عرض للطباعة
السلام عليكم ورحمة الله وبركاته،
سبق وأن طرحت موضوع العمل عبر النت بس شكله ما شي فايدة وصعب الموضوع شوي. وأشكر كل من اهتم وساعد. مشكورين وما قصرتوا.
بس هالمرة بغيت أسأل عن مكان يوظفون فيه طلاب الثانوية العامة في فترة إجازة الربيع.
في حد يعرف أي شركة اتوفر عمل للطلبة في الثانوية العامة في هالفترة؟
مشكورين والسموحة عالإزعاج.. :)
السلام عليكم ورحمة الله وبركاته
اختي بما انج في دبي,, ومهرجان التسوق قريب,, فاعتقد انه في وايد وظايف للطلاب
تقدرين تقدمين اوراقج في المطار>>>>خاطري ادوام بهالمكــان,,,
وفي وايد امــاكن تقدرين تقدمين فيهــا,,
انا بشووف ولد عمي يداوم في المطار وبخبرج شو الاوراق الي يبونهــا..
مرحــبا..
سالته يقوووووول مافي شغل الحين بالصيف بس...:( والسموحه
البورصه يمدحووونها حاولي تتعلمين كيف يتعاملون بالسوووق,,
وعليـكم السـلام ورحمـة الله وبركـاته
أختـي أخت أختـي..
سألـت أخـوي قـالي ممكن الطلاب يشتغلـون
في الاتصـالات والمحكمـة والمستشفيـات
:)
هـا اللـي أعـرفه..
نادي دبي للصحافه
ودي والله اساعدج...
بس اخوي خيال الحب لفت نقطه..
مهرجان دبي ياي.. واكيد يبون موظفين لمده شهر...
جان حد عنده واسطه يتوسط لج تشتغلين عندهم زين ..
بالنسبه للبورصه .. مستعد اعلمج شقايل تتعاملين فيها وشورطها وخباياها .. بس اطلبي انتي..
جان تبغين بس حق فتره الربيع ماعندي علوم لكن اذا تبغين تشتغلين على طول قدمي في تنميه.. وان شاءالله تحصلين
ممممم شي مواقع توظيف ع النت بس المشكله يبغون لفتره طويله هب قصيره..
الله يسهل علي امورج
مشكور اخويه خيال الحب عالسؤال والاهتمام
مشكورة اختي دموع قلم عالاهتمام.. وألحينة بسير أسأل..
أم خدود.. مشكورة.. بعد بسأل :)
مشكور اخويه الحساس.. وعلى فكرة.. سألت عن المهرجان وقالولي ان خلاص ما يبون..
بس ممكن تعطيني اللينك مال المواقع.. ومشكور ما قصرت..