فلان و فلانه من الناس 2

عدنا اليكم من جديد

و مع صنف آخر من الناس

فلان من الناس

يحش في بنات خلق الله و يقذفهن
و يتبلا عليهن .. يقولوله عيب يا فلان .. خاف ربك .. عندك خوات
فلان : يخسوون اصلا ما يوصلن مستوى خواتي (ترى خواته العن )
لا يا شيخ روح روح الله يستر عليك و على خواتك :wow:

فلانه من الناس
حتى انا ابا .. شمعنا فلانه عندها و شمعنا علانه عندها
انتوا ويه فقر .. انتوا و انتوا و انتوا
على فكرة هي حالتها الماديه جيده
يا ماما يا عسل لا تشوفين فووق ..
شوفي اللي اقل منج و قولي الحمد لله
تراج في نعمه .. و الطمع هب زين
القناعه حلوة .. و فلوسج ما بتاخذينها يوم بتموتين ..


علان من الناس
متزوج .. و عندده بيبي صغير
كل يوم في الجات مطيح هناك ..
يرقم بنات خلق الله ..
و الله احبج :ohboy: .. انا وحيد و مالي لا صديق و لا حبيب
.. انا فيني القلب .. بموت لو ما اتصلتي
يلعب بعواطفهن و يتسلى بهن و بعد ما يخلص
يقولهن انا باخذ بنت عميه .. :glare:
و الله مغصوب !!
ااخ يا جبان .. خاف الله في ولدك و زوجتك

علانه من الناس

ريلها طول الاسبوع بعيد عنها
هي في دبي و هو يداوم في العين !!
عندهم 4 عيال
زوجها امنها على بيتها و عيالها و نفسها
لكنها خانت الامانه .. و خانته مع غيرة
5 ايام في حضن ذاك و الويك اند في حضن زوجها :glare:
يا شينج !!
المهم .. هاذي وش تسموها ..؟
عني انا ما عندي تعليق !!


فلان من الناس
يتعب و يشقى .. و يحاول بكل طريقه
عشان يرقى بوضيفته و بالمكان اللي هو فيه
و الشغل كله على راسه وحليله
هاذا غير اللي مسلمينه اشغالهم و هم يالسين :wow:
رجل على رجل .. ااخر الدوام يقولوون: ااه تعبنا اليوم
و بالمقابل ..
ما يقدروون .. حتى شكرا ما يقولون
و لو بذر منه أي غلط صغيير ..
يقومون الدنيا و ما فيها ..
صرااحه تافهين .. و ما يستاهلون اللي سويته لهم يا فلان :glare:

فلانه من الناس
راحت تزور جارتها علانه وحليلها .. لازم
ترى الرسول عليه الصلاة و السلام وصانا بسابع جار
و هي هناك يت بنت علانه و تسولف من غير ما تحس
زل لسانها بسر ..
فلانه ما قصرت .. ماخلت حد الا و خبرته من الجيران
طبعا هاذا غير الكلام اللي تنقله من وحده لوحده
اللي كله كذب و فتن .. و تسوي مشاكل بين الحريم :glare:
يا فلانه ما تعرفين انه
" الفتنه اشد من القتل "
انتي لسانج يباله قص

:

:

ملك

أختي ملك..

أبدعتِ في طرحك لهذه الفئة من الناس

و ياما (حنعيش) و انشوف :glare: !!



كل التقدير لقلمك المبدع :fa35:

ملك تسلم ايدج الصراحه ماشاء الله عليج و حواليج الموضوع في غاية الروعه و المصداقيه حتى ما تتركين لنا تعليق او اضافه توازي الموضوع الله يوفقج و يرعاج

تسلمين اختي ملك لهالموضوع ..
ونتريا يديدج

والسموحه

تسلمـــــــــــــــــيـــ ـن ..
وهااي أشكااال من الناااس اللي ما يخلو مجتمع منها ..

المتفيجة

قطرة ندى

اشكر لج مرورج الغاليه

صح بنشوف .. في فئة من الناس

عايشه من غير ضمير ..

الله يستر بس

:fa35:

عزيزتي الغاليه ينقل الموضوع للمفتوحه
....
ولي عودة ان شاء الله للنقاش فيه

اختج/ الشوق

خنفش خنفشوش خنفروش

اشكرك على مرورك اللي اسعدني

اخجلت تواضعي :blush:

كشكوشه

تسليم الغاليه الله لا يحرمني من هالطله

المتفيجه دائما ً و ابدا ً

شاكرة لج مرورج يا عسل

ربي يحفظج

:fa41:

موضوع ولا أروع وياما تحت السواهي دواهي

فلان من الناس

فلان شفت اخت ربيعنا علان
ود ودي اتعرف عليها (ربيعك يامسود الويه )
وفلان بكل وقاحة يقول لعلان خلاص سو ترتيبك مع فلانة
وعرفني على اختها علانه ...

انزين ياعلان مافكرت ان فلان بيقول نفس الكلام عن خواتك

..
فئات كثيرة لها مميزات خاصة في والوقاحة والتفااهه
ولد الاصول دومه اصيل شرواه بنت الاصول تتمسك بالاصالة

الملك
شكرا على طرح بعض من هذه الفئات الوقحة بمرتبة الشرف
ننتظر منك المزيد


طارق

السلام عليكم

حذرنا الرسول -صلى الله عليه وسلم- من افة اللسان ..
علينا ان لا نستهين باي كلمة ننطقها .. فهناك رقيب وعتيت يسجلون ما تقول ..

راعي اعراض الناس يراعون اعراضك .. اتقي الله في عرضك ..
فــ " كما تدين تدان "

ابداع رائع ..
واسلوب جميل ..
اشكركِ على طرحكِ للموضوع ..

ولد الشحوح

الاروع مرورك يا خوي

نبراس الليل

ترى ..؟

الوقاحه صفه ملازمه للانسان منذ ان يخلقه الرب

ام هي صفه اكتسبها مع مرور الزمن

ام هي ناتج من نواتج سوء التربيه

اشكرك اخوي عالمرور

و الاضافه .. كلك ذوق

الملهم

اليوم الواحد بيغلط و بيذل و بيظلم

كم بيفرح .. يوم .. يومين ... سنه

بس بعدين بيعرف قيمة اللي سواه

و بيندم .. بعد ما يبتليه رب العباد

مرورك الاجمل عزيزي

ختكم

ملك
:blush:

نااس اطبااع
والله يعين خلق الله على هذي طباايع
ربي يهديهم كثيير مانلقى هذي الفئات بالمجتمع
وظني هم الخطر
سلمتي يالشيخه عالطرح ولاهنتي
وصدق فلان وفلان عيال الفلانييين ربي يفني هذي الصفاات فيهم

هزاايم

هزايم

يا هلا بيج عزيزتي

من ثمج لباب السما

يسلم غاليج

مرورج اسعدني

:fa41: