حكايه مسج
لكل قصه بدايه وحبكه فنيه .. نقطه التنوير فتنتهي بخاتمه إما سعيدةأو محزنه
اردت هنا استخدام المسجات كطريقه لعرض قصه نموذجيه قصيرة مألوفه فىزماننا هذا
ماهو متناول فى هذه الايام قصص الحب منها الواقعيه ومنها الخياليه ....
ودائما سلسله الاحداث التعارفيه تكون كالتالي .. تعارف .. فتآلف .. فمحبه .. فحب .. فشوق ..غيرة .. فانتهاز العواذل الفرصه .. فزعل او غياااااب مفاجىء ...مناشدة بالعودة .... فرجوع مع سرد مظلمه ... بالتالي العتب من الطرف الاخر ... أي مصالحه ... او رجوع مع عدم تحمل العتاب بسبب قوة حش العواذل ... بالتالي فراق ... ينتهي ببكاء على الاطلال
ومنه نستنتج ان النهايه اما مفجعه بفراقالاحبه
او تصالح برجوع الاحبه ( سعيدة)
الجزء الاول من المسجات تكون النهايه مفجعهمحزنه
اما الجزء الثاني فتنتهي بخاتمه مفرحه ( هههه سويت فلم هندي (
الجزء الاول .... ( مصالحه ).ــ.ــ
تعارف .. فتآلف .. فمحبه .. فحب .. فشوق ..غيرة .. فانتهاز العواذلالفرصه .. فزعل او غياااااب مفاجىء ...مناشدة بالعودة .... فرجوع مع سرد مظلمه ... بالتالي العتب من الطرف الاخر ... أي مصالحه ...
تعارف
غصب على المفتون مجبور
هل كيف لي شافك يخليك
يتبعك طربان مسرور
ماينثني حتى يحاكيك
ضيعت تفكيري ولشعور
من يوم واجهني معاليك
كني غريق وسط البحور
متأمل قبضه أياديك
تآلف
يا عبير الشوق يا نور القمر
الزهر والورد عطره من حلاك
افرح بشوفك وينزاح الكدر
يسعد ايامك وصبحك مع مساك
يا بعد روحي وعمري والنظر
يرخص الغالي وجعله من فداك
اطلب الله يحفظك طول الدهر
من صواديف القدر ربييقاك
محبه
الطيب بحر ساحل ماله حدود
قاعه عميق ومتعب كل غطاس
والجود ظل فى قفا الشمس ممدود
ما ينعرف حده ومعناه محدود
ومن يجمع الثنتين لا شك محسود
وانا اشهد انك جامع الدر والماس
يا شعاع الخاطر ونوره
يا رفيع الشان يالغالي
يا فرح ذا الدهر وسروره
والدهر لي مقبل وتالي
انته اللى شادت قصوره
بالمحبه منزلك عالي
لك عشب الفواد وزهوره
مرتع اقطف ولا تبالي
فى محبتك النفس مجبورة
حاكم قلبي ولا تزالي
حب
احبكــ.ــ..ـ.... كثرماعاش الاعمى فى ظلامه
وتمنى الاخرس مين يسمع كلامه
اشتاقلكــ..ــ... كثر ما عاش اليتيم فاقدحنانه
وكثر السجين ما فقد ايامه
اعشقكــ..ــ.. كثرالبدر فى جماله
وكثر الطفل فى دلاله
احبكــ.ــ...كثر ما انااحبك
يا احلى قصيدي من غيرك بعد
يا حبي الحقيقي يا عز الطلب
فى مجرى وريدي وبالقلب انكتب
اسمك انت سيدي وانت اللى احب
ينتشي من يسمع ابيات الغرام
ما يجر الآه من قلبه خلي
عمري اللى غدى حبك وسام
حظي اللى قام يومك صرت لي
مهما تصد اعشقك واهواك واغليك
ما همني رفضك ولا ابغي ردودك
كيفك اذا بتحن فى حال هاويك
وكيفك اذا تبيني اعاني صدودك
تصد
تبعد
تبيع
شاريك شاريك
اصلا حياتي بس مجرد وجودك
جن جنوني يا مجنوني خذ قلبي خذعيوني
ولو يلوموني مايهموني
يا روحي يا مضموني
