نصيحه الله يخليكم .. كلمه بس تريحني و تشفي غليلي

حبيناهم و عزيناهم

فتحنالهم بيتنا و قلبنا

و لمشاكلهم سمعنا

و لفرحتهم فرحنا

بالاخير !!

صفقه عالخد .. و قرصة اذن

لقينا

المرة الاولى ما صدقنا

" لالا ماما مستحيل .. الا هم .. مستحيل.. لا لا .. قوليلي غير كذا "

" بابا حرام لا تظلمووونهم "

" و انته ( اخويه ) اوووس و لا كلمه انتوا ما تعرفونهم شراتي "

بيطيبة و بكل حنان عاملناهم

واجبات سوا حليناها

امتحانات مع بعض درسناها

اوقات ..نضحك .. نبكي .. نسرح .. لحالنا قضيناها

اسرارنا سريناها لبعضنا

سوالف كنت اقولها لهم .. و قلبوها ضدي ..

##

و بعد هاذا كله

طعنه في الظهر حصلنا

هاذي ثاني مرة .. لالا اكيد هم .. مافي غيرهم ..

يوني لعندي و قالولي .. ترا يقولون عنج كذا و كذا ..

وانا اقول عذال .. يغارون من صداقتنا

( هب صاحيه .. وين كنت! )
؟
( وش اللي كنت افكر فيه !)
؟
آآآه طلعت من يوفي

صداها للحين في اذنيه

مرات افكر ..

ليش .. شو سويت فيهم

اتخيلهم و انا وسط حيرتي و جرحي يضحكون

فرحانين باللي يصير لي

ليه يظلموني ..

طيب .. وين ضميرهم .. معقوله ما عندهم قلب

مافي رحمه !

خيرا ً تفعل .. شرا ً تلقى

##

آآسفه ماما .. انتي صح و انا غلط

آآسفه بابا .. ما عرفت اختار

سامحني اخويه .. انا غلطت

##

من اليوم و رايح

بفتّح عيوني

و بحذر

ما تحمل اكثر من كذا

طعنه وحده عورتني .. كيف لو كانوا اكثر

يا خوفي تأثر فيه و لا اثق في حد مرة ثانيه و اظل لوحدي مادري شسوي

و الوحده شينه

نصيحه الله يخليكم .. كلمه بس تريحني و تشفي غليلي



:

:

:

ختكم

كلمتين..

سامحيهم لوجه الله وانسيهم

ما كرهتهم ..

و لا حاطه في خاطري ..

ابدا ً

بس حاز فيه اللي صار ..

و مشكور عالمرور

و النصيحه

ربي يحفظك

:

:

:fa41:

إختي جــــــودي :)

لسنـــــــا كــــاملين ولن نـــجد في الحيـــاة شيـــئا كـــاملا

إليـــــــك نصيـــحتي..

إن كنـــت صـــاحبة تــأثير ٍ قــــوي فهـــلمّي إلى صـــاحبتك العزيزه وحـــاولي تغييرها نحو الأفضـــــل.

أو

ارحلـــــــــي بصـــــمت وبحـــذر حــــتى لا تُـــطعنـــــي مره أخـــرى فتــُقتلــــــــي!!

كفـــــاني!!! مــا جرى فيني وإنتـه عــــالم ٍ بالحـال
........ابنسـى لحظتــه وارحـــل وأطـــوي صفحته وامحيه
أبسري كيف ما أسري وأصبــــح شــاعر ٍ رحّــــال
.......وأقصـــد بالسمـــا نجمه بعـــزة نفــــس دون التيــه
أبثبت إن لـــي قلـــب ٍ ولانــــي من حجـــر تمثـــال
...... صحيـــح إنه قســـى فيني ولــــــكني عطــوفٍ فيــه
تفضــــل مـــا بقى فيني فـــــؤادٍ بالهـــوى مــا زال
.......وعيــن ٍ ما قـــوَت تبعــد وصـارت بالجفـــا تبكيـــه
شـــديده صفعة الماضي تجــارب بالزمــن وامثــال
......وضــربه ما حـصل فيهــا كــسر بالــظـَّهْر لـه تقويه
سفير الخيال

تقبلي فائق احترامي وتقديري

والله ياختي اصعب شي الطعنه في الظهر و خاصه اذا كانت من انسان عزيز و غالي

حاسه والله فيج و بمعاناتج

انا ياما مريت بكذا موقف بس بعدني ماتوب
ماعرف ليش جيه بسرعه اوثق بالناس .. يبالي :fa32:

المهم

انا انصحج انج تسامحينها بس ما تردين وياها شرات اول
يعني عامليها معامله عاديه .. و لا تاخذين و تعطين وياها وايد

و الاحسن انج تنسين انها كانت صديقتج فيما مضى
او عالاقل تحاولين تتناسين
لان كل ماتذكرتي صداقتج بها بتتذكرين خيانتها و بالتالي بتتألمين

اتمنى اني افدتج و ربي يعينج :)

السلام عليكم

انا جربت ها الشيء اكثر من مرة ..
اتم معاهم سنوات وفي الاخير يرموني وينسوني كاني لم
ادخل حياتهم واعيش معهم مواقف جميلة .. يالقساوة قلوبهم ..

ولكن في الاخير تعلمت دروسا من ما مريت به ..
علي ان لا اثق باي شخص 100% ..
علي ان اعرف من اختاره فاذا كان صالحا مسكته ولازمته ..
واذا كان غير ذلك ابتعدت عنه " اذا لا يمكنني تغيره " ..

عليك اولا بالصبر ..
ثم عليك ان تعتبري بهذا الموقف ..
ثم اسالي الله ان يسهل عليك اختيار الصديقة الوفيه ..

هذه كلمتي والتي استطيع التفوه بها ..
وربي يعينك ويحفظك

سفير الخيال

صباحك فل و مشموم و كادي

##

انا اخترت الحل الثاني

لاني ما ابا اواجه .. ما بتحمل .. يمكن بطلع عن طوري ووو ......

احسن جيه ..

اشكرك عالنصيحه

لا عدمناك

:

:

:

اختك

كلمة تشفى غليلج ..
طنشيهم ..
هذيل ناس ما تستاهل
والناس أجناس الغاليه
عليج يا جودي تكونين عفوية وطيبة مثل جودي اللي نعرفها ..
وربي يوفقج ان شاء الله
وربي يفرج همج ..
والسموووحه

اوتار القلب

ماقدر ارجع .. و لو لحظه

و ماعرف اجامل .. و ما ابا احط عليهم

مستحيل اصلا

ماقدر .. ما تحمل

اشكرج حبيبتي

انا بنسحب خلاص ..

كنت حاطه في بالي اردها لهم

بس ما ابا اخوض اي معركه خلاص

ما فيني حيل و بسلم امري لله

::

::

اختج

:fa41:

الملهم

هيه تعلمت درس ..

كان صعب عليه ..

و بنصبر

اشكرك اخويه عالمرور الحلو

لا عدمناك

::

::

::

:fa35:

عنود الريف

يا هلا بيج عزيزتي

اشكرج عالمرور و عالنصيحه

انا بدوس على كرامتي و بدوس على مشاعري

عادي كم تحملنا

جت على هاذي .. بس يا خوفي تتكرر الحكايه

و لا عدمناج الغلا ..

#

#

#

:fa35: