!i! ألهمنـا بـعبـرتـك.. !i!

السـلام عليـكم ورحمـة الله وبركـاته

الحمـدلله قد انتهينـا من المـذاكـرة والاختبـارات, وهـا أنـا أعـود لـكم وفي

جعبتـي العـديد من المـواضيـع المختلفـة, وأتمنـى أنهـا تعجبـكم وتنـال رضـاكم

:)


الموضـوع بسيـط جـدا, ولكـن بمشـاركتـكم القيمـة والثمينـة يرتقـي الموضـوع..

تمـر بحيـاتنـا تجـارب مختلفـة نتعلـم منهـا دروس تفيــدنـا وتفيــد مـن حولنـا, ولا عيــب مـن الوقــوع فـي

الخطـأ, ولكـن العيـب أنن نستمـر فيـه بالـرغم من إدراكنـا لـنتيجـة ارتكـاب ذلك الخطــأ والاستمـرار فيـه

هنـا.. في هـذه الصفحـة, أفتـح البـاب على مصـراعيـه لـكم يا أخـواني الكـرام لـتكتبـوا عن التجارب التي

مـرت بحيـاتـكم واتخـذتوا منهـا دروسـا, مثـال: أحـد الأعضـاء كـان يـدخن في المـاضي والآن تخـلى عن

تـلك العـادة أو تـلك الإدمــان, كأبسـط مثــال..

الموضـوع يحتـاج للشجـاعـة بالمصارحـة أمام الأعضـاء, ولكـن صراحتـك لـن تضـرك, بـل تفيـدك وتفيـد

الأعضـاء لـ يتعلمـوا من تجـاربك وربمـا يتـأثـرون بـك, وعلى مـن يرغــب بالمشــاركـة أتمنــى أن يكتـب

لنـا كيـف ابتـدأ بتـلك العـادة, ومـاهـي عـوارضهـا, وكيـف تخلـى عنهـا, وكيـف شعـوره الآن.. أي 4

نقـاط تقريبــا


أتمنـى أن تسعـدونـي وتشـاركـونـي :)

دموع قلم

عوده حميده ,, وموفقه ان شاء الله

الفكره جميله عزيزتي وأتمنى يتفاعل الاعضاء معاها ,,,

باذن الله لي عوده ,,,

اسجل حضوري ولي عودة قريبا

اشكرج اختيه على موضوعج هذا الي ذكرتيني فيه كـ مثـال



طبعا انا بتكلم عن تجربتي مع عادة التدخين و كيف بحمدالله قدرت اني اتركها



في بدايات هذه التجربه كنا نجتمع ويا الاصدقاء في بيت احدهم, و كنا في سن صغير نسبيا ( كنا صف ثاني اعدادي ) و كان واحد من ربعنا يقول عندي لكم شي بس ابغيكم تحلفون انكم ما تقولون حق حد,,

طبعا نحن من الفضول الي فينا حلفنا انه ما نقول حق حد,,

في ذاك اليوم شفنا اول سيجارة و اذكر انها كانت سيجارة وحده و كلنا دخنا منها

و طبعا عجبتنا التجربة و كنا فرحانيييييييييييين بهذه التجربة الجديده علينا, وكنا نتواعد في نهاية كل اسبوع انه نسير بيت هـذا الولد بس عسب ندوخ,, :fa52:

طبعا المرة الثانية كان فيها تجهيزات اكبر من المرة الاولى بحيث انه صاحبنا وفر لكل منا سيجارة خاصه فيه,, طبعا سرق علبة ابوه و جابها لنا

و الى اليوم اتذكر كيف كنا نتحدى بعض في حركات التدخين,, و كيف نطلع الدخان من الانف :fa56:

و عقب واحد من ربعنا قام يتحدانا بحركة دوائر الدخان,, و كان هو الي محد يقدر يتحداه في التدخين :fa38:

طبعا محد كان يعرف اني ادخن لأني يوم ارجع البيت الوالد يمر علي و الي هو اصلا مدخن,, فـ ريحة ثيابي "تتشبع" بريحة الدخان الى ان نوصل البيت, و بالتالي محد يشك فيني



استمر الحال على ما هو بالتقاءنا في اجازة نهاية الاسبوع للتدخين الى ان انتقلت الى مدرسة اخرى

المدرسة الجديده كانت "مدرسه دااااامرة" ثلاث ارباع الي كانوا في صفي من المدخنين

فكنا نجتمع في الفسحه وندخن خلف المدرسة و بعد التدخين ناكل سندويجاتنا و نفرك يدنا باوراق الشجرعشان نزيل اثار التدخين من ايادينا :vampire:



و استمر الحال على ما هو,, و شوي شوي تطورنا و قمنا ندخن بشكل يومي

طبعا في الكلية الوضع اختلف معاي لأني املك سيارة , و لأنه التدخين في الكلية عادي و محد بيقولي لا اتدخن وما نحاتي لا مدير ولا وكيل


ومـاهـي عـوارضهـا,

العوارض الي كنت اعاني منها -الله يعزكم- كثر البلغم في مجرى التنفس
و ازمات ربو من فتره الى فتره


وكيـف تخلـيت عنهـا,
في احد ايام شهر رمضان الكريم في فترة ما بعد الافطار, توايهت مع احد الاشخاص المدخنين و شميت ريحه الدخان عقب فتره صيامي و فعلا حسيت انه الريحه كريهة
و قلت في خاطري معقوله تكون جي ريحتي يوم اكون مدخن,,,

هذاك يوم و هذا يوم و الحمدلله الى هذه اللحظه لم امسك سيجارة في يدي و ما يلست في مقهى يقدم "الشيشه"


وكيـف شعـورك الآن

الحمدلله ازمات الربو خفت بشكل كبير

لكن اذا تبغون الصراحة مرات احن للسيجارة,, لكني اتعوذ من ابليس و احاول اني اشغل نفسي بأي شي عسب ما ارجع للتدخين مرة اخرى

دمـــوع قلــم..
اشكــرج عزيزتــي علــى هذا الطرح .. واللي من خــلالــه نقدر نتـــعلم من تجـــارب الاخريــن ونــاخذ دروس من الحيـــاه..

مــواقف كثيره يمــكن انمــر فيها ، نفسيه، اجتماعيــه ، وغيره من الأمــور

انـا شخصيــاً مــاتندمــت في حيــاتي على شــي سويــته برضــاي واختيــاري ودون اجبــار
لكــن شي واحــد للحيــن احســه شرات الكــابوس وللحيــن احس بتأنيب الضميــر ، واحس انها تجربــه مره مريــت فيها شخصيــاً ،

دخــول الجــات ، دخــول هذا الــعالم اللي مافيــه غير الكذب والخداع واشخـــاص لا مبادئ ولا قيم عندــهم..
بـدايه المشكلــه ..
كــنت تقريبــاً في الصف الثــاني الاعدادي.. بدايــه فترة المراهــقه ، واللي فيــها كل ممنوع مرغوب..
فضــولي .. هو أهم اسباب مشكلــتي.. كــنت ادخل الجات بعفويه وطفولـه ، اتحرا كل الكلام اللي يقــولونه صدق، اتفاعل وياهم اندمــج ، اسولــف.. صــرت مدمنــه شي اسمـــه جات ، 24 ســاعه ايلس ع الجــات ، دروسي اهملتــها بــعد ماكــنت من المتوفقيــن صرت اخذ ترتيب9 او 10 الكـل كان يســتغرب .. ليش؟ شواللي صار.. المهم .. هالفــتره كــنت بـعدي مافتحــت ايميل ، يـعني بس اقـعد ع الجــات ، وبــعدها سويــت ل ايميل خــاص فيني.. وصرت اضيــف اللي اتعرف عليهم من الجــات ع ايمليلي .. وكـانت لي صديقه الله يسامحـها ، يوم اقول لها ملانه .. تقــول لي دخلي الجات وحطي ايميلج لكــن عمـري ماسويــت هالحركــه والله.. يــعني صح اني رمســت شباب ع المسنــ فقطــ لاغير.. اللي كــان عمــره 25 واللي 34 وانــا عمري ماتجاوز14 ســنه .. يلســت ارمسهم ع المسنـ ، حسيــت انهم بطاليــه ، ماعندهم هــدف في الحيــاه ، فكرت بيــني وبين نفســي.. انا ليش جيه؟ مب حرام اللي اسويه بعمري؟؟ ليش اخــون ثقة اهلي؟؟ كل هالتساؤلات خلــتني اصحـى من حلم مــزعج ، مـا اتمنى حـد يجربــه.. خــذت عــهد على عمــري.. اني هالايميل مــا افتحــه ابد.. كــنت صغيره ، ابا اللي يرشدني
وحيــده في البيــت ، خواتي اصــغر عني ، اخوانـي كلهم يدرسون برع ، يــا الله شو كــنت بسوي..
طلبــت مساعده من بــنت عمي.. اللي هي اكبر عــني.. تتوقــعون شو ســوت؟؟
جـان تسرق الايميل ، هيه خـذته وغيرت الباسوورد ، ومسحــت كل اللي فيــه..

ومن ذاكــ اليوم وانا والحمدلله مــاعرفـــت طريج الجــات ، بفضل الله وبفضل بنت عميه
وصـرت احذر اي شخص اقابلــه من هالطريج .. لأنه طريج أعوذ بالله منــه.. وصرت اكرهه من الخـاطر والله ..

هذي تجـــــــربه والله انها من اصعب تجاربي في هذي الحياه

خطوة جريئه من الاعضاء.. والحمدلله ... اتخطو الازمه اللي مروا بيها ..
ذنيني احييك على هالبادره الجميله منك .. واتمنى منك انك تتغلب على وسوسة الشيطان وما ترجع لهالامور ... والله يوفجك ويسدد خطاك ..
.
.
هموم الحب .. الحمدلله .. ما دمتي ابتعدتي عن ما يسمى الجات .. فحطي اهلج امام عيونج في كل خطوه تخطينها يالغاليه .. وعسى الله بس لا يردج لهذاك الدرب ..
.
.
.
اوكي ان بقولكم سالفتي مع اربيعتي
كانت عندي اربيعه واعزها وايد وهي بنت ييرانا بعد ... للاسف كنت وايد وياها يعني انروح ونرجع ويا بعض سواء في الجامعه او ازورها بالبيت .. عاد هي مره شافتني ضايقه ... ومااتذكر بالضبط شو سبب ضيقي .. المهم قالت لي براويج شي ..
قامت طلعت صورة واحد .. جن اتقولي : الشوق شو رايج فيه .. قتلها من هذا ..قالت واحد يدور على وحده يبي يتعرف عليها ..
شفتها اب نظره .. قتلها انزين وبعدين ..
قالت لي شو رايج اتكلمينه وتتعرفين عليه ..
قلتلها: ما بي
قالت جربي هو غاوي وماادري شو . كلميه .. واذا ما عيبج طقعيه
قتلها ما بي
جان اتقول فكري واذا غيرتي رايج خبريني
.
.
ما رمت انازعها ولا اقولها شي .. سكت عنها وطنشتها ..
يوم رديت البيت .. ابصراحه استغربت من تصرفها
قلت في بالي : حتى لو هي كانت متعرفه على حد .. كيف ترضى على نفسها هالشي انها اتوزع صور الشباب وتعطي اربيعاتها ..
طنشت الموضوع .. لكن بعدين اكتشفت انها ( ام ويهين ) جدامج شي ومن وراج شي ثاني
فحاولت بين فترة وفترة اقلل من زيارتي لها ومن اتصالاتي ..
لانها اذا هي مب صادقة وياج انتي واذا هي تلعب عليج .. فكيف بتكون علاقتنا ويا بعض
.
.
ففضلت انسحب من حياتها وبكل هدوء ..
وما في بينا الا المسجات في ايام المناسبات
او الزيارات اذا هي حبت اتزورني ..
صح ان الخطوه اتكون صعبه انج تتركين اقرب الناس لج .. في لحظه .. بس يوم هالناس اتحسينهم انهم مش صريحين ولاصادقين او انهم جدامج شي وراج شي ثاني .. فاتكون علاقتج وياهم عاديه افضل من انج تتعمقين وياهم .. ( لانهم في يوم راح ينقلبوا عليج بالويه الثاني )

وسلامــــتكم
دموع قلم اشكرج على هذي المساحه الرائعه
خويتج/ الشوق

الجنيــة:: تسلميـن أختـي, وننتـظر العـودة

ولـد الشحـوح:: ننتـظر عـودتـك بفـارغ الصبـر أخـي الكـريم



ذنيـنــي::

كانت البـداية عـادية, ولـد صغيـر لا يعـرف عـوارض التـدخيـن ونتائجهـا, فـ اتسمـر في التـدخين
فتـرة طـويلـة, ومـرت بـه عـوارض كثيـرة وبـداية الأمـراض كـالربـو وإن استـمر فتـرة أطــــول
فـ تنتـج أمـراض عـديدة خطيـرة, وبـالإضـافـة أنـه محـرم شرعيـا!!.. وفي الأخيــر كمـا رأينـا أن
تـرك تـلك العـادة كانت في غايـة البسـاطــة وسهلـــة جـــدا, فــ سبحــان الله!! إذا أحـبّ الله عبـدا
سـاعـده وأعـانه على رضـاه

صحيـح أنـك تتشـوق أحيـانا لـذلك الخبيـث, لكـن تـذكر دائمـا
( مـن تـرك شيئـا للـه عـوضـه الله خيـرا منــه )

:)


أشكـرك أخي ذنينـي على المشاركـة والإضافة الطيبـة
وربـــي يــحفظـك ويعينـــك علــى رضـــاه إن شـاء الله

أحجــز لي مكــان .. وباذن الله لي عـوده متى ما فضيــت ..

شاكره لج اختي دمــوع قلم .. (=

تسلمين اختبه عالموضوع الجري
انا ماحيد سويت شي ندمت عليه بس شي واحد
يمكن يكون شي عادي بس انا بالنسبة لي هب عادي

من يوم كنت تقريبا صف ثالث اعدادي اخويه ماكان
يخليني ادخل مسن ولا منتدى ولا شي
اللهم انا ادخل النت انزل بحوث اوي شي حق المدرسة

المهم طبعا اربيعاتي كلهن كانن يدخل المسن وعادي
عدهم ويسولون عن سوالف المسن والجات وهاي
السوالف طبعا انا الجات اخويه محذرني منه فماهتميتله
وايد لنه تعرفون يوم واحد من اخواننكم يحذركم منه

بس عيبتني سوالف المسن لنه اربيعاتي كلهم يدخل
وجي فعيبني وبعد اخويه قالي ماشي لامسن ولا شي
من ها القبيل عاد اربيعتي قالتلي انا عندي ايميل بعطيج اياه وجي وتفاهمنا
طبعا عسب اخويه يوم اي ويشوف الايميل لا يستغرب
اتصلبه واقوله اقولك انا بدخل على ها الايميل

لنه اربيعتي النت مقطوع وتباني اجيك على ايميلها ( طبعا ها جذب)
المهم تميت على ها الحال لين اول ثانوي وبعدين سولي ايميل بروحي وطبعا وانا ادخل ويا اربيعاتي من صوب ظميري يأنبني اني اسوي ها الشي واخويه هب راضي ويوم سولي الايميل جان اخبر اخويه اني انا كنت جي اسوي وجي
والحنيه طبعا انا مرتاحه لنه اصلا كل شي اسويه
فالنت اخبر اخويه وحتى صدعت راسه من كثر مارمس عن الواحات حتى مرات يوم يبا يرتاح من صدعتي يقولي سيري عند ربعج اللي فالواحات ^_^

(يمكن يكون شي عادي بالنسبه لكم :fa36: )

تشكرين اختي الطارحه على عذا الموضوع..

تعقيب على مشاركه الدلوووعه..

اذا كل اخت وثقت باخوها مثل ماهو يثق فيها والعكس .. ماراح نسمع عن المشاكل والسوالف الي يشيب لها الشعر عن ضياع البنت او ضياع الولد.. فالعلاقه بين الاخوان اذا انبنت على الثقه وكان كل شخص فيهم اهل لهالثقه .. ابد او نادر مابنشوف اشياء شاذه في حياتهم..

المفروض تكون العلاقه مثل اخو الدلوعه والدلوعه بس مع تصحيح بسيط وهو.. ان الدلوووعه من البدايه كان لازم يكون حد يفهمها ليش اخوها منعها .. وبنفس الوقت غلط ان الاخ يشد على اخته فالشد والضغط يولد الانفجار.. النصيحه زينه والمراقبه زينهه بس من بعيد لبعيد..

المهم... بني لسالفتي..

في حياتي وايد اشاي ءتندمت عليها ولين الحين..
وراح اختار شي منها والي هو دخولي المرقص او بالاصح (الديسكو)

يوم ويصلت بلاد الغربه اول سنه كنت بعيد كل البعد عن هذا المكان والسبب ان الشباب الي كنت مرابعهم هب راعيي هالسوالف وبالسنه الثانيه افترقنا وكلن سار جامعه غير عن الثاني وبالتالي رابعت شباب نصنص واقرب للصياعه :tounge:

المهم بالسنه الثانيه من الملل وقله الشباب الي بمدينتي وقلت الفعاليات والاشياء الي نقضي فيها وقتنا صرنا مدمنين شي اسمه ديسكو.. ماكنا نكتفي الويكند .. كنا حتى الايام العايده نداوم هناك!! وكل مره ارد البيت بعد نص الليل واتندم على الي سويته كل يوم وهاي حالتي.. طبعا درجاتي ماشاءالله عليها محدن ينافسنا بنزولها .. وكثرت سالفه رسوبنا بالامتحانات..
حالتي هاي استمرت 3 سنوات .. وكل مره اظهر من المرقص وارد البيت ابند الليت وايلس متنكد على الس سويته ** تانيب الضمير يعني ** اعرف ان الي اسويه صح بس ماكان في حد ينصحنا موول

شويه اقطع وبعدها ارد في خلال هالثلاث سنوات.. والفتره الي اقطع فيها اكون مرتاح وزياد ه على جي ان بالامتحانات اييب درجات طيبه..

يوم من الايام كنت راد من المرقص مشي للبيت واشوف بدربي واحد من الباكستانين الي يدرسون معنا بالجامعه بس هب راعي مراقص.. وبالطريج كنت اسولف معاه.. ويلس يقولي انه كان راعي مراقص بس الله هداه ويلس ينصح فيني اني ابتعد.. رديت البيت وفكرت بكل كلمه قالها واثرت كلماته فيني.. ومن وقتها ما حدرت هالمكان القذر.. وسبحان الله من وقت الي وقفت فيه دخول هالمكان حسيت ان الله وفقني وسهل اموري واهم من كل هذا تخلصت من تانيب الضمير الي كانت تزعجني كل يوم.. وقتها اقتنعت ان كل مايكون الانسان قريب من الله يكون الله اقرب له .. وبالتالي يرتاح بدنياه ويتوفق اكثر عن غيره..

وهذا العشم والي اتمناه فيكم .. كونوا مع الله .. الله بيكون معاكم وبيسهل اموركم ان شاءالله

واسمحولي ع القصور

:fa51: