــيـــن

السلام عليكم

هاي اول فضفضه لي في الواحات

الصراحه ما عرف شقايل ابدا لانه فيه قهر على واحد ما يستاهل اني اقول عنه اخويه او ربيعي:fa44:

جدامك محشمنك و من وراك حدث ولا حرج ,, رمسه ما بعدها رمسه ,, يعني قوم بو ويهيين

اول بادي عرفت ربيعي بحسبت اخويه الي هو (م) على ربعي قوم (ق) , , المهم اول فتره يوم انسير انتيلس عندهم اييبه ويايه و خلاف يوم تعرفوا على بعض قام يسير ولا يخبرني الي هو (م) عند (ق) معني انا الي معرفنه عليهم , , قلنا مب مشكله

يوم من الايام ما اتصلبي يوم اتصلتبه قالي انا عند (ق) سألته من متى عنده قال من الضهر و يوم قتله ليش ما اتصلتبي قالي انته ليش ما تتصل,, اويييه حلوه هاي انته ساير و انا اتصلبك المفروض انه هو الي بيسير و لازم يخبرني انا شقايل بعرف انك سايرله:wacko:

طافت هاي السالفه على خير

و بعدها بدا واحد الله يذكره بالخير مع انه ما يستاهل (م2) واحد ثاني ,, بدا يخرب بيني و بين (م) و نجحت خطته خربوا بيني و بينه:fa36:

يعني ليش ها كله

ما تبوني امشي وياكم...... هم يتحروني ميت عليهم لا والله و اقولها في ويهه الي ما يباني ما بصيح اباه ,,

و المشكله انه يوم تكون مخاوي واحد و يجلب عليك مره وحده صدمه بالنسبه لي

و عقبها بدو يخربون بيني و بين ربعي بس الحمدلله ربي كانوا يعرفون سوالفهم بس عقب شو عقب ما خسرت واحد كنت اعتبره اخويه بس اتحسف لكل لحضه اذكر اني اقوله اخويه لانه ما يستاهل ولا لي الشرف انه يكون واحده مثل و مثل الي وياه من ربعي

يوم يكون واحد عزيز عليك تخسره بسرعه
و مثل ما يقول المثل احذر من العدو مره و الصديق الف مره (ماعرف صح جي ولا لا :woot: )

ابا اكتب بعد بس ابا ارقد ,, ابا اطلع حرتي في الكيبورد :glare:

المهم ها الي عندي احين و اسمحولي طولت
اخوكم
الرايد

let your friends be close and your enemies closer

اخوي العزيز الرايد
طبق هالمثل بحياتك وراح ترتاح

من بعنا يا زين بعناه ***********نشخط علي اسمه ونلغيه
حتي العقل ما يجيب ذكراه*********ولا اللسان ينطق بطاريه

تياتي

ام خدود
مشكوره على المثل و على مرورج الطيب
.
.

وعد
صح السانج اختي

اخوكم
الرايد

اصعب حالة عندنا تخسر انسان عزيز عليك ..
وطبعا ليس بالسهولة ان تقول " اللي ما يبانا ما نباه "
مستحيل .. اذا لديك ضمير وتحس .. فصدقني ستحس بالضيق والخسارة ..
وهذا طبيعي عند كل انسان ..

حاول انك تنساه .. ترا اخس شيء يوم تكتشف ان
اربيعك بوويهين .. صعب انك تتعامل معاه .. حاول بكل الطرق
انك تبتعد منه .. ولا تقوله اسرارك ولا اخبارك ..

حفظك ربي ..

الله يعينك ويصبرك

شعور متبادل

صراحة انا اسوالي ها الشي من كم يوم ولين الحينه انا اقول بنسا
بس صعب لنك تنسى شخص عاشرته فتره واخر شي تهده ( انا كنت اقول اللي مايباك مره ماتباه الف مره ) بس صدقني صعبه يمكن جدام الشخص بتقولها بس بينك وبين نفسك تم تذكر اللي استوالك
فتحس صعب لنك تقول جي

لاكن اقولك اخويه خلاص برايه شو تبا به انساه احسلك

شرات ما أنا احاول اني انساها

والسموحة

الملهم , , ريم العين , , الدلووووعه

مشكورين على تواصلكم

مشكلتي اني ابا انساه بس ماعرف شقايل ,, لانه الي يعاشر واحد لسنه او لسنتين ما يحس بالي نحسه نحن الي نعاشر و نخاوي ناس بالثمان و تسع سنين ,, و اخر شي تكتشف انه حركاته كلها من تحت لين تحت :sad:

الله كريم شو بنقول :fa36:

والسموحه
الرايد

اخويه انا عاشرتها 6 سنين
والحينه انا هب مستعده اتم وياها

صح انه صعب اني انساها بس بسوي المستحيل عسب انساها

وانت حاول وان شاءالله بتروم تنسا ها الشخص

ابصراحه ف هالزمــن كل الناس صار عندهم مب الا ويهين عشرين مليون ويه بعد
ماتعرف اتصدق منو و الا منو ؟؟

انت اكتشفت انه ربعك قوم بو ويهين و اضايجت و حطيت ف خاطرك عالاقل مصيبتك اهون من مصيبتي انا اكتشفت انه اهلي و اللي كنت اعتبرهم اقرب الناس معظمهم من هالنوعية و يتني حالة يأس من الدنيا و كرهتها و يتني فتره ،، لين الحين تقريبا،، ماحب اكلم حد باختصار عفت الدنيا و اللي فيها لاني اشوف كل انسان يفكر ابعمره و بس و ماعندي ثقه بأي حد و قررت أعيش ف هالدنيا مالي خص ف حد ولا حد له خص فيني ومافكر ف حد لانه محد يستاهل و افكر اسير عياده نفسية لول باسم الله عليه خبلوني هالناس ،،،

نصيحه : طنـــش و عيش ف هالدنــيا و استــانس ف كل دقيقه منها و لاتحط ف خاطرك شي لانه الدنيا ماتسوى و خلك احسن من غيرك مابقولك ازعل من هالشخص و قاطعه لا كلمه و سلم عليه بس بحدود يعني مب شرات قبل خله يحس انه غلط و اذا ماحس ابرايه ترى عندك مليون اربيع غيره و انته مب زعلان منه ولا مفتكر فيه ،،

ماعرف اذا وصلك اللي اقصده و الا لا تراني ماعرف أفهم عدل لول يالله حاول تفهم وثانكيو لاني فضفضت وياك ف هالموضوع و بالنهاية ترى الدنيا بكبرها ماتسوى حد يضايج عشانها فـ ليش نضايج عسب شخص و الا شخصين فيها ؟؟

بنوته صغيرونه

صدقج , , الدنيا ما تسوا اني ازعل و اضايق على ناس ما يستاهلون

و مثل ما قال ربيعي طنش تعش تنتعش هههه:fa56:

والسموحه
الرايد

انا استوابي جي

بنت من الصف خربت بييناا

استوت مشاكل

بعدين قالتلي ربيعتي طنشينهم

حاولت بس اكثر شي اطالعهم

اليوم بالفرصه كنا ناكل بالصف جان تدخل هي والبنت الثانيه

جان اطالعهم بعدين لفيت لربيعتي اشوفها ظحك قلت لها فهمتج جان يدق الجلس

واسراري كلهاااا عند البنت وخبرت البنت الثانيه وخبرو وحده بس سوت لهم طاف

جان اروح صفي الثاني خخخخخخخ يارب اتم بصفي الاول


وانا التوبه اقول لحد عقب اللي استوا

كل شي بهالحياه نتعلم منه

أحســــن شـــي مـا أتعرّف ربيعك على باقي ربعـــــك .،.،.،

أنا جي أشوف وجي أسوي .،.،.، لانـي انقرصت مره .،.،.،

واللي عرفيتها عليـــهم .،.،.، طاحت فيهم ونست اني انا اربيعتها!!
لــكن على قولة القايل .. كل يديد حبـه شديد ..
وبعديـــــن عرفت أنه .. ما يدوم الا بو الهدوم .. ورجعت اترابعني مره ثانيه .،.،.، وانا عادي مب امسوتلها سالفه شرات قبل .،.،.، الصداقه الي مثل جي ما تتحسر عليـها .،.،.، ومن عقب الصداقة القويه وعشرة العمر والسنين !! صار بينــــــا السلام عليكم وعليكم السلام وبالصدفه وعلاقتنا ما تتعدى الحرم الجامعــــي .،.،.، وجاااااااان بالصدفه بتكون هي مع بنات اعرفهم ونشرب كوفي مع بعض وانتهى ! ! !

شو رايكم مب أحسن جي

الله يسامحهم !!

لا تقول غير هالكلمـه وبكيفهم دامهم يبون جي :sleepy:


لاتندم ابد , لانك مش محتاج لهالنوع من الناس انها تخاويك ويكونون شرات
اخوانك وعضدك الايمن .. بتلقى مليون واحد غيرهم يودك ويعزك وبيتندمون آخرتها صدقني ..

بس هاييلا :shutup: .. مايستاهلون الايام اللي قضيتها وياهم
فـ لا تندم ابد لانك احسن منهم

ويمكن تكون خيره لك , والله يباك تبتعد عنهم .. محد يدري ؟


ها اللي اقدر اقولك اياه
والسموحه :blush:

.
.
.