"||عيـادة المدرسة||"

الســلام عليكم ورحمــة الله وبركـــاته ..

عرب الله ..
شحـــالكم شخبــــاركم ..
عســى الكل مايشـــكي باس .. ؟

عيــــادة المدرســة ..
لعيــال المدارس خاصـــة ، وللنــاس عامـــة .

اليوم استواليـه موقف يقــهر . ومن القهــر قلت لنزل موضوع ف الواحات ، وتوني يايــه ، وبقولكم الموقــف ، أبا كل واحد يقوليه وجهـة نظـره عن هالعيــادة .

الله يسلــمكم .. اليوم ختيـــه (أصغر عنيه) طاحت ، ريولها تعورت ومارامت تمشـي عليهـــا ،
المهم ، بصفتي أختهــا أكبر عنهــا وصلتهـا لعنــد عيـادة المدرسـة ، ومـا أدراك ما عيـادة المدرسـة؟
يمكن هالشي يكون بس ف مدرستنــا نحن ، مادري عن الغيـر ؟:fa38:

وصلنـا عند عيـادة المدرسـة . قلت حق الدكتورة جي جي السالفة ، جان تقول حق ختيه تعالي عدالي ، قمت أنا بوصلها لعندها ، جان تقولي روحي صفــج ؟! ، انزين ختيه ماتروم تقوم إنتي بتقومين اتشلينها ؟ جان تقوليه ختج تروم تقوم بس دلـــــــــــع بنــات !:rock:

وختيه بتمــوت من الصيـاح وهي ولا همهـا ، قالتلها كلمتين تبين تردين البيت ؟ ختيه قالتلها : يوم إنج هب قد المسؤولية لا تصيرين دكتورة ، لو كنت برد البيت كنت برد من الأساس بس قلت بمر ع دكتورتيه يمكن تروم تعالجنيـه ، لكن حتى بندول يخفف الألم ماعطيتيني إيــاه خايفة عليه لا يخلص !:fa51: << عيبني ردهـا وع فكرة قالت كل كلمة انكتبت ومحد لامها لا مديرة ولا وكيـلة لأنه اللي قالت ممكن أي وحدة فمكانها اتقوله بس فخاطرها مب ف ويها لكن ختيه ماشاء الله عليها ماعندها 1 2 أحلى شي بالفيس..:fa42:

بس الشي اللي يقهــر
إنه الدكتـورة ، حاطينها لغرض معيـن ، مب تيي المدرسة وتحط ريل ع ريل ، ولا اللي تييها حتى لو كانت صف سادس ، ماتسـألها إنتي أي صف ، على طول تعطيها دوا مني والدرب بس المهم تروح عن ويها ، أوكي يمكن الدوا مايناسب عمـرها ، مايهمـها هالشي ، :fa55:
وهالأسلوب مع كل بنــــــــات المدرسـة ..

هل هالشــي يرضـي وزارة التربيـة ؟
أو يرضـي وزارة الصحــة ؟

رايكم خواني وخواتي

والسمــــوحــة..

مخاوية الامل .

صراحة انا بعد لو كنت مكانج مكان اختج اذا اختيه ماقالت هاي الرمسة انا بقولها متبخاف منها لنه انا بعد من طبعي اني اعطي الشخص كاش ماحب اتم ساكته

وصدق انه الموقف يقهر بس بتسوين دام نه هم مايعبرون انتي بترومين تسوين شي تلاقينهم يحطون سسترة ماتعرف شو تسوي بس المهم يكون فالمدرسة سسترة وين تبون

يالله الله يعينا ويعينكم ماباليد حيله غير انه نقولهم اللي فخاطرنا وادري لو تمينا نقول لين ماننقع محد بيعبرنا

اصلا عياده المدرسه وجودها زي عدمه
اذكر وحده معانا ربي يشفيها فيها القلب وكانت تصعد الدري يعني ماكنت معاها يوم صابها... بس الدكتوره كانت تااكل وغرفة المدرسات اجرب وسمعن الصرااخ فاتصلت وحده منهم بالإسعاف ووصلوا وخذوها
يعني وينهم عن هذي المواقف
يعني العياده للديكور لاغير وبدال هالمساحه اقول يسون شي ثاني احسن لهم ترى البنات زاد عددهم بالصفوف
وآسفه عالإطاله
وماتشوف شر اختج و لاتسكتون لهم إنتوا أمانه بالمدرسه وهم لازم يكونون قدها وقدود

الممرضة / الإخصائية وظايف غير مؤهلة حتى الآن من ناحية أهميتها الحقيقية + وظيفتها
الوزارة ملامة والجامعة مقصرة

خبو باكيت بندول في الشنطة ودقوا ع البيت مباشرة . بس هالتصرف السليم
ونظام التعليم كله يباله تعديل , فـ هالأمر ما بيكون في رأس القائمة ولا شياته

سلامتها اختج

كان عندنا واحد من الاولاد الي ويانا في الصف فيه السكري

و كان حاط في عيادة المدرسة 10 علب من حبوب السكري و علبة ابر


و في يوم من الايام ارتفع عنده السكري و دوّخ في الكلاس, يوم وديناه عند الممرضة قالت انه ما عندها دواء مال السكري

ما طاعت اتطلعه الا يوم سرنا عند الادارة,
اخر شي قالت انها تتحرانا نقص عليها, و اونه ما تدري انه هذا الولد هو صاحب هذا الدواء :fa44:

الله يغربلها !

OMG

من مشاكل مجتمعنا اللي زادت فيه المشاكل.. مشكلة عدم الاحساس بالمسؤلية الوظيفية او عدم

الاهتمام بمستوى العطاء و الجودة والاتقان من قبل الموظفين سواء في الدوائر او الوزارات او المدارس او غيرها ..

وممرضة المدرسة اللي تكلمتي عنها حالة من الحالات اللي ثمثل هالشريحة الغير مبالية من الموظفين ..

اللي استوالج انتي واختج صورة واقعية متكرره في مدارسنا .. اغلبية الممرضات مالهن وجوود او بمعنى اصح يمثلون دور سلبي الي هو الاكتفاء بالتشييك على طول ووزن الطالبات مره في السنة و عقبها مايشوفونهن غير في وقت الحاجة.. واعتقد دورهن لازم يكون بمستوى أحسن وبفاعلية أكبر ويكون دور حي في المدرسة..

وماعرف شوو سبب هالحالة .. هل هو عدم اهتمام ومتابعة من قبل المدرسة بالنسبة لاعمال هالممرضات ؟.. او عدم متابعة وتقصير في اعدادهن من قبل وحدات الرعاية الصحية اللي تنشرهن في هالمدارس؟؟ .. او انه تكاسل شخصي من قبل هالممرضات وتعايزهن عن اداء وظيفتهن بالشكل المطلووب .. ؟؟؟

تساؤولات تجر وراها تساؤل:fa39: .. ليش اذا قارنا واقعنا العربي بالغربي بنحصل الرعاية الصحية الأولية في مدارسهم في قمة نشاطها وتفاعلها وتكاملهاا مع المنهج التعليمي للطلاب ..
ونفس الشي بالنسبة لمستوياتهم الخدماتية الثانية مب شرط الصحية .. هل عندنا عجز مادي ومانقدر نوصل لمستواهم ؟؟ طبعا لا ..

الجواب اللي لقيته هو انه الموظف الغربي يحب عمله ويسعى للاتقان والجودة والتفاني فيه ..
على عكس الموظف العربي دايم التذمر والشكوى وما يحب يشتغل واحساسه بالمسؤولية تجاه مايقدمه لمجتمعه قليل ..ومايصدق شي الا وياخذ اجازة او
يظهر من نص الدوام او يتكاسل في أداء مهماته !!.. لا اعمم لكن اقول وااايد منهم جي :fa52: ..
للاسف هذا هو واقعنا .. ولو كل حد حس بقيمة عمله وحب شغله وكان أمين مع ربه ونفسه .. أظن وايد من مشاكلنا بتنتهي وكل ازماتنا بتنحل ..

المهم يااختي مخاوية الأمل اسمحيلي طولت عليج ووايد هذربت ويمكن طلعت عن الموضوع شويه .. بس صدق عيبني موضووعج وقلت خلني اتسلى واكتب وامارس العربي :fa46: عن لا انساه ..

وهيه صح نسيت اتحمدلج على سلامة اختج وماتشوف شر ان شاالله ..

و عليكم السلام و رحمة الله و بركاته
الموضوع اللي ذكرتيه مهم للطلاب و الطالبات لانه يصير أي شيء لا سمح الله للطلاب يكون الطبيب متواجد للمساعدة ، و أنا ما ألوم أختج على الكلام اللي قالته و هي صادجه لان المستحى ما منه فايده مع هذه الاشكال.
بالنسب لكم عندكم طبيب في مدرستكم على الأقل يسمى طبيب، بس في مدارس أخرى ما فيها طبيب أبد أو عيادة قريبة منها. على سبيل المثال مدرسة خواتي و أخواني ما فيهم طبيب و إذا تعبوا لزم يروحوا العيادة القريبة منهم و يغيبوا عن باقي الحصص للأسف.
هذه الحالة يجب على الوزارة الصحة و التعليم التفكير في هذا الأمر بشكل كبير لانه مهم المحافظة على صحة أطفالنا فهم عمود المستقبل و نريد لهم كل الخير و الصحة و العافية:laugh:
شكرا أختي على هذا الموضوع المهم و ن شاء لله تشفى أختج.

و السموحه

السلام عليكم ...

اول شي حمد الله على سلامة اختج

ثاني شي عجبني رد الاخت الغالية واحييها على تعقيبها

اللي اذكره من العيادة المدرسية بس الادول ... :fa52:

المشكلة اعتقد انها تكمن في اهمال دور العيادة المدرسية من قبل الوزارة ... وكتسلسل طبيعي لهذا الاهمال يكون الاهمال من المسؤولين في المدرسة ومنهم يتوالد الاهمال في المسؤولين عن هذه العيادات ...

