:: .. المــــال .. مرض العصـر .. ::

السـلام عليكم ورحمة الله وبركــاته

:fa51: في الحقيقــه جلسـت أفكر في شأن المــال وكيف سأجني المال عنـدما أتخـرج من الجامعـه وبإذن الله سـأعمل في التجاره وغيره .. ثم سألت نفسي ما هو المال بالنسبة لي ؟؟

ثم قلـت المـال بالنسبـه لي لقمـة العيـش ووسيـلة للـترفيـه والسعـاده .. فـ بالمـال أشتري سيارة فاخره وقصـر ضخـم وطريـق للزواج والكثيـر .

:wow: فـ قلت إذا كان هذا بالنسبـة لي فمـا هو المال بالنسبة لآخرين .. ؟؟ :fa32: ثم تعددت الإجابات وأختلفت الآراء :fa52: و صار برلمان لآراء أوه صح :woot: بكمل كتابة موضوعي .

ولكـن بالنسبـه للبعض ولأســف مفهـوم خاطئ .. يظــن بأن بالمـال سيحترمه النـاس ليس لأخلاقـه بل لثرائه ويحظى بالإبتسامات من قبـل الجميـع .. وسيصبح إسمه أشهر من نار على علـم بـل ويظـن نفسـه أرقـى من الفقـراء وغيرهم .

والدليــل عنـدما نرى أصحاب المـال يتبجحـون ويقللون إحترامهم لـ خدم المقاهي وغيرهم .. أنا لم أحدد جميع الأغنياء بل عامة الأغنياء والأغلبيـة منهم وأشيـــاء كثيـره .

عزيزي الكريـم .. الطبقـــه الراقيـه من النـــاس من تعتـز بأخلاقهـا و تتواضع مع الأغنيـاء والفقــراء وتجعـل الكرم عنوانـا لهـا و الاحترام طريقا لهـا للإتصال مع من تربطهم رابطة دم آدم .

:sleepy: وأتأسـف عنـدما أرى نفوسـا تغيرت بسبب المـال .. و عنـدما أرى أقارب تفرقوا و إنقطعـت أخبارهم بسبب حبهم الشديد للمـــال .. كيـف لمـادة تفرق أحباب ؟؟ :shutup: كيـف طاوعكـ قلبكـ على هجرانكـ لأسرتكـ ؟؟

أدري وايد هذربـــــت وإلخ إلخ .. بس كنـت حاب أسئلكــم من بداية الموضوع .. شو بالنسبه لكم البيزات ( المال ) .. يعني شو تعنيلكم البيزات ؟؟

:glare: وشورايكـ بالناس إلي تقطـــع صلتها بأهلها بسبة البيزات ؟؟

:fa42: أتمنى إني أسمـــع إجاباتكـــم وبالصراحـــه :fa46: أتمنى الموضوع يعجبكم .

.. :: المقاتل :: ..

تسلم اخوي المقاتل على طرح مثل هالموضوع

وفعلا قامت الناس اتقاطع بسبت البيزات
الحين الواحد يوم يطيح في مشكله منو يوقف وياه
البيزات ولا اهله

بس الله يعينا

البيزات شو تعنيلي
البيزات شي مكمل للحياه
يعني لو افلست ما بموت

وهذا رايي ان شاء الله اشوف اراء ثانيه ونستفيد

وعليـــــكم السلام والــرحمه ،،

همممم اول شــي اشكــرك ع طــرحك لهـالمــوضــوع :fa51:

شــرات مــاقلــت اخــويه صــار للأســف مــرض !!

وهو بالأســاس وسيــله وحــاجه فقـط لا غيــر ،،

اتغيــرت النفــوس والسبــه غنــاهم بالمــال :fa55:

وصــارت صفــه يتبـاهى فيـهاااا واذا حد سـأل عـن فلااان ردوو عليــه

ريـــال زيــن وعنده خيــر :fa54:

ومــاسـألــو عن اخلااقه وتعليـمه وووو ... الخ

....
واللـــي يقــول انــا فـ حســابي هالمبــلغ !!
وعندي وعندي وووو
:fa38:

شــو بنقــول بـــس !!


شو بالنسبه لكم البيزات ( المال ) .. يعني شو تعنيلكم البيزات ؟؟


البيــزات ( المـال ) اعتبــره حاجه من الحـاجات عشـان اكمــل حيـاتي مب أكثـر :fa52:

وشورايكـ بالناس إلي تقطـــع صلتها بأهلها بسبة البيزات ؟؟

نـاس فـاظيــه !!
والبيــزااات اتـٌي واتــرووح !!
بــس الاهــل اللي مــايتعــوضــون ،،

الله يهديــــــهم بـــس ،،

والسمـــوحه

.. الله يسلمج الشيخـــه / طرفشانه .. :sleepy: يمكـن بالنسبـة للي شايفين الخيـر وعارفين هالحيـاة إن المـال ليس إلا جزء من نعم الإنسـان التي وهبهـا الله له .. ولكـن لأسـف يظـن البعض المال هو كل مافي الحياه وبفقـدان المـال ما يسووون شي .

عفان الله وإياج من هالأفكـار العقيمـه .. أسعدني مرورج .

.. لي عودة ..

:fa42: العفـو يالشيخـه / حبوبه دبي .. نشكرج أيضـا على تعقيبج .

.. أقـول لهؤلاء الذيـن يتباهون بأموالهم .. الله الغني والكبـر تراه هب زيـن ..

وصدقتي فـ كلمتج بأن الأهل ما يتعوضون .. لأســف ما يحسـون بجيمة الأهل إلا في النهايه وبعد فوات الأوان .. كان الله فـ عونهم .

أسعدني مرورج وتعقيبج

.. المقاتل ..

السلام عليكم

المال عديل الروح،،

فيه ناس بسبب المال يفترقون عن أقاربهم وإخوانهم،، وهالنوع ما يفكر بعقله

وفيه ناس ما تهمها الفلوس،، عارفين انها تسبب المشاكل،، فقبل لا تطلع المشكلة يتفادون أي مسبب لها

* * *

اللي شايف خير،، تلقاه مب مهتم،، عايش بنعمه وما شايف عمره عالناس،، يعاشرهم وأبد ما يتكلم عن الفلوس وما يخق،، وما يقول انا سويت جيه وجيه

اما اللي مب شايف خير،، تلقاه تغير عالناس عقب ما شاف النعمة،، سوا عمره شخص ثاني وما تشوفه،، حاكر عمره فبيته وما يطلع،، واذا طلع وتكلم مع الناس تفلسف وقال أنا وأنا

* * *

غمضني واحد استوت سالفة معاه،، وقالوله ليش تخق؟؟ يقول: والله احنا شايفين خير والله عطانا،، وإذا انتوا الله خلقكم فقارى فهاي مشكلتكم !! ليش تغارون.. الخ http://planets.uaeplanet.net/images/.../thumbdown.gif

سبحان الله،، مادري ليش الناس جيه،، وللأسف اللي يرمسون مب اصحاب المال،، ابناء اصحاب المال،، والله العالم اذا هالمال حلال أو حرام http://planets.uaeplanet.net/images/smiles/wink.gif يطلعون زكاته ولا لاء!!

فيه ناس كونوا ثروات،، بس ما ربوا عيالهم عدل،، علموهم عالدلع وعطوهم كل شي فإيدهم،، وبالتالي عيالهم ما قدروا هالنعمة وما عندهم احساس بالمسؤولية،، مادري ليش احس انه من عقبهم عيالهم بيضيعون كل اللي بنوه !!

* * *

طلعت عن الموضوع الأساسي شوي،، واحين دور الأسئلة



شو بالنسبه لكم البيزات ( المال ) .. يعني شو تعنيلكم البيزات ؟؟

المال مكمل للحياه بأيامنا،، صح انه بدونه ما بنموت،، لكن صدقوني ما بنقدر نعيش بدونه فهالزمن والحياه الغاليه،،
لكن اهم شي هالمال ما يغيرني عالناس

وشورايكـ بالناس إلي تقطـــع صلتها بأهلها بسبة البيزات ؟؟

ما يفكرون عدل،، لأنه لو واحد منهم فكر عدل مستحيل يسوي هالشي،، مهما وصل تفكيره سلبي أكيد قلبه ما بيطاوعه


الله يبعدنا عن هالمشاكل،، مشكور أخوي عالموضوع// الله يحفظك http://planets.uaeplanet.net/images/smiles/original.gif

شوف اخويه ,, هالناس الي ما تهتم غير بالمظاهر والبيزات .. مريضه نفسيا او فيها عقدة نقص !!

شخصيا ,, عمري ما اهتميت بالمظاهر ,, بس مب معناته اني اكره الكشخه والتزقريت .. اكيد الاهتمام بالشكل يكون في حدود المعقول :unclesam:

احيانا نسمع مثلا ,, والله عايلة فلانه بيتهم جي وجي وشوفي كيف يدينون علشان بس يلبسون ويركبون احسن سياره و يشترون ارقام حلوه !!

والمثل يقول مد ريولك على قد لحافك

يعني حتا لو لبست حرير من ذهب ,, مستحيل تستوي * سلطان ولا سلطانة زمانـ/ـك/ـج* بتم انته ولا انتي فلانه بنت فلان او فلان بن فلان

لا والناس ما بتقول اوه وحليله يدين عسب يتكشخ إلنا !! .. بتقول وحليله فوق راسه ديون صح ولا لا ؟

بس عندي سؤال من زمان في بالي اساله ,,

على كثر الديون الي نسمع ابها على روس الشباب .. ليش ما يبان عليهم ؟! :fa46:

يعني لو تاخذون لفه .. شبابنا وايد عاديين .. مب مثل الكويتيين في كشختهم :tounge:

شخصيا عمري ما قيّـمت انسان من شكله ,, اهم شي بالنسبالي المضمون

وايد بنات حلوات .. نفسيتهم وشخصيتهم تعبانه
ووايد بنات عاديااااات .. احلى من يلستهم ماشي

نعود لمحور حديثنا .. المال مش معيار لتقييم الناس عند الناس .. و المجتمعات الي تهتم بالبيزات تاكد الف بالاميه ان علاقاتها ضعييييييييفه جدا .. وبسهوله تنهدم !

وعليكم السلام و الرحمه

موضووع حساس فعلا ،، واللي صاير الحين ،، أنا استغرب من اللي يتضاارب ويا اهله واعز ناسه عشان وصخ دنيا وهي البيزات ، ، أنا ما انكر انه العيشه بدون بيزات صعبه و صعبه وايد بعد .. بس الواحد يرضى باللي عنده و يقول الحمدلله عكل حال ،،
انا بس استغرب من هذيل اللي يقولون نحن عدنا وعدنا ،، أوكي الله عطاكم من خيره بس ماقالكم أتخققوا على غيركم و اتباهوا باللي عندكم ،،،بالعكس الله عطااهم عشان يكثروون من ذكره و يحمدوونه على هالنعم .. ولكن الواقع شي ثاني الناس عندها خير ( ما اقصد كل الناس .. البعض)و تبتعد عن ربها والمفرووض تتقرب من الله أكثر و أكثر .. الله يرحمنا برحمته .
وهذيل اللي تضاارب اهلها عشان البيزات .. ماعرف كيف يفكروون .. البيزات وصخ دنيا وأنتوا تتنازعوون ويا اهلكم عشانها >> والله مافيهم مخ ،،والله الناس الحين تيمّع بعضها و أدورهم وين ما كانوا و أتعنا لهم و تجمعهم وهذيل المتخلفين يفرقوونهم ،، عشان شو ه ؟؟ عشان البيزات
صدق يوم قالوا (( الفلوس اتغير النفوس ))
الله المستعان

======================================

شو بالنسبه لكم البيزات ( المال ) .. يعني شو تعنيلكم البيزات ؟؟

اممم سؤال صعب والله ..اممم بإختصار مانقدر انعيش من دون البيزات .. هذا ما يعني إني ملغووثه عالبيزات .. بس البيزات هي اللي توفر تقريباً اللي نباه و نحتايه

وشورايكـ بالناس إلي تقطـــع صلتها بأهلها بسبة البيزات ؟؟

ناس مافيهم مخ و متخلفيين ولا شو نسمي اللي يفضلون البيزات على الاهل
بدال مايوقفون ويساندون بعض ،،،و كل واحد يوقف ويا الثاني اذا طاح ولا شي


في النهايه أشكر طارح هذا الموضووع
ويعطيك العافيه يالمقاتل. .

