سـبـع إجابات لكل سـؤال لو سمحتوا !

السـلام عـلـيكم

عندي موضوع حلو احب اشاركم فيه

:alien:

بدعو خمس اعضاء للاجابه على هالاسئله وهم بدورهم بيطرشونها لخمس اعضاء آخرين عسب يجاوبون عليها ( والاجابات تكون في هالـ موضوع )

1- سبع أشياء اتخاف منها ؟

2- أكثر سبع اشياء اتحبها ؟

3- اكثر سبع اشياء مهمه في غرفة نومك ؟

4- سبع حقائق عشوائيه في حياتك ؟

5- سبع اشياء تخطط اتسويها قبل لا تموت ؟

6- سبع اشياء تجذبك في الجنس الآخر ؟ :tounge:

7- سبع كلمات او الفاظ او جمل تكون دايما على لسانك ؟

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟

9- سبع مشروبات مفضله عندك ؟

10 - سبع شخصيات كرتونيه كنت اتابعها يوم كنت صغير و تحبها ؟

أوجهـا لـ

1- كلكوش
2- الـيـاه
3- المقاتل
4 - ذنيني
5 - عنود الريف


{ ملكية الفكره راجعة لـ منتديات ديفيانت ارت العالميه }
والسموحه
:fa51:

لازم يعني سبعه اشخاص

مايصير 6 ولا 8 .. اتشائم من رقم سبعه

اذا صرت بالموقف وحد طرش لي بطرش 6


بس حبيت استفسر منج ام خدود

شو المعنى منج انج تحطين صورة الويه على السؤال السادس؟؟بالتحديد.. يالله انتي على كرسي الصراحه ; )

انته ليش حاط على عمرك مخفي ممكن اعرف ؟

--

بالنسبه لـ سؤالك .. هههههه اتصدق قلت بشل الويه عسب ما ينتبهون
سبحان الله بسرعه لقطتها

اكيد ممكن تعرفين..

وسؤالج... (معناه) يشابه الاسئله الي حطيتينهن ..... من نوع التحليل لشخصية الانسان...

بس ممكن اتصل بصديق؟؟

=================

بالنسبه للسؤال الي سالته لج..

غير ممكت تتصلين لا بصديق ولا حذف اجابتين..

وبعدني اتريا الرد .. وراج وراج

الحساس : لا ..
رقم سبـعه : مطلوب للاجابات
الخمـسـه : لازم ترسل لـ خمس أوادم فـقـط !!

قالو لي اجاوب
:vampire:


1- سبع أشياء اتخاف منها ؟

ألله
السلاحف
وسائل الموت البطيء
الضرب
الباكستانيه الملتحين
الوحده وفقدان شخص عزيز
الناس الفضوليين

2- أكثر سبع اشياء اتحبها ؟

ألله
أهلي وناسي و حبايبي
الحيوانات الاليفه
السرعه
الفن
التسوق بـ اوبن بجت
الكرامه والسـخاء

3- اكثر سبع اشياء مهمه في غرفة نومك ؟

شبريتي
كمبيوتري
مكيف
وسائل اتصال
كيمره
كبتي
كتبي

4- سبع حقائق عشوائيه في حياتك ؟

يقولون اني دلوعه العايله
تغيرت شخصيتي من توفى يدي الله يرحمه
ما اختلط وي اي حد - مب اجتماعيه - .
ماحب اليهال ابدا - اكرهم -
محد يقدر يغير رايي في شي - عنيده -
احب ابوي وايد .. حتا من كثر ما احبه امرض يوم ايسافر - الله يخليه لي ان شاء الله -
عكس الناس في القدرات العقليه - الشي الصعب عندهم انا اشوفه سهل والعكس صحيح -

5- سبع اشياء تخطط اتسويها قبل لا تموت ؟

احج و اعتمر
اقوي علاقاتي مع الناس
اسير ميلان في ايطاليا
ادرس آرت كـ تخصص
أفتح بزنس خاص فيني
ارضي امي و ابوي
( الاخيره خاصه جدا )

6- سبع اشياء تجذبك في الجنس الآخر ؟ :tounge:

الابتسامه المثلثه
مثقف و عقليته متفتحه
له هيبه وحضور - مب بخراشه و هبل
الكرم
الاستقلاليه
يحترم الناس و يحب عايلته
الطول

