حقوق الملكية الفكرية

السلام عليكم ورحمة الله وبركاته

اللي شفته أنا اليوم ممكن يودي "فئة من مجتمع "متعلم و مثقف " بداهية؟؟!!

وأنا أبحث فموضوع بكتاب "English for the Emirates" للصف العاشر لقيت نفس الفقرة من الموضوع المكتوب موجودة بموقع بحث أمريكي. والفقرة متطابقة للأصلية بالحرف؟؟! وبحثت مني مناك علي أحصل على اسم المصدر اللي يا منه الموضوع .. ماحصلت طبعا..

هالموضوع يترك علامات استفهام ما لها أي استفسار..

كيف يوضع المؤلف مثل هالموضوع من غير ما ينسبه لصاحبه .. وين الأمانة والحقوق الملكية الفكرية..
حتى ما تعب عمره يعدل فالموضوع
مثل هالفئة من الناس ما يستاهلون الثقة اللي أهلتهم انهم يألفون الكتب المدرسية.
بقلم: صدى جوفي

وعليكم السلام ورحمه الله وبركاته...

الكل قام يسرق وينسب شغل غيره له..
كل واحد وضمـــيره.. هالشيء بيتم فذمه الواحد..


الله المستعان!

ما اظن انهم بيحطـون شي بدون مراجــع ، أو يمكن المؤلف هو نفسه راعي الموقع أو ناشرنه عندهم

الاحتمـالات واردة ووايـده !

ما اقول غير ((ان بعض الضن اثم))

والسموحه

السلام عليكم
عسب أقطع الشك باليقين .. شيكت الكتاب مرة ثانية وما لقيت أي مرجع ..
ومو معقولة موقع بحث أمريكي بيرجع لكتاب "English for the Emirates" عسب يكتب موضوع من آلاف المواضيع اللي تتشابه بالمضمون.
وعالعموم بحاول أدور بكتاب دليل المعلم .. ولي عودة
والسلام