رسـالة طـفلـة الـى بـابـا زايــــد

بسم الله الرحمن الرحيم

السلام عليكم ورحمة الله وبركاته


رسالة طفله الى بابا زايــــد ،،



حبيت أنقل لكم رساله حزينه ،هذي الرساله لطفله تخاطب بها الشيخ زايد بعد وفاته رحمه الله ...في هذي الرساله تنقل لنا الطفله مشاعر كل طفل بل وكل إماراتي تجاه أبونا رحمة الله عليه ...


الرساله :

بسم الله الرحمن الرحيم


بابا زايد أنا أحبك ،بابا قالوا إنك سرت عنا وما راح ترجع ولا راح تكلمنا ولا تسمعنا ولا تعلمنا ،بس بابا أنا أحس إنك تسمعني ،أنا أدري ومتأكدة بعد، إنت بس راقد عند الله في الجنة لأنك مسلم طيب تساعد المسلمين وتحب الأطفال والمسلمين وتحب الفقراء والأيتام ،وما تحب تشوف أي أحد يبجي ويتألم ،لأنك حنون مثل أمايه وأكثر بعد منها ،حبيبي باباه والله راح أذاكر،راح أحل واجباتي وراح اقرى الدروس، أحلف لك راح أصير أحسن مهندسه لدولتنا الإمارات العربية المتحدة عشان أخليها أحلى وأحلى وأحافظ عليها مثل ما إنت تحافظ عليها ،بابا راح أسمع كلام امايه وابويا والمس عشان لما بشوفك في الجنة برمسك عن إلي سويته للإمارات الي تحبها ،بابا ليش رحت عنا راح
أغني لمن؟ وأرسم صورة من؟ وأبوس من؟ ،أنا ما اعرف أرسم شي ثاني غير صورتك ولا اعرف اغني إلا اغاني عنك ما حافظه شي ثاني ،باباتي إرجع الله يخليك إذا ماراح ترجع إخذنا معاك إحنا نحبك ونباك تكون معانا ..
بابا تعرف شو سويت بيوم الجنازة ؟ رحت أصلي مع ماماه ونقرى القرءان في المسجد علشانك ،ماما قالت لي إنت تحب الأطفال إلي يقرون قرآن علشان جيه أنا كل يوم راح أقرى قرآن ، وقالت لي بعد الي ينام مبجر يحبه بابا زايد بس أنا ما قدرت أنام عشان قالو لي انك رحت عنا ،يلست أفكر وأفكر وايد لين ماتعبت ورقدت وحلمت إنك معانا تضحك وتلعب وتلون معانا ،حتى سألتك وقلت لك بابا إنت مو ميت ؟ قلت لي لا أنا معاكم أنـا أحبكم ، كيف أتركم ؟...

بابا الحين بسير أذاكر وبرمسك باجر ..مع السلامه.....




رحمك الله يا فقيد الامه .... يا فقيد اللإسلام والمسلمين



نقلت لكم هذي الرساله ... لأنها أصدق كلمات من أطهر قلوب البشر

... وهم أحباب الله ...

والسموحه
اختكم بنت بوحميد

رحمك الله يا فقيد الامه .... يا فقيد الإسلام والمسلمين

الله يرحم زايد ويغفرله ويسكنه جنات النعيم

اللهم امين
اللهم امين
اللهم امين

كان الصدر الرحب للكبير والصغير ..

الله يجمعنا وياه في جنات الخلد .. الللهم آمين ..

رساله حزينه بالفعل ..

تسلمين يا بنت بو حميد

مشكوره اختي اناستازيا على مرورج الحلو

الله يرحمه و يغفر له

مشكور اخوي قلوب دبي على مرورك

مشكـورة بنت بوحميـد على الرسـالة )'=

العفو اختي بلوه حلوه

الله يرحمه يارب ..
كان الابو الحنون ... على احبابه واطفاله وشعبه
وعلى كل طفل في دولة الاماارات او خارجه
وين حد بيلقى ينقاله بابا ............ ويعتبره شرات الابو واكثر .. الا بابا زايد الله يرحمه

تسلمين
الشوق

رحمــــة الله عــلــى قــائــد أمــة ومؤسس دولــة وبانــي حضــارة ومعلــم بشريــــة ..

ومنـــو ما يحبـــه !!!

في الجنــة مع الأبــرار والصديقييــن والأنبيــاء
اللهــم آميـــن

شكــراً شكـــراً شكــراً بنت زايـــد

أخــوكم
ولــد زايـــد
..

[glow="33CC99"]

الله يرحمك يابوخليفه

[/glow]

الســـلام عليـــــــــــــكم
:::::

الله يرحمك يابويه
ويسكنك فسيح جناته
الله يرحمك .. الله يرحمك
::::
:sad: