التقليد

حبيت اطرح موضوع الكل يشوفه في ايامنا هذي واللي هو التقليد
الحين صار كل شي مقلد
مثل
برامج التلفزيون وملابس البنات والاولاد وتصرفات الشباب
وغيره من الامور
عندي سؤال
ليش احنا ما نبتكر شي يديد
ليش بس ناخد ونقلد يعني(copy-paste)
:fa55:

أصلاااا هااااي المووووضه ألحيينه ... مااتعرفييين ..
اذاا الوااااحد ما يقلد الغرب في حياااتهم .. يكووون مب متحضر .. هذاا رااي البعض ..

تسلميين اختي ع المووضووع الشيق .. وفعلاا مثل ماااقلتي .. ليش نحن بالذاات اللي نقلد ..
ليش الواااحد مناا ما يبتكر أشياااء .. ويكوون مبدع .. يمكن ...الغلط فيينا .. ؟؟ مجرد رأي

المتفيجة ...

تسلمين اختي المتفيجه على الرد
ومثل ما قلتي يمكن الغلط يكون فينا واحنا ما ندري
بس نتمنى ان الاوضاع تتغير ويتغير فكر المنتجين ويتحول
من التقليد الى الابتكار

الصراااااااحه... ف هالومان ما بجوفين غير التقليد
صدقيني هذا كله من واااااازعهم الديني .. لانه خلاص الغرب او بالاحرى
القنوات اللي الحينه يبثوها ف التيلفزيون مالها هدف ومالها اي معنى
بس عند البعد هذا اهو التطور ... لان بعض الناس يتحرون ان هالشي اللي هم قلدووووه من الغير
شي عظيم او بالاحرى انه شي يلفت انتباه الناس الثانيين
للاسف ف هالزمان الوازع الديني خلاص ماااااااات عند البعض

والسموحه

المشكلة ان التقليد ما يكون في نواحي علمية أو تطويرية
انما يكون في (توافه الامور) من لبس- ماله صله بعاداتنا أو ديننا- و غيره
و الأدهى أن الأغلب يقلد وبس من غير تفكير بكيف أو ليش أو لمتى ؟؟
والحق بها الزمن للأكثرية؟؟!
يعني لو حد بيعارض او ينتقد الرد بيكون "الكل يسوي شذي مب انا بروحي"
الحق حق .. قلت أراء المحقين أو كثرت
والسموحة
مشكوورة أختي عطرح الموضوع

تسلمن خواتي كشكوشة وصدى جوفي على المشاركه
وانا رايي من رايكن
واتمنى اني اشوف مشاركات واراء و ردود ثانيه

ياليت اللي يقلدون الغرب يقلودونهم بشي زين ومفيد

في الغرب في منهم العباقرة وليه مانقلدهم ليه نقلد شعر فلان وضحكة فلان

للاسف والله هذا حالنا الحين

يوم تسير مكان ماكانك تمشي في دولة مسلمة عربية تشوف التقليد ياويل حالي كانك تشوف جون وطوني ولاكان اسم كل واحد فيهم سالم وخلفان

من تشبه بهم فهو ليس منا ليس منا

الله يهديهم

والحين صار التقليد حتى في عباءة المراة صارت العباءة موضة والشيل اصلا ليه البنت تحط شيلة الحين والشيلة مزخرفة وخفيـــــــــــفة كل هذا تقليد بفلانة لبست وفلانه سوت

الله يهدينا

والسموحه ماادري شو قلت من القهر

تسلم اخوي نبراس الليل
وبصراحة كلامك عدل
صار التقليد في الشي اللي هب عدل يعني الواحد ما بيقلد الا الشين
بس الواحد شو بيقول غير الله يهدي شبابنا