<^> دورات التصـويـر الفـوتوغرافـي <^>

الســـلام عليــكم .،.،.،

أخوانـي وأخواتـي .،.،.، بغيـــت منـكم خدمــة صغيـرة .،.،

بمـــا إنـي أنـا من محبـي التصــويـر .،.،.، وبمـا أنـه عطلـة الربيـع قربــت " وما عندي غيـر هالاجازه أكون فيـها فاضيـه" ف أبـا منـكم أتدلـونـي على أماكن يسـوون فيـها دورات تصـويـر .،.، سواء فـي دبـي ولا الشـارجـه .،.،.،

فـالـي عنـده عـلم عن الامـاكـن لا يبـخـل عليـــه .،.،.،

ولــكم منـي جزيـل الشــكر :blush:

عـــاد ردوا عليـنا :fa34:

السلام عليكم..

هلا بعيون الليل... :)

..

الله يسلمج.. فكره انج تستغبين هالاجازه في تعلم التصوير شي جدا رائع.. و اهنيج عليه.. :fa42:

بالنسبه لاماكن الدورات... ممممم... مب متأكده بس اسألي في معهد الفنون في الشارجه اذا عندهم هالنوع من الاهتمام..!

وعندج بعد .. أندية الفتيات في الشارجه... أكيد بيكون لهم نشاطات في هالفتره..

..

وفي انتظار يديدج من التصوير... بعد هالدوره.. :fa51:

السلام عليكم . .

بخصوص دورات التصوير ، أنا افضل لو تكون الدراسة عن طريق كتب التعليم بتحصلينهن في المكتبات الكبيرة شرات المجرودي ، اتكون مفصلة أكثر و اسهل من الدورة الي ايكون فيها استاذ و طلاب . .

و اذا كنتي تفضلين الدورات ، في دورات يسوونهن في تقريبا جميع كلــيّـــات الميديا ( الإعلام ) في الجامعات و كليات التقنية ، لكن يبالج تسئلين اذا يسمحون لغير طلاب الجامعة نفسها بالالتحاق لتلك الدورات . .

بخصوص المعاهد، في الوقت الحالي ماشي معاهد متخصصة في التصوير ، لكن يمكن اتكون هناك معاهد تدرس كذا تخصص و من ضمن هالتخصصات (( التصوير )) ف أنا افضل لو تسئلين اي مدرس يدرس اعلام في اي جامعة أو كلية لانه اكيد بتكون عنده علاقات ويا حد . .

و اذا حصلت معهد بخبرج . .

شــوق القـلوب .،.،

أهليـن فيـج أختيـه .،.، شكراً على الاطراء الجميـل .،.،
وأنـا من زمـان أبـا أتعلـم فـن التصـوير بس مثـل ما اتقـوليـن مب امحصـله فرصـه كـل مره يظهـر لي شـي .،.، والتصـوير الفوتوغرافـي مسـاق يدرّس عندنـا فـي الجامعـة .،.، لـكن أنـا ما فيـه صبـر .،.، وأبـا يـوم أيي آخـذ هالمسـاق إن شالله أكون بروفيشينــال :fa38: .،.،.،
معهـد الشـارقة للفنون دخـلت السايت الخاص فيـهم ودخـلت كذلك سايت جمعيـة الشارقة للفنون التشكيـليـة وببحث عندهم عن هـذا الفـن .،.،.، شكـرا على الفكـــره .،.،.، :fa42:
وانتظـروا منـي إن شالله الصــور الحـلوه

لمّــاح .،.،

فكــرتك كذلك حلــوه والـي هـي إنـي أسـال.،.، أنــا بســأل الدكـاتـره عندنـــا إذا ما حصــلت فـي الأماكن الـي خبـرتني عنهن شـوق .،.،
لــكن أستبـعد فكـرة الكـتب والتعليـم الذاتــي.،.، لانـي صعـب ألزم نفسـي وأيـلس اتعلـم .،.، بتشـوفنـي كمن يـوم قابضه الكــتاب وعقـب بتشوفنـي مليـت وتركت الموضوع كلـه .،.، وأفضـل أنـي احضـر الدورات.،.، عشـان يآخذون بيـديـــه من البدايـــة .،.،.،

ع العــموم شكـرا على ردك الكريـــم :fa46:

فيــكم الخيـــر ومـا قصــرتــوا
:fa42:

معهد متخصص في التصوير في الامارات ماشي .. اعتقد في قطر بيفتتحون على السنه اليايه ولا الي بعدها فرع جامعه بس تخصصاتها في الفنون !!

بس عن الدورات .. النادي الثقافي في بوظبي يعطي دورات
وفي دبي وحده من الجرايد تعلن كل صيف عن دوره في التصوير

عن نفسي انا .. انا مشتركه في نادي الجامعه و خارج الجامعه في قروب *مكس شباب وبنات* نشتغل على كتب وانطبقهم

فما ادري اذا بغيتي اتينا انا بسال الي تشرف علينا و برد عليج .. لأنا اموصلين بارت بعيد عن البدايه !!
أني ويز بسال عن هالشي اكثر و اذا حصلت الي تبينه برد عليج خبر في الخاص

انا ما اعرف بس سبحانه ربي

موهبه ربانيه اعرف اصور ماشالله عليه

بس المشكله ان الصور تظهر محروقه

ولا انا لاحول موهوبه

ككككككككككك

أم خدود

أولا شكراً على ردج الكريم .،.،.،
ثانيـاً عزيزتـي .،.، بعد البحث والتحري وجدت أنه في معاهد تصوير عندنا.،.، فيه واحد في النولج فلج.،.،.،وفيه واحد خبروني عنه عند البريد المركزي (كلهن ف دبي) .،.،.، ورسوم الدورات بين 3500 و4800 .،.،.، فما أدري هل هـي أسعار معقـوله؟؟ أو مبالغ فيـها .،.، وبعديـن أنـا مشكلتي أنه لو مشيت على أي كتاب .،.، بمشي يوميـن وبوقف لانـي بمـل .،.، وهذا مساق يدرّس في جامعتنا .،.، فما أدري محتاره بعدني آخذهن هالدورات ولا لا .،.،.،
ع العموم هذا كـان توضيـح يمكن حد يبـا يسيـر .،.،.، وعن اشتراكي في قروبكم .،.، يشرفني بس! ! ! أنتوا بادين من زمان وبعـد مثل ما قلت لج ما أعرف أمشي على كتب :crazy:

مشـــــكوره الغاليــه مره ثانيــه على ردج .،.،.،
وبالتوفيــج إن شالله
:fa42:

الغــزال العنيــد

ماشالله زيــن أنهـا موهبـة ربانيــه .،.،.،
بس عشــان ما يظهـرن محروقــات استخدمـي الكاميرات الرقميـة شو رايـج :fa51:
ولا كاميرات أول ما ينفعـن الحيــنه .،.،أونج تستخدميــن كوداك تحت الماي :crazy: ! !

يـــمكــن :fa36:

مشـــكوره على المشــاركـة عزيزتـي

أسعار فنانه .. لا تترددين .. التصوير شي حلووووووووووووووووووووووو وووووووووووووووووووو

خـــلاص عيــــل .،.،

بخــلص امتحـانـات الفايـنـل وببدأ بالدورة بإذن اللـــه تعــالـى .،.،

:fa42: