الله يعينا على الطب :(

بسم الله الرحمن الرحيم

ممرضات غير مرخصات
اخطاء طبيه شائعه
تعويضات لمرضى بسبب اخطاء

ليش نحصل مثل هالعناوين في جرايد الدوله
مع انه الدوله مب مقصره
ليش المسؤوولين يوظفون ناس مب تخصصها الطب
ليش نأذي ناس بدون سبب

حبيت اكتب في موضوع مستشفياتنا واهمالها
شو الفايدة من الاهمال
المفروض يكون عندنا اهتمام اكثر بصحة المواطن
ليش المسؤولين يوظفون ناس مب كفؤ لمثل هذي الاماكن

المقالين رح يشرحون انا شو ابغي اقول

المقال الاول
مكتوب في جريدة الامارات اليوم (26-12-2005)
"ان فريق الرقابه على القطاع الخاص قام بحمله تفتيشيه فجائيه في راس الخيمه
بحيث انهم وجودوا الكثير من الاخطاء واهمها
1-عدم التزام العيادات بمعايير التعقيم
2- 50%من المستشفيات تشغل ممرضات غير مرخصات "

المقال الثاني
مكتوب في جريده الامارات اليوم (21-12-2005)
"الزمت محاكم دبي مستشفى خاص بتعويض مريض مليون درهم عن الاضرار الماديه والادبيه التي لحقت به
تبدا قصه المريض بانه في شهر مايو ادخل المستشفى لمعاناته من الام في ظهره وارجع الاطباء الامر
الى تدلي قرص فقري بين الفقرتين الاولى والثانيه
فاجريت له عمليه جراحيه ادت الى اصابته بضعف وآلام وقصور عصبي بمكان العمليه
واجريت له عمليه ثانيه في 16 مايو بنفس العام لازاله ورم دموي فوق الجافيه
الذي نتج عنها اصابته
بشلل نصفي
وفي 20 مايو ادخل الى مستشفى راشد لتدهور حالته الصحيه وشخصت حالته بعد الفحوصات
بتورم دموي في فجوات القناه الشوكيه الجانبيه والداخليه بسبب العمليتين السابقتين "

شو الواحد يقدر يقول ؟؟؟؟
ليش هذا حال الدوله من الناحيه الطبيه ؟؟؟؟
ليش نطر نسافر عشان انتعالج ؟؟؟؟

شو بنقول غير لا حول ولا قوة الا بالله العلي العظيم
والله يحفظنا ويحفظ الامه الاسلاميه كلها من الامراض
والله يكافينا شرها

اليوم رح يعرضون في برنامج فيتامين
على قناة دبي الساه 10:30
قصص عن الاخطاء الطبيه

......


Welcome To U@E


.......

الامارات من الدول الي فيها نقص باالاطباء ونقص حاد في الممرضات....

يعني.. شل الي تشله..

هذا الي عندي...

بسم الله الرحمن الرحيم ..

الأخطاء موجوده وفي احسن المستشفيات لكن اللي عدنا فـ رأس الخيمة فحدث ولا حرج :fa55:

وبخصوص الممرضات لا لي علم به ولكن لدينا خادمة تقول بأنها كانت ممرضه في احد المستشفيات :fa45:

شكرآ عـ الطرح واذا كان في جعبتي اضافه فسأزور مقالتك ..

ربي يحفظك ويحفظ المسلمين ..

اقتباس:

---

المشاركة الأصلية كتبت بواسطة الحساس

......


Welcome To U@E


.......

الامارات من الدول الي فيها نقص باالاطباء ونقص حاد في الممرضات....

يعني.. شل الي تشله..

هذا الي عندي...

---

:fa42:

يوم عندهم نقص.. ويوظفون ناس ما عندهم شهــــاده... ليش ما يوظفونــــــا... احسن من اني اشتغل في مجال غير التخصص اللي درستــــــــــه..

ما يبون الشهاده يبون بكلوريوس ما ادري ماســــــتر في الواسطـــــــــــــه..


والله لين الحين مغيضـــه ع المسؤول عن التوظيف في المستشــــــفى.. صح انا اتوظفت بس مش في مجال تخصصي..وحتى مب في المستشفــــــى..

:(

عندهم نقص اونه.. خلهم.. يستــــاهلون..


و اونهم ايبون اطبـــاء متخصصين من برع.. اللي ايبونهم..لا عندهم خبره ولا شي.. ايون يدربون ع خلق الله..
ولا شو رايك يالحســــــاس.. تراك تدرس عندهم ..

كلامج صحيح يا شمه..

بس انتي نسيتي السبب او يمكن غافله عنه...

معظم الي سرتيلهم (اقسام توظيف الكادر الطبي والفني ) في دائره الصه او الوزاره .. كلهم مال اووووول يادوب عندهم شهاده ثانويه وبعضهم اعداديه..

يعني يعرفون بس يستلمون رواتب ولا هم .. مالهم خص في هالوظيفه... وهذا اكبر سبب انه رفضوج..
وربي نجاني من اني ادرس معاهم.. اللهم سرت شهر واسبوعين تدربت اونه.. وكل شوي يرموني على واحد ومحدن يبغي ياخذ مسؤوليه تدريبي .. وخلال هالفتره القصيره شفت اشياء وبلاوي طبيه اكثر من الي تذكر !! بس مانروم نرمس.. لانها بالاخير بطيح براسنا!!

السلام عليكم ورحمة الله وبركاته ,,

تسلمين أختي الطارحه ,, الصراحه الموضوع زاد عن حده والوضع ما عاد يتحمل السكوت ,,

يعني كل يوم نسمع عن أخطاء طبيه وتشخيص خاطىء لحد من الناس والصراحه أنا عن نفسي أفضل أعاني من المرض وأتألم على أني أسير لمستشفى أو عياده ومش أي مستشفى ،، مستشفى حكومي بالأخص... أخاف أروح لهم فيني حمى أطلع من عندهم بعلاج الدوده الزياده ..

خلاص ماشي ثقه ولا أمان اذا كان مش ولا بد أني أسير العياده فأفضل العيادات الخاصه أأمن صح أنها يمكن ما تكون أحسن من المستشفيات الحكوميه بس في أغلب الحالات تكون الحل الأنسب ...

موضوع مثل هذا محتاج لقرارات حازمه وسريعه لكن اذا تمينا على تجلى الحكومه ما أضني بيصير شي وعلى طاري اللي يشتغلون في وزاره الصحه والله أنهم من العصر الحجري عتج من زمان يدي ..


ما أقول غير الله المستعان ...

يسلم كل من
الحساس
محب الشيخين
المتفيجة
شمه
الجنيه
على الردود
وفعلا شو بنقول غير الله المستعان
ومشكورين على المشاركه
وان شاء الله اشوف تفاعل اكثر من قبل باقي الاعضاء

دولتنـا بمـا أنهـا تعـاني من نقصـان في الأطبـاء والممرضـات
فـ المسـؤوليـن يشغلـون ويعينـون أي شخـص أجنبـي للعمـل
في هـذا القسـم ولم تفكـر أبـدا في النـواتـج التي سـ تحـدث!!


أشكـرك أختـي طرفشـانـة على الموضوع
وربـي يـعينـك ويعيننـا جميعــا

:)

سؤال دوم يدور افبالي ..

وين احسن في العلاج الصحي مب الخدمات التمريضية..

المستشفيات الحكومية ولا المستشفيات الخاصة ؟؟

المستشفى الحكومي اللي طاقمها اجنبي 100% والي كلكم اكيد تعرفونها شخصيا مارتاحلها ابد .. ماعرف ليش ... احسهم مايعرفون يعالجون .. والناس ايصدقونهم بحكم انهم دكاتره من الخارج :glare: .. سبحان الله يمكن عندهم ايجابيات بس مادريبها ! أو يمكن انا متعقده منهم !!!..

لكن شي مستشفيات حكومية زينة فبوظبي مثل الدفاع والمفرق .. وماكد سمعت عنهم شي مب زين !

يعني في الحكومية مشكلتهم اكثر شي اتكون في العناية الصحية اللي احيانا اتكون اقل من الخاصة .. ومواعيد متباعده وزحمه ومن هالسوالف ..

المستشفيات الخاصة قد تكون من ناحية الخدمات مريحة ومطمئنة لكن ماضمن علاجهم احس غرضهم ربحي وتجاري في المقام الاول .. وهاللي مايطمني فعلاجهم .. واحس ماعليهم رقابة صحية بمستوى المستشفيات الحكومية ..

ربيعتي اختها يتها حمى عادية 38 ومصدعه اشويه .. وسارت مستشفى خاص مشهور عندنا فبوظبي ..

سارت العصر ويا بشكارتهم وفي المغرب دقولهم وقالولهم تعالوا بنتكم مــــاتت !.. الله يرحمها
السبب انهم عطوها ابرة قبل لايسوونلها فحوصات وهالابره اثرت عليها وسببتلها هبوط حاد في الدم وتوفت ..

وفي حالات طبعا لسان حالها ايقول وماخفي كان أعظم سواء في الخاص او الحكومه ..

من هالاسباب وايد أتحير وين احسن ووين الاضمن في العلاج .. الحكومي ولا الخاص :fa36: عن نفسي ماعرف واقول الله أعلم ..

وتسلمين يا طرفشانه عالموضوع ..

تحياتي

تسلم اخوي دموع القلم
وتسلمين اختى الغاليه
على المشاركه

وردا على اخوي دموع القلوب
اذا احنا عندنا نقص ليش يوظفون الاجانب (في شو هم احسن)
يعني عندنا ما شاء الله شباب وبنات دارسين برع ومتخرجين
ويوم يبون يتوظفون ما يحصلون مكان ليش
لانه الاجانب ما خذين كل الوظايف تقريبا

واختى الغاليه
بصراحة الواحد صار يتحير وين يسير ويتعالج
في المستشفى الحكومي ولا الخاص

الحكومي اونه اجانب بس الله يعلم بشغلهم
والخاص همهم المال يعني مسوينها (تجاره)

بس الحمد الله يوم قامت البلاد بعمليه (التوطين )في الاشغال