يا عالمي وكوني
غيرك شمسه شمس وشمسك شمس الشموس
ظل شمسهم شمس
وظل شمسك فيني
احبك .. ـــ ..حب لوالحب يحب
ما حب حب حبيبه لك حبيبي
المهم كيف حالك
ما يتوب القلب عنك لو يذوب
يا عجيب الحسن عشقي لك عجيب
لو نهو روحي عنك ما تتوب
انت غيرك ما بهالدنيا حبيب
كل عمري من شروقه للغروب
فدووة لك من شبابه للمشيب
كان حبك عيب مرحبا بالعيوب
ليت نفسي من عيوبك ما تطيب
شوق
يا صاحبي هاجسي دايم بك واعي
فيك انت نفسي تجادلني واجادلها
مرة تكون الرعيه والهوى راعي
ومرة اكون الرعيه وانت كافلها
افرح بطيفك يجيني وارفع شراعي
والنفس اللى بوعودك اللى كذب عللها
ما غبت عن عيني فى كل الاحيان
ياما ذكرتك والمخاليق لاهين
عليك قلبي دايم الدوم ولهان
منساك ما دمنا على الكون حيين
اذكر عهود الود يا راعي الاحسان
هذا وعد يا حبيبي والعهد دين
لك اوصاف عجزنا عن ذكرها
بلغ فيك الحسن قمه عطاها
تهنت مقلتي با احلى نظرها
عيونك متعه للى رآها
لك اشواق الفواد اللى ضمرها
فلا هو تبين لغيرك مداها
بدت دنيا الهوى باسمك ذكرها
حياة الشوق عند منتهاها
غيرة
وين ابتدي احساسي يمك غريب
عندي شعور بحيرتي وتغلبني مرة غيرتي
مرات ودي املكك
ومرات ودي اعشقك
ومرات ياخذني الوله ومن كل قلبي
افقدك
منك انا مدري وش الذي صار
بس ادري انك صرت تعنيني
أحن لك وأشتاق لك وأغار
وأموت لو لحظه تجافيني
وين أبتدي وكيف ابتدي محتاار
احساسي اللى لك ينادي
ما عاد اتمنى ولا اختار
دامني لقيتك انت تكفيني
عواذل
مثله كثير يعشق ويخون دنيا وبها مثلهكثير
قليل من هم يصدقون..ــ.. وياي حق؟؟ والا انتغير
يا ما حلف انه يصون ودايما نفسالمصير
وجهين له ماا يلتقون والعمله وحدةبالاخير
غياب
ياللى تعلمني على جدول الضرب
عطني نتيجه ضرب واحد بواحد
قلي وش اللى يجمع السلم والحرب
وش فايدتنهن لا غدن شي واحد
واعلمك
يا قبله الشرق والغرب وش تعنيالدنيا
اذا غاب واحد
شب الزمن جمرة يسمونها الصيف
والصيف ما هو باتفاع الحرارة
الصيف والله لا جفوك المواليف
وبقى لهم بالصدر قدر وصدارة
تسمع لهم فى وسط قلبك سوااليف
ما كنهم غابوا ولا به زيارة
مناشدة بالعودة
كم من حبيب عن حبيبه تخلى
هذا نسى حبه وهذا مفارق
والا انت حبك بالضماير تولا
واخذ على قلبي عهود ووثايق
واستبشر الخاطر بحبك وهلا
بشرى السجين يوم فك الغلايق
سوالفك ما سمعها ما يملا
ينسى العنا والهم لو كان ضايق
انا غريب الدار من بعد فرقاك
وانا سعيد الحظ لاصرت جنبي
يا صاحبي روحي وفكري تمناك
من وين ما اوجه اشوفك بدربي
يا ليتني دايم على طول وياك
ارتاح فى شوفك ويرتاح قلبي
رجوع مع تحمل العتب
ان قلت مرتاح والله انا كذاب
وان كان روحي سرها البعد كذابه
الشوق يدني ربع من طولوا غياب
والشوق يذبح لي تباطوه غيابه
اقولها والنفس تحفظ لك الترحاب
يسوقها فكر عطا كل ترحابه
اني بحبك سيد الحب ولا ترتاب
اسكنك حب هجر نفس مرتابه
عودة مع سرد مظلمه
بقلبي ما معك بالحب ثاني
أصل حبك بنى بالروح بيته
شهودي فى غلا عينك معاني
لحبك داعي اشواقي دعيته
ورسمك الشعر صورة فى كياني
ومشاني الوقت معك فيما بغيته
اقول ان القدر طاب وعطاني
وحييت آمالي اللي فيك ميته
تخيل حتى لو قلبي بديت احس بتقصيره
ادور لك بداله قلب يعطي والعمر فاني
لو انك تفهم احساس الغلا وشلونتأثيره
فهمت شلون ما اشوفك واجيب اسمك علىلساني
تصدق عاد انا والشوق والغيره
جلسنا كل واحد يشكي غيابك للثاني
لا تلومني لا جيت كلي من اقصاي
مافي غيرك لا تضايقت جيته
جيتك ولا غيرك ذكرته بمسراي
جيتك وكل انسان غيرك نسيته
جيتك وقلبي دقت تسبق خطاي
جيتك اقول مفارقك ما قويته
سلام يا تاج الوفا جاك مغليك
يطلب رضاك ويعتذر عن غيابه
همه فقط من دنيته بس يرضيك
وغيرك ترى لو مات مادق بابه
قلب ملكته بالوفا كيف يرميك
و انت الرجا لا زاد فيه اكتآبه
يا كثر شوقي وانا عنك بعيد
فى ديار ما بها ذوق بلاك
لا تذكرتك راحت افكاري تعيد
اتذكر ليام واوقاتي معاك
لو قست ليام والحظ العنيد
ما نسيتك يا بعد هذا وذاك
كيف انساك دام حبك بالوريد
كل نبضته نبذه بصوت دعاك
عتاب
ليه اذا حبيتك اكثر زدت قسوه
وان دريت بحاجتي لك زدت جفوه
وان عطيتك من حياتي ما تريده
ما كفاك وتحسب ان الحب نزوه
والله اني يا احب الناس احبك
والله ان الروح لو تفداك فدوه
والله اني تارك غيرك
وجيتك مزعل الزعلان والعذال عنوة
تصور ما رضت عين الوفا بعد الجفاتبكيك
تخاف الدمع يغسل صورتك وتغيب عنعيني
وليفي لو ترحل صورتك بعيش الحاضربماضيك
صدى الذكرى ولا واقع يفرق بينكوبيني
البارحه قلبي زادت مواويله
العين والعبرات تسرح
تناديله يا ناس مكتوبي منهو يوديله
يشكيله عن حالي
سهران كل ليله والناس لي نامت
فاضت بي جروحي
حتى القمر لين طال ضليت انا بروحي
لين قلت انا بنساك
تفضحني دموعي
ويزيد في قلبي الشوق واتزيد همومي
احب الليل احب السهر واشوف الضيم
احب اكتب احب ارسم احب اطرب واقولالويل
احب اصرخ حبيبي وين ؟؟
احب اكتب واساري الزين
احب ابكي احب اضحك احب الحب
لكن انته وين ؟؟؟؟
دمع القمر يشكي لك ايام الهجر
جف البحر ما عاد مثل اول بحر
ذاب العمر وانته بعيد ما دريت
يا واهب سنين المحبه تحتضر
بيدك حياة او موت شوقي يا غلا
بيدك فرح وسرور وهموم وكدر
خل الاسى خله بعيد ينسى
غيمه مطر صحرى حياتي تنتظر
مصالحه
لو بغيت اصد عنك ما قويت
وان بغيت افارقك قلبي خفق
من يقول اني على هجرك نويت
قله انه قلبي بحبك محترق
وقله اني فى محبتك اعتليت
رافع الهامه على حد الشفق
وقله اني فى بحر حبك رسيت
فوق مجداف الهوى قلبي غرق
والله بدونك كل حياتي ولا شي
وش عاد بعت الناس يكفي شريتك
دامك تساوي بالغلا ذي مع ذي
لبيه آمر سم ابشر عطيتك اللي تبيه
وان جيت ابى حاجتن لي
مابى سوى كلمه احبك فديتك
بعد هذا اليوم ما نبغي صدود ولاتخالف
خلنا نهني سنين الحب يا حلو السجيه
يا حبيبي ما يكلفنا على البعادكالف
والدروب اللى سلكناها اناوانته سويه
يتبع
