..بسم الله الرحمن الرحيم..
..السلام عليكم ورحمة الله وبركاته..
اليوم بقولكم قصه كتبتها ربيعتي عني انا وهي واختي واختها.. نقول ان اسمي:شمه...واسم ربيعتي:موزة..(22 سنه).. واختي:مها.. واختها:نوال..(24 سنه).. والحينه اخليكم ويا القصه..
في يوم كانوا شمه ومها سايرين يتعشون عند موزة ونوال.. وعقب العشا طلبوا شمه ومها من ام موزة ونوال ان بناتها يسيرون يباتون عندهم.. والام وافقت بحكم انهم متربين مع بعض وتعرف البنات عدل..
والبنات وهم راجعير بيت شمه ومها بسيارة مها..
موزة: شو هذا حطولنا شي نسمعه..
نوال: شو تبغون تسمعون..
شمه:حطولنا ميامي..
نوال: فالج طيب.....(وشغلت ميامي وطولت على آخر شي)..مهوه شو هذا جنج حمسه..عطيه قير كامل..
مها: افا عليييج..
وتموا البنات يصيحن ويلات.. وفجأه طلع واحد جدام السياره وادعموه.. انزلوا موزة وشمه يطالعن الريال شو استوابه.. وارجعوا..
شمه: ماات..
موزة: لازم نتصل فالشرطه..
يلست مها تصيح..
نوال: لا مب لازم..
مها: عــ..عيــ.ل شو بنسـ..وي؟؟
نوال: بنوديه مصنع حديد وبنصهره هناك..
ووافقن البنات..وساروا واجرولهم شقه لانهم ما يقدرون يرجعون البيت ووياهم جثه.. وقرروا انهم يودون الجثه اليوم الثاني لان الصبح قرب..وودوه اليوم الثاني واصهروه..
واليوم اللي عقبه كانوا نوال ومها سايرين الجمعيه وادعموا واحد ثاني وحطوه فالدبه..ودخلوا الجمعيه ويوم اظهروا ما لقوا السياره لانهم كانوا موقفين غلط. واتصلوا في شمه وموزة ومروا عليهم وساروا ادفعوا المخالفه.. ويوم سألوا عن السياره قالولهم سيروا خذوها من القراج..
وساروا القراج ويوم سألوا عن السياره قالهم راعي القراج:أنا دايما اطلع السيارات بـ 100 درهم.. لكن السياره اللي فيها جثه ما بطلعها بأقل عن 100000 درهم وعندكم لين باجر علشان تدفعون والا ببلغ عليكم..
موزة شافت مطرقه قريبه من ايدها. جان تشلها وتضرب راعي القراج على راسه لين ما مات.. وحطوه فالدبه ويا الجثه الثانيه..وارجعوا الشقه وودا الجثث وياهم فوق لين اليوم الثاني..
واليوم الثاني ساروا البنات يودون الجثه الا شمه.. وتلاقت الصبح ويا يارتهم العيوز..ويلست تسولف وياها..
العيوز: ماشاالله البارحه شفتكم تحملون اثاث.. شو ناوين تطولون هنه؟؟
شمه واعرفت ان العيوز شافت الجثث واتحرتهم اثاث: والله ما ادري بعدنا نتشاور..اقول خالوه اليوم العصر ابغي اييج اشرب وياج شاي لو كنتي فاضيه..
العيوز: حياج الله.. لا ما وراي شي..تعالي انتي وخواتج..
وسارت شمه واشترت سم فيران علشان تذبح العيوز وسارتلها العصر..ويلسوا يسولفون..
شمه: اقول خالوه..ما عليج امربس الشاهي ما فيه شكر..
العيوز: انشاالله امي الحينه بييب..
وسارت العيوز تيب الشكر وحطت شمه السم في شاهي العيوز.. وايلست وياها لين ما تأكدت انها ماتت..
ورجعت شمه البيت: نوال.. مها.. مواز.. الحقوا بسرعه..
تيمعوا البنات: ها شو مستوي؟؟
شمه: انا ذبحت العيوز بالسم..
موزة: حرام عليج.. ليش.. انا وايد احب هالعيوز..
ويلست تصيح وظهرت من البيت وسارت تيلس في بيت مهجور كل ما تتضايج تسير تيلس فيه..
واتفقوا شمه ونوال عليها.. وسووا عمارهم سايريين يراضونها.. واخنقوها لين ما ماتت وعلقوها على انها منتحره واكتبوا رسالة انتحار..
نزلت نوال شمه الشقه وسارت السوق..وشمه قالت حق مها انهم اذبحوا موزة.. وازعلت وقالت لازم نخبر الشرطه ويوم بتي نوال بقولها..
وسارت تسحي شعرها..جان شمه تشل في ايديها تاوه( اللي يسوون فيها بيض) واضربت مها على راسه لين ما ماتت..واتصلت في نوال وخبرتها.. وقالتلها نوال انها بتمر عليها وبيشردون..كان شي مصعد خربان ومكتوب عليه.. جان تشل نوال الورقه.. واركبت شمه المصعد وطاحت وماتت..
وآخر شي اتخبلت نوال ويلست تراكض في الشوارع وادعمتها سياره ومااااااتت..
وهاذي قصه جريمه الا حد الجنون.. انشا الله تكون عيبتكم..
والسموووحه
الجنيــــــــ الحلوة ــــــة http://smileys.smileycentral.com/cat/36/36_22_24.gif
