°o.o.. صفعـــه وتهديـــد ..o.o°
http://upload.bindubai.com/download/6eer/nnnn.gif
أبا رايكم في موضوع صار لوحده أعرفها
في مدرسه من مدارس الدولة
..
ياما سمعنا عن مُدرسه تصفع الطالبه !!
بس هالمره المديره تصفع الطالبه
لهالدرجه توصل معاملة الجيل اليديد
إذا من الحينه عاملوهم جيه
كيف يبونهم ينتجون
للمستقبل
:glare:
تصرف بدائي
وأكيد بيصيب الطالبه بإحباط
انزين قبل لا تصفعها
هل فكرت إنها تسأل البنت شو امسويه
القهر إنه الصفعه يت
والمديره كانت في حالت غضب
واتعق حرتها ع طالبه مالها ذنب
جافتها جدامها وصفعتها !!!!
أي إداره هاي اللي جيه اتعامل طالباتها !!
وبعدين يوم توصل السالفه للمسؤولين
تكون ردة الفعل من المديره إنها >> ظنتها وحده ثانيه شارده
أي رد بس اتبرر موقفها عشان اتحافظ ع منصبها
وأوكيه لو شارده اتعاملها بهالأسلوب
وبأي حق تصفعها الأهالي يودون عيالهم المدرسه
عشان يتصفعون ولا عشان يدرسون !!!!
فيه أساليب ثانيه
منها النصيحه
قال رسول الله صلى الله عليه وسلم:"الدين النصيحة"
فسأله أصحابه الكرام , رضي الله عنهم , فقالوا :
- لمن يا رسول الله
قال ( عليه الصلاة والسلام ) :
"لله، ولكتابه، ولرسوله، ولأئمة المسلمين، وعامتهم."
ولكن النُّصح لازم يكون برفق ولين، لا بشدّة وعنف
فالرفق ما كان في شيء إلا زانه، وما نُزِعَ من شيء إلا شانه
مب ع طول طراق بدون لا احم ولا دستور
المهم
هاي صفعه وعديناها
لكن توصل السالفه لتهديد وتجريح بالكلام :fa55:
المديره من عقب سالفة الصفعه , والموقف اللي انحطت به وسبّب لها إحراج
مع المسؤولين
حطت عينها ع هالبنت واختها >> معاها في نفس المدرسه
وع أي زلّه تبا اتمشكلهم
وف يوم من الأيام
>> إختها غلطت وطنشت حصه
والمشكله مب بس روحها معاها بنات غير
لكن ما مشكلوا إلا هالبنت
>> للعلم إختها أصغر عنها واشوي شيطانه
المهم
المديره إلا واتوصل السالفه لأمها
البنت مب طايعه تعطيهم رقم أمها >> خايفه ع أمها لأنه عندها الضغط
رد المديره كانت وايد جاف >> إذا ما عطتيني الرقم بقول حق أمج إنه بنتج مختفيه ومحد يدل مكانها
البنت وبطيبة نيّة قالت أمي فيها الضغط شو تبينها اتموت !!
وبكل برود ردت عليها المديره وقالت >> عادي خليها اتموت !!!!!!!
اتخيلوّ :fa54:
لا إرادي البنت تمت اتصيح :fa43:
شو بيكون موقفكم لو كنتوا مكان هالبنت
واسمحوليه طولت عليكم وااايد
بس سالفة كانت قاهرتني وااايد وما ينسكت عنها
http://upload.bindubai.com/download/6eer/6eerline.gif
مشاركة: °o.o.. صفعـــه وتهديـــد ..o.o°
الســــــــــــــلام عليــــــــكم...
..
أعوذ بالله ..!
هاللي أقدر أقوله على هالمديره..
للاسف... الاخلاق.. نعمه من رب العالمين... ويا كثر الناس اللي اتبرت منهم الاخلاق لســـواد في قلوبهم..
المدرسه.. هي مؤسسة تربويه.. أي انها مصدر تربية للنفوس و تهذيب لها... قبل ان تكون مؤسسة تعليميه..
وهذه الاداريه.. تخلت عن هذا المفهوم... و اتقمصت دور المالك و المملوك..!
وعافان الله ... عافان الله .. على انسان يقول لطفله.. خلي امج اتموت..!!
..
الله يهديها و يصلحها..
آلمني كلامج و الله ..
مشاركة: °o.o.. صفعـــه وتهديـــد ..o.o°
مشاركة: °o.o.. صفعـــه وتهديـــد ..o.o°
بكس حق المديييرة .. ولاااحتى بقووول شي .. ^__ &
المتفيجة
مشاركة: °o.o.. صفعـــه وتهديـــد ..o.o°
مشاركة: °o.o.. صفعـــه وتهديـــد ..o.o°
شوق القلوب : وعليكم السلام ورحمه الله وبركاته....
طــــير الغــــرام....
الإداره بشكل عام تحـــاول تظبط طالبات المدرســة وتنبـــهم عــلى سلوكياتهم (( السلوك السلبي أكيد بيتعاقبون عـــليه))..
المفروض المديره ((بإستثناء انها كبيره بالسن))..لازم تكـــون عندها خبره..وفن التعامل مع هالنوعيه من المخالفات..
حتى لو كانت فلحظه غضب ..((الواحد يوم يعصب يسكت ولا يرمس)) هالقاعده الكل عارفنها وسامعه عنها....لكن للأسف القليل اللي يطبقـــــها..
إذا كانت الإداره أو المديره سيئه لهدرجه..المفروض الطالبات ياخذون حذرهم..
((عادي خلهم يشردون..بس في اوقات مناسبه:fa46: ))
لمســــه أمل..،،،
مشاركة: °o.o.. صفعـــه وتهديـــد ..o.o°
مرحبا اختي طير الغرام ..
موضووعج مهم .. وأكبر مشكلة فمدارسنا الحكومية هي الفجوة الكبيرة جدا بين الأدارة والمعلمين وبين الطلاب .. ماتشوفين بينهم تعامل ودي أو احترام متبادل .. دووم يطبق عليهم حكم القوي على الضعيف..
ودايما تعامل الإدارة مع الطلاب تعامل جدا قاسي ومنفر للطلاب هذا في أغلب مدارسنا الحكومية .. اتشوفين الطالبات من تطرينلهم المديرة ولا الوكيلة أو الاخصائية يتنافضن من الخوف !! بسبب أو من غير سبب..
ليش يعني هالإحساس! :sleepy:!؟ .. فيتولد طبيعيا رد فعل عكسي من الطلبة تجاه الإدارة والمعلمين .. بأنهم دوم يحبون يخالفونهم في كل شي كنوع من الانتقام أو التسلية .. ولهالشي اتشوفينهم يشردوون ويخالفوون و و و ويستمتعون بهالشي.. مسوين السالفة مثل لعبة " شرطة حرامي"..
ولنفس السبب اتشوفين طلاب الحكومية من حيث السلوك والطباع غير عن طلاب المدارس الخاصة ..
اتحسين انه عيال الحكومية ناس عاشوا الحياة وتجاربها والمكر يلمع افعيونهم :fa46: وعيال الخاصة طلاب مؤدبين وطيبين ومايهمهم حد ويعيشون الحياة مثل مايبون وعايشين بسلام وأمان.. لأن بيئة الحياة العلمية غير ..
والقصة اللي ذكرتيها يا كثر ماسمعت شراتها من القصص .. يا انه المس ضربت الطالبه او الطالبه ضربت المس او المديرة سبت مادري منوو ..الخ
شي يقهر والله .. بس ان شاالله مع الايام تتحسن الأمور
تحياتي لج:fa35:
مشاركة: °o.o.. صفعـــه وتهديـــد ..o.o°
أمر غريب الصراحة ..
على ما اعتقد الوزارة مانعه الضرب في المدارس
والصفعة أقوى من الضرب على الايد ..
الصفعه فيها اهانه للشخص المضروب ..
محد يرضى على كرامته ..
ولو انا من البنت جان رفعت رساله للوزارة وحتى المنطقة التعليمية .. ما اسكت عن هالشي ..
الدولة فيها قوانين .. وعذر المديرة مثل ما يقولون .. عذر أقبح من ذنب ..
واسمحولي ان الغبي اللي بيصدق هالعذر ...
تسلمين اختي طير ..
والسموحة
مشاركة: °o.o.. صفعـــه وتهديـــد ..o.o°
مشاركة: °o.o.. صفعـــه وتهديـــد ..o.o°
http://upload.bindubai.com/download/6eer/6eerline.gif
عنود الريف
مانعينه لكن منو بتفهمين !!
وللعلم الصفعه ماكانت بالشكل الطبيعي >> من ورا الايد >> صوب العظام
>> عشان اتعور
وهالبنت أهلها أكيد ما سكتوا وصلوا السالفه للمسؤولين
وهم دقوا حق المديره وهيه بررت موقفها بأنه >> المكيفات كانت خربانه
ووايد حر وضغط لأنه أول يوم
ويوم أم البنت رمست المديره قالتلها المديره أنا بس دزيتها ع جتوفها
والأم قالت امبونا بنرمس الشيخ انهيان لكنه كان مسافر
زاغت المديره وقالت لا ليش اندوكم رقميه متى ما تبوني دقوليه
صدق موقف ما ينسكت عنه
وهالمديره إذا حطت بنت في راسها إلا واتمشكلها >> الأم ما بغت مشاكل
وقالت بنسكت هالمره
أشكرج ع تفاعلج مع الموضوع
وحيـــــــــاج
http://upload.bindubai.com/download/6eer/6eerline.gif
مشاركة: °o.o.. صفعـــه وتهديـــد ..o.o°
السلام عليكم و رحمة الله و بركاته
لا حول و لا قوة إلا بالله
شو صاير في الدنيا إذا كانت المديرة ذات المنصب و الخبرة تسوي كذا فلا تلوموا المدرسين إذا ضربوا الطلاب لأن المدراء قدوة لهم.
و لكن أين المسؤولين عن هذه القصة و هي الوزارة لماذا لم تعاقب المديرة، حتى لو عوقبت فيجب أن يوضع ذلك التصرف في ملفها و اعطائها فرصه أخرى لتعديل ما قامت به و إلا فيجب عليهم تغييرها أو نقلها لمكان آخر.
بالنسبة للتلميذة فأنا لا أكون في صفها و لكن يجب أن يكون حلقة اتصال بين الادارة و الطلاب للمساعدة و التفاهم ليكونوا بذلك نعم الادارة المدرسية و طلابها.
لا أستطيع أن أقول إلا اللهم اهدهم جميعا و اصلح شأن جميع الإدارات المدرسية بشكل عام
فما يحدث في هذه المدرسة يحدث في مدارس أخرى و لكن بشكل مختلف.
مشاركة: °o.o.. صفعـــه وتهديـــد ..o.o°
تبون الطلاب يحبون المداااااااااارس ... حطوا ناس عدله فيها اول
كافي قهر ......... مشكورة اختي عالموضوع الحساس
مشاركة: °o.o.. صفعـــه وتهديـــد ..o.o°
السلام عليكم
والله المدارس الحين خربانة من الادارة لين تحت:fa44:
ياما شفنا بس شو انقول لو نشتكي محد يعبرنا
مب من شي الطلاب ما يبون المدرسه
انا بعد صار عندي موقف بس اسوء
المدير صفع طالب شاب يمكن عمره 14 يعني ولد:fa32:
شي طبيعي تنجرح كرامته وهيبته جدام ربعه حتى طلع من المدرسه
وراح الجيش
مشكوورة على الموضوع
مشاركة: °o.o.. صفعـــه وتهديـــد ..o.o°
السلام عليكم
" اذا كان رب الاسرة بالدف ضاربا .. فإن شيمة اهل البيت الرقص "
الطلاب ينعرفون باخلاق ومعاملات ادارة المدرسة .. اذا كانوا سايبين وامطنشين
كل شيء اكيد الطلاب بيكونون غير ملتزمين .. ونفس الشيء اذا كانت الادارة صارميين زايدة عن الحد ..
المديرة هذي لازم يشتكون عليها وعلى تصرفاتها .. حنا مدير مدرسة ثانوية دبي بالرغم من تصرفاته
وطبعه الغريب هو طيب واخلاقه زينه .. يعني مستحيل انه يوصل بانه يعطي لطالب صفعه لا وتجريح بعد ..
هذا طالب يمكن يتحمل فكيف بالطالبه ؟؟؟
عليها بالشكوى على هذي المديرة .. فالمدرسة لن تنظبط مادامت المديرة بهذه الشكل ..
أشكركِ على اهتمامكِ لهذا
الموضوع وهذه المشكلة ..
