مشكله الادارات والمراجعين

بسم الله الرحمن الرحيم

السلام عليكم ورحمه الله وبركاته
شحالكم ؟؟وشو اخباركم ؟؟؟
في البدايه احب اقول انه يمكن البعض منكم ياخذ الموضوع بعصبيه
لاني حبيت اتكلم عن الادارات والوزارات اللي عندنا بشكل عام
واتمنى انه محد يزعل مني

سؤال اوجه لكل عضو وعضوة في المنتدي
ما هو حال وزاراتنا في الدوله؟؟؟
وما هو حال المراجع؟؟؟
وما هو حال الاداري او الوزير؟؟؟؟

احب اقول انه صاير تلاعب كبير في وزاراتنا يعني المراجع يسير يبغي يخلص اوراقه ومعاملاته
اذا سار عند الموظفين يمكن يخلصونه ويمكن يقولوله تعال عقب كم من يوم هذا بصوب والاداريين بصوب يعني
اذا تبا تدخل على المدير عشان توقيع اوراق او اي شي ثاني تطر انك تتريا ساعات واحيانا ايام بس عشان توقبع والمشكله ان المديرين عندنا 24 ساعه اجتماعات ولا مشغولين
ليش هذا كله اولا الدوله مب مقصره في شي ليش الاداريين يقصرون مع المراجعين
وغير هذا الدوله موفره كل شي للوزارات والاداريين
وبعدين ليش يوم يتعين احد الاشخاص اداري يقوم يوظف الاهل كلهم في وزارته وادارته يعني
(يلعبون براحتهم)

اتمنى اني اسمع ارائكم بصراحه
والسموحه منكم

عليكم السلام ورحمة وبركاته

موضوع حلو بس للأسف انتي بكلامج هذا شملتي كل الموظفين والادرايين

بغيت اقولج يمكن انتي سمعتي شخص يشتكي من معاملة بعض الموظفين الـ :fa55: في دائرة معينه قمتي وقلتي كل الموظفين معاملتهم مش اوكي

بس الصراحه انا اشتغلت فترة تدريب وقلت يمكن بس المسؤول عني :fa42: بس اكتشفت شي ان المراجع هو اللي يخلي الموظف يتنرفز اذا كان غير صبور

واذا المراجع يريد معاملته اتخلص بنفس والوقت ونفس اليوم وو يتم قاعد ع راس الموظف شي اكيد الموظف بيطفر

بخصوص الاداريين اللي يوظفون قرايبهم على قولتج فـ ارد واقولج ان الادراي ما يوظف الشخص الا اذا كان مؤهل للعمل(ترى هو مو قاصد ييمع اهله حواليه) لكن نحن ما نعرف يمكن الشخص يكون احق بالوظيفه من غيره

شكرا على الموضوع

اختي مزن هتان في البدايه احب اشكر تفاعلج معاي في هذا الموضوع

واحب اقولج انا ما اقصد كل الموظفين والاداريين انا اقصد بعض الموظفين والاداريين مب الكل
في من الموظفين والا الاداريين ما شي شراتهم ودك تحطهم فوق راسك بس البعض يكرهك في الوزاره

السلام عليكم..

اول شي انتي شملتي كل الوزارات و الدوائر الحكوميــــــــه..
و انا ما اشوف هالشي في دائرتنـــــــا ولا اي دائرة او وزاراه من وزارات دبي..
عندنــــــا قانون ان حق المراجع فوق حق الموظف..
و بعدين شي معاملات ما اتخلص بيوم يبالها اجراءات و توقيع و تعديل.. و سالفـــــــــه

يعني الموظف اللي مسكين مب المراجـــــــع..
وبعدين شي مراجعـــين الواحد ما يداني يخلص معاملاتهم .. لانهم ما يستاهلون..

:)
شمـــــــه

وبعدين شي مراجعـــين الواحد ما يداني يخلص معاملاتهم .. لانهم ما يستاهلون..



الموظف الي بهالحاله مايداني المراجعين .. يفضل يستقيل...
الموظف مانخلق الا ليكون في خدمه المراجعين .. ولا هو موظف ع الهوا؟؟؟

أتــصلو بالــبــث المــباشر في اذاعة دبي برنامج راشد الخرجي أو استديو واحد اذاعة أبوظبي وطلعوا حرتكم في كل الوزارات والدوائر

تسلمون على الردود
وكل انسان له نظرته من اللي يشوفه