والسموحه ...

الســلام عليـــكم ورحمــة الله وبركـــاته ،

مشكورين لكــل اللي مروا ، وقروا الموضوع وعطونــي رايهــم،
واسمحــولي إني أختــص بالشكــــــــــر للغــاليـة ،
والله إنه ردج هو الواقع اللي نعيـــشه ،
تسلميـن الغــالية ،
وتسلمولــي كلكــم ياربي .

والله يسلمــــــــــكم جميــعــا ،

مخاوية الامل ,

عفوا ينقل الموضوع لواحة المدارس ..
كونها خاصه في استقبال مثل هالمواضيع
والسموحه
لي عوده للنقاش
اختكم/ الشوق

حسبي الله عليها ، ترى لو هي مندبغة من فوق الدري تراها بتسوي مناكر وعلوم لا لها أول ولا تالي

لكن أخس عذر عندي يظهر من الأبلوات والنيرس ====> يوم تقول حق أميه : "بنتج تتدلّع"
والله انهن يوم يقولن لي انتي تتدلّعين ، على طول أقول لهن : ولا وحده منكن اميه عشان أتدلّع عليها :harhar1:
عافانا الله الاحساس معدوم عندهن

شرا النيرس مالنا يوم كنت في ثاني ثنوي ، قالت : شي تطعيم بيعطونكم جرعة "تيتانوس"
وهالتطعيم مب زين حق اللي يستعملون الكورتيزون
وانا عندي الحساسيه بأنواعها ماشا الله عليّه brgll:

قلت لها: أنا أستعمل أدويه يدخل فيها الكرتزون ، واذا ما تصدقين اتصلي بأهلي وهم بيأكدون لج هالشي

جان تقول : لا لازم اليووووم تاخذين الجرعه ، صدق خبله عافانا الله
قلت لها : أنا أميـــه و أبويه يبوني ما عندهم بنت غيري ، يعني مستحيل تجبريني على شي مب في مصلحتي (شي يضرني)

وثاني يوم يبت لها أميه وقفّطتها :fa34:

لو أنا منج يا مخاويه بييب لها حد من أهلى يهزبها ويسنّعها :harhar1:

اختي قصايد غلا ذكرتيني لما بغو يعطوني ابره وكنت زايغه من الخاطر (طبعا كنت صغيره بالصف الخامس)

طحت مريضه بعد ماعطوني الابره بـ 5 دقايق

يوم يقولون تتدلع خاطرج تعطينهم من الزييييييييين شو عرفهم باللي اتحسينه

والمشكله اذا رمستي قالو لسانج طوييييييل

مره وانا بثاني ثنوي يتني حمى غير طبيعيه قوووووووووويه

وغبت الـ3 الايام المسموحين لي وبعدين قلت لازم اداوم عشان فترة التقويم ولازم احضر الدروس عشان استوعبها

كان علينا جغرافيا

والله كنت تعبانه من الخاطر وراسي كل شوي يزيد عواره والحراره واااااااااااالعه

مادري شو اللي خلاني اداوم

اتحسب اذا داومت وحركت عمري بستوي عال العال

حطيت راس عالدرج

واشوي..........

الا اجوف الابله تزقرني عشان اجاوب وانا ماعرف شي

جان اقولها انا مريضه جان اتقول عن الدلع ومن هالخرابيط

وانا المرض شوي وبيظهر من عيني يعني امبين اشكررررره اني مريضه

يعني زين مني حضرت الحصه

طبعا انا حاليا خلصت دراستي الجامعيه :)

عوووذ بالله منهنــ .،

بس والله تلاقين معلمــاات قلبهن ع طالباتهن .،
عندنا معلمــة الله يذكرها بالخير والله لو تشوفج مريضـة اتخليج ادقين من تلفونها علشان تردين البيت .، وعاادي هي توصلج بيتكم ..،
عسانيه ماخلي منهم .،

ياخووج كلهن امــره مامنهن فايده هالنيرسات ..؛
الله يعينــــاا .،
ولا حاينــا حقهن ياربيه ..،

بسم الله شو هالقصص:fa54:

نحن الحمدالله عيادتنا عجيبه .. حليلها المييترون تبهدلت ويايه وايد اخر سنتيين
لاني انا من النوعيه اذا يكون عندي وااايد project deadlines واعرف اني مابلحق ارتبك من الخاطر وايلس اصيح وماروم اركز ومرتين دوخت عليهم:k_harhar1:
بس الحمدالله
هي تعرف انه الى عليها اطلعني من الحصه .. ترقدني في غرفتها .. تتصل في امي .. تتريا امي توصل .. توصلني للسياره .. ومع السلامه:thumbup1:


بس وايد اشيا فضيعه استوت في المدرسه والحمدالله هي قد المسؤوليه وكم مره متصلين في الاسعافات..