.. أ لهذه الدرجــه .. فصخـن الحيـاء ..

السـلام عليكم ورحمة الله وبركاته

.. أسعـد الله اوقاتـكم ..

هنـا في الغربـه .. يا ريـال عن ألف ريال .. يا ربـادي .. يا صايـــع مـره ،، ( هذا كما نعرف عن قضايا الشباب ) .

ولكـن انا هنـا لست اكتـب أو اتكلم عن الشباب .. ولكــن اكتـب وفيني حرقـة على اخواتي في الإسـلام .. تراهن محجبات ولكـن اللبس ضيـق ورائحـة العطر حدث فلا حرج .. وتراهن يلاحقـنك والله أعلم ما نيتهن .

وفي الكليـة وانا لست اتكلم عن الكل بل اغلبية بناتنا المواطنـات .. تراهن يرابعن بوي فريندز طيب ( عربي ؟؟ ) لا أجنبي .. ( اجنبي الله وأكبر !! ) ولو عربي ( بنقول الله يهديها ) :rock: نحن الشباب نستنكر .. !!

فلأســف .. البنت لوحـدها في الغربـــة مصيبــة عظمـى .. تجهـل أمور الشباب وكيف هي نوايا الشباب إلا من رحم ربي .. !!

:crazy: ويفعلن كيف ما يشائـن .. !!

:rock: أقـول ما رأيـكم في سفر البنت للخارج لوحدهـــا ؟؟ هل تؤيدون ؟؟ أم تعارضون ؟؟ وما هي أسبابكم ؟؟
:fa42: ومارأيكــم لو سكنـت بين أسرة أجنبيـــه ( وأنا سمعت في مواطنات سكنوا بين أسرة أجنبية ) !!

قضايا .. تأذي قلب سامعهـا .. كما آذت قلب المقاتل :fa43: :Oo: مشكلتي وايد أتعاطف .
.. المقاتل ..

اشكرك اخويه على هالموضوع الطيب

تعودنا على هالشي :glare:
تشوفهم من المطار عباه وحاله وحشمه ومن يوصلن مطار لبلاد المقصوده
فصخوا الحيا بحجه ان هاييلا اجانب .. بس سبحان الله ! الاجانب ( ماعندهم رياييل )

انا مابطلع عمري مثاليه

انا الصراحه ما البس عباه في بلاد اوروبيه
لكن لبسي محتشم مب اني اترصص وحاله :huh: ..

وبخصوص اسئلتك
+ أوافق ان البنت تدرس برع بس يكون حد وياها من اهلها .. مش بروحها لانها مب حلوه ابد
+ وما اوافق انها تسكن ويا عايله أجنبيه .. لانهم غرب .. وثاني شي البيت فيه محارهم ..

والسموحه

.
.
.

ياما راح تشوف اشياء وايد وراح تتعجب منها
في البلاد اتشوف بلاوي ,,,
فما بالك في بلاد الغرب ,,,, وتكون بروحها بدون رقابة حد ...
ما اقصد الـكل ..

- سؤالك الاول ؟
تدرس برع ما فيها شي بس يكون وياها حد من الاهل ..

- سؤالك الثاني ؟
ما أيد انه البنت تسكن وي عائله بروح وي ناس غرب .. ما تعرف شو نواياهم ..
وتسلم على الموضوع اخوي المقاتل
,
,

السلاااام عليــــكم ..

امم اللي تقـول عنه مب مجرد فصخ حياء ، هي مسألة تعـود على تربية الأهالي لبناتهم
ترا مب كـل الناس يربون بناتهم نفس الشي ، الحين صحيح نحن في بلاد وحـدة ،
لكن في أشياء تختلف من بيت لثاني ، ويمكن نجتمع على أسس ديننـا الاسلامي ..
فما بالك بدولتين وكل وحدة أبعد عن الثانيه ، والاختلافات واضحة ، أهمها الديانة اللي تدين
بهـا كل دولة ، يعني أكيـد بتحس بغيض وقهـر لانك تشوف أشياء يديدة في هالبلاد إنت ما
تعودت تشوفها في بلادك ..

