ما ردة فعلك من موقف صعب كهذا ؟..

الموضوع عبارة عن موقف لو وضعت فيه ماذا ستكون ردت فعلك ؟؟؟


تخيل انه في يوم من الايام صارحتك اختك وقالت لك :

انها تعيش قصة حب مع شاب ماذا ستكون ردت فعلك؟؟؟

هل ستغضب او هل ستضربها او او اوا ؟؟؟

ام انك ستتفهم الموقف وتكتم غيضك وتبحث عن الهدف من هذه العلاقة ؟

ام ستعمل على التفريق بينهما ؟

وهل ستخبر جميع افراد الاسرة ام ستتكتم على الموضوع و تحله بمفردك ؟

ماذا ستفعل بالضبط ؟
هذا السؤال ليس موجه للرجل فقط

بل لك انتِي ايضاً اختي بما ان الموضوع يخصج وانتي جزء منه
ماذا في نظرك على الرجل ان يفعل في هذه الحاله ؟

والسموحه

ليش الحب عيب وانا مادري :look:

المهم الطريقة . صح ولا غلط ؟
وهل هو حب ولاّ لعب . .
وبس الباقي للمكتوب أظن

وموقفي بيكون عقلاني جداً وحتى أخواني لو عرفوا بيكون موقفهم عقلاني
عقلانيين ماشالله علينا :vampire: ..
ممم لأن العصبية في حال الغلط يؤدّي للتمادي

بالنسبة لـ سؤالج .. بكل حال هي أمّنت لي فما بخبر حد ..
بس لو شفت انّ الموقف *يحتاج شخص ثاني* أخوي موجود

ولا يصح إلا الصحيح *!* مشكلة أحلامو :fa52: . .
بس والله لو شي حُبْ ، أظن الباب جدامه *اهل البنية* ولاّ أمه خاطبتله وهو مغصوب :alien: ؟
.
.

شكرن سيس

أنا من ناحيتي بكتم الخبر يعني بيكون بيني وبين اختي
وبعدين الحب موب حرام
والسموحة .

ورديــه .. تسلميم حبوبه ع الرد .. و بنتريا مشاركات الشباب عسب نعرف ردة الفعل .. مب كل الناس شرات بعض ..

ظلام الامارات .. تسلم اخوي ع الرد .. احترم راييك ..

بس خلنا نشوف آراء الاعضاء الباجين .....!

شوفي اللي ما جرب الحب بيقول هاي هب تصرفات وووو . .

لأنه يمكن جرب الغلط فـ يشوف كل الناس بنفس النظرة *قصدي مفهومه الغلط للحب*
ومنهم يشوفون الحب مواعد وطلعات الخ . هب الكل طبعا

بس بيني وبينج فـ هالزمن بالذات عموماً ماشي حب مية بالمية . يعني نادر
.
.

والسموحه

بالنسبه لي انا


راح نعقد اجتماع الاخوان والاخوات في الاسرة


ونطرح الموضوع ونناقش لين نوصل لين لح مقنع نقتنع فيه جميعنا

بدون ما يوصل الخبر للام والابو


ومن خلال الاجتماع

راح يكون محور حديثي

ان الشي اذا كانت بدايته غلط ... مستحيل يستر على الغلط

يعني لو في احد فكرة يبني له مبنى عوود وكبير


بس ارتكب اغطاء في الاساسات واهي بداية المشوار


مستحيل يكمل بناء المبنى

ولو كمل البناء بدون ما يصحح الاخطاء

راح ينهار المبنى

اما لو انه ازال النقاط الي تكون السبب في فساد الامر

وعدلها

ففي هذي الحالة ممكن وبكل سهولة يتم بناء المبنى


والسموحه على الاطالة

الغلط غلط حتى لو كانت علاقتهم شريفه
انا بحط نفسي بدال اخويه لو عرفت انه اختي على علاقه مع شاب حتى لو ماكانوا يلعبووون مستحيييل اخليها اتكمل هالغلط
لا عاداتنا ولا تقاليدنا تفرض علينا هالشي ولا شي محمموووود حتى فكيف اخليها اوكي بكلمها بالطيب مره ثنتين ثلاث بس اذا مانفع وياها لازم اغير اسلووبي
فالبدايه مابقوول لحد لانها امنت فيني و وثقت لكن اذا كان هدفها اني اتستر عليها فها الشي اعتبره اكبر غلط اسويه ما اعتقد اتسوي شي يشرف عشان اتستر عليها حلو والله تغلط و فوق كل هذا اشجعها يعني كأني اقولها بعد اغلطي اكثر خذي راحتج
فالافضل من البدايه بعدها عن الغلط و امنعها لانها عقب سنه سنتين انشالله عشر بيكون عندها بنااات كيف بترضا عليهن

والسموووووحه



:inlove: المتفيييزره :inlove: عالواحات:inlove:

السلام عليكم
الصراحة موضوع حلو


وجاد بعد
والكل يمكن يمر بها الموقف



الصراحة انا قريت كل ردود المشاركين في الموضوع

بس عيبني راي المتفيزره عالعرقوب

الغلط غلط

شووووووووووفوا يا شباب
وخاصة البنات

اي حب صادق
لازم فيه زواج


واي شي ثاني لازم ينتهي

الا اذا بغيتوا تلعبون

وهذا رايي مع اختي
وما اظن اني بخبر حد اذا قدرت احل الموضوع

واذا ما قدرت اكيد بلجأ للي اكبر مني


ومع السلامة