السلام عليكم ورحمة الله وبركاته ...

ما أنكر أنه المال شي ظروري ومن دونه ممكن نفقد أشياء وايده او ما نقدر أنحصل الي نباه ,,بس هذا ما يعني أني أسمح لوصخ دنيا أنه يفرقني عن هلي وناسي ,,

شو بالنسبه لكم البيزات ( المال ) .. يعني شو تعنيلكم البيزات ؟؟

بالنسبه لي المال حاجه وظروره هو اللي يوفر لنا متطلبات الحياه وانعدامه ما يعني أنه خلاص هذي هي النهايه لا أبداً ,, بس مثل ما قلت هو ظروره لا أكثر ...


وشورايكـ بالناس إلي تقطـــع صلتها بأهلها بسبة البيزات ؟؟

سوري على الكلمه بس ( أغبياء ) الفلوس لو هي عندك اليوم ما تضمن أتكون عندك باجر
بس الأهل طول العمر وياك ومافي شي ممكن أنه يعوض عنهم ,, والي يتعالى على غيره ويتباهى بالي عنده من فلوس يعتبر مريض ولد فقر ما شايف خير ...


المقاتل ,,, تسلم الأيادي على الطرح الموفق ..

جناويه

تسلم اخويه عالموضوع

ياخوك صح البيزات مهم فيحاتنا ولو لاها مارمنا نعيش

بس لدرجة انها تفرق الاهل او اني تكبر على اللي اقل مستوى مني هاي قويه

وصدقك اصلا اكثرهم جي عندي بيزات محد يرمسني اسيو اللي ااباه
وشي اخوان مايرمسون بعض عسب البيزات


(لا اخويه يوم الوالده تقوله لاتصرف وايد لنه هو من النوع اللي وايد يصرف
يوقلها لا امي البيزات وصخ دينا وانا ماححب اخلي وصخ دنيا
عندي عسب جي اصرف وايد^_^)

وعليـكم السـلام ورحمـة الله وبركــاته

نكسـب المـال لكــي نعيـــش
ولا نعيـــش لكسـب المــــال


المـال عنصـر مهـم في حيـاتنـا اليـوميــة, فـ لولا المـال لن يستـطيع الإنسـان تكملـة مسيـرة حيـاتـه بنـظام,
فـ بالمـال الإنسـان يضمـن مستقبـله المهنيـة ويـأمـن حيـاتـه الاجتمـاعيـة, وأيضـــا بالمـال يستـطيع تلبيــة
حـاجيـات غيــره وتقـديم المسـانـدة والمسـاعـدة لمـن حـولــه

لكـن.. لا يعنـي ذلك أن المـال هـو الإدارة التـي تعـطيـك الصـلاحيـة بـقيـام كـل مـا يخطـر ببـالـك دون التفكـير
فـي مشـاعـر الآخــرين, كمـا يفعلـه الكثيـر من النـاس الـذين أصـابـهم التكبـر والغـرور, ونتـذكـر دائمـا بـــــأن
الله سبحـانه يهمـل ولا يُــهمـل


تقـول.. للبعـض مفهـوم خـاطئ عنـدمـا يظنـون بأن بالمـال يكتسـب احتـرام الآخـرين..!!
إننـي أؤيـد مـا قلتـه هنـا, ولكــن إن رأينـا حقيقـة مجتمعنـا في هـذا الزمـن سـ نــرى بـأن هــذا المفهــوم
صحـيـح!! لأن النـاس يضـعون المـال كـ معيـار للشخـص إن كـان يستحـق الاحتـرام والتقـديـر أم لا.. ؟!



أشكــرك أخـي المقــاتــل على موضـوعـك
وننتـظر كـل مـا يفيـد الأعضـاء من جـديـدك

:)