بخصوص البنـات المتغربات ،
في الأساس معظم الاهالي اللي مطرشين بناتهم للدراسة للخارج ما يعتبرون بناتهم مغتربات
لانهم من الاساس ما طرشوا بنتهم الا لبلاد هم متعودين عليها وكل سنة فيها ، فبحكم انه البنية
اتعودت ع المعيشة وزيارة هالبلاد فمن الطبيعي انها تطلب تدرس فيها ومن الطبيعي ان الاهل ما يرفضون ..
وتقريبا ها اللي حاصل في بلادنـا بعـد .. يعني مثلا عائلتين معيشتهم في بوظبي ،
العائلة الاولى وافقت على انتساب بنتها لجامعة في مدينة العين ، لأنهم متعودين يروحون العين
لكن العائلة الثانية ترفض ان بنتها تدرس في مكان غير بوظبي لانهم ما بيطمنون عليها في مكان غريب !


بخصوص أسئلتك ..
أؤيـد دراسة البنت والولد في الخـارج إذا كانـوا يعتبـرون مستقبلهم هنـاك ..
بشـرط ان البنــت عندهـا محـرم ..!

ولا أؤيـد وأرفض اختلاط كلا من البنات والشباب والسكن مع عائلة أجنبية ..
لأنه مهمـا كـان ، غلـط يعيشـون ويا عائلة غريبة ، ولو هالشي عادي
بالنسبة للعائلة الاجنبية فـإن المسلمين مب عـادي عندهم سواء كانوا رجال أو نساء


أخوي المقاتل ..

شكـرا على الطرح واسمحلي ع الاطاله
لكن دامك في بلاد غربة وهدفـك هو الدراسة ، شوف هدفك وغمض عيونك عن غيرك
بيرتــااح بالـك وما بتتغيــر عـاداتــك الاصيلـة ..

أما البنـات أو الشباب المسلمين اللي عندكم ، تقدر تطبع لهم منشورات توزعها لهم
تذكرهم فيها بأنهم مسلمين ولازم يحافظون على أنفسهم ودينهم أكثر دامهم في بلاد غربة


والله يحفظـك

:woot:

السلام عليكم.. تأكيدا" على كلامك.. مدرستي قالتلي.. مرة كانت يالسة في الطيارة، وعدالها وحدة لابسة عباه وشيلة ونقاب وقفازات.. يعني مغطية كل شيء.. ولا شيء من يلدها يبين.. وعقب ما اتحركت الطيارة.. الاخت (تكرمون) سارت الحمام.. وعقب شوي اتقولي المدرسة يت وحد لابسة مني سكرت و بوت وفاتحة الشعر.. قالتلها لو سمحتي هذا مكان وحدة.. ردت عليها وقالتلها: لا هاي أنا!!!

بس هي مب من الإمارات بس من دولة خليجية!!

الله يعين.. ألحين البنت المتحجبة والملتزمة كأنها ماسكة جمرة بيدها..
الله يعينا والله يهدي الناس أجمعين..

وأنا أقول البنت اتسافر روحها؟؟؟ على حسب شخصية البنت.. وأحسن اتكون مع حد من أهلها..
بنت اتعيش مع عايلة أجنبية؟؟ لا طبعا".. ما اتعرفون نواياهم..

مشكور اخويه المقاتل عالموضوع

.. عـــدنـــا ،، ..

:fa56: حي الله من يونـــا .. أهلا وسهلا .. يا مرحبا مليااار ولا يسـدن .. ( الياه - خيال الروح - العجيبه - اخت اختي ) لي عوده معاكم وإلحينه مع الـ : -

.. اليــــاه ..

:fa37: بمـا إنج ما وافقتي إن البنت إتم بين اسرة اجنبيه .. عنـدي لج سالفـة .. ( يقولج هاي قصه سمعتها ) الله يطولي عمرج .. هاي وحده اماراتيه .. سارت بيت أسرة اجنبيـه .. وكانت هاي الأسرة مكونه من أب وأم وبنت ولـد عمره 9 سنين .. :fa35: اتقول البنت الحمدالله كل شي تمام .. فـ عقب فتره كل ليلـة تسمع حد يدق عليهـا الباب فالليل عـ الساعه 12 .. :glare: الله يحفظـج السالفه إن ولدهم لصغيـر يدق على لبنيـه الباب لغرض إبليسي (:devil: ) .. عنبوا حتى لصغار ؟؟

أولا وأخيرا .. أنا أعارض مبـدأ العيش بين أسرة اجنبيه بالنسبه للولد والبنت .. اول شي هالشي لا من ضمن عادتنا ولا تقاليدنا .. ثانيا .. كيف الوزاره :Oo: تسمح لهالشي يحصل ( خصوصا إذا كانت بنت ) .

والله تحصل بلاوي .. وأما عن سفر البنت بروحهـــا .. انا شخصيـــا أعارض هالشي .. ( أعارض إن كانت روحهـا في الغربـه ) لأن شرعـا ما يجوز سفر البنت بلا محرم .. فكيف أهاليهم يرضون إنهن يسافرن رواحهـــن .. :sad: كيف يتطمنون ؟؟
:wacko: عندي شي ثاني .. :fa36: كيف البنت تأمــن بأنها تمشي روحهـا في الغربــة ؟؟ ترا الغربه شينـه !!

اعذريني على الاطالـه في الرد ،،

ولكـن بخصوص لبس العباة .. قالولنـا .. بأن الأجانب يخافون من العباة الســـوده .. لبسناهم أحلى لبس بأحلـى عباه .. والعباه ألوان وأشكـــال .. وترا إلي تبا الستر الله بيستر عليهـا .. بس إلي تقول .. شو أسوي ؟؟ الله يكون في عونها .. من هاي الأشكـال وايد .
:inlove: والله محلاة العباة السوده والشيله السوده .. هنه الله يعزكم مفاصيخ .. والله عفتهم من الخاطر .

شكرا على مرورج يالـ الياه .. ولا تحرمينا من وجودج .. :fa34:

وعليكم السلااام والرحمه
هلا والله بمقااتلنا
موضووعك حلو و اعجبني الصراحه
ياطويل العمر و السلااامه يوم بنااات البلاااد هنيه في بلاااادهن فاصخاات الحيا
وين في بلااااد غريبه ؟؟..
انا ما اقووول كل البنااات .. بس في فئه - الله يستر عليهم دنيا وآخره - ماشالله اتقووول كشختها حق عرس مب حق طلعه - ربي حسيبهن -
انا عن نفسي ما البس عباه لما اكوون مسافره بس الحمدلله لبسي زين ومب لافت للنظر ..
بس انا استغرب من هذيل اللي اول ما تطب ريلهن البلااد الغريبه مووول تتغير كليا - جنها ماصدقت - حتى اللي ماتسويه في البلااااد اتسويه برع .. انا ماعرف شو السبب ؟. عقول متخلفه والله _ ارجع واكرر مب كل البنااااات _

وبخصووص الاسئله اللي وجهتها لنا
1- ماعندي ماااانع بشرط وياها حد من اهلها ..الصراحه البنت ماتتخلى برووحها
2-طبعا لا ما اوافق على قعدتها ويا عايله اجنبيه .. الواحد مب مأمن فيهم ..فكيف يخلي بنته عندهم

وعليكم السلام ورحمة الله وبركاته

المشكله يا أخوي مب في البنات والأولاد ...المشكله في أهاليهم الله يهديهم

الدلع الزايد وتنفيذ اوامرهم بدون تفكير بالعواقب المترتبه عليها:fa55:

والمشكله لكبيره يا أخوي كلمة (عااااااااااادي) ! ...الله يرحم كلمة (منقوووووووود) برحمته:fa32:

الكل منا يسافر ...والكل يشوف إنه العباه السودا وحتى النقاب موجود على الحريم والبنات بلندن وألمانيا وتايلاند.. يعني بكل مكان .... مش شكل قبل لما كانت عيون الاجانب تستنكر هاللبس الأسود

يمكن في فتره من الفترات وبعد عمليات الارهاب لمواطنات خافن يلبسن العبي السود فكانوا يلبسون لبس واسع وبنفس الوقت محتشم وساتر ...

نظرة البنت لنفسها كبنت عربيه شرقيه مسلمه لازم تكون أقوى من نظرة الكل لها ... أنيقه بحدود ...جذابه بحجابها ... ثجيله بعقلها ...رزينه بتصرفاتها ....:blush:

والآن نرجع لمحور حديثنا :fa54: أقـول ما رأيـكم في سفر البنت للخارج لوحدهـــا ؟؟ منقوووووووووود ولو عدها طموحات خياليه ..فبلادنا موجود فيها أحلى التخصصات إلي تقدر كل بنت تتميز فيها
ومارأيكــم لو سكنـت بين أسرة أجنبيـــه ؟منقووووووووووود ...حتى ولو كانت هالأسره مسلمه ...وجودها مع رب أسره غريب عنها حتى ولو كان شيبه ومكحكح بعد الله ما يرضاه ...

استانست بالرد على موضوعك ...والله يكملك بعقلك يالمقاتل:fa42: حسيت بإنك رجل والرجال قليل

مرحبااااا الساااااع ,,

فعلااااا موضووع متميز يا المقاااتل :fa42:

و هالايام تشوف العجب والله ,, سواء في البلاد ولا برع ,, بنات لا مذهب ولا حيا :wacko: ,, ما أقول غير الله يهديهن

وردي على أسئلتك ,,

سفر البنت من دون محرم ,,

لا طبعا ,, ما يستوي:fa52: ,, عيييييييييب ,, لازم يكون وياها حد من المحارم..

سكن البنت مع عايله أجنبيه ,
اممممم ,, لا لاصعبه ,, كييف !! ما تخاااف على نفسهاااا ,, وهم ناس غرب ومب من محارمهاا:fa44:

ومشكور يالمقاتل مرة ثانيه ,,

المتفيجة

يا هلا ومرحبا بك المقاتل
الله يهديهن هالبنات ... انا حتى سفرة ويا اخويه عشان اكمل دراستي ما خلوني .. بس والله ما الومهم ... الحمدلله البلاد موفرة كل شي للمواطنين والوافدين ... حتى الهنود يستانسون يوم يدرسون هني .. فما بالكم انتوا يا عيال البلاد..
ردا على اسئلتك اخويه ..
انا ما بقول عيب ومنقود .. لان كل هالاشياء مرتبطه بالعادات والتقاليد ولكن بقول حرام من دون محرم ... بحيث ان هالشي مرتبط بدينا .. واكيد الدين اهم من العادات ..
وسؤالك الثاني نفس الشي .. حرام تعيش مع ناس ورياييل مب محرمين عليها ..

وتسلم اخويه المقاتل على غيرتك على بنات المسلمين .. واامر بالمعروف وانه عن المنكر ..
فقد قال الرسول صلى الله عليه وسلم .. " من رأى منكم منكرا فليغيره بيده ، فان لم يستطع فبلسانه، وان لم يستطع فبقلبه وذلك اضعف الايمان"

الصراحه موضوع حساس
وانا اعيشهالوضع هالايام صراحه لاني حصلت فرصه ادرس بره بس هلي ما رضوا لانه دولة اجنبيه وجيه واكثر المعارضين كان اخوي الكبير , انا اقول يعتمد الصراحه يعني مثلا نوعية البلد الي البنت بتسافرلها , شخصية البنت وهالامور
طيب بالنسبه لسؤالك
1) انا اشوف الموضوع عادي ان البنت تدرس بره دامها انسانه شريفه وعارفه دينها عدل واساسها صح وافضل احد من الاهل يكون معها
2) لا ما اوافق علي قعدتها مع عائلة اجنبيه , احسن لها تسكن بسكن الطالبات


راي الشخصي

تحياتي

شكـرا اخـويه المـقـاتل لطـرحكـ وغيـرتكـ ع بـنات بـلادكـ وبنــات الإسـلام كـافه..

فـي البدايــه نحـن مب مفـروض عليـنا نـتـركـ الحبـل ع القـارب ونـخلي الحيـاه سايبـه للبـنات ولا
نـمنعـهن منـع بـات من انـهن يحققـن رغبـتهن ، الواجـب عليـنا يــاخويه نمسـك الحبـل من الوسـط
ونـوازن بيـن الأشيـا ، فسـفر البـنت إلا الـخارج مـاهو حـرام ، لكـن البـعض يشـوفه عـيب ، ويـمكن يـكون من حرص أهـل الفـتاه ع سمـعه البـنت وخـاصه إذا كـانوا اهـل البـنت من الـنوع المـتعصب..

انـا وفي اعـتقادي سـفر البـنت للخـارج مـاهو عيـب ، دام ان البـنت حـابه تتـعلم وفي داخلـها طـموح واحـلام وتبا تحققـها ، لكـن انـها تروح وتـفصخ الحيـا ، فبعـتقادي انه كـل وحده وضميـرها وكل وحـده ومدى تفكيـرها وعقليـتها وتربيه الاهـل لـها ، على سبيل المثـال: انــا عندي بـنات عـمي 4 كلـهن درسـن بـرع ولا وحده درسـت في الإمارات ، ولله الحمـد اتخرجـن واصبحـن كلهن دكـتورات .. لكـن الشـي اللي يـجذبكـ فيهن وبرغـم من انهم سـافروا إلى اوربا وعمارهم 18 سـنه ودرسـن برع البـلاد 5 او 6 سـنين تقريبـاً لكـن والله مـاتشوف شـعره ظاهـره من شعـرهم ولا ريحـه عطر ويـوم يظهر بنقابهن ومحـترمـات ولا كأنهم دارسـات في اوروبـا بتمسكيـن بالعادات والتقاليـد اكثـر من أي شـي ثـاني..
ولـو فكـرنا فيـها لعـرفنـا ان هالـشي راجع للأساس وللعـايله اللي تربـوا فيـها وخـوفهن من رب العـالمين..
وفـي الاخيـر سفـر البـنت اعـتقد انه مافي شي دام انـه بحدود.. ودام البـنت تخـاف ربـها..

وإذا عـن سكـن البـنت مع عـايلـه اجنبيه ، احس صـعبه لأن هم عاداتهم وتقاليدهم غـير..
ويـمكن عندهم اولاد ، فـ ماراح تـاخذ راحـتها...

وجـهة نـظر..

تحيـاتي لـكـ يا اخـويه..

والله يـعين..

هـموم

و عليكم السلام و رحمه الله وبركاته
موضوع حلو يستحق النقاش أخ المقاتل لأنه حساس بالنسبه لنا نحن البنات
الصراحه أنا كنت في الماضي من المؤيدين لفكرة سفر البنات للخارج للتعلم و الدراسة
و لكن الآن بعد الأحداث اللي حصلت في العالم فكيف البنت تأمن على نفسها في بلاد الغربة خاصة إذا كانت من دون محرم أو أحد أقاربها لأن الأولاد في بلاد الغربة ما سلموا من اللي يصير من أمور مزعجة ومؤلمة فكيف للبنت أن تتحمل هذا الشيء
الأمر الآخر أن الدولة وفرت لنا التعليم بالمجان فلنحاول تحقيق أحلامنا في وسط بلادنا من دون غربة .
الأمر اللي تقول عنه يا المقاتل و هو سكن بنات مع عوائل أجنبيه فهذا أمر لا يجوز و لا يجب الموافقة عليه لأنه ليش من ديننا و يعبروا أجانب حتى لو حافظت الفتاة على نفسها فكيف بأصحاب البيت هل هم سيحافظوا على الفتاة
أتمنى من البنات و الأهل إعادة التفكير في الموضوع السفر للدراسه
شكرا أخ المقاتل على هذا الموضوع

وعليـكم السـلام ورحمـة الله وبركــاته

أخـي المقـاتـل..
إذا تحـدثنـا عن هـذا الموضـوع بشكـل عـام, لا أظـن أن اليـوم سـ يكفـي للمنـاقشـة
ولكـن سـ نتحـدث بشكـل خـاص وبـاختصـار, خيـــــــر الكـــــــلام مـــــا قــــــــلّ ودل


أوافـق على سفـر الفتـاة للخـارج بهـدف التعليـم, وبشـرط مـرافقـة المحـرم وإن لم يتـوفـر الشـرط فـ الأفضـل
أن تبقـى في دولتهـا وتكلمـل دراستهـا, والحمـد لله دولتنـا ليسـت بـذلك السـوء في مجـال العمـل والتعليــم

بخصـوص سكـن الفتـاة بيـن أسـرة أجنبيـة, بالطبـع لا أوافـق ذلك الأمـر, لأن عـاجل أو آجـل سـ تتـأثـر تـلك
الفتـاة بعـادات وتقـاليـد الأسـرة وديـانتهـا, مهمـا كانـت تمسكهـا بـدينهـا وعـاداتهـا العربيـة الإسـلاميــة


أشكـرك أخـي المقـاتـل على الموضـوع الجميـل
وربـي يثبـت قلـبك على دينـك, وربــي يحفظــك

أقـول ما رأيـكم في سفر البنت للخارج لوحدهـــا ؟؟ هل تؤيدون ؟؟ أم تعارضون ؟؟ وما هي أسبابكم ؟؟
ومارأيكــم لو سكنـت بين أسرة أجنبيـــه ( وأنا سمعت في مواطنات سكنوا بين أسرة أجنبية ) !!

يااخويه فيه اشياء الدين ماقصر اتكلم عنها بما فيه الكفايه و بخصوص سفر البنت لوحدها سواء للدراسه او غيره من غير محرم لايجوز و اعتقد انه حرام و الله سبحانه و تعالى ماحرم علينا شي الا اذا كان فيه ضرر لنا و اذا سكنت ويا اسره اجنبيه فهذا اللي يزيد الطين بله و بعدين انا اشوف انه بلادنا فيها جامعات ما شاءاالله عليها الكل يشهد بكفائتها و ايونا ناس من الخارج يدرسون عدنا يعني عن الدلع

باختصار سواء كان فيه ناس اموافقين على هالشي لسبب هم يشوفونه مقنع و ناس رافضينه ايضا لأسباب تقنعهم بالنهاية راي الدين فوق كل شي و كل واحد الله معطنه عقل يميز الصح من الغلط