زيـــــــــــــاغ =(

السلام عليكم ورحمة الله وبركاته


انا ميـــــــــته من الزيااااااااااااااااااغ باجر علاماتي ال GCSE :fa52:
25-8-05
المشكله
اني في مدرسه تحت نظام بريطاني ونحن اوراقنا مال الامتحان يطرشونها لندن عشان جي نحن اخر ناس نحصل علاماتنا والمشـــكله تفجيــرات لندن الى استوت هالصيف:fa43: اكرههم ماحصلو غير هالصيف يفجرون الunderground
بنات ال AS قالولنا يحسوون انه الى مصلحين اوراقهم لاعبين في علاماتهم لانه هم يحصلون علاماتهم قبلنا باسبوع .. ترا كل البنات عندنا البريطانيات محصلين A والبنات العرب ولا بنت محصله هالعلامه كله c وتحت وهالشي وايد وايد غريب ف هم يتريون علاماتنا نحن عشان يتأكدون اذا صدق لاعبين في العلامات ولا لا

لو صدق لاعبين في علاماتنا:fa43: بموووت
حرام عليهم

هالعلامات اهم علامات بحصلها في حياتي حتى أهم من الجامعه:fa43:

ذاكرت وسهرت ومارمست حد لشهر ونص بس عشان ادرس وفي الاخير يمكن يطلع مرسبيني بالعماله عشان التفجيرات الى انا مالي خص فيهم:fa55:

وين بودي ويهي جدام ابويه لو جي صار:look: باجر مسويه موعد معاه نطلع نسير كوفي عشان علاماتي بتطلع بعدين اشتري هديه وانا كنت متأكده انها بتكون عاليه بس بعد ماسمعت هالخبر احس اني بنفجر بموت من الزياغ .. لو زفت شو بقوله!!!!!
بروحي ماجوفه الا دقايق في اليوم ومسويه موعد خاص وفي الاخير ماستاهل اخذ هالوقت منه لانه علاماتي زفته:fa43:

اخااااااااااااااااااااااا ااااااااااااااااااااااف:fa5 2:

باقي 11 ساعه 37 دقيقه لين ماتصل



والسموحه
شمعة أمل

عـادي شو يعنـي .. الحيـاه حلوة .. خليج ريلاكـس

بشــرييينــا بالعـلامات باجـر ..،

العجيبه

مااااااقدر هالعلامات وايد مهمه وايد وايد

وعليكم السلام ورحمة الله وبركاته..

روقي خيتو :inlove:
ان شاءالله خيـر..
الله ما يضيع تعـب حـد ،اتاكدي من هالشي..
ومـب من حقهم يتلاعبون في الدرجات.. !
وان شاء الله تتوفقيـن وتفرحين وتشوفين باباتج :fa35: وتشترين الهدية ..الخ
وان شاء الله خيــر..
بالتوفيق عزيزتي..
..

..

الســـــــــلام عليـــــــــــــكم..

..

عزيزتي..

كوني شمعة أمل.. و تفاؤل.. :)

و ان شــــاء الله ربي ما بيضع تعبج .. ريحي عمرج و هدي أعصابج وماعليج من شي.. و ان شاء الله مابيستوي الا كل خيــــــــــــــر..

..

..

و ان شــاء الله باجر بتيلسين ويا باباتج.. و تستمتعون بوقتكم.. وبتاخذين أحلى هديه بعد.. :inlove:

ولا اتفكرين وايد.. لانه اللي ربي رايده هو اللي بيصير.. فحطي راسج و ارقدي وانت مرتاحه..

:)

..

وان شــــــــــــــــــــــــ اء الله .. باجر بنسمع أحلى بشاره منج... ومعاها الصور بعد.. :fa42:

..

اللي عليج.. ادعي الله سبحانه انج اتحصلين اللي تتمنينه ..

..

:)

عافك الخاطر

ماقدر ارتاح
ولا اقدر افرح
متى بيي الساعه 11 بااااااااجر


شوق القلوب
الله يعيييين
لو زفت مشكله عوده
حتى امي تقولي لو علاماتج حلوه بيي وياكم لانه ادريبه بيطلعج مكان حلو بس لو زفته مابقرب صوبكم والله يعين شوبيقولج
صوور؟ على حسب لو حلووو بحط صور لو علامات بايخه مستحيـــــل لانه حياتي بتكون كئيبه >_<

. . .وعليكم السلام ورحمة الله وبركاته. . .

غاليتي
. . .شمعة أمل. . .

ما شاء الله البنات ما قصـّروا بالكلام المـُشجـّع. . .
:fa35:

وإن شاء الله يوم أتشوفين باباتج وتيلسين وياه يتغيـّر مزاجج ،،
وإذا أنتي خايفة أنه يزعل عشان الدرجة - مع أني أتوقع أنج بتبيضين الويه - فإن شاء الله يتفهّم الوضع . . .
ويتفهّم سبب هالتمييز في العلامات بين الطالبات العربيات والإنجليزيات ،،
:inlove:

حبيبتي،،
خلي عندج قناعة بأنج بذلتي جهد ،،
وما قصـّرتي في شي بالعكس حاولتي واجتهدتي. . .

ولكل مجتهدٍ نصيب ،،
إذا مب في هالامتحان ،، إن شاء الله في غيره سواء في الدراسة أو الشغل أو حتى حياتج الاجتماعية. . .
:fa35:

ريـّحي بالج ،،
ولا تنسين تطمنينا عن اللي بيصير وياج باجــــر. . .

دعواتي الخالصة لج بالتوفيق عزيزتي ،،
:heart:

وتقبـّلي مني أرق التحايا. . .

كل الـــودّ. . .
دمعة العين

السلام عليكم

افااااااااا عليج يالكتكووووووووووته

تفائلي خييييييييييير انتي بس وان شاء الله تحصلين كل خيـــــــر



ونحن كلنا بندعيلج انه الله يوفقج



بس لاتنسين طمنيناااااااااااا عن الدرجه:)

وبالتوفيق يارب

:: شمعة أمل ::

ماعليج !

هدي اعصابج انتي ولا تحاتين .. وان شاء الله تكون النتايج حلوه :blush: ..
بس أهم شي >> انج تنسين شويه وتريحين اعصابج ..







.
.
.

دمعة العين

كيف بيتغير مزاجي يوم اقعد ويا ابويه بروحي ميته من الزياغ:fa46:
من متى واقوله كنسل كمن اجتماع وطلعني والعوزه وحصلت سبب مقنع الى هو علاماتي بتنزل والحينه مابا اطلع ازيغ اجوف ويه الى كله عليه علامات "خذلتيني ماتوقعت هالعلامات الزفته :huh: "

امي من شويه قالتلي انه مريض :( حليله
الله يعيين باااجر
مب رايمه ارقد
3 ايام مب راقده عدل بالكثير خمس ساعات واليوم شكلي بواصل:crazy:

باقي 10 ساعات ونص قبل لاتصل في المدرسه:fa52:




خيال الحب
مب درجه وحده درجاااااااااااااااااااااا اااات:fa52:
عاد صدق صفعه لو احصل شي تحت ال c

الياه

سوري ماجفت ردج *كتبتلج رد شطوله عقب ماطاع يطرش *

المههههههم

انا بصراحه ماروم اهدي اعصابي
لو يمعتي الساعات الى رقدتها في 3 ايام يمكن توصل 10
اليوم رحت برجمان 4 ساعات امشي بدون راحه
ورديت البيت وسرت الجم لساعه مادري ساعتين
وللحين مب رايمه ارقد ولا اظني برقد >_<

ابا علاماتي

بس اذا زفته خل المدرسه تتهنى فيهم :s

لا .. لاتقولين جي !
ان شاء الله تكون علاماتج حلوه وترتاحين ..

ولا تنسين تبشرينا

يــاا قلبــي والله ،،
لا تزيغين حبيبتــــي. . .

وإن شاء الله باجر تحدرين الواحات وانتي مب شالتنج الأرض من الوناسة. . .
:inlove:

حبيبتي،،
إن شاء الله باباتج بيقـّدر الوضع ،، بس أهم شي قعدتج وياه. . .
وعسى يقوم بالسلامة يالغلا ،، ما يشوف شر إن شاء الله. . .
:fa35:

توكلي على الله غاليتي ،،
وما بيصير ف خاطرج إلا الطيب إن شاء الله. . .

كل الـــودّ. . .
دمعة العين

تفـــاءلوا بالخيـــر تـــجدوه :)


الله يوفقج وبشــرينا بالعلامات يوم بتطلع :fa42:

موفقه بإذن الله

لا حبيبتي شمعة أمل لا تزيغين

و ان شاء الله بتنجحين و بتفوق بعد :fa35:

يالله عاااااد بشرينا بالدرجات باجر

ربي يوفقج و يحفظج لاهلج :)

على فكره بلاه موقعج ما يفتح << ادري مب وقته
شررررررررررده