7- سبع كلمات او الفاظ او جمل تكون دايما على لسانك ؟

الموهيم
جان
تمام
anyway
whatever
وشي يقهرني وايد - ما اقول بخير ما ادري ليش دايما اقول زينه
سوفاج = يعني rude بالفرنسي

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟

يدوتي الله يحفظها
خالي - الله يخليه لي
بابا زايد - الله يرحمه
رفيق الحريري - الله يرحمه
رئيس فرنسا
وزير وزراء فرنسا
اناسيس

9- سبع مشروبات مفضله عندك ؟

افاكادو الي تسويه ماما وتعرف تسويه بشكارتنا جوزفين
عصير ليمون بشكارتنا اميلدا
ماي
اورنامين سي - معنه وايد وايد مضر بالصحه
سفن اب
فرش ملك وي ماي ورد
جاي حليب

10 - سبع شخصيات كرتونيه كنت اتابعها يوم كنت صغير و تحبها ؟

تاز
ميني ماوس
سيمبسون فاميلي
ليدي ليدي
صاحب الظل الطويل
قوفي
رامي نصف البطل


:fa51:

وعليج السلام
:fa38: شو هالموضوع الغاوي .. وبسم الله أبدأ

1- سبع أشياء اتخاف منها ؟

اخاف الله - الموت - اكون عاق الوالد والوالده - اكون قاطع الارحام .. امم يوم بتذكر بكتب .

2- أكثر سبع اشياء اتحبها ؟

:fa56: احب بنات لبلاد - واممم :fa45: احب العراقيب وسوالف البر - احب الأسلحه الخفيفه - :inlove: احب التاريخ - :fa37: احب الاكل - احب لرقاااد - احب الكمبيوووتر

3- اكثر سبع اشياء مهمه في غرفة نومك ؟

امممم .. مافهمت بالضبط بس بكتب إلي فهمته .. الاشيا المهمه في غرفة النوم

المكيف ( ويكون بارد :fa55: ) - السرير ( بلحافه وموسدته )- :vampire: الليت عسب ما أدعم ليدار - الطاوله عسب أحط عليها أغراضي - :fa38: ولابتوبي .

4- سبع حقائق عشوائيه في حياتك ؟

امممم :Oo: سؤال محير .. خلنا انجرب وانجاوب .. حقيقه : أن الموت حق - حقيقه : ان الله يمهل ولا يهمل - حقيقه : الظالم مصيره الهلاكـ والمظلوم بينتصر في النهايه ولو بعد حين - حقيقه : ان الله يجيب الدعوات .

5- سبع اشياء تخطط اتسويها قبل لا تموت ؟

:fa38: اختم القرآن ( إي حفظه ) - اكون بار للوالد والوالده - اكون معرس :fa56: - وعندي عيال- اكون حامل شهاده - اممم ما عرف شو بعد .

6- سبع اشياء تجذبك في الجنس الآخر ؟ :tounge:

:woot: وايد أشيا ( أممم :fa52: ) جوابه صعب
7- سبع كلمات او الفاظ او جمل تكون دايما على لسانك ؟

لا إله إلا الله - أوووهووو - عبيط - اجلب ويهكـ - هرم - :fa56: وشوية مسبتين .. ما أذكر بعد
8- سبع شخصيات معروفه تحبها ( سواء عربي ام اجنبيه - سياسية او فنيه ) ؟

:fa35: الرسول صلى الله عليه وسلم والصحابه رضوان الله عليهم - الشيخ زايد الله يرحمه - الشيخ محمد بن راشد :fa55: ما أذكر بعد .

9- سبع مشروبات مفضله عندك ؟

ديو - سفن آب - بيبسي - تانج - فروزي :fa37: وبس
10 - سبع شخصيات كرتونيه كنت اتابعها يوم كنت صغير و تحبها ؟

:fa52: ميكي وربعه - :rock: توم آند جيري ووايد بس ما أعرف أساميهم .

:fa56: وجيــــــه عيــــــــل .. إن شاء الله مشاركتي زينـــــه عاده .

السموحه على الإطالــــه

السلام عليكم..

.
.

موضوع حلو يا أم خدوووود حلـــوه.. :fa51:

و الاجابات :fa42:

نتريا الباجين.. :fa38:

:tounge: نسيت يا أم خدود .. خلاص بالرضا بلاش زعل

::

:fa38: وأوجـه هاي الأسئله لـ :

أم العراقيب ( المتفيزره عالعرقوووب )

:nerd: و شوق القلوب

And

:fa46: نبراس الليل

aNd

حلم الطفوله

:fa48: وتصبحون على خير

بصراحة الموضوع فنـــــــــــان

بس.. الصراحة فبعض الأسئلة صعبـــــــة:fa39:

متلهفة لقراءة الردود القادمة

وإلى الأمام...:fa47:

صدى

حلـو ..


نتريـــــــا الباجـــــــي ..

سلاااام

ثانكس ياحلوه ع الدعوه لهالموضوع الحلووو

- - - - -

1- سبع أشياء اتخاف منها ؟

- الله
- الموت
- الظلاااااام
- جميع انواع الحشرات و ( الصرصوور ) خاصة ً
- السود .. الأفارقه يعني وخاصة يوم نكون برع لبلاد
- حوادث السيارات :fa52:
- الحسد

2- أكثر سبع اشياء اتحبها ؟

- الله
- امي وابويه وكل حد غالي عليه
- ربيعاتي ( احبهم بشكل فضييع :inlove: واحلى شي يوم نتيمع )
- أحب اظهر
- السفر
- البر وسوالف الضاحيه والدرجاااات
- الوروود

3- اكثر سبع اشياء مهمه في غرفة نومك ؟

- الاب توب
- :fa35: المكيف ( واخلي الحجره تثلج )
- الشبريه
- ipod
- تلفون
- دباديبي
- سليبرات

4- سبع حقائق عشوائيه في حياتك ؟

- عنيده وايد
- أحب يمعه ربيعاتي ( أستانس بشكل :fa56: وكله ضحك )
- عصبيه شويه لاني نسخه من ابويه بالشكل وبالاطباع
- كتوومـه :sleepy: .. اموت ولا اشكي من شي أو لحد
- جريئة
- يقولون اني وايد أقرض لول :fa46:
- ملسووونه ههه

5- سبع اشياء تخطط اتسويها قبل لا تموت ؟

- ما اسمع اغاني
- أكون مبدعه فـ أي تخصص بختاره وانجز شي
- ****** طوط
- أخلي كل الناس اللي اعرفهم راضين عني
- أصمم بيتي بنفسي :blush:
- أسير الحج
- أسير جزر المالديف

6- سبع اشياء تجذبك في الجنس الآخر ؟

- اللون الحنطاوي :fa42: المايل انه يكون أسمر ( لون عربي ولد عرب )
- الهيبه أكيد
- عزة النفس
- الطيبه
- العطرررر لول :laugh:
- يكون صاحب قرار ( يعني له كلمته )
- الذرابه

7- سبع كلمات او الفاظ او جمل تكون دايما على لسانك ؟

- سبحان الله
- كبر العثره :oh:
- cute
- حياتي ( ما اتعب عمري وازقر اساميهم كله حياتي )
- So :Oo:
- ياهي محنه
- خديه

8- سبع شخصيات معروفه تحبها ( سواء عربي ام اجنبيه - سياسية او فنيه ) ؟

- ابوويــــه فديت روحه :inlove:
- الشيخ زايد بن سلطان *الله يرحمه*
- برنسيس ديانا
- ( سياسيه ) همم غاندي
- ( رياضيه ) لاعب اسباني اسمه روول جونزاليس :fa56: لول
- ( فنيه ) ممثل , آل باتشينو

9- سبع مشروبات مفضله عندك ؟

- ليمون بالنعناع :blush:
- ريد بول ( يواجعوني من يجوفونه في ايديه )
- عصير برتقال فرش
- كرك :fa51:
- بيبسي دايت
- ديوو
- ماي باااارد وفيه ثلج

10 - سبع شخصيات كرتونيه كنت اتابعها يوم كنت صغير و تحبها ؟

- سالي
- ليدي
- عدنان ولينا
- توم اند جيري
- تيمون وبومبا
- ميمي
- سوار العسل

- - - - -

وثااانكس مره ثانيه والسمووحه الإطاله

واللي اختارهم :-
شمعة أمل
بنت ناس وعرب
غرشوب
شمه
مسافر للجفا

.
.
.

ياااااي

ونااسه


يالله نتريا اجوبتكم

حلو الموضوع نرقب الباقين

انا اسمحوا لي
برد عليكم باجر .. قبل شوي راده من القرية ومثلجة ومخي مثلج ..
ان شاء الله باجر بكتب لكم ردودي..